ruuya 1:11 - Ṯikiṯaḏiza Ṯiaŋ 1967

¹¹ ṯaruŋw: ŋa ŋizaŋa zi, luḏi zi kiṯam-na kete, ezi uzici yaniiza yir dufɔkwɽeny, nani afazuz, na zimirna, na bargamuz, na ṯiyaṯra, na zarḏiz, na filaḏalfiya na lawuḏikya.

ruuya 1:11 ပူးပေါင်းရင်းမြစ်များ

kurinṯuuz al awal 15:32

aḏa kwinḏi nyi eḏəgini, ṯugwuḏinyi gwu lizi li lir kaka yiraw afazuz? mer zi ere diɽi ŋiɽany-na mac kla limay ta, a kwiti kwer ari pa ŋwu manya: er eḏne mindaŋ, er ii mindaŋ, kaka inḏir gwu eḏay ŋurpu?

kurinṯuuz al awal 16:8

lakin nyi kwunaŋna eḏi nani afazuz mindaŋ ma yom al khamziin ere,

afazuz 1:1

nyi, kweni buuluz, kwir kafur keḏi Kwruztu kweni Yecu tugwor ṯi ṯeḏi Allah, kwagnaŋazi leni lirlinelu ter, linderṯa leḏi ṯəmna na leṯinani eḏi Kwruztu-na kweni Yecu.

kuluuzi 2:1

ŋwu ṯa, nyi kwunaŋnaŋazi eḏelŋe ṯukwurmɔṯana ṯinyi beṯe-beṯen ŋiɽaŋal ŋi ŋeni ŋalu, na ŋeḏi kla linani lawuḏikya, na kla tatap tɔk liti limenyeze kiyeyna lamin lere mac,

timuṯaawuzŋw al awal 1:3

kaka oraca ŋa gwu, inḏi nyi gwu kezir weni makḏunya ta, nani kezir weni afazuz eḏizi inḏeḏa lɔkwɔ amra, er zi ere ilŋiiḏini ṯaliima ṯir ter mac,

ruuya 1:17

menyeze ŋunduŋwu, nenyi iideḏa ŋwuɽele-na ŋwuŋwun timbɽak, kaka kwizi kwayyu, lakin nuŋw kete nyuŋwu ṯii la ṯeḏi mini, nuŋw aruŋw: eṯi ṯinya mac. nyi kweni kwiŋna na kwukwaḏiḏi tɔk;

ruuya 1:19

luḏi zi fitak ŋa ŋizaŋa zi, ŋu ŋinani kire-kirem, na ŋa ŋinḏi eḏerrini kwaḏan gi.

ruuya 1:2

na yuhanna orɔ zuhuuḏ kweḏi kwɔmne tatap kwafa ŋwi nani gwu Allah, na ṯunḏiza ki ṯeḏi Yecu Kwruztu.

ruuya 1:20

ŋiɽaŋal ŋulucine ŋeḏi rorum rir dufɔkwɽeny, kra rizaŋa zi ki ṯii tinyi ṯeḏi mini, na ŋwɔmba ŋwir dufɔkwɽeny ŋwir ḏahab ŋiri ŋwu, rorum dufɔkwɽeny riti limaleyka leḏi yaniiza dufɔkwɽeny, na ŋwɔmba ŋwir dufɔkwɽeny ŋwiri yaniiza dufɔkwɽeny.

ruuya 1:4

nyi kwiri kweni yuhanna, kwuluca yaniiza dufɔkwɽeny yeḏi azyaŋw: eḏi ṯimeca ṯeḏi ŋimɽi nani daŋgal-na ŋiɽena ŋi, ŋinḏi nani gwu ŋgwa kwunani kirem, na kwunani kerreny, na kwinḏi eḏila, na ŋinḏi nani gwu rigɽim rimiiḏu dufɔkwɽeny rirlaca kwurzi lu kwuŋwun kweḏi ŋeleny,

ruuya 1:8

na Kweleny kweni Allah, kwunderṯa kwunani kirem, na kweṯinani kerreny, na kwinḏi eḏila tɔk, ŋgwa kwuṯemḏizi la ŋuma ŋi, aru ŋwu: nyi kwiri kweni alfa na omega, yinderṯa yeni kwɔnkwɔn na kwaḏan.

ruuya 10:4

ma kwurna kweḏi lere ufḏuḏi-na nyamin-na dufɔkwɽeny, nenyi naŋni eḏi zi lɔ tuc, lakin nenyi neŋne tɔgwɽɔ tete turuḏi kilerena, taruŋw: miḏizi nyetec ŋa ŋandizazi lere; eti zi luḏi mac.

ruuya 14:13

nenyi neŋne ṯɔgwɽɔ ṯiruḏi kilerena, ṯaruŋw: luḏi zi ŋwu, kla linḏi eḏay eḏi Kweleny-na leni lortani tuc. na Ṯigɽim ṯirlinelu ter aruŋw: emba, leni lortani rerem, kaka eḏir gwu ŋuma eḏala ŋɔḏɽor ŋeŋen rii eḏi keṯini wəŋ, kaka eṯi zi gwu ŋa ŋimerzerri kwakiḏaḏa lu.

ruuya 19:9

na maleyka eca nyuŋwu ŋwu: luḏi zi, ŋeni ŋwu: kla lornuṯir zi eḏele kazuuma-na weḏi ṯaga ṯeḏi Tirany, leni lortani, nuŋw eca nyuŋwu ŋwu: ŋiɽaŋal ŋu ŋeḏi Allah ŋiri, ŋir rerem.

ruuya 2:1

lucazi maleyka kweḏi kaniiza kinani afazuz, ŋwu: ŋiɽaŋal ŋu ŋir ŋandizazi ŋgwa kwapa rorumi dufɔkwɽeny ki ṯii-na ṯuŋwun ṯeḏi mini, ŋgwa kweṯi irerelu tɔk keligeny-na keḏi kwɔmne dufɔkwɽeny kweḏi ŋwɔmba kwir ḏahab.

ruuya 2:12

lucazi maleyka kweḏi kaniiza kinani bargamuz, ŋwu: ŋiɽaŋal ŋu ŋiri ŋandizazi ŋgwa kweḏi kalala kirana ray riɽen.

ruuya 2:18

lucazi kaniiza kinani ṯiyaṯra, ŋwu: ŋiɽaŋal ŋu ŋiri ŋandizazi Tor teḏi Allah, teḏi yey yir kaka igə wufudu, na ŋwara ŋwuŋwun aɽani zarṯu kwir zurman, kweṯari kam kam.

ruuya 2:24

lakin nyi kweca ŋazi ŋwu, ŋaŋa liḏaḏu linani ṯiyaṯra, kla tatap liti leṯi miḏa ṯaliima kḏu mac, na liti lilŋiiḏi mac ŋiɽaŋali ŋeṯir ŋi aruŋw, ŋinani ki ṯugwor-na lac ṯeḏi zeyṯaan: nyi kwiti kwɔ ŋa allaci ṯofi ṯere mac ṯir ter;

ruuya 2:8

lucazi maleyka kweḏi kaniiza kinani zimirna, ŋwu: ŋiɽaŋal ŋu ŋiri ŋandizazi ŋgwa kweni kwiŋna na kwukwaḏaḏi tɔk, ŋgwa kwayyu kerreny nuŋw miiḏi kwokwony.

ruuya 21:5

na ŋgwa kwunanalu kwurzi la kweḏi ŋeleny aruŋw: izaṯi, nyi ŋgwu kwudaɽmaḏi kwɔmne tatap eḏorɔ kwiaŋ. nuŋw eca nyuŋwu ŋwu: luḏi zi, kaka ur gwu ŋiɽaŋal ŋu ŋirlalu rerec.

ruuya 22:10

nuŋw eca nyuŋwu ŋwu: eti luca ŋiɽyaŋi ŋeḏi kiṯam ŋgu mac, kaka adiḏi gwu lomur keṯɔk.

ruuya 22:16

nyi kwiri kweni Yecu, kwuza maleyka kwinyi nani ŋa gwu, ṯunḏiza ṯi ki kḏu eḏi baŋaci yaniiza, nyi kwiri ṯufu ṯuruḏi eḏi dauḏ-ŋa, nenyorɔ tor tuŋwun tɔk, nenyeni ṯorum ṯeḏi ezir yi ṯeṯiṯiŋaḏa fori lu.

ruuya 3:1

lucazi maleyka kweḏi kaniiza kinani zarḏiz, ŋwu: ŋiɽaŋal ŋu ŋir ŋandizazi ŋgwa kweḏi rigɽima dufɔkwɽeny reḏi Allah, na rorumi dufɔkwɽeny. nyi kwilŋiiḏi ŋɔḏɽor ŋɔŋa, na eḏi yiriny eḏaruŋw nyi ŋgwu kwumiiḏu, lakin na eni kwayyu.

ruuya 3:14

lucazi maleyka kweḏi kaniiza kinani lawuḏikya, ŋwu: ŋiɽaŋal ŋu ŋir ŋandizazi ŋgwa kwetari emba, kwir zuhuuḏ kwirlalu, kweri zi andazi ŋir rerem, kwunani kwizatuk ki lomur limɔ li Allah daɽmaḏa kwɔmne tatap.

ruuya 3:4

ŋa kweḏi kinna yiriny yeḏi lɔkwɔ linani zarḏiz liti limɔruŋwi yireṯi yeŋen mac; na kla lenyi li irerelu yireṯ yi yifiiḏu pərpər, kaka ofḏanir gwu.

ruuya 3:7

lucazi maleyka kweḏi kaniiza kinani filaḏalfiya, ŋwu: ŋiɽaŋal ŋu ŋir ŋandizazi ŋgwa Kwirlinelu ter rerec, ŋgwa kweḏi mufṯah kweḏi dauḏ, kweṯi kiṯi, ŋwere kwere eḏi leŋḏeḏa mac, na kweṯi leŋḏeḏa, ŋwere kwere eḏi kiti mac.