galaaṯya 2:4 - Ṯikiṯaḏiza Ṯiaŋ 1967

⁴ lakin ner zi mulḏani ŋejmeṯi ki mejliz-na lɔkwɔ lir ŋiaŋga ŋidiny, linaŋna eḏi ṯeci hurriya weri eḏi Kwruztu-na kweni Yecu, mindaŋ eḏi kəki nyuŋwuzi kuruu gi.

galaaṯya 2:4 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 5:38

eṯir ma balizi nabiṯa kwiaŋ ki lulugwuŋw-na liaŋ.

ruumiya 8:15

Ṯigɽim ṯimafi titi ṯiri tigɽim ṯeḏi ŋuway mac eḏi mulṯaḏa ŋaŋwuzi kwaḏan ŋiḏeny-na, lakin ṯiri Ṯigɽim ṯeṯi ŋazi ruzi nyor, mindaŋ mer ari: Abba, Papa!

kurinṯuuz aṯ ṯaani 11:13

lor lir kaka ṯa klu liri yafur yir ləluŋ, liri lɔḏɽor leṯi zi kekeɽinjelu, leṯi ṯecini eḏorɔ kaka yafur yeḏi Kwruztu ŋidiny.

kurinṯuuz aṯ ṯaani 11:17

(ŋu ŋandizanyji, ŋiti ŋandizanyji zulṯa gi kweḏi Kweleny mac, lakin kaka kwete kwiḏiki, ki ṯellineḏa-na kḏu;

kurinṯuuz aṯ ṯaani 11:20

kaka eṯi zi gwu indinyana nana ma ŋazi kwizi ruzi luway, ya muŋw ye ŋaŋwuzi, ya muŋw ajilazi ŋaŋwuzi, ya muŋw piŋi rɔgwɽɔ, ya muŋw ipii ŋaŋwuzi kiyeyna.

kurinṯuuz aṯ ṯaani 11:26

nenyi ireri nyamin-na nyuru, kezir wir ŋiɽany kiiru-na, kezir wir ŋiɽany ki loɽam-na, kezir wir ŋiɽany ki lizi-na linyi, kezir wir ŋiɽany ki lizi-na lir umam, kezir wir ŋiɽany ki meḏiina-na, kezir wir ŋiɽany kwuḏer-na, kezir wir ŋiɽany ki tujul-na, kezir wir ŋiɽany ki lumat-na lir ŋidiny;

kurinṯuuz aṯ ṯaani 3:17

ta na Kweleny orɔ ŋundu Ṯigɽim, na kezir weṯi gwu Ṯigɽim ṯeḏi Kweleny nani, eti gwu hurriya nani tɔk.

galaaṯya 1:7

na ŋiɽaŋal ŋizaw ŋir injiil ere nani ŋere ŋir ter mac, lakin ner nani lɔkwɔ leṯiŋazi urreḏa-na; eṯir naŋni eḏurli injiil weḏi Kwruztu.

galaaṯya 4:25

na haajar eni ayin weni ziinaa, wunani arabiya, nuŋw aɽani urzaliimŋw kweḏi kirem, kaka nanuŋw gwu ki ŋuway-na kwelle gi kwuŋwun.

galaaṯya 4:3

a kwirir ṯaŋwu; kinna urir gwu nyor nyɔkwɽeny ner ruzi nyuŋwuzi kaka luway, ilŋiiḏiner nyji gwu ŋeḏi rigɽim reḏi ṯurmun.

galaaṯya 5:1

Kwruztu kwumenyji kedi eḏorɔ lizi lir hurr; ṯaŋwu, enjer ŋwara lu teter, ta ere emni eḏi kəkini ki ŋuway-na kwokwony mac.

galaaṯya 5:10

nyi ŋgwu kwukitaŋazi ki ṯugwor-na eḏi Kweleny-na eḏaruŋw, a liti lirece ŋiɽaŋali ŋir ter yey lu mac, illi ŋinyi; na ŋgwa kweṯurreḏa ŋaŋwuzi-na ŋwafi hukma wuŋwun rac, muŋw kinna orɔ kaka aḏa.

timuṯaawuzŋw aṯ ṯaani 3:6

kaka eṯir gwu nani deŋgen-na kla leṯellelu ki yiŋna-na eḏi multaḏa layu ki ŋiɽaŋal-na ŋeŋen, liti leḏi yey-na mac, lakin leṯi ruzi ŋikya ŋeŋen eḏorɔ ṯofi ṯeŋen, na leṯi kwaḏiḏa ŋiɽaŋali ŋir-na ter ter.

yaguub 1:25

lakin ŋgwa kweṯi izanni ki ŋiɽaŋal-na ŋir minmin, ŋa ŋeṯinyji ruzi hurr, na muŋw gwu dirnaṯi-na ta, eṯuŋw ere ṯuḏina ŋiɽaŋal ŋi mac, lakin eṯuŋw zi erri. kwunderṯa kwinḏi eḏeni kwortani erreŋw zi gwu.

buṯruz al awal 2:16

eti nanni kaka lizi lir hurr; lakin ere aruŋw mac, nyiŋa limɔkedini ṯaŋwu enyjerri ŋiki. beri. eti nanni kaka yaḏaam yeḏi Allah.

buṯruz aṯ ṯaani 2:19

eṯir zi kitaḏa hurriya yi, lakin ner orɔ ŋunduŋa luway ṯidigɽa ṯi ṯeḏi ŋikya; kaka ma kwɔmne kwere nyiḏak illazi kwizi kwere ki, eṯuŋw ṯa orɔ kwuway kweḏi kwɔmne ŋgwa.

yuhanna al awal 4:1

limɽi linyi, eṯere emnici rigɽima tatap mac, lakin eṯi zi ṯeci mer orɔ redi Allah ya beri; kaka ruḏir gwu liɽi litezir ki ṯurmun lir ŋidiny.

yahuuza 1:4

kaka mer gwu enḏa lɔkwɔ nyetec, liti leṯinyizi Allah nana mac, limerzi ruzi kaṯi kerreny tuk, kaka ofḏanar gwu eḏi zi hakwumi, linderṯa leṯurli ṯimeca ṯeḏi ŋimɽi ŋeḏi Allah weri eḏizerri nyiḏak nyiḏak ŋeḏi kaduwa kiki, ner nyindini Yecuŋw Kwruztu, kwir Muallim kweri na Kweleny kweri kwutuput.