galaaṯya 3:8 - Ṯikiṯaḏiza Ṯiaŋ 1967

⁸ na ŋiɽaŋal ŋuluḏina ilŋiiḏir zi gwu eḏaruŋw, Allah winḏi eḏi ruzi lizi lir umam lofḏana ṯəmna ṯi, ner andaci ibrahiimŋw ŋiɽaŋali ŋizaw ŋir injiil kerreny, ŋaruŋw: lizi leḏi ṯurmun tatap lortani ŋa ŋgi.

galaaṯya 3:8 ပူးပေါင်းရင်းမြစ်များ

yuhanna 19:37

na ŋir ter ŋuluḏina, ŋaruŋw: kwer ecice ŋgwa kwumer ṯugwi.

yuhanna 7:38

muŋw emni kwere eḏalliḏa nyuŋwu tugwori nana, erorɔ kaka ŋuluḏina ŋaruŋw: yufurṯa yafri ŋaw lu ŋuruḏi nani gwu tugwor ṯuŋwun ŋeṯi zi inḏeḏa ŋimiiḏa.

yuhanna 7:42

ŋiti ŋuluḏina manya, ŋaruŋw: Kwruztu kwuruḏa ŋwola-na ŋweḏi dauḏ-ŋa, kayin weni beyṯlahm, wunanu gwu dauḏ-ŋa?

ruumiya 9:17

kaka arir gwu firaawunŋw ŋwu, ŋuluḏina: nyi kwumɔŋa alla-na mindaŋ mer eze ŋuma ŋinyi duŋgwɔŋa-na, mindaŋ mer zi ilŋiiḏini yiriny yinyi ṯurmuna nana.

ruumiya 9:30

ta a kwer ari ḏa? lizi lir umam, linderṯa liti leṯinaŋnini ṯofḏana mac, limafi ṯofḏana ṯəmna ṯi;

galaaṯya 3:16

na ŋiɽaŋal ŋimɔ ŋi Allah kitaḏa, nuŋw ŋi kitaḏa ibrahiim ŋwuzi lola li lir ŋelŋe ŋuŋun. ner ŋi ere eca mac, ŋwola, ŋweni ŋwuru, lakin ner ŋi eca, lola, leni lutuput, linderṯa leni Kwruztu.

galaaṯya 3:22

ner nyjinḏeḏa ŋiɽaŋali ŋuluḏina ŋeḏi kuruu eḏi zi ŋi ici mindaŋ er elŋe eḏaruŋw, ŋikya ŋeri ŋimenyji ruzi kaṯi eḏay. na eṯi ṯireca kḏu mulɔ nyuŋwuzi eḏi naŋni ŋigileḏa ṯay ṯi ṯir ter, ŋimerzi kitaḏa kla leḏici Yecuŋw Kwruztu ṯəmna.

galaaṯya 4:30

lakin na ŋiɽaŋal ŋuluḏina ŋari ḏa? urte kwuwaya kiṯay tor ri tuŋwun; kaka iti inḏi gwu tor teḏi kwuway eḏoɽmaṯi ŋoru-na tor ri teḏi kwaw kwir hurr mac.

libraani 4:2

kaka mer nyji gwu ireci ŋiɽaŋali ŋizaw deŋgeri-na kaka ṯa irecerzi ŋunduŋwuzi. lakin na ŋiɽaŋal ŋimerzi neŋne ere eḏiḏa fayḏa kwere deŋgen-na mac, kaka iti inḏacarzi gwu təmna-na mac nanir gwu limezi neŋne.

ruuya 11:15

mindaŋ na maleyka kwir nimra dufɔkwɽeny əri bruza kwuŋwun, na rɔgwɽɔ rupa andazi kilerena, raruŋw: ŋeleny ŋeḏi ṯurmun ŋimorɔ ŋeleny ŋeḏi Kweleny kweri, na ŋeḏi Kwruztu kwuŋwun, ŋwu miḏa ŋelenyi dɔk dɔk.