ruuya 2:10 - Ṯikiṯaḏiza Ṯiaŋ 1967

¹⁰ eti ṯinya mac ŋa ŋinḏi ŋa gwu eḏi rerini. izarṯi, ibliiz wa winḏi eḏi zi kaṯu lɔkwɔ daŋgal-na ki zijin-na, mindaŋ eḏi mummini, a eḏi ṯurfa ŋwamin wri. miḏir ṯəmna mindaŋ mer orɔ kinna ŋiɽany, na nyi kwɔ ŋa inḏeḏa taŋgiŋi teḏi ŋimiiḏa.

ruuya 2:10 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 21:12

lakin, iti enḏi ŋiɽaŋal ŋu kinna mac, er ŋazi kete rii nana, er ŋazi owɽi yeye, er ŋazi mulḏa ki limajma-na, ki zijin-na tɔk; er ŋazi mulḏa ki leleny, ki limuḏiir, kaka roḏa ŋa gwu leḏi yiriny yinyi.

yuhanna 12:25

muŋw amɽi kwere rɔgwɽɔ ruŋwun, eṯuŋw zi kiraza lu; na kweṯifirazi rɔgwɽɔ ruŋwun ki ṯurmun-na kḏu, kwunde kwiri kwe zi ami aŋracuŋw, mindaŋ er enḏi ki ŋimiiḏa-na ŋiaŋ ŋeṯi nanniḏa dɔk.

yuhanna 13:2

mindaŋ mer inḏiralu keḏneya la, na zeyṯaan ṯimaci yahuuzaŋw kweni izkaryuuṯi, kwir tor teḏi zimaan, ŋiɽaŋali ŋeḏi ŋi bɔŋwḏi.

yuhanna 13:27

muŋw afi eḏneya wa, na zeyṯaan enḏiḏa tuc. na Yecu eca ŋwu: ŋinḏi ŋa zi eḏi zi erri, erre zi fitak.

kurinṯuuz al awal 9:25

na ŋgwa kweṯi kalmiṯaḏi, eṯuŋw dirnini aŋna wuŋwun kwɔmne nana kweṯejili ŋunduŋwu nana. na kla leṯizerri ŋu eṯir afi taŋgiŋi tir yəni domony yeṯernine fitak, lakin nyiŋa ta, erafi taŋgiŋi kra titi teṯernine ḏuṯ.

afazuz 2:2

kaka nani ŋa gwu ṯa kerreny, likwakiḏaḏi ŋiɽaŋali lu ŋeḏi ṯurmun kḏu, na eṯi inyici kwelenyi nana kweḏi rigɽim riki ezir nana, kwunderṯa kwir ṯigɽim tiki ṯeṯaki ŋɔḏɽor ŋuŋun ki lizi-na kla lir ludurlaḏu.

afazuz 6:12

kaka iti ur gwu ṯububla ṯeri ṯeḏi lizigwunaŋ mac, lakin nuŋw orɔ teḏi lizulṯa liti lijina mac, na kla lupa leḏi ŋuma, na leleny leḏi kirim keḏi ṯurmun kḏu, orṯa yi witezir weḏi ŋikya kezir weḏi yilim.

yaguub 1:12

kwizi kwere kweṯikwurmɔṯani ki ṯurfa-na kweni kwortani, kaka mer ṯeci ta, ŋwafi taŋgiŋi teḏi ŋimiiḏa, nyikitaḏi nyi Kweleny eḏi zi inḏeḏa lizi lere lere lamɽa ŋunduŋwu.

buṯruz al awal 5:4

mindaŋ ma Kweleny kweḏi nyaɽa ruwene lu ta, a afi taŋgiŋi teḏi ŋiniṯ, titi teḏi ŋuma eḏernine mac.

buṯruz al awal 5:8

eṯaŋrani ki rɔgwɽɔ; a nanalu yey yelu. ṯuwən ṯalu teni ibliiz ṯeṯi ireri la jilaŋ jilaŋ kaka zundaŋ kwetari, naŋnaŋw gwu kwizi lu kwere eḏi ŋiraŋ-na ŋurut ŋuruṯ.

ruuya 13:14

na eṯuŋw zi ṯuzi kla linani ki ṯurmun-na ŋilim ŋi ŋa ŋinḏeḏerzi eḏizerri ki yey-na yeḏi kwɔmne ŋgwa kwumiiḏu kweḏi ŋerya, na eṯuŋw zi ukwazi kla linani ki ṯurmun-na eḏi daɽmaḏa rii ri reŋen, kwɔmne kwir kaka zura kweḏi ŋgwa kwuɽu-na kalala gi, mindaŋ nuŋw ta nani kwumiiḏu.

ruuya 13:2

na kwɔmne ŋgwa kwizanyi kwaɽina kiɽyara, na ŋwara ŋwuŋwun orɔ kaka ŋweḏi kumuṯ, na kworɔ kwuŋwun orɔ kaka kweḏi zundaŋ. na kumow ŋga kupak inḏeḏa ŋunduŋwu ŋuma ŋuŋun, na kwurzi kwuŋwun kweḏi ŋeleny, na zulṯa kwupak tɔk.

ruuya 13:7

ner efrici tɔk eḏi tugwuḏi lizi li lirlinelu ter mindaŋ eḏi zi illazi ki, ner inḏeḏa zulṯa tɔk kweḏi yabiila tatap, na lizi lir-na ter ter, na kandiza kir-na ter ter, na ŋeleny ŋir-na ter ter tɔk,

ruuya 17:14

linderṯa linḏi eḏi ṯugwuḏi Tirany ri mindaŋ ezi Tirany illazi ki, kaka urŋw gwu Kweleny kweḏi leleny, na Melik kweḏi limelik. na kla linani nanuŋw gwu lir kla limɔŋw zi ornuṯi, limɔŋw zi ece-na tɔk, leni lirlalu.

ruuya 2:13

nyi kwilŋiiḏi ezir wunani ŋa gwu, kezir wunani gwu kwurzi kweḏi ŋeleny ŋeḏi zeyṯaan, na ta miḏeḏa yiriny yinyi teter, na ere nyindini ṯəmna ṯɔŋwa mac ṯeni nyi, ki ŋwamin la kinna ŋwumer ŋi eɽenye arṯibazŋw daŋgal-na, kezir weṯi gwu zeyṯaan nani. arṯibaz kwiri zuhuuḏ kwinyi, kweṯi miḏa ṯəmna ṯeni nyi.

ruuya 2:9

nyi kwilŋiiḏi ṯurfa ṯɔŋwa na ŋuway ŋɔŋa tɔk (lakin na orɔ kwurṯu rac), nenyelŋe yufuluŋi yeḏi kla leṯaruŋw: nyiŋa liri yahuuḏ, ner ere orɔ yahuuḏ mac, lakin ner orɔ majma kweḏi zeyṯaan.