galaaṯya 4:6 - Ṯikiṯaḏiza Ṯiaŋ 1967

⁶ na kaka ur ŋa gwu nyor, Allah wumɔŋazi uzica Ṯigɽima ṯeḏi Tor tuŋwun ki rugwor-na reri, ṯeṯaruŋw: Abba, Papa!

galaaṯya 4:6 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 11:13

ma elŋe, kinna ŋaŋa, eḏinḏeḏa kwelle kwalu kwɔmne kwizaw, eni ŋa gwu liki rugwori ta, ezi Tarnyalu ṯalu ṯeṯinanni kilerena ere ami inḏeḏaŋw kla Ṯigɽima ṯirlinelu ter manya, mer ṯa uṯalu a?

ŋiɽaŋal ŋizaw ŋuludizi luuga 11:2

nuŋw zi eca ŋwu: ma ari ki yiriny, eṯeca ŋwu: Papa, eḏi yiriny yɔŋwa rillinelu ter yizaw; eḏi ŋeleny ŋɔŋa ila;

yuhanna 14:16

nyi kwara Papaŋw ŋwal ŋwere, mindaŋ kwɔ ŋazi inḏeḏa Kwumeca kwuḏaḏu eḏi ma dirnaṯi daŋgal-na, ŋwu gwu nanniḏa dɔk;

yuhanna 15:26

mindaŋ ma Kwumeca ila, kwinḏi ŋazi eḏi ṯiŋaca nani gwu Papa, kwir Ṯigɽim teḏi ŋirlalu ṯiruḏi nani gwu Papa, kwɔ ŋi unḏizi ki ŋeni nyi.

yuhanna 16:7

lakin, nyi kwandicaŋazi rerem, ŋɔ ŋazi ṯa zayḏa, menyi ele; menyi ere ele mac, a Kwumeca ere ila nani ŋa gwu mac, lakin menyi ele ta, ŋazi ṯa ṯiŋaca-na.

yuhanna 3:34

ŋgwa kwumɔ Allah uza, kwunderṯa kweṯandindazi ŋiɽaŋali ŋeḏi Allah, kaka eti gwu Allah ere inḏeḏa Ṯigɽima tamɽatu kworɔ mac.

yuhanna 7:39

nuŋw ŋi andazi ŋu ŋeḏi Ṯigɽim ṯinḏir eḏafi kwaḏan gi, kla leṯalliḏa ŋunduŋwu rugwori nana. Ṯigɽim tirlinelu ter ṯiti timer zi inḏeḏa kinna mac, kaka ma gwu Yecu ere niini-na kinna tɔk mac.

ruumiya 5:5

na eṯinyji ṯurony ere ye mac ŋiɽaŋal ŋi ŋeḏi ṯəkiza ṯeri kizen, kaka balicenyji gwu Allah ṯamɽa ṯuŋwun ki rugwor-na reri, Ṯigɽim ṯi ṯirlinelu ter ṯimɔŋw inḏeḏa nyuŋwuzi.

ruumiya 8:9

lakin ŋiti ŋeṯi gwu dirnaṯi-na ŋeḏi rɔgwɽɔ ruɽun mac, ŋeṯi ŋa gwu dirnaṯi-na ŋeḏi Ṯigɽim, ma ŋazi gwu Ṯigɽim ṯeḏi Allah omi-na rerem. kwere nyiḏak kwiti kweḏi Tigɽima ṯeḏi Kwruztu duŋgwun-na mac, kwiti kwiri kwuŋwun mac.

kurinṯuuz al awal 15:45

ṯaŋwu ner lɔḏine, ŋaruŋw: na kwor kwiŋna kweni adam nuŋw orɔ rɔgwɽɔ rimiiḏu; Adam kweḏi kwaḏanŋw, nuŋw orɔ Ṯigɽim ṯeṯinḏeḏa lizi ŋimiiḏa.

kurinṯuuz aṯ ṯaani 1:22

na wumenyji uɽici nimra kwuŋwun, na wumenyjinḏeḏa Ṯigɽima ṯuŋwun ki rugwor-na reri eḏorɔ arbun.

kurinṯuuz aṯ ṯaani 3:17

ta na Kweleny orɔ ŋundu Ṯigɽim, na kezir weṯi gwu Ṯigɽim ṯeḏi Kweleny nani, eti gwu hurriya nani tɔk.

afazuz 1:13

na ŋaŋa tɔk, ma gwu neŋne ŋiɽaŋali ŋirlalu, ŋeni ŋami tɔk ŋeḏi ŋigileḏa ŋalu, mindaŋ emnizaŋazi gwu tɔk, nuŋw uɽici ŋaŋwuzi nimra kwuŋwun kwir Tigɽim ṯirlinelu ter, kḏa ṯikitaḏuŋw gwu eḏuza,

afazuz 2:18

kaka ŋundu ŋgi, a kweḏi ri ŋuma eḏi duŋgwaḏa Papaŋw nana nden tɔk, Ṯigɽim ṯi ṯir ṯutuput.

afazuz 4:30

etere runyini Ṯigɽima tirlinelu ter ṯeḏi Allah mac, wa wuɽicaŋw ṯi ŋaŋwuzi nimra kwuŋwun mindaŋ ma lamin ila linḏuŋw li eḏi ṯimaci ŋaŋwuzi talliḏiza kworɔ.

afazuz 6:18

ariri ki yiriny nyamin tatap ki Ṯigɽim-na ṯirlinelu ter, ṯara ṯi tatap ki yiriny na ṯuṯa ṯi lu tɔk. eṯinḏiri mac eḏizerici kla ki yiriny leni lirlinelu ter eḏi Kwruztu-na, ṯideŋṯina ṯi ṯeḏi ṯi ari ki yiriny duṯu-duṯuk.

fiilibbi 1:19

epa, nyi kwinḏi ṯa eḏi nyeŋlena, kaka eṯi nyi gwu elŋece eḏaruŋw, ṯimeca ṯeḏi ṯara ṯalu ki yiriny, na ṯeḏi Ṯigɽim ṯeḏi Yecu Kwruztu ṯinḏi nyi eḏi meci eḏofḏazi.

ṯazaluniiki al awal 4:8

ŋwu ṯaŋwu, kwere kwiti kweṯi ketize ŋiɽaŋali ŋu yey mac, eṯuŋw zi ere eni kwudimazi ŋeḏi kwizi mac, lakin Allah wiri, weṯi ŋazi inḏeḏa Ṯigɽima ṯuŋwun tirlinelu ter.

buṯruz al awal 1:11

Ṯigɽim ṯeḏi Kwruztu ṯaku ŋɔḏɽor ki rugwor-na reŋen, nuŋw zi ilŋiiḏini ŋedi ṯirara ṯupa ṯeḏi Kwruztu, na ŋeḏi ŋiniṯ ŋuŋun ŋinḏi eḏila kwaḏan gi. na liɽi uṯizelu ner ecaŋwu: ŋeḏi eya ŋiri? kwinḏi eḏila ṯacaŋ?

yahuuza 1:20

lakin ŋaŋa, limɽi linyi, ŋofḏana eḏi duŋgwuŋgwazi rɔgwɽɔ ralu ṯəmna ṯi ṯirlinelu ter; eṯari ki yiriny eḏi Tigɽim-na ṯirlinelu ter.

ruuya 19:10

ṯaŋwu, nenyiideḏa ŋunduŋwu ŋwuɽele-na eḏi kwoce ŋunduŋwu lu, lakin nuŋw eca nyuŋwu ŋwu: beri, ma! nyi kwiri kaḏaam keṯoɽmaṯi ŋa gi ki ŋɔḏɽor-na, na liaŋgalu li leṯi miḏa ṯunḏiza ki ṯeŋen teter ṯeḏi Yecu. kwoce Allah lu. eṯi kla leṯunḏizi Yecuŋw ki ɽe kaka liɽyaŋi.