galaaṯya 5:2 - Ṯikiṯaḏiza Ṯiaŋ 1967

² ta na nyi kweni buuluz, nyi kwecaŋazi ma ŋwa, ma emni eḏuɽuni ta, a Kwruztu ere ofḏani daŋgal-na mac.

galaaṯya 5:2 ပူးပေါင်းရင်းမြစ်များ

kurinṯuuz al awal 16:21

nyi kweni buuluz kwulucaŋazi ṯagna kḏu ṯii ṯi tinyi.

kurinṯuuz aṯ ṯaani 10:1

nyi kweni buuluz kwuturecaŋazi lu tur, ṯejilina ṯi na ŋiɽena ŋi ŋeḏi Kwruztu, laruŋwa: kweṯejilini ki rɔgwɽɔ mer iziḏizi kiyeyna ŋaŋa li, lakin kweṯi ŋazi andaci kandiza kifirli ma ŋazi gwu ere nani-na mac!

galaaṯya 5:11

lakin lieŋgeri, nyi kweṯandaci lizi eḏuɽuni a? beri ma! mer ta orɔ ŋu, er nyi ŋi ere owɽi yey kinna mac. eŋginyji andaci eḏuɽuni, eŋgir ere ermiḏeḏa ṯaliima nana teḏi ŋwuɽi ŋwuɽmɔḏalu mac.

galaaṯya 5:6

kaka ma nani eḏi Kwruztu-na kweni Yecu ta, eṯi ṯuɽuna ere eni ŋiɽaŋal ŋere mac, ya eḏere uɽuni tɔk mac, lakin ṯəmna ṯiri ṯeṯi ruwezi ṯamɽa lu.

ṯazaluniiki al awal 2:18

ŋwu ṯa, nenyi ṯeci eḏila, nenyi pa, kweni buuluz, nyamin rac nyamin rac eṯinyi haŋni eḏila, lakin zeyṯaan kwumenyji ṯinyini.

falimun 1:19

nyi kwiri kweni buuluz, ŋu ŋuluḏinyji ṯii ṯi ṯinyi ŋwu: kenyi əɽici. nenyere naŋni eḏi zi kiḏayinici ŋaŋwuzi mac, ŋenuŋw, a kweḏindi kəmzu, keni rɔgwɽɔ rɔŋwa.

falimun 1:9

nenyi keni naŋni eḏami dediŋw ŋaŋwu, ŋiɽaŋal ŋi ŋeḏi ṯamɽa ṯɔŋwa—nyi, kweni buuluz, kwumorɔ kimeyaŋ na kirem kwir mabuuz tɔk ŋiɽaŋal ŋi ŋeḏi Yecu Kwruztu—

libraani 4:2

kaka mer nyji gwu ireci ŋiɽaŋali ŋizaw deŋgeri-na kaka ṯa irecerzi ŋunduŋwuzi. lakin na ŋiɽaŋal ŋimerzi neŋne ere eḏiḏa fayḏa kwere deŋgen-na mac, kaka iti inḏacarzi gwu təmna-na mac nanir gwu limezi neŋne.