ruuya 1:6 - Ṯikiṯaḏiza Ṯiaŋ 1967

⁶ kwumenyji ruzi ŋeleny ŋete, na yiziiz yere yere yeḏi Allah wuŋwun, wir Papa kwuŋwun tɔk, eḏi ŋiniṯ-ŋa zulṯa gi orɔ kwuŋwun dɔk dɔk. emba.

ruuya 1:6 ပူးပေါင်းရင်းမြစ်များ

yuhanna 5:23

mindaŋ er ma nii tatap Toru-na, kaka eṯir gwu nii Papaŋw-na. kwere nyiḏak kwiti kweṯi nii Toru-na mac, kwiti kweṯi nii Papaŋw-na tɔk mac kwuza ŋunduŋwu.

ruumiya 11:36

kaka ruḏa gwu kwɔmne tatap nanuŋw gwu, na duŋgwun ŋgi tɔk, nuŋw ta orɔ kwuŋwun tɔk. eḏi ŋiniṯ nani nanuŋw gwu dɔk dɔk. emba.

ruumiya 15:6

mindaŋ ma eḏi ŋuma eḏi nii Allah-na duŋw li, ṯɔgwɽɔ ṯi ṯutuput, wir Allah na Papa kweḏi Kweleny kweri kweni Yecu Kwruztu.

fiilibbi 2:11

na a riŋla tatap eŋgir aruŋw: Yecu Kwruztu kwiri Kweleny, eḏi ŋi nii Allah-na wir Papa ṯa ŋwu.

timuṯaawuzŋw al awal 6:16

kwunderṯa kwutuput kweṯeḏi ŋimiiḏa-na ŋeṯi nannida dɔk, kweṯi nanni ki fori-na kwiti kweŋgi kwizi kwere duŋgwaḏa nana mac. ŋgwa kwiri Kweleny kwiti kwumɔ kwizi kwere eze yey yi ḏuṯ, ya kwiti kwedi ŋuma eḏeze tɔk mac. eḏi ṯiniiya-na nani nanuŋw gwu, na ŋeleny ŋeṯi nanniḏa dɔk dɔk. emba.

libraani 13:21

ṯimazi ŋaŋwuzi kworɔ dap ŋizana ŋi tatap mindaŋ mezerri ṯugwor ṯi ṯuŋwun, akikuŋw gwu ŋɔḏɽor daŋgal-na ŋa ŋeṯəmi ŋunduŋwu-na, Yecu ŋgi kweni Kwruztu; eḏi ŋiniṯ nani nanuŋw gwu dɔk dɔk. emba.

buṯruz al awal 4:11

ma orɔ kwete kweṯandaci liḏaḏu ŋiɽaŋali, eṯizandaci ŋinḏeḏa zi Allah eḏizandaci; ma orɔ kwete kweṯi zi meci liḏaḏu, eṯi zi meci ŋuma ŋi ŋeṯi zi Allah inḏeḏa, mindaŋ a kwɔmne-na ndendeṯ, eṯi zi ṯa erri eḏi ŋi nii Allah-na, Yecu ŋgi kweni Kwruztu, eṯi ṯortaḏa-ŋa ŋuma ŋi ŋeḏi ŋeleny orɔ ŋuŋun dɔk dɔk. emba.

buṯruz al awal 5:11

eḏi ŋinit-ŋa ŋuma ŋi ŋeḏi ŋeleny orɔ ŋuŋun dɔk dɔk. emba.

buṯruz aṯ ṯaani 3:18

lakin, eti duŋgwuŋgwaḏa ki ṯimeca-na teḏi ŋimɽi na tilŋiiḏina teḏi Kweleny kweri, kwir Kwigileḏa kweri tɔk, kweni Yecu Kwruztu, eḏi ŋiniṯ nani duŋgwun-na kirem, na ki lomur luŋwun tɔk linḏi eḏi nanniḏa dɔk dɔk. emba.

yahuuza 1:25

eḏuŋw ortani, kwir Allah wutuput wir Kwigileḏa kweri Yecu ŋgi kweni Kwruztu, kwir Kweleny kweri tɔk, eḏuŋw ortani ŋiniṯ ŋi, na ŋeleny ŋi, na ŋuma ŋi zulṯa gi tɔk, iti nani gwu ŋwomur ŋwere kinna mac, kirem, na dɔk dɔk. emba.

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 20:6

ŋgwa kwinḏi eḏi li oɽmaṯi ki ṯiḏiɽa-na ṯiŋna kweni kwortani, kwirlinelu ter! na deŋgen-na ta, a ŋiɽany ŋir nimra kwuɽen ere eḏi zulṯa mac, lakin er orɔ yiziiz yeḏi Allah na yeḏi Kwruztu, er miḏa ŋelenyi ŋundu ŋali yiḏleyu wahiḏ alif.

ruuya 4:11

ŋa kwir Kweleny kweri, na Allah weri tɔk, a kwofḏana eḏafi ŋiniṯi, na ṯiniiya-na, na ŋuma tɔk, kaka ur ŋa gwu kwukita kwɔmne tatap, na eṯuŋw nani kwukitina ṯugwor ṯi ṯɔŋwa.

ruuya 5:10

nezi ruzi ŋeleny na yiziiz yeḏi Allah weri, er miḏa ŋelenyi ki ṯurmun-na.