galaaṯya 2:9 - Ṯikiṯaḏiza Ṯiaŋ 1967

⁹ na kla lir lijowit leni riɽḏin reḏi kaniiza, yaguub-ŋa zafa gi, na yuhanna tɔk, mer eze ṯimeca ṯeḏi ŋimɽi ṯimenyji Allah inḏeḏa, ner nyji agni rii ri reḏi mini, nyiŋa barnaaba gi, eḏorɔ ŋiaŋga; ner nyji emnici eḏele ki lizi-na lir umam, na ŋunduŋa ta eḏele ki lizi-na lir yahuuḏ.

galaaṯya 2:9 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 22:8

na Yecu ṯiŋa buṯruz ŋwuzi yuhanna gi, nuŋw zi eca ŋwu: inḏir, er nyji daɽmaci ezir weḏi gwu ye eḏneya weḏi kuruu.

yuhanna 1:42

nuŋw mulḏaḏa Yecuŋw nana. na Yecu ece tɔktɔk, nuŋw eca ŋwu: a kweni zimaan, tor teḏi yuuna; la ŋa eca, zafa, (ŋeni buṯruz).

ruumiya 1:5

na ŋundu ŋgi nenyafi ṯimeca ṯeḏi ŋimɽi ŋeḏi Allah, na ŋafura yiriny yi yuŋwun eḏi ŋi meci lizi leḏi ŋeleny tatap eḏenye nana ṯəmna ṯi,

ruumiya 12:3

ŋiɽaŋal ŋi ŋeḏi ṯimeca ṯeḏi ŋimɽi ṯimer nyi inḏeḏa ta, nyi ŋgwu kworacaŋazi lere nyiḏak daŋgal-na eḏere piŋi rɔgwɽɔ ralu mac eḏellini, lakin eṯi ṯeci rɔgwɽɔ ralu ŋiɽaŋal ŋi ŋeḏi ṯəmna, ṯimɔ ŋazi Allah kannaci lere lere.

ruumiya 15:15

ŋimɔ ŋazi loce ŋifirli beṯen ŋɔkwɔ eḏi ŋi ṯiŋayini, kaka inḏeḏa nyi gwu Allah ṯimeca ṯeḏi ŋimɽi ŋuŋun.

kurinṯuuz al awal 15:10

lakin nenyi orɔ kaka izari nyi gwu kirem ṯimeca ṯi ṯeḏi ŋimɽi ŋeḏi Allah; na ṯimeca ṯeḏi ŋimɽi ŋuŋun kḏa ṯinḏeḏaŋw nyuŋwu, nuŋw ere orɔ luŋw zagi mac. beri ma; kaka eṯi nyi gwu keni aki ŋɔḏɽor ŋifirli beṯen eḏi kwere la deŋgen-na, lakin ŋu tatap ner ere orɔ ŋinyi mac, lakin ṯimeca ṯiri ṯeḏi ŋimɽi ŋeḏi Allah ṯeṯi nyi gwu nani-na.

kurinṯuuz aṯ ṯaani 11:5

nyi kwaruŋw, nyi kwende kwiri kwɔkwɽeny eḏi yafur la kyu yiṯemḏelu.

kurinṯuuz aṯ ṯaani 12:11

nyi kwumeni kwuḏiki! emba, ŋaŋa liri limenyi iili eḏi zi andazi, ŋaŋa liri emba keni rerec leŋgi nyi iɽi-na. kaka iti eni nyi gwu kwɔkwɽeny mac eḏi yafur la kyu yiṯemḏelu, menyi kinna ere eni kwɔmne kwere mac.

kurinṯuuz aṯ ṯaani 8:4

ner nyji turecelu tur eḏi li oɽmaṯi eḏi zi meci kla lirlinelu ter eḏi Kwruztu-na—

galaaṯya 1:16

nuŋw amina eḏi ruwenici nyuŋwu Toru lu tuŋwun mindaŋ menyji andazi ki lizi-na lir umam. nenyere mumri ŋiɽaŋali la kwizi gi kwere mac,

galaaṯya 1:18

nenyi nani mindaŋ ma yiḏla ere ṯɔɽɔl, nenyi ṯaŋi urzaliim eḏi raŋḏa zafaŋw, nenyi gi nani ŋwamin wri-ṯuḏni.

galaaṯya 2:1

ma yiḏla wri-kwaɽŋan ere, nenyi ṯaŋi kwokwony urzaliim barnaaba gi, nenyi mulḏani tiiṯazŋw tɔk nyi gi.

galaaṯya 2:2

nenyi ṯaŋi ŋiɽaŋal ŋi kaka menyji gwu Allah ruwecelu; nenyji ŋi andaci ki yey-na yeŋen (lakin nenyorɔ cu-cuk nani gwu lizi liruzerzi lupa) ŋeḏi ŋiɽaŋal ŋizaw ŋir injiil weṯinyji yi ilŋiiḏini ki lizi-na lir umam, mindaŋ mer ere ruzi ŋɔḏɽor ŋinyi ŋiira fayḏa mac.

galaaṯya 6:3

ma kwizi kwere piŋi rɔgwɽɔ muŋw ere eni ŋiɽaŋal ŋere mac, eṯuŋw eni kwukeɽinje rɔgwɽɔ lu ruŋwun.

afazuz 2:20

ŋaŋa liri lowcina ki ṯugwagiza la ṯikita yafur-ŋa liɽi li, na Yecu Kwruztu ŋundu orɔ kal kupa ŋiɽaŋali keṯi miḏeḏa ezir la ŋamaŋ.

afazuz 3:8

emba, nuŋw inḏeḏa nyuŋwu ṯimeca kḏu, ur nyi gwu fa ta kineni kwɔkwɽeny beṯen tɔk eḏi liḏaḏu la tatap lɔkwɽeny, leni lirlinelu ter eḏi Kwruztu-na, eḏi zi andaci lir umam ŋiɽaŋali ŋiccaw ŋeḏi ŋurṯu ŋinanu eḏi Kwruztu-na, ŋiti ŋeŋgir zi eḏici ŋuma mac eḏizelŋece ezir wandir gwu.

kuluuzi 1:29

ŋinderṯa ŋu ŋeṯi nyi ŋi akiki ŋɔḏɽor ŋwunda ŋwunda, deŋṯinenyi gwu ŋuma ŋi tatap ŋiṯemḏelu, ŋeṯuŋw zi akiki duŋgwinyi-na.

timuṯaawuzŋw al awal 3:15

menyi kinna ɽindaŋnalu ləlu tuk, ezi ta elŋe rac ŋeŋgi zi erri ki duənu kweḏi Allah, kwir kaniiza keḏi Allah wumiiḏu, kir riɽḏin reṯi miḏeḏa ŋirlalu la.

yuhanna al awal 1:3

na ŋa ŋimenyjeze, ŋimenyji neŋne tɔk, ŋinaŋnar ŋazi kirem eḏizilŋiiḏi; ṯaŋwu a ma oɽmaṯi nyiŋa li ki ŋumaṯ-na; na eṯi ŋumaṯ ŋeri orɔ Papa ŋali, na Tor ri tuŋwun, teni Yecu Kwruztu.

ruuya 3:12

ŋgwa kweṯillazi ki, kwunderṯa kwenyi ruzi ṯiɽḏin ki heykal-na weḏi Allah winyi; ŋwere ruweḏe lu kwokwony ḏuṯ, enyi lɔ ŋunduŋwu yiriny nana yeḏi Allah winyi, na yiriny yeḏi meḏiina kweḏi Allah winyi, kwir urzaliim kwiaŋ, kwinḏi eḏoɽa kilerena nani gwu Allah winyi, na yiriny yinyi yiaŋ tɔk.