ruuya 14:2 - Ṯikiṯaḏiza Ṯiaŋ 1967

² nenyi neŋne ṯɔgwɽɔ tete tiruḏi kilerena, tir kaka kwurna kweḏi kiiru, na tir kaka lere muŋw upuḏina ŋuma ŋi, ŋuma ŋi; na ṯɔgwɽɔ ṯiniŋnanyi ṯir kaka kwurna kweḏi lizi mer əri lumbəra,

ruuya 14:2 ပူးပေါင်းရင်းမြစ်များ

kurinṯuuz al awal 13:1

menyi kinna andazi kandiza gi keḏi lizigwunaŋ na keḏi limaleyka tɔk, mindaŋ menyere eḏi ṯamɽa-na mac, nyi ta orɔ kaka jeraz kwetari ŋwal ŋwiti ŋwami ki yəni-na mac, ya yuḏuŋwur yeṯari ṯa ŋwu tɔk.

ruuya 1:10

nenyi Ṯigɽim tirlinelu ter mulɔ ki lamin leḏi Kweleny, nenyi neŋne ṯɔgwɽɔ ṯete ṯupa nyuŋwu ṯoɽu ṯi la, kaka bruz,

ruuya 1:15

na ŋwara ŋwuŋwun aɽani zarṯu kwir zurman kwuṯiɽnyinana igə yi, kweṯari kam kam, na ṯɔgwɽɔ ṯuŋwun aɽani kwurna kweḏi kiiru kupa.

ruuya 11:12

mindaŋ na liɽi klu neŋne ṯɔgwɽɔ ṯete ṯupak ṯuruḏi kilerena, ṯeca zi ŋwu: alliḏar kunuŋ. na ki yey-na yeḏi ṯuwən ṯeŋen, ner allu kilerena ki lebleṯ-na.

ruuya 11:15

mindaŋ na maleyka kwir nimra dufɔkwɽeny əri bruza kwuŋwun, na rɔgwɽɔ rupa andazi kilerena, raruŋw: ŋeleny ŋeḏi ṯurmun ŋimorɔ ŋeleny ŋeḏi Kweleny kweri, na ŋeḏi Kwruztu kwuŋwun, ŋwu miḏa ŋelenyi dɔk dɔk.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 18:22

na rɔgwɽɔ reḏi kla letəri lumbəra, na leṯikete rilŋa rir-na ter ter, na kla leṯəri ŋwufɽitira na libruza, er ere niŋnini nani ŋa gwu kwokwony mac; na kwir kwɔrṯɔ kwere, ŋwere inḏini daŋgal-na kwokony mac; na kwurna kweḏi ali ŋwere niŋnini nani ŋa gwu kwokony mac;

ruuya 5:8

mindaŋ muŋw dimi kiṯami, na kwɔmne kwumiiḏu kwir kwaɽŋan, na lijowiṯ lir ṯuɽi-kwaɽŋan iideci Tiranyu lu tuɽbuk lapa lumbəra, na nyaɽinyu nyir ḏahab nyurene kwuḏɽula-na dedep, nyir ṯara ki yiriny ṯeḏi lizi lirlinelu ter eḏi Kwruztu-na;

ruuya 6:1

mindaŋ nenyeze ma Tirany kii ŋwuli ŋweḏi kaṯim kete keḏi kya yir dufɔkwɽeny, nenyi neŋne kwɔmne kwete kwumiiḏu kweḏi ŋgwa kwir kwaɽŋan, kwari kaka ṯɔgwɽɔ ṯeḏi lere, ŋwu: ilamba!

ruuya 8:7

na maleyka, kwir nimra kwete, əri bruza kwuŋwun, na ŋworum-ŋa igə yi ŋwulagḏina ŋin ŋi, ner iida kureyu lu; na ureyu dunnaḏi kiḏriḏa kete keḏi ṯɔɽɔl, na yaɽi kiḏriḏa kete keḏi ṯɔɽɔl tɔk, na karwa tatap kigla dunnaḏa lu dar.