ruuya 13:2 - Ṯikiṯaḏiza Ṯiaŋ 1967

² na kwɔmne ŋgwa kwizanyi kwaɽina kiɽyara, na ŋwara ŋwuŋwun orɔ kaka ŋweḏi kumuṯ, na kworɔ kwuŋwun orɔ kaka kweḏi zundaŋ. na kumow ŋga kupak inḏeḏa ŋunduŋwu ŋuma ŋuŋun, na kwurzi kwuŋwun kweḏi ŋeleny, na zulṯa kwupak tɔk.

ruuya 13:2 ပူးပေါင်းရင်းမြစ်များ

timuṯaawuzŋw aṯ ṯaani 4:17

lakin nenyirli Kweleny gi, nuŋw firli nyuŋwu eḏandazi ŋiɽaŋali ŋuŋun ŋama-ŋamaŋ, mindaŋ eḏi zi lizi lir umam tatap ami neŋnaŋw. taŋwu, nenyi kilaḏa kworɔ kweḏi zundaŋ.

buṯruz al awal 5:8

eṯaŋrani ki rɔgwɽɔ; a nanalu yey yelu. ṯuwən ṯalu teni ibliiz ṯeṯi ireri la jilaŋ jilaŋ kaka zundaŋ kwetari, naŋnaŋw gwu kwizi lu kwere eḏi ŋiraŋ-na ŋurut ŋuruṯ.

ruuya 12:13

na ma kumow ŋga kupak eze rɔgwɽɔ ruŋwun kimɔkeṯina kureyu lu, nuŋw eḏici kwayu kwumelŋe toru tir tɔŋwor ŋerya, nuŋw kwakiḏaḏa lu.

ruuya 12:15

na kumow kupak ruwa ŋaw kworɔ-na kwuŋwun ŋir kaka kufurṯa, eḏi ferṯe kwayu kiṯay kiiru gi.

ruuya 12:9

ner kaṯa kumowa ŋga kupak kureyu lu, kinderṯa kir kumow kuɽun keni ibliiz na zeyṯaan tɔk, keṯi zi kekɽinjelu leḏi ṯurmun ndendeṯ—ner kaṯa ŋunduŋwu kureyu lu, limaleyka li luŋwun.

ruuya 13:12

eṯuŋw zi erri tatap zulṯa gi kweḏi kwɔmne kwumiiḏu kweḏi ŋerya kwiŋna, ki yey-na yuŋwun, na eṯuŋw ukwazi ṯurmuna lizi li-na luŋwun eḏi kwoce kwɔmne lu kwiŋna, ŋgwa kwumɔ zəwini lumuṯ luŋwun.

ruuya 13:4

na eṯi lizigwunaŋ kwoce kumowa lu kupak kaka muŋw gwu inḏeḏa kwɔmne ŋgwa kwumiiḏu kweḏi ŋerya zulṯa, ner kwoce kwɔmne lu ŋgwa tɔk, laruŋw: eya kwiri kwir kaka kwɔmne ŋgwa kwumiiḏu kweḏi ŋerya? eya kwiri kweḏi ŋuma eḏi gi ṯugwuḏi?

ruuya 16:10

na maleyka kwir nimra ṯuḏni balizi tiṯraŋi lu tuŋwun kwurzi la kweḏi kwɔmne ŋgwa kwumiiḏu kweḏi ŋerya, na ŋeleny ŋuŋun orɔ kirim; na lizi ye riŋla reŋen ŋiɽaŋal ŋi ŋeḏi ṯirara ṯeŋen,

ruuya 17:12

na ril wri rizaŋa zi, riri leleny wri liti limafi ŋelenyi ŋeŋen kinna mac, lakin er afi zulṯa kaka leleny zaa kwutuput, kwɔmne gi ŋgwa kwumiiḏu kweḏi ŋerya.

ruuya 19:20

ner miḏa kwɔmne ŋgwa kwumiiḏu kweḏi ŋerya, na kwiɽi tɔk kwir kwəluŋ, ŋimɔŋw zi erri ki yey-na yuŋwun ŋir ŋilim, ŋeṯuŋw ŋi ṯuzi lizi kla limerzi uɽici nimra kweḏi kwɔmne ŋgwa kwumiiḏu kweḏi ŋerya, na kla limɔkwoce zura lu kwuŋwun. ner zi kaṯu nden tɔk limiiḏu, ki ṯujul-na ṯir igə wufuḏu kibriṯ gi.

ruuya 2:13

nyi kwilŋiiḏi ezir wunani ŋa gwu, kezir wunani gwu kwurzi kweḏi ŋeleny ŋeḏi zeyṯaan, na ta miḏeḏa yiriny yinyi teter, na ere nyindini ṯəmna ṯɔŋwa mac ṯeni nyi, ki ŋwamin la kinna ŋwumer ŋi eɽenye arṯibazŋw daŋgal-na, kezir weṯi gwu zeyṯaan nani. arṯibaz kwiri zuhuuḏ kwinyi, kweṯi miḏa ṯəmna ṯeni nyi.

ruuya 20:2

nuŋw miḏa kumowa ŋga kuɽun kwɽup, kir ibliiz na zeyṯaan tɔk, nuŋw kəki yiḏleyu wahiḏ alif,