ruuya 1:1 - Ṯikiṯaḏiza Ṯiaŋ 1967

¹ ŋiɽaŋal ŋu ŋimezi Yecu Kwruztu ruweze lu, ŋinḏeḏa zi Allah eḏizilŋiiḏini yaḏaama yuŋwun ŋa ŋinḏi eḏerrini kwaḏan kwɔkwɔ. nuŋw zi tuweci yuhannaŋw lu maleyka gi kwuŋwun,

ruuya 1:1 ပူးပေါင်းရင်းမြစ်များ

yuhanna 12:49

nenyji ere andazi zulṯa gi kwinyi mac; na ŋgwa kwuzanyi, keni Papa ŋundu, orɔ kwumenyi ellici amra ŋiɽaŋal ŋi ŋeḏi zi andazi, na ŋeḏi ŋi andazi aŋgwuru.

yuhanna 15:15

ŋazi ere eca yaḏaama kwokwony mac, kaka iti ilŋiica gwu kaḏaam kwɔmne mac kweṯi kwizi erri kwunannir gi. lakin, nyi kwumɔŋazi eca, limeḏgeri, kaka ma ŋazi gwu ilŋiiḏini ŋiɽaŋali tatap ŋiniŋnanyji nani gwu Papa.

yuhanna 17:8

kaka menyji gwu ilŋiiḏini ŋiɽaŋali ŋimenyjinḏeḏa, ner zi miḏa, ner nyi elŋece rerem rac eḏari, kwuruḏi nanuŋw gwu; ner zi ma emni tɔk eḏari, kwunderṯa kwuza ŋunduŋwu.

yuhanna 3:32

na eṯuŋw ŋi unḏi ki ŋeḏi kwɔmne kwumɔŋw eze, na kwumɔŋw neŋne tɔk; lakin nuŋw ere kwere mac kwemnizi ṯunḏiza ṯuŋwun ki.

yuhanna 8:26

nyi kweḏi ŋiɽaŋali ŋuru eḏi zi andaci ŋaŋwuzi, eḏi ŋi hakwumi ŋaŋwuzi tɔk; lakin na kwuzanyi, kwunderṯa kwiri rerem, na ŋiɽaŋal ŋeṯinyji neŋne nanuŋw gwu, ŋinderṯa ŋeṯinyji andaci ṯurmuna.

ruumiya 16:25

eḏi Allah ortani ŋiniṯ ŋi, weṯeḏi ŋuma eḏi firlazi ŋaŋwuzi la ŋiɽaŋal ŋi ŋeḏi injiil ŋeṯinyji andazi, na ṯilŋiiḏina ṯi ṯeḏi Yecu Kwruztu, ŋiɽaŋal ŋi tɔk ŋeḏi ṯiruwenelu ṯeḏi ŋejmeṯ ŋimɔ nanniḏa yiḏleyu yuru ŋulucina;

galaaṯya 1:12

kaka iti afanyji gwu nani gwu kwizigwunaŋ mac, ya eḏi zi kwizi kwere ilŋiiḏini nyuŋwu tɔk mac, lakin Yecu Kwruztu kwiri kwuruwecenyji lu.

afazuz 3:3

nenyi Allah ilŋiiḏini ŋejmeṯi ŋuŋun ṯiruweniza ṯi lu, kaka lucaŋazi gwu ŋɔkwɔ;

tiiṯaz 1:1

nyi kwiri kweni buuluz, kwir kaḏaam keḏi Allah na kafur keḏi Yecu Kwruztu, na ŋɔḏɽor ŋinyi eni ŋu, eḏi zi kindeci ṯəmna kla limezi Allah ecena, na ṯilŋiiḏina tɔk ṯeḏi ŋirlalu ŋeṯi nii Allah-na,

ruuya 1:19

luḏi zi fitak ŋa ŋizaŋa zi, ŋu ŋinani kire-kirem, na ŋa ŋinḏi eḏerrini kwaḏan gi.

ruuya 1:9

nyi kwiri kweni yuhanna, kwir aŋgalu kwalu kweṯoɽmaṯi ŋaŋa li ki ṯurfa-na, na ki ŋeleny-na, na ki ṯukwurmɔṯana-na tɔk, ṯimorɔ ṯeri eḏi Yecu-na. nyi kwunani kaka mabuuz ki jaziira-na kwete kweni baṯmuz, kaka andizenyi gwu ŋiɽaŋali ŋeḏi Allah nenyi unḏizi Yecuŋw ki.

ruuya 17:1

mindaŋ nuŋw ila kwete kweḏi limaleyka dufɔkwɽeny, leṯapi nyiṯraŋi dufɔkwɽeny, nuŋw eca nyuŋwu ŋwu: ila, nyi kwɔ ŋa baŋaci hukma weḏi kwaw kwir kwijin kwiki beṯen, kwunanalu ŋaw la ŋuru,

ruuya 19:10

ṯaŋwu, nenyiideḏa ŋunduŋwu ŋwuɽele-na eḏi kwoce ŋunduŋwu lu, lakin nuŋw eca nyuŋwu ŋwu: beri, ma! nyi kwiri kaḏaam keṯoɽmaṯi ŋa gi ki ŋɔḏɽor-na, na liaŋgalu li leṯi miḏa ṯunḏiza ki ṯeŋen teter ṯeḏi Yecu. kwoce Allah lu. eṯi kla leṯunḏizi Yecuŋw ki ɽe kaka liɽyaŋi.

ruuya 19:9

na maleyka eca nyuŋwu ŋwu: luḏi zi, ŋeni ŋwu: kla lornuṯir zi eḏele kazuuma-na weḏi ṯaga ṯeḏi Tirany, leni lortani, nuŋw eca nyuŋwu ŋwu: ŋiɽaŋal ŋu ŋeḏi Allah ŋiri, ŋir rerem.

ruuya 21:2

nenyeze meḏiina kwirlinelu ter, kweni urzaliim kwiaŋ, kwoɽu kilerena nani gwu Allah, kwudaɽmina kaka kiŋaɽu kɔgwuɽacar kworu nana kwuŋwun kweḏi ṯaga;

ruuya 21:9

mindaŋ ŋuŋw ila kwete kweḏi limaleyka, kla lir dufɔkwɽeny limapi nyiṯraŋi dufɔkwɽeny, nyurena jiiza gi dufɔkwɽeny kweḏi kwaḏanŋw, nenyi gi andazi, nuŋw aruŋw: ilamba, e ŋa baŋaci kiŋaɽua, kir kwaw kweḏi Tirany.

ruuya 22:1

mindaŋ na maleyka baŋaci nyuŋwu kufurṯa keḏi ŋaw-na ŋeṯizinḏeḏa ŋimiiḏa, ŋuzuɽu-na cucuɽic, kuruḏu nani gwu kwurzi kweḏi Allah-ŋa Tirany ri

ruuya 22:16

nyi kwiri kweni Yecu, kwuza maleyka kwinyi nani ŋa gwu, ṯunḏiza ṯi ki kḏu eḏi baŋaci yaniiza, nyi kwiri ṯufu ṯuruḏi eḏi dauḏ-ŋa, nenyorɔ tor tuŋwun tɔk, nenyeni ṯorum ṯeḏi ezir yi ṯeṯiṯiŋaḏa fori lu.

ruuya 22:6

nuŋw eca nyuŋwu ŋwu: ŋifaŋal ŋu ŋeni ŋirlalu rerec, na Kweleny, kwir Allah weḏi rigɽim reḏi liɽi, kwumɔ uza maleyka kwuŋwun eḏi baŋaci yaḏaama yuŋwun ŋiɽaŋali ŋa ŋinḏi eḏerrini fitak.

ruuya 22:8

nyi kwiri kweni yuhanna, kwuniŋna na kwiza kwɔmne ŋgwu. na menyi neŋne, na menyeze tɔk, nenyiidi ŋwurgwu ŋi lu eḏi kwoce maleyka lu, ŋwuɽele-na ŋwuŋwun, ŋgwa kwubaŋcenyi.

ruuya 22:9

nuŋw eca nyuŋwu ŋwu: beri, ma! eṯi zi erra ŋir ŋu mac. nyi kwiri kaḏaam keṯoɽmaṯi ŋa gi ki ŋɔḏɽor-na, na liaŋgalu li tɔk, lir liɽi, na kla letaŋraci ŋifaŋali ŋedi kiṯam ŋgu. kwoce Allah lu.

ruuya 4:1

ma ŋiɽaŋal ŋu ere, nenyi baŋala nenyeze ogwur wukiṯina kilerena, na ṯɔgwɽɔ kḏa ṯimenyi neŋne kerreny ṯir kaka bruz, nuŋw andaci nyuŋwu, nuŋw aru ŋwu: dalliḏe kunuŋ, ŋa baŋaci kwɔmne kwinḏi eḏerrini kwaḏan gi.

ruuya 5:7

nuŋw ele, nuŋw dimi kiṯami kinani ki ṯii ṯeḏi mini ṯeḏi ŋgwa kwunanalu kwurzi la.