ruuya 2:1 - Ṯikiṯaḏiza Ṯiaŋ 1967

¹ lucazi maleyka kweḏi kaniiza kinani afazuz, ŋwu: ŋiɽaŋal ŋu ŋir ŋandizazi ŋgwa kwapa rorumi dufɔkwɽeny ki ṯii-na ṯuŋwun ṯeḏi mini, ŋgwa kweṯi irerelu tɔk keligeny-na keḏi kwɔmne dufɔkwɽeny kweḏi ŋwɔmba kwir ḏahab.

ruuya 2:1 ပူးပေါင်းရင်းမြစ်များ

yuhanna 5:35

yuhanna kwiri lɔmba leṯifudi na letiṯiŋaḏa fori lu, na ŋaŋa, a limemni ŋwomur ŋwɔkwɔ fori kwuŋwun, na gi nyeŋlena.

kurinṯuuz aṯ ṯaani 6:16

ṯikiɽmiḏana ṯiri ṯaŋ ṯeḏi duənu kweḏi Allah na bulu kweḏi bayil? kaka urir gwu nyiŋa duənu kweḏi Allah wumiiḏu, kaka ari gwu Allah ŋwu: nyi kwunanni deŋgen-na, enyi li irerelu, enyorɔ Allah weŋen, na er orɔ ŋunduŋa lizi linyi.

ruuya 1:16

ki ṯii-na ṯuŋwun ṯeḏi mini nuŋw api rorumi dufɔkwɽeny, na kalala kirana ray riɽen ruḏa kworɔ-na kwuŋwun, na kiyeyna kwuŋwun nuŋw aɽani aŋwunu muŋw ṯiŋaḏa fori lu kaŋwuna.

ruuya 1:20

ŋiɽaŋal ŋulucine ŋeḏi rorum rir dufɔkwɽeny, kra rizaŋa zi ki ṯii tinyi ṯeḏi mini, na ŋwɔmba ŋwir dufɔkwɽeny ŋwir ḏahab ŋiri ŋwu, rorum dufɔkwɽeny riti limaleyka leḏi yaniiza dufɔkwɽeny, na ŋwɔmba ŋwir dufɔkwɽeny ŋwiri yaniiza dufɔkwɽeny.

ruuya 12:1

na ŋiɽaŋal ŋete ŋupa ruwene lu kilerena, kwaw kwete kwukinna aŋwunu, na owa ta nuŋw nani ŋwara-na ŋwuŋwun, na kindala luŋwun nuŋw kenne taŋgiŋi tidaɽmina rorum ri wri-kwuɽen.

ruuya 2:12

lucazi maleyka kweḏi kaniiza kinani bargamuz, ŋwu: ŋiɽaŋal ŋu ŋiri ŋandizazi ŋgwa kweḏi kalala kirana ray riɽen.

ruuya 2:18

lucazi kaniiza kinani ṯiyaṯra, ŋwu: ŋiɽaŋal ŋu ŋiri ŋandizazi Tor teḏi Allah, teḏi yey yir kaka igə wufudu, na ŋwara ŋwuŋwun aɽani zarṯu kwir zurman, kweṯari kam kam.

ruuya 2:8

lucazi maleyka kweḏi kaniiza kinani zimirna, ŋwu: ŋiɽaŋal ŋu ŋiri ŋandizazi ŋgwa kweni kwiŋna na kwukwaḏaḏi tɔk, ŋgwa kwayyu kerreny nuŋw miiḏi kwokwony.

ruuya 3:1

lucazi maleyka kweḏi kaniiza kinani zarḏiz, ŋwu: ŋiɽaŋal ŋu ŋir ŋandizazi ŋgwa kweḏi rigɽima dufɔkwɽeny reḏi Allah, na rorumi dufɔkwɽeny. nyi kwilŋiiḏi ŋɔḏɽor ŋɔŋa, na eḏi yiriny eḏaruŋw nyi ŋgwu kwumiiḏu, lakin na eni kwayyu.

ruuya 3:14

lucazi maleyka kweḏi kaniiza kinani lawuḏikya, ŋwu: ŋiɽaŋal ŋu ŋir ŋandizazi ŋgwa kwetari emba, kwir zuhuuḏ kwirlalu, kweri zi andazi ŋir rerem, kwunani kwizatuk ki lomur limɔ li Allah daɽmaḏa kwɔmne tatap.

ruuya 3:7

lucazi maleyka kweḏi kaniiza kinani filaḏalfiya, ŋwu: ŋiɽaŋal ŋu ŋir ŋandizazi ŋgwa Kwirlinelu ter rerec, ŋgwa kweḏi mufṯah kweḏi dauḏ, kweṯi kiṯi, ŋwere kwere eḏi leŋḏeḏa mac, na kweṯi leŋḏeḏa, ŋwere kwere eḏi kiti mac.