ruuya 1:4 - Ṯikiṯaḏiza Ṯiaŋ 1967

⁴ nyi kwiri kweni yuhanna, kwuluca yaniiza dufɔkwɽeny yeḏi azyaŋw: eḏi ṯimeca ṯeḏi ŋimɽi nani daŋgal-na ŋiɽena ŋi, ŋinḏi nani gwu ŋgwa kwunani kirem, na kwunani kerreny, na kwinḏi eḏila, na ŋinḏi nani gwu rigɽim rimiiḏu dufɔkwɽeny rirlaca kwurzi lu kwuŋwun kweḏi ŋeleny,

ruuya 1:4 ပူးပေါင်းရင်းမြစ်များ

yuhanna 1:1

kwɔnkwɔn eṯi ŋiɽaŋal ŋir yilim nanni, na eṯi ŋiɽaŋal ŋir yilim nanni nani gwu Allah, ner eni Allah.

ruumiya 1:7

ŋaŋa tatap linani ruumiya lamɽa zi Allah, lornuṯiŋw zi eḏeni lirlinelu ter eḏi Kwruztu-na, eḏi ṯimeca ṯeḏi ŋimɽi nani daŋgal-na ŋiɽena ŋi ŋinḏi nani gwu Allah wir Papa kweri, na Kweleny kweni Yecu Kwruztu.

kurinṯuuz al awal 1:3

eḏi ṯimeca ṯeḏi ŋimɽi nani daŋgal-na ŋiɽena ŋi ŋinḏi nani gwu Allah wir Papa kweri, na Kweleny kweni Yecu Kwruztu,

kurinṯuuz aṯ ṯaani 1:2

eḏi ṯimeca ṯeḏi ŋimɽi nani daŋgal-na ŋiɽena ŋi ŋinḏi nani gwu Allah wir Papa kweri, na Kweleny kweni Yecu Kwruztu.

libraani 13:8

Yecu Kwruztu kwunderṯa ŋgwu kwete kwete kwir kiligin na kwir aŋwunu, na dɔk dɔk tɔk.

yaguub 1:17

kwɔmne tatap kwizaw na haḏiya ndendeṯ wir minmin, eṯuŋw oɽa kilerena nani gwu Papa kweḏi fori kweḏi lere, kwiti kweṯorle mac mindaŋ eḏaɽazi kirimi kezir were.

ruuya 1:1

ŋiɽaŋal ŋu ŋimezi Yecu Kwruztu ruweze lu, ŋinḏeḏa zi Allah eḏizilŋiiḏini yaḏaama yuŋwun ŋa ŋinḏi eḏerrini kwaḏan kwɔkwɔ. nuŋw zi tuweci yuhannaŋw lu maleyka gi kwuŋwun,

ruuya 1:11

ṯaruŋw: ŋa ŋizaŋa zi, luḏi zi kiṯam-na kete, ezi uzici yaniiza yir dufɔkwɽeny, nani afazuz, na zimirna, na bargamuz, na ṯiyaṯra, na zarḏiz, na filaḏalfiya na lawuḏikya.

ruuya 1:17

menyeze ŋunduŋwu, nenyi iideḏa ŋwuɽele-na ŋwuŋwun timbɽak, kaka kwizi kwayyu, lakin nuŋw kete nyuŋwu ṯii la ṯeḏi mini, nuŋw aruŋw: eṯi ṯinya mac. nyi kweni kwiŋna na kwukwaḏiḏi tɔk;

ruuya 1:20

ŋiɽaŋal ŋulucine ŋeḏi rorum rir dufɔkwɽeny, kra rizaŋa zi ki ṯii tinyi ṯeḏi mini, na ŋwɔmba ŋwir dufɔkwɽeny ŋwir ḏahab ŋiri ŋwu, rorum dufɔkwɽeny riti limaleyka leḏi yaniiza dufɔkwɽeny, na ŋwɔmba ŋwir dufɔkwɽeny ŋwiri yaniiza dufɔkwɽeny.

ruuya 1:8

na Kweleny kweni Allah, kwunderṯa kwunani kirem, na kweṯinani kerreny, na kwinḏi eḏila tɔk, ŋgwa kwuṯemḏizi la ŋuma ŋi, aru ŋwu: nyi kwiri kweni alfa na omega, yinderṯa yeni kwɔnkwɔn na kwaḏan.

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 16:5

nenyi neŋne maleyka kweḏi zulṯa kweḏi ŋaw, kwaruŋw: hukm wɔŋa wir wu weni wirlalu, ŋa, kweni Kwirlinelu ter, kwunani kirem na kwumɔ nani.

ruuya 2:12

lucazi maleyka kweḏi kaniiza kinani bargamuz, ŋwu: ŋiɽaŋal ŋu ŋiri ŋandizazi ŋgwa kweḏi kalala kirana ray riɽen.

ruuya 2:18

lucazi kaniiza kinani ṯiyaṯra, ŋwu: ŋiɽaŋal ŋu ŋiri ŋandizazi Tor teḏi Allah, teḏi yey yir kaka igə wufudu, na ŋwara ŋwuŋwun aɽani zarṯu kwir zurman, kweṯari kam kam.

ruuya 2:8

lucazi maleyka kweḏi kaniiza kinani zimirna, ŋwu: ŋiɽaŋal ŋu ŋiri ŋandizazi ŋgwa kweni kwiŋna na kwukwaḏaḏi tɔk, ŋgwa kwayyu kerreny nuŋw miiḏi kwokwony.

ruuya 22:16

nyi kwiri kweni Yecu, kwuza maleyka kwinyi nani ŋa gwu, ṯunḏiza ṯi ki kḏu eḏi baŋaci yaniiza, nyi kwiri ṯufu ṯuruḏi eḏi dauḏ-ŋa, nenyorɔ tor tuŋwun tɔk, nenyeni ṯorum ṯeḏi ezir yi ṯeṯiṯiŋaḏa fori lu.

ruuya 22:8

nyi kwiri kweni yuhanna, kwuniŋna na kwiza kwɔmne ŋgwu. na menyi neŋne, na menyeze tɔk, nenyiidi ŋwurgwu ŋi lu eḏi kwoce maleyka lu, ŋwuɽele-na ŋwuŋwun, ŋgwa kwubaŋcenyi.

ruuya 3:1

lucazi maleyka kweḏi kaniiza kinani zarḏiz, ŋwu: ŋiɽaŋal ŋu ŋir ŋandizazi ŋgwa kweḏi rigɽima dufɔkwɽeny reḏi Allah, na rorumi dufɔkwɽeny. nyi kwilŋiiḏi ŋɔḏɽor ŋɔŋa, na eḏi yiriny eḏaruŋw nyi ŋgwu kwumiiḏu, lakin na eni kwayyu.

ruuya 3:14

lucazi maleyka kweḏi kaniiza kinani lawuḏikya, ŋwu: ŋiɽaŋal ŋu ŋir ŋandizazi ŋgwa kwetari emba, kwir zuhuuḏ kwirlalu, kweri zi andazi ŋir rerem, kwunani kwizatuk ki lomur limɔ li Allah daɽmaḏa kwɔmne tatap.

ruuya 3:7

lucazi maleyka kweḏi kaniiza kinani filaḏalfiya, ŋwu: ŋiɽaŋal ŋu ŋir ŋandizazi ŋgwa Kwirlinelu ter rerec, ŋgwa kweḏi mufṯah kweḏi dauḏ, kweṯi kiṯi, ŋwere kwere eḏi leŋḏeḏa mac, na kweṯi leŋḏeḏa, ŋwere kwere eḏi kiti mac.

ruuya 4:5

na nani gwu kwurzi kweḏi ŋeleny eṯi rimen iidi kec kec, na kwurna kweḏi lere muŋw ofi-na. na ki yey-na yeḏi kwurzi eti gwu nyuɽi nani dufɔkwɽeny nyir igə wir ŋwɔmba, nyir rigɽim dufɔkwɽeny reḏi Allah;

ruuya 4:8

na ŋgwa tatap kwir kwaɽŋan kwumiiḏu ner eḏi yufu nyirlil nyirlil yurene yey nana par ŋgi la, kiininy ŋgi-na tɔk. eṯir kekite ṯilŋ a kḏu kulu kulu kaŋwun kaŋwun, eṯir aruŋw: kwirlinelu ter, kwirlinelu ter, kwirlinelu ter, kwiri Kweleny kweni Allah, kwuṯemḏizi la tatap ŋuma ŋi, kwunani kerreny, na kwunani kirem, na kwinḏi eḏila!

ruuya 5:6

na ki ŋwobi-na ŋweḏi kwurzi-ŋa kwɔmne gi ŋgwa kwumiiḏu kwir kwaɽŋan, na ki lijowiṯ-na keligeny-na, nenyeze Tiranyu tirlu, tir kaka tirany tete timer eɽenye, teḏi ril dufɔkwɽeny na yey dufɔkwɽeny, yir rigɽim dufɔkwɽeny reḏi Allah, rimɔŋw zi uzi ṯurmun nana tatap.

ruuya 8:2

nenyeze limaleyka dufɔkwɽeny leṯirilli ki yey-na yeḏi Allah, ner zi inḏeḏa libruza dufɔkwɽeny.