ruuya 2:7 - Ṯikiṯaḏiza Ṯiaŋ 1967

⁷ ŋgwa kweḏi kəni, eḏuŋw zi gi neŋne ŋa ŋandicazi Ṯigɽim tirlinelu ter yaniiza, ŋgwa kweṯillazi ki, kwunderṯa kwenyinḏeda zulṯa eḏi ye kwaɽi kweṯizinḏeḏa ŋimiiḏa, kweṯinani ki jineyna-na keligeny-na kweḏi Allah.

ruuya 2:7 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 23:43

nuŋw eca ŋwu: nyi kwecaŋa ma ŋwa rerem, a kwindi nani aŋwunu kezir-na wizaw nden tɔk.

ŋiɽaŋal ŋizaw ŋuludizi luuga 8:8

ŋwuḏaḏu ta, ner iidi kureyu-na wicaw, ner alliḏa, ner əgini ŋwola nyamin-na ruɽi-ṯuḏni. muŋw zi rataci ŋiɽaŋali, nuŋw ofna nuŋw zi eca ŋwu: kweḏi yəni eḏi yi neŋne, eḏuŋw neŋne.

yuhanna 16:33

ŋimɔŋazi andaci ŋu ŋaŋa tatap, mindaŋ a ŋi ma eḏi ŋiɽena duŋgwinyi-na. a leḏi ṯurfa ki ṯurmun-na rac; lakin, ruḏir lugwul keni kaka menyi gwu illazi ṯurmuna ki.

kurinṯuuz al awal 2:10

nenyji Allah ruwenicelu Ṯigɽim ṯi ṯirlinelu ter. kaka eṯi gwu Ṯigɽim ecice kwɔmne tatap, ŋgwa keni kwulucina lac ki ṯugwor-na ṯeḏi Allah.

kurinṯuuz aṯ ṯaani 12:4

nuŋw neŋne ŋiɽaŋali ŋiti ŋeŋgir zi andazi mac, ŋiti ŋeŋgi zi kwizi bonye eḏi ŋi ofi kworɔ tɔk mac.

yuhanna al awal 2:13

ŋulucaŋazi, lir papaŋa, kaka ilŋiicaŋa gwu kirem ŋgwa kweṯinanni kwɔnkwɔn. ŋulucaŋazi, lir kamal, kaka ma gwu illazi ibliiza ki. ŋimɔŋazi luca, lir kwelle, kaka ilŋiicaŋa gwu Papaŋw.

ruuya 13:9

kwere kweḏi kəni, eḏuŋw gi neŋne ŋwu:

ruuya 14:13

nenyi neŋne ṯɔgwɽɔ ṯiruḏi kilerena, ṯaruŋw: luḏi zi ŋwu, kla linḏi eḏay eḏi Kweleny-na leni lortani tuc. na Ṯigɽim ṯirlinelu ter aruŋw: emba, leni lortani rerem, kaka eḏir gwu ŋuma eḏala ŋɔḏɽor ŋeŋen rii eḏi keṯini wəŋ, kaka eṯi zi gwu ŋa ŋimerzerri kwakiḏaḏa lu.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 2:11

ŋgwa kweḏi kəni, eḏuŋw zi gi neŋne ŋa ŋandicazi Ṯigɽim tirlinelu ter yaniiza, ŋgwa kweṯillazi ki kwunderṯa kwiti kwurerini mac ki ŋiɽany-na ŋir nimra kwuɽen.

ruuya 2:17

ŋgwa kweḏi kəni, eḏuŋw zi gi neŋne ŋa ŋandicazi Ṯigɽim tirlinelu ter yaniiza, ŋgwa kweṯillazi ki, kwunderṯa kwenyinḏeḏa ŋuma eḏi ye eḏneya weni manna wulucina, kwenyinḏeḏa tɔk kali kete kifiiḏu, kuluḏine yiriny nana yiaŋ, yiti yilŋiiḏi zi kwere mac, illi ŋgwa kwafazi.

ruuya 21:7

kwere kwillazi ki, kwunderṯa kwenyinḏeḏa ŋoru ŋu, enyorɔ Allah wuŋwun, ŋworɔ tor tinyi.

ruuya 22:14

kla leṯi yii yireṯi nana yeŋen leni lortani, kaka iti dirnaḏar gwu kwaɽi lu kwetizinḏeḏa ŋimiiḏa, ya eḏenḏi ki meḏiina-na yogwur yi.

ruuya 22:17

Ṯigɽim-ŋa tirlinelu ter kiŋaɽu gi ner aruŋw: ilar. na ŋgwa kwuneŋne eḏuŋw ari tɔk: ilar. na ŋgwa kwiiḏowḏa eḏuŋw ila, na ŋgwa kwir zurum eḏuŋw afi ŋaw beyin ŋetizinḏeḏa ŋimiiḏa.

ruuya 22:2

ki zari la keligeny-na titir kweḏi meḏiina; nuŋw baŋaci nyuŋwu kwaɽi kweṯizinḏeḏa ŋimiiḏa tɔk, kwunani kufurṯa ki yəni ray riɽen tɔk, nyor nyi-na wri-kwuɽen nyir-na ter ter, kweṯi riɽi nyoru nyuŋwun ki yowa yere yere tatap; na yəni yeḏi kwaɽi ŋgwa, ner orɔ eḏi yi zəwi ŋelenyi ŋeḏi ṯurmun ŋir-na ter ter.