ruuya 13:16 - Ṯikiṯaḏiza Ṯiaŋ 1967

¹⁶ mindaŋ eṯuŋw alla amra eḏi loce lizi tatap ŋwuli ki ṯii ṯeḏi mini ya ki yuḏul la,

ruuya 13:16 ပူးပေါင်းရင်းမြစ်များ

kurinṯuuz al awal 12:13

kaka baptizinar gwu tatap Ṯigɽim ṯi ṯutuput, eḏi aŋna-na wutuput—urir gwu yahuuḏ ya yunaan, ya luway ya lir hurr, —na klu tatap ner oɽmaṯi eḏi Ṯigɽim-na ṯutuput.

galaaṯya 3:28

ŋiti mac ŋeni yahuuḏi ya ŋeni yunaani, ŋiti mac ŋeni kwuway ya ŋeni hurr, ŋiti mac ŋeni kwor ya ŋeni kwaw, kaka ur ŋa gwu tatap kwizi-na kwutuput eḏi Kwruztu-na kweni Yecu.

galaaṯya 6:17

kirem na ki ŋwamin la tatap ŋwinḏi, eḏi kwizi ere urreḏa nyuŋwu-na mac, kaka eḏi nyi gwu ŋwumbal aŋna nana ŋwir nimra kwunanaḏi kweḏi Yecu.

afazuz 6:8

kiḏayinar eḏaruŋw, ma kwizi erri kwɔmne kwete nyiḏak kwicaw, ŋwu ṯa afi kwir ṯaŋwu nani gwu Kweleny, muŋw kinna orɔ kaḏaam kir kwuway, ya kir hurr.

kuluuzi 3:11

ma kenne rɔgwɽɔ riaŋ a liti limorɔ-na ter ter mac lir yunaan na lir yahuuḏ, limuɽuni na liti limuɽuni mac, leni liṯimḏina na lidirnaḏiza, lir luway na lir hurr, kaka ur gwu Kwruztu minmin, nuŋw nani ki rɔgwɽɔ-na reri riaŋ.

timuṯaawuzŋw aṯ ṯaani 3:8

kaka ireca gwu lor leni yanniiz-ŋa yambariiz gi muuzaŋw kereny, na lizi klu tɔk, eṯir ireci ŋiɽaŋali kereny ŋeni ŋirlalu, kaka enir gwu lor limɔ kiyaḏi ŋwoɽa-na cil, ner eḏi ṯəmna ṯurena ŋidiny-na dedep.

ruuya 11:18

na ŋeleny ŋeḏi ṯurmun apaḏizi kworɔ, lakin na ŋirŋaza ŋɔŋa ila, na lomur ila leḏi kla limay eḏizi ketice zeyria, mindaŋ eḏinḏeḏa yaḏaama yɔŋwa yir liɽi, na kla lirinelu ter eḏi Kwruztu-na haḏiya, na kla leṯiṯenye yiriny yɔŋwa, lir lɔkwɽeny lupa tɔk, na eḏi kirazi lizi lu kla limɔkirazi ṯurmuna lu.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 19:18

eḏi ye yiiḏi yeḏi yaŋna yeḏi limelik, na yeḏi kla lir leleny leḏi ṯuwən, na yeḏi lor lifirli teter, na yeḏi limɔrṯa, na kla lelliḏizi gwu la, yiiḏi yeḏi lizi tatap leḏi duənuŋw mindaŋ, lir luway mindaŋ, lir hurr mindaŋ, lɔkwɽeny, lupa tɔk.

ruuya 19:20

ner miḏa kwɔmne ŋgwa kwumiiḏu kweḏi ŋerya, na kwiɽi tɔk kwir kwəluŋ, ŋimɔŋw zi erri ki yey-na yuŋwun ŋir ŋilim, ŋeṯuŋw ŋi ṯuzi lizi kla limerzi uɽici nimra kweḏi kwɔmne ŋgwa kwumiiḏu kweḏi ŋerya, na kla limɔkwoce zura lu kwuŋwun. ner zi kaṯu nden tɔk limiiḏu, ki ṯujul-na ṯir igə wufuḏu kibriṯ gi.

ruuya 19:5

na ṯɔgwɽɔ ruḏa ṯete kwurzi-na, ṯaruŋw: ortaḏir Allah weri, ŋaŋa tatap lir yaḏaam yuŋwun, ŋaŋa leṯiṯenye ŋunduŋwu, lɔkwɽeny, lupa tɔk.

ruuya 20:12

nenyjeze kla limay, lɔkwɽeny lupa tɔk, lirlu ki yey-na yeḏi kwurzi ŋgwa, na yiṯam kitini, na kiṯam kitini kete kir ter, kinderṯa kir kiṯam keḏi yiriny-na yeḏi kla leḏi ŋimiiḏa. mindaŋ ner zi hakwumi kla limay, ŋiɽaŋal ŋi ŋuluḏina ki yiṯam-na, ŋa ŋimer zi erri.

ruuya 20:4

nenyeze lurzi leḏi ŋeleny, ner gwu nani la kla limerzi inḏeḏa zulṯa eḏi hakwumi, nenyeze tɔk rɔgwɽɔ reḏi kla limerzi eɽenye kalany gi kaka unḏizer gwu Yecuŋw ki, miḏir gwu ŋiɽaŋali ŋeḏi Allah tɔk, linderṯa kla liti limɔkwoce kwɔmne lu mac ŋgwa kweḏi ŋerya, ya zura kwuŋwun tɔk mac, liti limemni ŋwuli ŋwuŋwun mac ki yuḏul la yeŋen, ya ki rii-na reŋen tɔk mac. ner miiḏi kwokwony ner miḏa ŋelenyi Kwruztu ŋali yiḏleyu wahiḏ alif.

ruuya 6:15

mindaŋ na leleny leḏi ṯurmun, na lizi lupa ŋoru, na leleny leḏi orṯa, na lurṯu, na kla leḏi ŋuma-na, na lizi tatap lir luway, na lir hurr tɔk, ner lucini ki yibaŋ-na na ki ŋwiiɽi-na ŋweḏi yayin.

ruuya 7:3

kwaruŋw: eṯi kiraza ureyuŋwuzi lu ṯujul ṯi mac, na yaɽi tɔk mac, mindaŋ mer loce yaḏaama yeḏi Allah weri ŋwuli ki yuḏul la.