ruuya 1:9 - Ṯikiṯaḏiza Ṯiaŋ 1967

⁹ nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 1:9 ပူးပေါင်းရင်းမြစ်များ

yuhanna 16:33

ŋimɔŋazi andaci ŋu ŋaŋa tatap, mindaŋ a ŋi ma eḏi ŋiɽena duŋgwinyi-na. a leḏi ṯurfa ki ṯurmun-na rac; lakin, ruḏir lugwul keni kaka menyi gwu illazi ṯurmuna ki.

ruumiya 8:17

na mer orɔ nyor nyuŋwun, er afi ŋoru ŋeṯi zi nyor afi nani gwu ṯernyin, ŋir keni ŋeḏi Allah, er ŋi oɽmaṯi Kwruztu ŋali ŋundu, mer oɽmaṯi ki ṯirara-na ṯuŋwun mindaŋ mer afi ŋiniṯi nanuŋw gwu tɔk.

ruumiya 8:25

lakin mer əkizi ŋgwa kizen kwiti kwumijini kinna mac, eṯir nanjelu ṯindinyana ṯi nana.

kurinṯuuz aṯ ṯaani 1:7

ṯəkiza ṯeri kizen ṯeni ṯalu ṯeṯenḏelu kidir; kaka ilŋiiḏir zi gwu eḏaruŋw, kaka oɽmaṯi ŋa gwu ki ṯirara-na ṯeri, a kweroɽmaṯi tɔk ki ṯikandizelu-na ṯeri.

fiilibbi 1:7

ŋeni ŋofḏana nani nyi gwu eḏi ŋi ta kitaḏa ŋeni ŋalu tatap, kaka eṯir nyi gwu kete ki rugwor-na ralu ṯamɽa ṯi, ŋaŋa leni kla loɽmaṯi nyi li ki ṯimeca-na ṯeḏi ŋimɽi, nani nyi gwu ki zijin-na, ya menyji unḏici ki ŋiɽaŋal ŋi ŋizaw ŋir injiil mindaŋ eḏi ŋi aruŋw, ŋiri rerem.

fiilibbi 4:14

lakin keni a limenyi gi ari ŋimɽya beṯen kaka oɽmaṯir gwu ki ṯurfa-na ṯinyi kwokwony.

ṯazaluniiki aṯ ṯaani 3:5

eḏi ŋazi Kweleny mulḏaḏa rugwori ki ṯamɽa-na ṯeḏi Allah, na ki ṯindinyana nana ṯeḏi Kwruztu.

timuṯaawuzŋw aṯ ṯaani 1:8

ṯa ŋwu, eṯi ŋa ṯurony ere ye mac eḏi zi unḏici ki pɔrpɔr ŋeḏi Kweleny kweri, ya ŋeni nyi kwir mabuuz kwuŋwun, lakin a keni emni eḏindinyani ṯurfa nana ŋiɽaŋal ŋi ŋir injiil, ŋuma ŋi ŋeḏi Allah.

libraani 10:36

kaka ofḏanir gwu eḏi kwurmɔṯani mindaŋ mezerri ṯugwor ṯi ṯeḏi Allah, mindaŋ ma afi ŋgwa kwumɔŋw gi kitaḏa.

buṯruz al awal 5:1

ṯaŋwu, nenyi oraci lijowiṯi linani daŋgal-na, eni nyi gwu kwijowiṯ kwete kwir ŋali tɔk, kwir kwete kwiza ṯirerina ṯeḏi Kwruztu, na kwinḏi tɔk eḏafi ŋoru ki ŋiniṯ-na ŋinḏi eḏi ruwene lu.

ruuya 1:1

ŋiɽaŋal ŋu ŋimezi Yecu Kwruztu ruweze lu, ŋinḏeḏa zi Allah eḏizilŋiiḏini yaḏaama yuŋwun ŋa ŋinḏi eḏerrini kwaḏan kwɔkwɔ. nuŋw zi tuweci yuhannaŋw lu maleyka gi kwuŋwun,

ruuya 1:2

na yuhanna orɔ zuhuuḏ kweḏi kwɔmne tatap kwafa ŋwi nani gwu Allah, na ṯunḏiza ki ṯeḏi Yecu Kwruztu.

ruuya 1:4

nyi kwiri kweni yuhanna, kwuluca yaniiza dufɔkwɽeny yeḏi azyaŋw: eḏi ṯimeca ṯeḏi ŋimɽi nani daŋgal-na ŋiɽena ŋi, ŋinḏi nani gwu ŋgwa kwunani kirem, na kwunani kerreny, na kwinḏi eḏila, na ŋinḏi nani gwu rigɽim rimiiḏu dufɔkwɽeny rirlaca kwurzi lu kwuŋwun kweḏi ŋeleny,

ruuya 1:6

kwumenyji ruzi ŋeleny ŋete, na yiziiz yere yere yeḏi Allah wuŋwun, wir Papa kwuŋwun tɔk, eḏi ŋiniṯ-ŋa zulṯa gi orɔ kwuŋwun dɔk dɔk. emba.

ruuya 11:7

mindaŋ mer ṯimazi ṯunḏiza ki ṯeŋen ta, a kwɔmne kwumiiḏu kweḏi ŋerya, kwinḏi eḏi ruḏa kezir-na woɽu lac kuṯelu, eḏi li ṯugwuḏi, ŋwezi illazi ki, ŋwezi eɽenye,

ruuya 12:11

na ŋunduŋa ta, ner illazi ŋunduŋwu ki, ŋiɽaŋal ŋi ŋeḏi ŋin ŋeḏi Tirany, na ŋiɽaŋal ŋi ŋeḏi ṯunḏiza ṯeŋen ki, kaka iti mer gwu amɽi ŋimiiḏa ŋeŋen mac, mer kinna inḏa ŋiɽany.

ruuya 12:17

mindaŋ na kumow kupak eḏizi kwayu ŋarriny, nuŋw ele eḏi ṯugwuḏi nyoru nyi nyeḏi kwaw kinya nyiḏaḏi-na, nyeṯi miḏa amra weḏi Allah, na nyeṯunḏizi Yecuŋw ki.

ruuya 13:10

muŋw nani kwere kwinḏi eḏenḏi ki ŋuway-na ta, ŋwu enḏi ki ŋuway-na; muŋw nani kwere kwinḏi eḏeɽenye kalala gi ta, ŋwu ay kalala gi. ŋiɽaŋal ŋu ŋetornuti lizi lirlinelu ter eḏi kwurmɔṯani ṯəmna ṯi.

ruuya 14:12

ŋiɽaŋal ŋu ŋeṯornuṯi lizi lirlinelu ter eḏi kwurmɔṯani, kla leṯi miḏa kuruu keḏi Allah, na leṯalliḏa Yecuŋw rugwori nana ṯəmna ṯi.

ruuya 19:10

ṯaŋwu, nenyiideḏa ŋunduŋwu ŋwuɽele-na eḏi kwoce ŋunduŋwu lu, lakin nuŋw eca nyuŋwu ŋwu: beri, ma! nyi kwiri kaḏaam keṯoɽmaṯi ŋa gi ki ŋɔḏɽor-na, na liaŋgalu li leṯi miḏa ṯunḏiza ki ṯeŋen teter ṯeḏi Yecu. kwoce Allah lu. eṯi kla leṯunḏizi Yecuŋw ki ɽe kaka liɽyaŋi.

ruuya 20:4

nenyeze lurzi leḏi ŋeleny, ner gwu nani la kla limerzi inḏeḏa zulṯa eḏi hakwumi, nenyeze tɔk rɔgwɽɔ reḏi kla limerzi eɽenye kalany gi kaka unḏizer gwu Yecuŋw ki, miḏir gwu ŋiɽaŋali ŋeḏi Allah tɔk, linderṯa kla liti limɔkwoce kwɔmne lu mac ŋgwa kweḏi ŋerya, ya zura kwuŋwun tɔk mac, liti limemni ŋwuli ŋwuŋwun mac ki yuḏul la yeŋen, ya ki rii-na reŋen tɔk mac. ner miiḏi kwokwony ner miḏa ŋelenyi Kwruztu ŋali yiḏleyu wahiḏ alif.

ruuya 3:10

kaka ma gwu aŋraci ŋiɽaŋali ŋinyi ṯukwurmɔṯana ṯi, a ŋa aŋraci ki lomur leḏi tumɔmma ṯinḏi eḏila ṯurmuna nana ndendeṯ, eḏi mummi lizi tatap linani ki ṯurmun-na.

ruuya 6:9

muŋw kii ŋwuli ŋweḏi kaṯim kir nimra ṯuḏni, nenyeze rɔgwɽɔ ŋweḏgwuna kuṯu, reḏi kla limerzi iɽinyaḏa ki ŋiɽaŋal ŋeḏi Allah, unḏizerzi gwu ki ŋeni ŋuŋun tɔk.

ruuya 7:14

nenyeca ŋwu: zaidi, ŋa kwilŋiiḏi. nuŋw eca nyuŋwu ŋwu: linderṯa kla limɔruḏa ki ṯurfa-na kḏa ṯir nyɔrɔ nyɔrɔ; limɔ yii yireṯi yeŋen, yimerzi fiiḏi pər pər ki ŋin-na ŋeḏi Tirany.