ruuya 12:9 - Ṯikiṯaḏiza Ṯiaŋ 1967

⁹ ner kaṯa kumowa ŋga kupak kureyu lu, kinderṯa kir kumow kuɽun keni ibliiz na zeyṯaan tɔk, keṯi zi kekɽinjelu leḏi ṯurmun ndendeṯ—ner kaṯa ŋunduŋwu kureyu lu, limaleyka li luŋwun.

ruuya 12:9 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 10:18

nuŋw zi eŋnici nuŋw zi eca ŋwu: nyi kwiza zeyṯaana kwiidu kilerena kaka ṯimen.

ŋiɽaŋal ŋizaw ŋuludizi luuga 13:16

na ŋeḏi kwaw ŋgwu, kweḏi ibrahiim-ŋa, kwukəka zeyṯaan yiḏleyu wri-dufɔkwupa, ŋiti ŋofḏana eḏi kedi ŋunduŋwu ki lamin leni zabiṯ manya?

ŋiɽaŋal ŋizaw ŋuludizi luuga 22:3

na zeyṯaan enḏi ki ṯugwor-na ṯeḏi yahuuza, kweni izkaryuuṯi, kwir kwete kweḏi wri-kwuɽen;

ŋiɽaŋal ŋizaw ŋuludizi luuga 22:31

na Kweleny andaci zimaanŋw nuŋw eca ŋwu: zimaan, zimaan, izaṯi, zeyṯaan kwumɔŋazi li uṯalu, mindaŋ eḏurnezij ŋaŋwuzi kaka ŋwan.

ŋiɽaŋal ŋizaw ŋuludizi luuga 8:12

ŋwunani ki ṯay la, ŋwunde ŋwiru ŋwir lizi liniŋna ŋiɽaŋali, mindaŋ ma ibliiz ila, eṯuŋw zi dimeḏa ŋiɽaŋali ŋimɔnani ki rugwor-na, kaka aruŋw gwu ŋwu: ŋinani mindaŋ er ŋi emnizi ta, er kilaw.

yuhanna 12:31

er zi ketize leḏi ṯurmun kḏu hakwuma kirem; er allalu kwelenyi kweḏi ṯurmun kḏu kirem tɔk.

yuhanna 14:30

ŋiti ŋenyji andazi ŋuru kinna ŋaŋa li mac, kaka inḏi gwu kweleny kweḏi ṯurmun kḏu eḏila, na kwiti kweḏi karḏa kere nani nyi gwu mac,

yuhanna 16:11

ŋeḏi hukm, kaka mer gwu eca kwelenyi kweḏi ṯurmun kḏu hakwuma.

yuhanna 8:44

ŋaŋa liri leḏi ṯarnyalu ṯeni ibliiz, na eṯi zi naŋni eḏizerri ṯugwor ṯi ṯeḏi ṯarnyalu, nuŋw eni ṯindinyiṯi lizi kwɔnkwɔn tuk, eṯuŋw gwu ere eḏi karḏa nani gwu ŋirlalu mac, kaka iirar gwu ŋeni rerem duŋgwun-na. muŋw kəki ŋəluŋi, eṯuŋw zi andazi ŋeni ŋuŋun, kaka enuŋw gwu kwəluŋ, enuŋw gwu ṯernyin ṯeḏi ŋəluŋ-ŋa tɔk.

ruumiya 16:18

kaka lizi ṯa klu liti leṯəkizi Kwelenyi kweri kweni Kwruztu ŋɔḏɽor mac, eṯir zi ṯa əkizi rɔgwɽɔ reŋen domony, na eṯir kekɽinji rugwori lu reḏi kla liti lifirli mac, ŋiɽaŋal ŋi ŋitezir ŋeni ŋami ŋami.

ruumiya 16:20

mezerri ta ŋwu ta, a ma Allah rutaḏa zeyṯaanŋw lu kwrɔp ŋwara ŋi ŋwalu. eḏi ṯimeca ṯeḏi ŋimɽi ŋeḏi Kweleny kweri kweni Yecu Kwruztu nani daŋgal-na.

kurinṯuuz aṯ ṯaani 11:14

eṯi liŋɽu mac ŋiɽaŋal ŋi ŋu, kaka eṯi gwu zeyṯaan ṯecini keni ŋundu ŋidiny eḏorɔ kaka maleyka kweḏi fori.

kurinṯuuz aṯ ṯaani 11:3

lakin nyi ŋgwu kwuṯinya, kaka keɽinje gwu kumow hawaŋw lu array yi wuŋwun, a ṯireca ṯalu yey lu ilaḏaluŋw, mindaŋ ma ṯuzi ṯamɽa ṯalu ṯir rerem ṯutuput ṯinḏi ŋa ṯi eḏamɽi Kwruztuŋw.

kurinṯuuz aṯ ṯaani 12:7

na eḏi ṯinyini nyuŋwu eḏi piŋi rɔgwɽɔ beten ŋiɽaŋal ŋi ŋir ŋwunda ŋwunda ŋeḏi ṯurwenizelu, ner nyi inḏeḏa ṯugwiya kaŋna-na winyi, tir kafur keḏi zeyṯaan eḏundeŋni nyuŋwu, eḏi ṯinyini nyuŋwu eḏi piŋi rɔgwɽɔ beten.

kurinṯuuz aṯ ṯaani 2:11

mindaŋ eḏi ṯinyini zeyṯaanŋw eḏəgini ŋuma deŋgeri la; kaka ilŋiicar gwu ŋiɽaŋali ŋeṯuŋw zi naŋni eḏizerri.

kurinṯuuz aṯ ṯaani 4:4

ki ŋiɽaŋal-na ŋeŋen, kweleny kweḏi ṯurmun kḏu nuŋw zi riimezi ŋwoɽa-na kla liti leḏi ṯəmna mac, eḏi zi ṯinyini eḏeze fori kweḏi ŋiɽaŋal ŋizaw ŋir injiil, ŋeḏi ŋiniṯ ŋeḏi Kwruztu ŋgwa kwaɽina Allah dap dap.

afazuz 4:14

mindaŋ er ere orɔ nyiŋa keni nyor nyɔkwɽeny mac, er ere ilaḏa lu kineŋge kineŋge ṯaliim ṯi ṯir-na ter ter tɔk mac, tikeɽinje ṯi lu teḏi lizigwunaŋ, ŋizaṯir ŋi ŋeṯir ŋi dedi lizi, ŋir ŋidiny.

ṯazaluniiki aṯ ṯaani 2:3

eṯefrinja kwere eḏi keɽinji ŋaŋwuzi lu kezir were mac, kaka iti inḏu gwu lamin kla eḏila mac mindaŋ ma ṯuwən ṯupak iŋina, a kwor kweḏi ŋikya ruwene lu, kwir tor teḏi ŋikiraḏalu.

timuṯaawuzŋw al awal 2:14

ner ere keɽinji adamŋw lu mac, lakin na kwaw orɔ ŋundu kwumer keɽinjelu, nuŋw aki ŋiɽaŋali pir.

timuṯaawuzŋw aṯ ṯaani 3:13

lakin lizi liki rugwori, na luzur tɔk, er kikindeni ŋikyaŋi-na, er eni ŋunduŋa leṯi zi ṯuzi liḏaḏu, ner eni ŋunduŋa tɔk liṯuḏi.

libraani 2:14

ŋwu ṯaŋwu, kaka eḏi gwu nyor aŋna-ŋa ŋin ŋi, ṯaŋwu nuŋw zi aɽani tɔk, mindaŋ eḏi ma ofe teṯ, ŋiɽany ŋi ŋuŋun, ŋgwa kweḏi ŋelenyi ŋir ŋiɽany, kwunderṯa kweni ibliiz;

buṯruz al awal 5:8

eṯaŋrani ki rɔgwɽɔ; a nanalu yey yelu. ṯuwən ṯalu teni ibliiz ṯeṯi ireri la jilaŋ jilaŋ kaka zundaŋ kwetari, naŋnaŋw gwu kwizi lu kwere eḏi ŋiraŋ-na ŋurut ŋuruṯ.

yuhanna al awal 5:19

a kwilŋiiḏir rac, a kwirir leḏi Allah, na ṯurmun tatap nani ki rii-na reḏi ŋgwa kwiki.

yahuuza 1:9

lakin mikhayil, kwir rayiiz weḏi limaleyka, ki lomur limerli urreḏi kaŋna la weḏi muuza ŋundu-ŋa ibliiz yi, nuŋw ere bonye mac eḏefica ŋunduŋwu ŋiɽaŋali ŋir luŋw eḏi ŋi ruzi kaṯi, nuŋw eca ŋwu: Kweleny kwɔ ŋa kiɽaci.

ruuya 12:12

ŋwu ṯaŋwu, eṯi nyeŋlena, ŋa kwir kilerena na kla linani gwu-na tɔk! lakin, eyewey kweḏi ṯurfa ṯalu, ŋa kwir ureyu, ṯujul ṯi, kaka ma ŋazi gwu ibliiz dapiḏana ŋirŋaza ŋi ŋupa, kaka ilŋiicaŋw gwu eḏaruŋw: nyi kweḏi lomuri lɔkwɽoc liminni.

ruuya 12:3

na ŋiɽaŋal ŋir ter ruwene lu kilerena; izaṯi kumowa kete kori kupak, keḏi ŋwoɽa dufɔkwɽeny na ril wri: nuŋw eḏi nyaŋgiŋi dufɔkwɽeny ki ŋwoɽa la ŋwuŋwun.

ruuya 12:7

na tuwən diɽeḏizi kilerena, na mikayiil-ŋa limaleyka li luŋwun ṯugwuḏi kumow gi kupak; na kumow-ŋa limaleyka li luŋwun tugwuḏi,

ruuya 12:8

lakin ner zi illazi ki mindaŋ mer ere eḏinḏa ezir mac kilerena,

ruuya 13:14

na eṯuŋw zi ṯuzi kla linani ki ṯurmun-na ŋilim ŋi ŋa ŋinḏeḏerzi eḏizerri ki yey-na yeḏi kwɔmne ŋgwa kwumiiḏu kweḏi ŋerya, na eṯuŋw zi ukwazi kla linani ki ṯurmun-na eḏi daɽmaḏa rii ri reŋen, kwɔmne kwir kaka zura kweḏi ŋgwa kwuɽu-na kalala gi, mindaŋ nuŋw ta nani kwumiiḏu.

ruuya 16:14

kaka urir gwu rigɽim ŋunduŋa reḏi ibliiz reṯizerri ŋir ŋilim, na eṯir ru eḏele nani gwu leleny leḏi ṯurmun ndendeṯ, eḏizaɽazi duŋw eḏi ṯugwuḏi, ki lamin lupa leḏi Allah wuṯemḏizi la tatap ŋuma ŋi.

ruuya 18:2

nuŋw ari ṯɔgwɽɔ ṯi ṯupak, ŋwu: baabil, kweni kwupa, kwumiidi, kwumiidi! kwumorɔ duənu kweḏi yibliiz, na ezir weṯi gwu rigɽim riki urbeḏa, na weḏi ndow liki leṯuwezi lizi;

ruuya 18:23

na fori kweḏi lɔmba ŋwere fudi nani ŋa gwu kwokwony mac; na tɔgwɽɔ ṯeḏi kwor kwagiḏu, ŋundu-ŋa kwaw gi kwuŋwun, er ere niŋnini daŋgal-na kwokwony mac; kaka ur gwu rayjir rɔŋwa lizi lupa leḏi ṯurmun kerreny, na ŋeleny tatap ṯuḏi ŋuzur ŋi ŋɔŋa.

ruuya 19:20

ner miḏa kwɔmne ŋgwa kwumiiḏu kweḏi ŋerya, na kwiɽi tɔk kwir kwəluŋ, ŋimɔŋw zi erri ki yey-na yuŋwun ŋir ŋilim, ŋeṯuŋw ŋi ṯuzi lizi kla limerzi uɽici nimra kweḏi kwɔmne ŋgwa kwumiiḏu kweḏi ŋerya, na kla limɔkwoce zura lu kwuŋwun. ner zi kaṯu nden tɔk limiiḏu, ki ṯujul-na ṯir igə wufuḏu kibriṯ gi.

ruuya 2:13

nyi kwilŋiiḏi ezir wunani ŋa gwu, kezir wunani gwu kwurzi kweḏi ŋeleny ŋeḏi zeyṯaan, na ta miḏeḏa yiriny yinyi teter, na ere nyindini ṯəmna ṯɔŋwa mac ṯeni nyi, ki ŋwamin la kinna ŋwumer ŋi eɽenye arṯibazŋw daŋgal-na, kezir weṯi gwu zeyṯaan nani. arṯibaz kwiri zuhuuḏ kwinyi, kweṯi miḏa ṯəmna ṯeni nyi.

ruuya 2:24

lakin nyi kweca ŋazi ŋwu, ŋaŋa liḏaḏu linani ṯiyaṯra, kla tatap liti leṯi miḏa ṯaliima kḏu mac, na liti lilŋiiḏi mac ŋiɽaŋali ŋeṯir ŋi aruŋw, ŋinani ki ṯugwor-na lac ṯeḏi zeyṯaan: nyi kwiti kwɔ ŋa allaci ṯofi ṯere mac ṯir ter;

ruuya 2:9

nyi kwilŋiiḏi ṯurfa ṯɔŋwa na ŋuway ŋɔŋa tɔk (lakin na orɔ kwurṯu rac), nenyelŋe yufuluŋi yeḏi kla leṯaruŋw: nyiŋa liri yahuuḏ, ner ere orɔ yahuuḏ mac, lakin ner orɔ majma kweḏi zeyṯaan.

ruuya 20:10

ner kaṯa ibliiza, wa weṯi zi ṯuzi, ki ṯujul-na tir igə na kibriṯ, kezir weṯi gwu ŋgwa kwir kwɔmne kwumiiḏu kweḏi ŋerya nanni-na, na kwiɽi kwir kwəluŋ tɔk, er gwu rərini kaŋwun kaŋwun kulu kulu ŋwamin dɔk dɔk.

ruuya 20:8

ŋwu ruḏa eḏi ṯuzi ŋelenyi ŋir-na ter ter ŋinani kezir kwaɽŋan weḏi ṯurmun, ŋeni juja na majuja, eḏi zi aɽazi duŋw eḏi ṯugwuḏi; er orɔ litezir kaka kufurṯa kir ṯije keḏi ṯujul.

ruuya 3:9

izaṯi, nyi kwiili lizi kla leḏi majma kweḏi zeyṯaan, kla letaruŋw: nyiŋa liri yahuuḏ, lakin ner ere orɔ yahuuḏ mac, likəki ŋeluŋi—izaṯi, lenyji iili er ŋa iidecelu ŋwuɽele-na, mindaŋ mer elŋe eḏaruŋw nyi kwumɔŋazi amɽi.

ruuya 9:1

na maleyka, kwir nimra ṯuḏni, əri bruza kwuŋwun, nenyeze ṯorumi tete ṯiidu ki lere nuŋw oɽa kureyu lu, ner inḏeḏa mufṯah kweḏi ogwur weḏi ezir woɽu lac kuṯelu;

ruuya 9:20

na lizi liḏaḏu-na, kla liti limay mac jiiza gi ŋgwu, ner ere urla rugwori lu mac eḏi duŋgweci ŋɔḏɽor ŋeḏi rii reŋen, ner ere duŋgweci ṯikwocalu teḏi libayil mac, na kwɔmne kwudaɽmina rii ri kwir ḏahab na faḏḏa gi na lizarṯu lir zurman, na yal tɔk, na ŋwuɽi, kwɔmne kwiti kweḏi ŋuma mac eḏeze ezir, ya eḏi neŋne, ya eḏele;