ruuya 22:6 - Ṯikiṯaḏiza Ṯiaŋ 1967

⁶ nuŋw eca nyuŋwu ŋwu: ŋifaŋal ŋu ŋeni ŋirlalu rerec, na Kweleny, kwir Allah weḏi rigɽim reḏi liɽi, kwumɔ uza maleyka kwuŋwun eḏi baŋaci yaḏaama yuŋwun ŋiɽaŋali ŋa ŋinḏi eḏerrini fitak.

ruuya 22:6 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 1:70

kaka kikitaḏaŋw zi gwu, runyu ri reḏi liɽi lirlinelu ter leḏi kwuzatuk,

ŋiɽaŋal ŋizaw ŋuludizi luuga 16:16

na kuruu orɔ kinanni, ŋiɽaŋal ŋi ŋeḏi liɽi, mindaŋ ma gwu yuhanna kweni baptizt ilaḏa la. kirem ta, eṯir ireci ŋiɽaŋali ŋizaw ŋeḏi ŋeleny ŋeḏi Allah, ner naŋni lere nyiḏak eḏi firgaḏi eḏenḏi.

ruumiya 1:2

na Allah kitaḏa ŋiɽaŋal ŋi ŋu kwizatuk liɽi li luŋwun, ner zi lɔ ŋeni ŋirlinelu ter.

kurinṯuuz al awal 14:32

kla leṯandazi ŋuma ŋi ŋeḏi Ṯigɽim eṯir orɔ leleny leḏi rigɽim reŋen.

kurinṯuuz al awal 7:29

ŋeni ŋinyi, lieŋgeri, nyamin nyinḏi eḏernine; ŋwu ṯa, ma kwere eḏi kwayu, eḏuŋw orɔ kaka ŋgwa kwiti kweḏi kwayu mac,

ṯazaluniiki aṯ ṯaani 1:7

na eḏi kətini ŋaŋwuzi wəŋ nyiŋa li, leṯinḏa ṯurfa, ki lomur linḏi li Kweleny kweni Yecu eḏi ruwene lu kilerena limaleyka li luŋwun, leni leḏi ŋuma ŋiṯemḏizi la, igə yi wufudu burbur.

libraani 12:9

na kwokwony, ner eḏi papaŋwuzi leri lir lizigwunaŋ leṯinyji rati, leṯir zi iɽi-na rac. ṯaŋwu ŋiti nofḏana manya eḏemni ṯirətina ṯeḏi Papa kweḏi rigɽim reri, mindaŋ eḏeḏi ŋimiiḏa?

buṯruz aṯ ṯaani 1:21

kaka ma gwu ŋiɽya ŋirlalu ere ila kerreny tuk rugwor ri reḏi lizigwunaŋ oɽeny mac, lakin nezi lor lirlinelu ter andazi kaka ilŋiiḏinezi gwu Ṯigɽim ṯirlinelu ter nani gwu Allah.

buṯruz aṯ ṯaani 3:2

eti ṯiŋayini ŋiɽaŋali ŋandizazi liɽi lirlinelu ter leḏi kerrenyŋw, na amra weḏi Kweleny kwir Kwigileḏa wumɔŋazi yafur yuŋwun andaci.

ruuya 1:1

ŋiɽaŋal ŋu ŋimezi Yecu Kwruztu ruweze lu, ŋinḏeḏa zi Allah eḏizilŋiiḏini yaḏaama yuŋwun ŋa ŋinḏi eḏerrini kwaḏan kwɔkwɔ. nuŋw zi tuweci yuhannaŋw lu maleyka gi kwuŋwun,

ruuya 18:20

ŋa, kwir kilerena, nyiŋlar-na ŋiɽaŋal ŋi ŋuŋun, na ŋaŋa, lirlinelu ter, na yafur, na liɽi, kaka ma gwu Allah inḏeḏa ŋunduŋwu hukma ki ŋiɽaŋal ŋalu.

ruuya 19:9

na maleyka eca nyuŋwu ŋwu: luḏi zi, ŋeni ŋwu: kla lornuṯir zi eḏele kazuuma-na weḏi ṯaga ṯeḏi Tirany, leni lortani, nuŋw eca nyuŋwu ŋwu: ŋiɽaŋal ŋu ŋeḏi Allah ŋiri, ŋir rerem.

ruuya 21:5

na ŋgwa kwunanalu kwurzi la kweḏi ŋeleny aruŋw: izaṯi, nyi ŋgwu kwudaɽmaḏi kwɔmne tatap eḏorɔ kwiaŋ. nuŋw eca nyuŋwu ŋwu: luḏi zi, kaka ur gwu ŋiɽaŋal ŋu ŋirlalu rerec.

ruuya 21:9

mindaŋ ŋuŋw ila kwete kweḏi limaleyka, kla lir dufɔkwɽeny limapi nyiṯraŋi dufɔkwɽeny, nyurena jiiza gi dufɔkwɽeny kweḏi kwaḏanŋw, nenyi gi andazi, nuŋw aruŋw: ilamba, e ŋa baŋaci kiŋaɽua, kir kwaw kweḏi Tirany.

ruuya 22:1

mindaŋ na maleyka baŋaci nyuŋwu kufurṯa keḏi ŋaw-na ŋeṯizinḏeḏa ŋimiiḏa, ŋuzuɽu-na cucuɽic, kuruḏu nani gwu kwurzi kweḏi Allah-ŋa Tirany ri

ruuya 22:16

nyi kwiri kweni Yecu, kwuza maleyka kwinyi nani ŋa gwu, ṯunḏiza ṯi ki kḏu eḏi baŋaci yaniiza, nyi kwiri ṯufu ṯuruḏi eḏi dauḏ-ŋa, nenyorɔ tor tuŋwun tɔk, nenyeni ṯorum ṯeḏi ezir yi ṯeṯiṯiŋaḏa fori lu.

ruuya 22:7

na, izaṯi, nyi ŋgwu kwinḏi fitak. ŋgwa kweṯaŋraci ŋifyaŋi ŋeḏi kiṯam ŋgwu kweni kwortani.

ruuya 4:1

ma ŋiɽaŋal ŋu ere, nenyi baŋala nenyeze ogwur wukiṯina kilerena, na ṯɔgwɽɔ kḏa ṯimenyi neŋne kerreny ṯir kaka bruz, nuŋw andaci nyuŋwu, nuŋw aru ŋwu: dalliḏe kunuŋ, ŋa baŋaci kwɔmne kwinḏi eḏerrini kwaḏan gi.