ruuya 13:8 - Ṯikiṯaḏiza Ṯiaŋ 1967

⁸ kwa lizi tatap kwoce lu leṯinani ki ṯurmun-na, kla tatap liti limerzi loce yiriny yeŋen mac kiṯam-na keḏi yiriny-na yeḏi kla leḏi ŋimiiḏa, ŋga keḏi Tirany timer eɽenye iti kitina gwu ṯurmun kinna mac.

ruuya 13:8 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 10:20

lakin, eṯi nyeŋlena mac ŋiɽaŋal ŋi ŋeḏi ṯinyiza nana teḏi rigɽim riki; eṯi nyeŋlena keni, kaka ma gwu yiriny yalu loḏine kilerena.

yuhanna 1:29

ma ŋurpu ŋgwa orɔ, nuŋw eze Yecuŋw kwilaḏa nana, nuŋw ari: izarṯi, Ṯirany teḏi Allah ca kra la, tidimica ṯurmuna ŋikyaŋi kiṯay.

afazuz 1:4

na eḏi Kwruztu-na tɔk wumenyjece-na, iti kitina gwu ṯugwagiza ṯeḏi ṯurmun kinna mac, eḏorɔ lizi luŋwun lirlinelu ter, liira tiɽaŋali-na tere tiki ki yey-na yuŋwun,

fiilibbi 4:3

nyi kwuṯicaŋa lu tɔk, kwumaṯ kwinyi kweṯindi kiɽmiḏina, eḏi meci layu kla, kaka akaḏinyi li ŋɔḏɽor ruɽma ri ŋeḏi injiil, aklimanḏaz ŋali na limeḏgeri liḏaḏu tɔk ki ŋɔḏɽor-na, leḏi yiriny kiṯam-na keḏi yiriny-na yeḏi kla leḏi ŋimiiḏa.

tiiṯaz 1:2

ṯəkiza ṯi kizen ṯeḏi ŋimiiḏa ŋiaŋ ŋinḏi eḏi nannida dɔk, ŋinderṯa ŋimɔ ŋi Allah kitaḏa kerreny tuk—na eṯi Allah ere kəki ŋəluŋi ḏuṯ.

ruuya 12:15

na kumow kupak ruwa ŋaw kworɔ-na kwuŋwun ŋir kaka kufurṯa, eḏi ferṯe kwayu kiṯay kiiru gi.

ruuya 13:12

eṯuŋw zi erri tatap zulṯa gi kweḏi kwɔmne kwumiiḏu kweḏi ŋerya kwiŋna, ki yey-na yuŋwun, na eṯuŋw ukwazi ṯurmuna lizi li-na luŋwun eḏi kwoce kwɔmne lu kwiŋna, ŋgwa kwumɔ zəwini lumuṯ luŋwun.

ruuya 17:8

kwɔmne ŋgwa kwumiiḏu kwizaŋa, kwunani kerreny nuŋw ere nani kirem mac, na kwinḏi eḏalliḏa kezir woɽu lac kuṯelu eḏele kezir weḏi ṯikiraḏa lu; na lizi leḏi ṯurmun, kla liti leḏi yiriny yeŋen kiṯam-na mac, ŋga keḏi yiriny-na yeḏi kla tatap leḏi ŋimiiḏa, yuluḏina ki lomur likitina li ṯurmun, er liŋɽi eḏeze kwɔmne ŋgwu kwumiiḏu kweḏi ŋerya, kaka muŋw gwu nani kerreny, nuŋw ere nani kirem mac, na kwinḏi eḏila.

ruuya 21:27

lakin a gwu kwɔmne kwere kwiki ere enḏi-na ḏuṯ, ya kwizi kwere kweṯizerri ŋir ŋudur, ya kwir kwəluŋ, illi kla limɔlɔḏine yiriny kiṯam-na keḏi Tirany, keḏi yiriny-na yeḏi kla leḏi ŋimiiḏa.

ruuya 3:10

kaka ma gwu aŋraci ŋiɽaŋali ŋinyi ṯukwurmɔṯana ṯi, a ŋa aŋraci ki lomur leḏi tumɔmma ṯinḏi eḏila ṯurmuna nana ndendeṯ, eḏi mummi lizi tatap linani ki ṯurmun-na.

ruuya 3:20

izaṯi, nyi ŋgwu kwirli kogwur, kwupiiḏi yerge eḏenḏa. ma kwizi kwere niŋnaci nyuŋwu ṯɔgwɽɔ, mindaŋ muŋw kiṯizi nyuŋwu, nyenḏi nanuŋw gwu eḏi gi eḏne, mindaŋ menyi gi oɽmaṯi duŋw.

ruuya 3:5

ŋgwa kweṯillazi ki, kwunderṯa kwer oɽaci yireṯi nana yifiiḏu pərpər, enyi ere miɽnyaḏa yiriny lu yuŋwun mac kiṯam-na keḏi yiriny-na yeḏi kla leḏi ŋimiiḏa, enyi ruweci yiriny lu yuŋwun ki yey-na yeḏi Papa kwinyi, na limaleyka luŋwun tɔk.

ruuya 5:12

laruŋw ṯɔgwɽɔ ṯi ṯupa: Tirany timer eɽenye tinderṯa tofḏana eḏafi zulṯa, na ŋurṯua, na ṯeḏinayeyna, na ŋuma, na ṯiniiya-na, na ŋiniṯi, na ṯortaḏa!

ruuya 5:13

nenyi neŋne kwɔmne tatap kwumiiḏu kilerena, na kweḏi ṯurmun, na kweḏi kureyu-na kuṯelu, na kwunani ki rujul-na, na ŋgwa tatap kwunani gwu-na, kwaruŋw: eḏi ṯortaḏa, na ṯiniiya-na, na ŋiniṯ, na ŋuma tɔk nanniḏa dɔk dɔk, nanuŋw gwu ŋgwa kweṯi nanni kwurzi la kweḏi ŋeleny, na nani gwu Tirany tɔk.

ruuya 6:1

mindaŋ nenyeze ma Tirany kii ŋwuli ŋweḏi kaṯim kete keḏi kya yir dufɔkwɽeny, nenyi neŋne kwɔmne kwete kwumiiḏu kweḏi ŋgwa kwir kwaɽŋan, kwari kaka ṯɔgwɽɔ ṯeḏi lere, ŋwu: ilamba!