ruuya 22:4 - Ṯikiṯaḏiza Ṯiaŋ 1967

⁴ er eze ŋunduŋwu kiyeyna, a yiriny yuŋwun nanni ki yuḏul la yeŋen.

ruuya 22:4 ပူးပေါင်းရင်းမြစ်များ

yuhanna 12:26

muŋw əkizi nyuŋwu kwere ŋɔḏɽor, eḏuŋw kwaḏiḏa nyuŋwu; na wenyi gwu nani, a gwu ṯa kaḏaam kinyi nani tɔk. muŋw əkizi nyuŋwu kwere ŋɔḏɽor, a Papa nii-na.

yuhanna 17:24

Papa, nyi kwunaŋna lor klu, linḏeḏanyji haḏiya, enyi li nanni kezir wenyi gwu nanni, mindaŋ er ma ecice ŋiniṯi ŋinyi ŋimenyjinḏeḏa, kaka amɽenyi gwu kerreny tuk, iti kitaŋa gwu ṯurmuna kinna mac.

kurinṯuuz al awal 13:12

kaka kirem ta, eṯir ere ami izani-na ŋwu mac, kalmanḏar-na wir miliny; lakin kwaḏan ta, er iziḏi kiyeyna tɔktɔk. na kirem ta, eṯinyjelŋe ŋɔkwɔ; lakin kwaḏan ta, enyjelŋe tatap minmin, kaka mezi gwu Allah elŋece ŋinyi minmin.

libraani 12:14

ṯecer eḏami nanuŋw lizi li tatap leḏi ŋumaṯ, na eḏi dirnaṯi ki ṯofḏana-na tirlinelu ter. kwiti kwere mac kweḏi ŋuma eḏeze Allah muŋw ere dirnaṯi mac ki ṯofḏana-na tirlinelu ter.

ruuya 14:1

na menyi dimi yey ta, nenyeze Tiranyu tirli kayin la weni ziyuun, lizi li litezir lir miya-wa-arba-wa-arabayiin alif, lir 144,000, leḏi yiriny yuŋwun na yiriny yeḏi Ṯernyin yuluḏina ki yuḏul la yeŋen.

ruuya 3:12

ŋgwa kweṯillazi ki, kwunderṯa kwenyi ruzi ṯiɽḏin ki heykal-na weḏi Allah winyi; ŋwere ruweḏe lu kwokwony ḏuṯ, enyi lɔ ŋunduŋwu yiriny nana yeḏi Allah winyi, na yiriny yeḏi meḏiina kweḏi Allah winyi, kwir urzaliim kwiaŋ, kwinḏi eḏoɽa kilerena nani gwu Allah winyi, na yiriny yinyi yiaŋ tɔk.

ruuya 7:3

kwaruŋw: eṯi kiraza ureyuŋwuzi lu ṯujul ṯi mac, na yaɽi tɔk mac, mindaŋ mer loce yaḏaama yeḏi Allah weri ŋwuli ki yuḏul la.