ruuya 2:9 - Ṯikiṯaḏiza Ṯiaŋ 1967

⁹ nyi kwilŋiiḏi ṯurfa ṯɔŋwa na ŋuway ŋɔŋa tɔk (lakin na orɔ kwurṯu rac), nenyelŋe yufuluŋi yeḏi kla leṯaruŋw: nyiŋa liri yahuuḏ, ner ere orɔ yahuuḏ mac, lakin ner orɔ majma kweḏi zeyṯaan.

ruuya 2:9 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 12:21

ṯaŋwu, kwere kweṯi əgineḏa rɔgwp ruŋwun kwɔmne nana, muŋw ere əgineḏa Allah nana mac, eṯuŋw ṯa orɔ kaka ŋgwu.

ŋiɽaŋal ŋizaw ŋuludizi luuga 22:65

ner andaci ŋiɽaŋali ŋuru, uluḏir gwu, ner ermiḏeḏa nana tɔk.

ŋiɽaŋal ŋizaw ŋuludizi luuga 4:18

Ṯigɽim ṯeḏi Kweleny tinani duŋgwinyi, kaka oɽaḏaŋw gwu nyuŋwu-na eḏ ireci luwaya ŋiɽaŋali ŋizaw; nuŋw uza nyuŋwu eḏi zi ireci linanni ki ŋuway-na, eḏi zi eca ŋwu: a lellini; eḏeca lunduŋa ŋwu: a lafri yey-na; eḏi zi kedu kla leṯir zi owɽi yey;

ŋiɽaŋal ŋizaw ŋuludizi luuga 6:20

nuŋw baŋa limeḏgen la, nuŋw zi eca ŋwu: ŋaŋa lir luway, a leni lortani, kaka eḏi ŋa gwu ŋelenyi ŋeḏi Allah.

yuhanna 16:33

ŋimɔŋazi andaci ŋu ŋaŋa tatap, mindaŋ a ŋi ma eḏi ŋiɽena duŋgwinyi-na. a leḏi ṯurfa ki ṯurmun-na rac; lakin, ruḏir lugwul keni kaka menyi gwu illazi ṯurmuna ki.

ruumiya 12:12

eti nyeŋlena ki ṯəkiza-na talu kizen; eṯindinyani ṯurfa nana ṯir nyɔrɔ nyɔrɔ; eṯari ki yiriny dɔk dɔk.

ruumiya 2:17

lakin ma eni ki rɔgwɽɔ rɔŋwa yahuuḏ kwallaḏi kuruu ṯugwori nana, na kweṯellini Allah yi,

ruumiya 5:3

na eṯir ere əkizi ṯinyiŋlana kizen ṯuɽuk mac, ṯinḏi eḏila kwaḏan; a kweḏir ŋuma kirem eḏureni ṯinyiŋlana ki ṯurfa-na ṯeri, ilŋiicar gwu eḏaruŋw, ṯurfa ṯeḏi ŋuma eḏi kikindezi ṯukwurmɔṯana,

ruumiya 8:35

eya kwiri kwenyji feḏe lu ki ṯamɽa-na ṯeḏi Kwruztu? ṯurfa ṯiri, a? ya ṯuronyina? ya ṯowɽa yey? ya yaŋwu yu tɔtɔr? ya eḏi nani lufduṯu? ya kezir wir ŋiɽany? ya kalala?

ruumiya 9:6

na ŋiɽaŋal ŋeḏi Allah ere amɽaṯi kworɔ mac. kaka kla leni leḏi izrayiil ner ere orɔ tatap leḏi izrayiil rerem mac,

kurinṯuuz aṯ ṯaani 6:10

kaka kla leri jiɽmini, lakin eṯi nyi nyeŋlena ŋwamin tatap; kaka kla lir luway, lakin eṯinyji keni ruzi luru lurṯu; kaka kla liira kwɔmne-na kwere, nenyi ma keni eḏi kwɔmne tatap rerec.

kurinṯuuz aṯ ṯaani 8:2

kaka ureni gwu dedep ṯinyiŋlana ṯeŋen ki ṯiṯeca-na ṯifirli beṯen ṯeḏi ṯurfa, na ŋuway ŋeŋen ŋu tɔtɔr tɔk, ner zi ŋi inḏeḏa lu weṯ ṯimeca ṯi ṯeŋen.

kurinṯuuz aṯ ṯaani 8:9

kaka ilŋiiḏiŋa gwu ṯimeca ṯeḏi ŋimɽi ŋeḏi Kweleny kweri kweni Yecu Kwruztu eḏaruŋw, urŋw gwu kwurṯu nuŋw orɔ keni kwuway ŋiɽaŋal ŋi ŋeni ŋalu, mindaŋ ŋuway ŋi ŋuŋun a ma orɔ lurṯu.

ṯazaluniiki al awal 3:4

kinaŋw nani nyi gwu ŋaŋa li, ner ŋazi andaci kerreny, ner ŋazi eca ŋwu: a kwer kaṯazi ṯurfa; na ŋimerrini ṯaŋwu tɔk kaka ilŋiicaŋazi gwu.

timuṯaawuzŋw al awal 1:13

ur nyi gwu keni kwete kweṯerri ŋunduŋwu luŋw, kweṯowɽi ŋunduŋwu yey, lakin nuŋw ruweci nyuŋwu ŋimɽya lu ŋuŋun, kaka ṯimḏinyi gwu, iti ilŋiicanyji gwu ŋere kinna mac ŋeḏi ṯəmna.

timuṯaawuzŋw al awal 6:18

er zi erri ŋizaw, mindaŋ er zi ruzi ŋa ŋizaw ŋetir zi erri ŋurṯu ŋeŋen; ŋeni ŋofḏana deŋgen eḏi itiḏi kwɔmne la beyin,

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 2:13

nyi kwilŋiiḏi ezir wunani ŋa gwu, kezir wunani gwu kwurzi kweḏi ŋeleny ŋeḏi zeyṯaan, na ta miḏeḏa yiriny yinyi teter, na ere nyindini ṯəmna ṯɔŋwa mac ṯeni nyi, ki ŋwamin la kinna ŋwumer ŋi eɽenye arṯibazŋw daŋgal-na, kezir weṯi gwu zeyṯaan nani. arṯibaz kwiri zuhuuḏ kwinyi, kweṯi miḏa ṯəmna ṯeni nyi.

ruuya 2:2

nyi kwilŋiiḏi ŋɔḏɽor ŋɔŋa ŋifirli, na ṯurfa ṯɔŋwa, na ṯukwurmɔṯana ṯɔŋwa, ṯindinyana ṯi nana, na ere eḏi ŋuma eḏizemni mac kla liki, nezi ṯeci kla laruŋw liri yafur, ner ere orɔ yafur mac, nezi kaṯazi liri ləluŋ.

ruuya 2:24

lakin nyi kweca ŋazi ŋwu, ŋaŋa liḏaḏu linani ṯiyaṯra, kla tatap liti leṯi miḏa ṯaliima kḏu mac, na liti lilŋiiḏi mac ŋiɽaŋali ŋeṯir ŋi aruŋw, ŋinani ki ṯugwor-na lac ṯeḏi zeyṯaan: nyi kwiti kwɔ ŋa allaci ṯofi ṯere mac ṯir ter;

ruuya 3:9

izaṯi, nyi kwiili lizi kla leḏi majma kweḏi zeyṯaan, kla letaruŋw: nyiŋa liri yahuuḏ, lakin ner ere orɔ yahuuḏ mac, likəki ŋeluŋi—izaṯi, lenyji iili er ŋa iidecelu ŋwuɽele-na, mindaŋ mer elŋe eḏaruŋw nyi kwumɔŋazi amɽi.

ruuya 7:14

nenyeca ŋwu: zaidi, ŋa kwilŋiiḏi. nuŋw eca nyuŋwu ŋwu: linderṯa kla limɔruḏa ki ṯurfa-na kḏa ṯir nyɔrɔ nyɔrɔ; limɔ yii yireṯi yeŋen, yimerzi fiiḏi pər pər ki ŋin-na ŋeḏi Tirany.