ruuya 13:1 - Ṯikiṯaḏiza Ṯiaŋ 1967

¹ nenyirli kufurṯana ṯujuli kəni, nenyeze kwɔmne kwete kwumiiḏu kweḏi ŋerya kwuḏelliḏi ki ṯujul-na, kweḏi ril wri, na ŋwoɽa dufɔkwɽeny, na ki ril la ruŋwun na nyaŋgi nani wri, na? ki ŋwoɽa la tatap na yiriny lɔḏine yeḏi yi ellineḏa Allah nana.

ruuya 13:1 ပူးပေါင်းရင်းမြစ်များ

ruuya 11:7

mindaŋ mer ṯimazi ṯunḏiza ki ṯeŋen ta, a kwɔmne kwumiiḏu kweḏi ŋerya, kwinḏi eḏi ruḏa kezir-na woɽu lac kuṯelu, eḏi li ṯugwuḏi, ŋwezi illazi ki, ŋwezi eɽenye,

ruuya 12:3

na ŋiɽaŋal ŋir ter ruwene lu kilerena; izaṯi kumowa kete kori kupak, keḏi ŋwoɽa dufɔkwɽeny na ril wri: nuŋw eḏi nyaŋgiŋi dufɔkwɽeny ki ŋwoɽa la ŋwuŋwun.

ruuya 13:11

nenyeze kwɔmne kwir ter kwumiiḏu kweḏi ŋerya, kwuruḏi kureyu-na kweḏi ril riɽen rir kaka reḏi tirany, na eṯuŋw andazi kaka kumow kupak.

ruuya 13:14

na eṯuŋw zi ṯuzi kla linani ki ṯurmun-na ŋilim ŋi ŋa ŋinḏeḏerzi eḏizerri ki yey-na yeḏi kwɔmne ŋgwa kwumiiḏu kweḏi ŋerya, na eṯuŋw zi ukwazi kla linani ki ṯurmun-na eḏi daɽmaḏa rii ri reŋen, kwɔmne kwir kaka zura kweḏi ŋgwa kwuɽu-na kalala gi, mindaŋ nuŋw ta nani kwumiiḏu.

ruuya 13:15

ner inḏeḏa ŋuma eḏi ŋi ṯiŋaḏa weŋ ki zura-na ŋgwa kwaɽina kwɔmne kwumiiḏu kweḏi ŋerya, mindaŋ eŋgi zura eḏi ŋuma eḏi keni andazi, mindaŋ eḏukwazi eḏi zi eɽenye kla tatap liti lemni eḏi kwoce zura lu mac, kweḏi kwɔmne ŋgwa.

ruuya 15:2

nenyeze ṯujuli ṯete ṯir kaka ṯujul ṯir gizaaza ṯilagḏina igə yi, nenyjeze kla limillazi kwɔmne ŋgwa kwumiiḏu ki kweḏi ŋerya, na zura kwuŋwun tɔk, na ŋwuɽu ŋweḏi yiriny yuŋwun, ner irli tatap ṯujuli kəni ṯir gizaaza, lapa lumbəra leḏi Allah ki rii-na reŋen.

ruuya 16:13

nenyeze rigɽima ṯɔɽɔl riki rir kaka lurɔ ruruḏi kworɔ-na kweḏi kumow ŋga kupak, na kworɔ-na kweḏi kwɔmne ŋgwa kwumiiḏu kweḏi ŋerya, na kworɔ-na kweḏi kwiɽi kwir kwəluŋ;

ruuya 17:16

na ril kra wri rizaŋa zi, ŋunduŋa kwɔmne gi ŋgwa kwumiiḏu kweḏi ŋerya, er uwezi kwijina ŋgwa, er ruzi ŋunduŋwu kaka kwete kwumer durnaḏa lu, lufduṯu; er ye yiiḏi yeḏi aŋna wuŋwun, er uɽezi igə yi,

ruuya 17:3

nuŋw dima nyuŋwu ŋuma ŋi ŋeḏi Ṯigɽim ṯirlinelu ter kwuḏer-na, nenyeze kwayu kwete kwelliḏi kwɔmne la kwumiiḏu kweḏi ŋerya kwori nana, kwuluḏina yiriny nana yitezir yeṯuŋw yi ellineḏa Allah nana, nuŋw eḏi ŋwoɽa dufɔkwɽeny na ril wri.

ruuya 17:5

na kuḏul la kuŋwun na yiriny lɔḏine yiti yilŋiiḏina mac, yeni ŋwu: baabil kweni kwupa, kwir lenyin kweḏi lijin-ŋa na ŋudur ŋeḏi ṯurmun.

ruuya 19:19

nenyeze kwɔmne ŋgwa kwumiiḏu kweḏi ŋerya, na limelik leḏi ṯurmun, orṯa yi weŋen lirayḏi duŋw eḏi ṯugwuḏi kwizi ŋali ŋgwa kwelliḏi ki mɔrṯa la, orṯa yi wuŋwun.