ruuya 20:4 - Ṯikiṯaḏiza Ṯiaŋ 1967

⁴ nenyeze lurzi leḏi ŋeleny, ner gwu nani la kla limerzi inḏeḏa zulṯa eḏi hakwumi, nenyeze tɔk rɔgwɽɔ reḏi kla limerzi eɽenye kalany gi kaka unḏizer gwu Yecuŋw ki, miḏir gwu ŋiɽaŋali ŋeḏi Allah tɔk, linderṯa kla liti limɔkwoce kwɔmne lu mac ŋgwa kweḏi ŋerya, ya zura kwuŋwun tɔk mac, liti limemni ŋwuli ŋwuŋwun mac ki yuḏul la yeŋen, ya ki rii-na reŋen tɔk mac. ner miiḏi kwokwony ner miḏa ŋelenyi Kwruztu ŋali yiḏleyu wahiḏ alif.

ruuya 20:4 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 1:17

ŋwiŋnaci kereny Ṯigɽim ṯi, ŋuma ŋi ŋeṯinanni nani gwu iliiya, eḏorlica rernyinŋwuzi rugwori lu eḏorlaḏa nyiɽŋeyin nana; ŋwu zi rutici ŋudurlaḏu ŋeŋen kiṯay, mindaŋ er eni limeḏi yeyna, kaka kla leni lofḏana; ṯaŋwu, ŋwudaɽmaḏa lizi eḏi li əkizi Kwelenyi kizen.

ŋiɽaŋal ŋizaw ŋuludizi luuga 14:14

ṯaŋwu, a kwortani, kaka iti eḏir gwu kla ŋuma eḏəɽici ŋaŋwu kwɔmne kwere mac; lakin, er ŋa ma əɽici ki ṯidiɽa-na ṯeḏi lofḏana.

ŋiɽaŋal ŋizaw ŋuludizi luuga 22:30

mindaŋ a kwer oɽmaṯi duŋw eḏeḏne tɔk, eḏ ii tɔk ki ṯarbeza la tinyi ki ŋeleny-na ŋinyi; eḏi nani ki lurzi la lir wri-kwuɽen, eḏi zi ketize leḏi izrayiil, lir gabiila wri-kwuɽen, zeyria.

yuhanna 14:19

kwɔkwɔk, enyi ṯurmun ere eze kwokwony mac, lakin ŋaŋa, a lenyi eze; kaka miiḏinyi gwu, a miiḏi ŋaŋa tɔk.

ruumiya 11:15

na ma ṯurmun amiḏina Allah yi ŋiɽaŋal ŋi ŋeḏi ṯiṯiŋaḏalu ṯeḏi yahuuḏ er ere orɔ ŋimiiḏa ki ŋiɽany-na manya, muŋw zi enji kiloɽu-na?

ruumiya 8:17

na mer orɔ nyor nyuŋwun, er afi ŋoru ŋeṯi zi nyor afi nani gwu ṯernyin, ŋir keni ŋeḏi Allah, er ŋi oɽmaṯi Kwruztu ŋali ŋundu, mer oɽmaṯi ki ṯirara-na ṯuŋwun mindaŋ mer afi ŋiniṯi nanuŋw gwu tɔk.

timuṯaawuzŋw aṯ ṯaani 2:12

na mer kwoɽmaṯazi rugwori kwɔrɔ-kwɔrɔp ta, er li oɽmaṯi ki ŋeleny-na ŋuŋun. mer nyindini ŋunduŋwu, kwenyji nyindini ŋundu tɔk.

ruuya 1:2

na yuhanna orɔ zuhuuḏ kweḏi kwɔmne tatap kwafa ŋwi nani gwu Allah, na ṯunḏiza ki ṯeḏi Yecu Kwruztu.

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 11:11

mindaŋ ma ŋwamin ṯɔɽɔl na nuzz ere, nezi wəŋ weḏi ŋimiiḏa winḏi nani gwu Allah enḏi-na, ner diɽeḏa la ŋwara ŋi ŋweŋen, mindaŋ na ŋiḏeny iidi ŋwupa nani gwu kla licazi.

ruuya 11:15

mindaŋ na maleyka kwir nimra dufɔkwɽeny əri bruza kwuŋwun, na rɔgwɽɔ rupa andazi kilerena, raruŋw: ŋeleny ŋeḏi ṯurmun ŋimorɔ ŋeleny ŋeḏi Kweleny kweri, na ŋeḏi Kwruztu kwuŋwun, ŋwu miḏa ŋelenyi dɔk dɔk.

ruuya 11:3

enyinḏeḏa lizuhuuḏa linyi lir nden ŋuma eḏi zi ŋi andaci ŋinḏeḏa zi ŋwamin ŋwuru, ŋwir wahiḏ alif wa miyaṯen-wa-ziṯṯiin, ŋwir 1,260, likinna yireṯi yuŋwuna yeḏi yala.

ruuya 11:7

mindaŋ mer ṯimazi ṯunḏiza ki ṯeŋen ta, a kwɔmne kwumiiḏu kweḏi ŋerya, kwinḏi eḏi ruḏa kezir-na woɽu lac kuṯelu, eḏi li ṯugwuḏi, ŋwezi illazi ki, ŋwezi eɽenye,

ruuya 12:11

na ŋunduŋa ta, ner illazi ŋunduŋwu ki, ŋiɽaŋal ŋi ŋeḏi ŋin ŋeḏi Tirany, na ŋiɽaŋal ŋi ŋeḏi ṯunḏiza ṯeŋen ki, kaka iti mer gwu amɽi ŋimiiḏa ŋeŋen mac, mer kinna inḏa ŋiɽany.

ruuya 14:11

na eṯi kwulu kweḏi ṯurfa ṯeŋen ruɽi dɔk dɔk; eṯir ere keṯini wəŋ mac, yaŋwunu yuluŋa, klu leṯi kwoce kwɔmne lu ŋgwa kwumiiḏu kweḏi ŋerya, zura gi kwuŋwun, na kla leṯemni ŋwuli ŋweḏi yiriny yuŋwun.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 17:8

kwɔmne ŋgwa kwumiiḏu kwizaŋa, kwunani kerreny nuŋw ere nani kirem mac, na kwinḏi eḏalliḏa kezir woɽu lac kuṯelu eḏele kezir weḏi ṯikiraḏa lu; na lizi leḏi ṯurmun, kla liti leḏi yiriny yeŋen kiṯam-na mac, ŋga keḏi yiriny-na yeḏi kla tatap leḏi ŋimiiḏa, yuluḏina ki lomur likitina li ṯurmun, er liŋɽi eḏeze kwɔmne ŋgwu kwumiiḏu kweḏi ŋerya, kaka muŋw gwu nani kerreny, nuŋw ere nani kirem mac, na kwinḏi eḏila.

ruuya 2:26

ŋgwa kweṯillazi kii na kweṯaminaci ŋɔḏɽor ŋinyi mindaŋ ma ŋwamin irmiḏiḏi, kwunderṯa kwenyinḏeḏa zulṯa kweḏi ŋeleny ŋir-na ter ter,

ruuya 20:6

ŋgwa kwinḏi eḏi li oɽmaṯi ki ṯiḏiɽa-na ṯiŋna kweni kwortani, kwirlinelu ter! na deŋgen-na ta, a ŋiɽany ŋir nimra kwuɽen ere eḏi zulṯa mac, lakin er orɔ yiziiz yeḏi Allah na yeḏi Kwruztu, er miḏa ŋelenyi ŋundu ŋali yiḏleyu wahiḏ alif.

ruuya 22:5

a kilikelu ere nani kwokwony mac, er ere naŋni ŋwɔmba ya fori kweḏi aŋwun mac, kaka inḏi gwu Kweleny kweni Allah eḏi zi ṯiŋaci fori lu, mindaŋ mer miḏeḏa ŋelenyi dɔk dɔk.

ruuya 3:21

ŋgwa kweṯillazi ki, kwunderṯa kwenyi emni eḏi nanalu nyi gi kwurzi la kweḏi ŋeleny, kaka illazanyi gwu ki tɔk, nenyi nanalu Papa gi kwurzi la kwuŋwun kweḏi ŋeleny.

ruuya 4:4

na lurzi leḏi ŋeleny nani ṯuɽi-kwaɽŋan, lirikaḏi kwurzi lu kwunani keligeny-na, na gwu lijowiṯ lir ṯuɽi-kwaɽŋan nani la, likinna yireṯi yifiiḏu pərpər, na ŋwoɽa la ŋweŋen ner kenne nyaŋgiŋi nyir ḏahab.

ruuya 6:9

muŋw kii ŋwuli ŋweḏi kaṯim kir nimra ṯuḏni, nenyeze rɔgwɽɔ ŋweḏgwuna kuṯu, reḏi kla limerzi iɽinyaḏa ki ŋiɽaŋal ŋeḏi Allah, unḏizerzi gwu ki ŋeni ŋuŋun tɔk.

ruuya 7:3

kwaruŋw: eṯi kiraza ureyuŋwuzi lu ṯujul ṯi mac, na yaɽi tɔk mac, mindaŋ mer loce yaḏaama yeḏi Allah weri ŋwuli ki yuḏul la.