ruuya 1:18 - Ṯikiṯaḏiza Ṯiaŋ 1967

¹⁸ nenyorɔ ŋgwa kweṯi miiḏi; nenyi ay kerreny, lakin izaṯi, nyi kwumɔ miiḏi, enyi nanniḏa kwumiiḏu dɔk dɔk, nenyeḏi limufṯah leḏi ŋiɽany na ezir weḏi rigɽim.

ruuya 1:18 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 24:5

nezi ŋiḏeny ye-na, ner irrazi ŋwoɽa lu kureyu lu ta, nezi lor klu eca ŋwu: a lɔḏɔ manuŋ linaŋna ŋunduŋwu ŋiɽany-na ŋgwa kwumiiḏu?

yuhanna 11:25

na Yecu eca ŋwu: nyi kwiri tidiɽa, na ŋimiiḏa tɔk. muŋw emnizi nyuŋwu kwere muŋw alliḏa nyuŋwu tugwori nana, muŋw kinna ay, ŋwu miiḏi:

yuhanna 14:19

kwɔkwɔk, enyi ṯurmun ere eze kwokwony mac, lakin ŋaŋa, a lenyi eze; kaka miiḏinyi gwu, a miiḏi ŋaŋa tɔk.

ruumiya 6:9

kaka ilŋiicar gwu rac eḏaruŋw: Kwruztu, diɽaŋw gwu ŋiɽany-na, ŋwu ere ay kwokwony duṯ; eṯi ŋiɽany ere eḏi ŋuma kwokwony mac eḏi miḏa ŋunduŋwu.

kurinṯuuz aṯ ṯaani 13:4

kaka mer gwu ṯigreḏa ŋwuɽi la ŋwuɽmɔḏalu nuŋw eni kwumajili, lakin eṯuŋw miiḏi ŋuma ŋi ŋeḏi Allah, nyiŋa ta ner eni lajila duŋgwun-na, lakin ma ŋazi hakwumi, enyi miiḏi ŋundu ŋgi ŋuma ŋi ŋeḏi Allah.

galaaṯya 2:20

nyi kwumay Kwruztu gi ki ŋwuɽi la ŋwuɽmɔḏalu; na nyi kwiti kwiri mac ŋgwu kwumiiḏu, lakin na Kwruztu orɔ ŋgwu kwumiiḏu nyi gwu-na; nyi kwunani kwumiiḏu kaŋna-na wu, lakin nyi ŋgwu kwumiiḏu ki təmna-na ṯeṯi nyi ṯi alliḏa Toru teḏi Allah tugwori nana, tamɽa nyi mindaŋ nuŋw tiŋaci nyuŋwu rɔgwɽɔ lu eḏeyzi nyuŋwu.

kuluuzi 3:3

kaka ay ŋa gwu, na ŋimiiḏa ŋalu lucini Kwruztu gi eḏi Allah-na.

libraani 1:3

eṯuŋw ṯiŋaḏa fori lu kweḏi ŋiniṯ ŋeḏi Allah, na eṯuŋw aɽani ŋunduŋw dap dap, nuŋw orɔ kwufna ṯurmuna ŋiɽaŋal ŋi ŋeḏi ŋuma ŋuŋun. muŋw daɽmaḏa ṯizuɽuna ṯeḏi ŋikya ndendeṯ, nuŋw nanalu tuc ki ṯii ṯeḏi mini ṯeḏi ŋiniṯ kindala kider,

libraani 12:2

liza Yecuŋw, kwir kwuruwa ṯəmna ṯeri, ṯimɔŋw ṯimaza kworɔ dap tɔk; kwunderṯa kwiɽinyana ŋwuɽi nana ŋwuɽmɔḏalu, kwiti kwukitiza feḏiya yey mac eḏay kaka kwizi kwiki, kaka izazaŋw gwu ṯinyiŋlana kereny, na kwunanalu kwurzi la kweḏi Allah, ki ṯii ṯeḏi mini.

libraani 7:16

kimorɔ Kiziiz, ŋiti ŋiri ŋeḏi kuruu keḏi ŋelŋe mac, lakin ŋuma ŋi ŋeḏi ŋimiiḏa ŋiti ŋeḏir zi ŋuma mac eḏi zi kiraza lu.

libraani 7:25

kaka ṯaŋwu, eṯuŋw eḏi ŋuma eḏi zi kileḏi minmin kla leṯi duŋgwaḏa Allah nana ŋundu ŋgi, kaka enuŋw gwu kwumiiḏu ŋwamin tatap dɔk dɔk eḏi zi roce.

ruuya 10:6

nuŋw ṯemzi rɔgwɽɔ ruŋwun ŋundu ŋgi ŋgwa kweṯi miiḏi dɔk ḏɔk, ŋgwa kwukete lerya na kwɔmne tatap kwunani gwu-na, na ureyu tɔk na kwɔmne tatap kwunani gwu-na, na ṯujuli tɔk na kwɔmne tatap kwunani gwu-na, na maleyka ŋgwa kwuṯemza rɔgwɽɔ, aruŋw: er ere ɽindaŋnalu kwokwony mac,

ruuya 15:7

na kwete kweḏi kwɔmne ŋgwa kwumiiḏu kwir kwaɽŋan inḏeḏa limaleyka dufɔkwɽeny nyiṯraŋi dufɔkwɽeny nyir ḏahab, nyurene ŋirŋaza-na ŋeḏi Allah weṯinanniḏa dɔk dɔk;

ruuya 2:8

lucazi maleyka kweḏi kaniiza kinani zimirna, ŋwu: ŋiɽaŋal ŋu ŋiri ŋandizazi ŋgwa kweni kwiŋna na kwukwaḏaḏi tɔk, ŋgwa kwayyu kerreny nuŋw miiḏi kwokwony.

ruuya 20:13

nezi tujul ruwa kla limay linani gwu-na, nezi ŋiɽany-ŋa ezir yi weḏi rigɽim ruwa kla limay linani gwu-na, ner zi hakwumi tatap ŋiɽaŋal ŋi ŋa ŋimerzerri.

ruuya 20:14

mindaŋ ner kaṯu ŋiɽany ŋwuzi, ezir yi weḏi rigɽim, ki ṯujul-na tir igə. ṯinderṯa ṯir ŋiɽany ŋir nimra kwuɽen, ṯir ṯujul ṯir igə;

ruuya 3:7

lucazi maleyka kweḏi kaniiza kinani filaḏalfiya, ŋwu: ŋiɽaŋal ŋu ŋir ŋandizazi ŋgwa Kwirlinelu ter rerec, ŋgwa kweḏi mufṯah kweḏi dauḏ, kweṯi kiṯi, ŋwere kwere eḏi leŋḏeḏa mac, na kweṯi leŋḏeḏa, ŋwere kwere eḏi kiti mac.

ruuya 4:9

mindaŋ ma kwɔmne ŋgwa kwumiiḏu nii Allah-na, na mer iɽi-na mer eca ŋgwa kwunanalu kwurzi la zukran, kweṯi miiḏi dɔk dɔk,

ruuya 5:14

na kwɔmne ŋgwa kwumiiḏu kwir kwaɽŋan, aruŋw: emba! na lijowiṯ lir ṯuɽi-kwaɽŋan iidicelu ner kwocelu.

ruuya 6:8

menyi kete yey nenyeze mɔrṯa kwigla nana kiny, na ŋgwa kwelliḏi gwu la kweni ŋiɽany, na ezir weḏi rigɽim kwaḏiḏa; na ṯurmun yiḏriḏa kwaɽŋan ner zi inḏeḏa zulṯa eḏi kekite kete ŋiɽany kalala gi mindaŋ, yaŋwu yi mindaŋ, na kwɔmne gi kweḏi ŋerya kweḏi yaɽi-na ki ṯurmun-na.

ruuya 9:1

na maleyka, kwir nimra ṯuḏni, əri bruza kwuŋwun, nenyeze ṯorumi tete ṯiidu ki lere nuŋw oɽa kureyu lu, ner inḏeḏa mufṯah kweḏi ogwur weḏi ezir woɽu lac kuṯelu;