ruuya 20:2 - Ṯikiṯaḏiza Ṯiaŋ 1967

² nuŋw miḏa kumowa ŋga kuɽun kwɽup, kir ibliiz na zeyṯaan tɔk, nuŋw kəki yiḏleyu wahiḏ alif,

ruuya 20:2 ပူးပေါင်းရင်းမြစ်များ

yuhanna 12:31

er zi ketize leḏi ṯurmun kḏu hakwuma kirem; er allalu kwelenyi kweḏi ṯurmun kḏu kirem tɔk.

yuhanna 16:11

ŋeḏi hukm, kaka mer gwu eca kwelenyi kweḏi ṯurmun kḏu hakwuma.

ruumiya 16:20

mezerri ta ŋwu ta, a ma Allah rutaḏa zeyṯaanŋw lu kwrɔp ŋwara ŋi ŋwalu. eḏi ṯimeca ṯeḏi ŋimɽi ŋeḏi Kweleny kweri kweni Yecu Kwruztu nani daŋgal-na.

libraani 2:14

ŋwu ṯaŋwu, kaka eḏi gwu nyor aŋna-ŋa ŋin ŋi, ṯaŋwu nuŋw zi aɽani tɔk, mindaŋ eḏi ma ofe teṯ, ŋiɽany ŋi ŋuŋun, ŋgwa kweḏi ŋelenyi ŋir ŋiɽany, kwunderṯa kweni ibliiz;

buṯruz al awal 5:8

eṯaŋrani ki rɔgwɽɔ; a nanalu yey yelu. ṯuwən ṯalu teni ibliiz ṯeṯi ireri la jilaŋ jilaŋ kaka zundaŋ kwetari, naŋnaŋw gwu kwizi lu kwere eḏi ŋiraŋ-na ŋurut ŋuruṯ.

buṯruz aṯ ṯaani 2:4

na ŋimɽi ere yaḏa Allah ki limaleyka mac, akir gwu ŋiɽaŋali pir, lakin nuŋw zi kaṯa ki jahannam-na kiriim-na ndɔm ndɔm, eḏi gwu nanni mindaŋ ma lamin ila leḏi zeyria.

yahuuza 1:6

na kwokwony, limaleyka lɔkwɔ limɔ derne eḏi nani kezir wukita zi gwu Allah, ner zi kaṯa likəkina ŋwoɽuŋ ŋi ŋweṯinanniḏa dɔk kiriim-na ndɔm ndɔm kuṯelu, eḏi gwu nani mindaŋ ma lamin lupa ila leḏi hukm.

ruuya 12:13

na ma kumow ŋga kupak eze rɔgwɽɔ ruŋwun kimɔkeṯina kureyu lu, nuŋw eḏici kwayu kwumelŋe toru tir tɔŋwor ŋerya, nuŋw kwakiḏaḏa lu.

ruuya 12:15

na kumow kupak ruwa ŋaw kworɔ-na kwuŋwun ŋir kaka kufurṯa, eḏi ferṯe kwayu kiṯay kiiru gi.

ruuya 12:17

mindaŋ na kumow kupak eḏizi kwayu ŋarriny, nuŋw ele eḏi ṯugwuḏi nyoru nyi nyeḏi kwaw kinya nyiḏaḏi-na, nyeṯi miḏa amra weḏi Allah, na nyeṯunḏizi Yecuŋw ki.

ruuya 12:3

na ŋiɽaŋal ŋir ter ruwene lu kilerena; izaṯi kumowa kete kori kupak, keḏi ŋwoɽa dufɔkwɽeny na ril wri: nuŋw eḏi nyaŋgiŋi dufɔkwɽeny ki ŋwoɽa la ŋwuŋwun.

ruuya 12:4

na rorum reḏi lere yiḏriḏa tɔɽɔl, na ṯia ṯuŋwun mulɔtɔ kete nuŋw zi kaṯa kureyu lu. na kumow kupak rillaci kwayu lu ŋgwa kwadiḏi eḏelŋe toru, mindaŋ eŋguŋw elŋe, eŋgi kumow ŋga yaḏa toru kra teŋguŋw elŋe;

ruuya 12:9

ner kaṯa kumowa ŋga kupak kureyu lu, kinderṯa kir kumow kuɽun keni ibliiz na zeyṯaan tɔk, keṯi zi kekɽinjelu leḏi ṯurmun ndendeṯ—ner kaṯa ŋunduŋwu kureyu lu, limaleyka li luŋwun.

ruuya 13:2

na kwɔmne ŋgwa kwizanyi kwaɽina kiɽyara, na ŋwara ŋwuŋwun orɔ kaka ŋweḏi kumuṯ, na kworɔ kwuŋwun orɔ kaka kweḏi zundaŋ. na kumow ŋga kupak inḏeḏa ŋunduŋwu ŋuma ŋuŋun, na kwurzi kwuŋwun kweḏi ŋeleny, na zulṯa kwupak tɔk.

ruuya 13:4

na eṯi lizigwunaŋ kwoce kumowa lu kupak kaka muŋw gwu inḏeḏa kwɔmne ŋgwa kwumiiḏu kweḏi ŋerya zulṯa, ner kwoce kwɔmne lu ŋgwa tɔk, laruŋw: eya kwiri kwir kaka kwɔmne ŋgwa kwumiiḏu kweḏi ŋerya? eya kwiri kweḏi ŋuma eḏi gi ṯugwuḏi?

ruuya 20:10

ner kaṯa ibliiza, wa weṯi zi ṯuzi, ki ṯujul-na tir igə na kibriṯ, kezir weṯi gwu ŋgwa kwir kwɔmne kwumiiḏu kweḏi ŋerya nanni-na, na kwiɽi kwir kwəluŋ tɔk, er gwu rərini kaŋwun kaŋwun kulu kulu ŋwamin dɔk dɔk.

ruuya 20:7

mindaŋ ma yiḏla ere wahiḏ alif, er kediḏa zeyṯaana ki zijin-na kwuŋwun,

ruuya 9:11

ner eḏi kwelenyi kwir maleyka kweḏi ezir woɽu lac kuṯelu, na lizi leḏi yahuuḏ ner enjici yiriny yeni abaḏun, na lizi lir yunaan, ner eca abullun.