galaaṯya 2:16 - Ṯikiṯaḏiza Ṯiaŋ 1967

¹⁶ ner zi elŋece keni rac eḏaruŋw, kwizi kwiti kweṯir ruzi kwofḏana ŋɔḏɽor ŋi ŋeḏi kuruu mac, lakin təmna ṯi eḏi Yecu Kwruztu-na, nyiŋa keni limalliḏa Kwruztuŋw rugwori nana kweni Yecu, mindaŋ er nyji ruzi lofḏana ṯəmna ṯi kḏu, ner ere orɔ ŋeḏi ŋɔḏɽor ŋeḏi kuruu mac; kaka iti eṯir gwu ruzi kwizi kwere kwofḏana mac ŋɔḏɽor ŋi ŋeḏi kuruu.

galaaṯya 2:16 ပူးပေါင်းရင်းမြစ်များ

yuhanna 20:31

lakin ŋimerzi lɔ ŋu mindaŋ ma eḏi ṯəmna eḏi ṯi aruŋw: Yecu kwiri Kwruztu, kwir Tor teḏi Allah; mindaŋ, ṯəmna ṯi kḏu, a ma eḏi ŋimiida ŋiaŋ yiriny yi yuŋwun.

ruumiya 1:17

kaka ki ŋiɽaŋal-na ŋu, eṯi gwu ṯofḏana ruwene lu kḏa tir haḏiya ṯinḏi nani gwu Allah ṯəmna ṯi, na eṯir afi ṯəmna ṯi; kaka ŋa ŋuluḏina ŋeni ŋu: ŋgwa kweni kwofḏana ṯəmna ṯi, kwunderṯa kwumiiḏi.

ruumiya 3:30

urŋw gwu ṯa Allah wutuput; na winḏi eḏi zi ruzi lizuɽu-na tɔk kla leḏi ṯuɽuna ṯeḏi ŋwuḏruny ŋiɽaŋal ŋi ŋeḏi ṯəmna ṯeŋen, na kla liti leḏi ṯuɽuna mac lakin mer eḏi ṯəmna.

ruumiya 4:2

eŋgir ruzi ibrahiimŋw kwuzuɽu-na ŋɔḏɽor ŋi ŋakuŋw zi kuruu gi, eŋguŋw eḏi ŋuma eḏellini ki rɔgwɽɔ, lakin nuŋw ere eḏi ŋuma mac eḏellini ki yey-na yeḏi Allah.

ruumiya 4:24

lakin ŋimerzi lɔ ŋeni ŋeri tɔk. er nyji ṯa ruzi nyuŋwuzi ŋwu tɔk, limalliḏa ŋunduŋwu rugwori nana ŋgwa kwumɔ diɽi Yecuŋw ŋiɽany-na, kwir Kweleny kweri,

ruumiya 8:3

kaka mezi gwu Allah erri ŋa ŋiti ŋeḏizezi kuruu ŋuma mac eḏizerri, kajila ŋiɽaŋal ŋi ŋeḏi rɔgwɽɔ reḏi ŋizigwunaŋ; uzaŋw gwu Toru tuŋwun eḏorɔ karama keḏi ŋikya, ṯaɽina ṯi ṯeḏi rɔgwɽɔ reri reḏi ŋikya ta, na ma Allah ketize ŋikyaŋi ŋeḏi rɔgwɽɔ reri ruɽun jiiza kweḏi ṯikiraḏa lu.

ruumiya 9:30

ta a kwer ari ḏa? lizi lir umam, linderṯa liti leṯinaŋnini ṯofḏana mac, limafi ṯofḏana ṯəmna ṯi;

kurinṯuuz al awal 6:11

na lɔkwɔ daŋgal-na orɔ kerreny kaka kla. lakin ta, Allah wumɔŋazi iici rɔgwɽɔ-na ralu, na Allah wumɔŋazi irlelu ter ṯofḏana ṯi ṯuŋwun, wumɔŋazi zuɽu-na lere lere yiriny yi yeḏi Kweleny kweni Yecu Kwruztu, na eḏi Ṯigɽim-na ṯeḏi Allah weri.

galaaṯya 4:5

eḏi zi liṯa kla linani ki rii-na reḏi kuruu, mindaŋ er nyji ruzi nyuŋwuzi nyor ṯiɽuna ṯi.

galaaṯya 5:4

ma alliḏa kuruu rugwori nana eḏi ruzi ŋaŋwuzi lofḏana ta, a limuɽuḏenelu nani gwu Kwruztu, na nani gwu ṯimeca ṯuŋwun ṯeḏi ŋimɽi.

fiilibbi 3:9

eḏi dirnaṯi duŋgwun-na, kwiti kweḏi tofḏana ṯere ṯeni ṯinyi mac ŋiɽaŋal ŋi ŋeḏi kuruu, lakin tofḏana kḏa tallaḏinyi ṯi Kwruztuŋw ṯugwori nana, ṯir ṯofḏana ṯəmna ṯi, ṯindi nani gwu Allah,

buṯruz al awal 1:2

Allah wir Papa wica ŋazi-na, nuŋw eḏi fikra kweni kwalu lere lere. Ṯigɽim ṯirlinelu ter ṯimɔŋazi irlelu ter eḏi inyizi Yecuŋw Kwruztu nana, leni limɔrecine ŋin ŋi ŋuŋun. eḏi ŋazi Allah kikiɽeci ṯimeca ṯuŋwun ṯeḏi ŋimɽi, na ŋiɽena tɔk.

buṯruz al awal 2:24

nuŋw dimanni ŋundu ŋikyaŋi ŋeri aŋna wuŋwun nana ki ŋwuɽi la, mindaŋ eḏi rɔgwɽɔ reri ere miiḏi eḏi zi erri ŋir ŋiki kwokwony mac, lakin er miiḏi eḏi zi erri ŋir ŋofḏana. nuŋw zəwi ŋaŋwuzi ŋwumbal ŋi ŋwuŋwun.

buṯruz al awal 3:18

ŋende ŋere ŋimezi Kwruztu erri ŋiki, lakin nuŋw ay ŋiɽaŋal ŋi ŋeḏi ŋikya ŋeri tamin dak, nuŋw eyzi nyuŋwuzi kla lerrizi ŋiki, eḏi mulḏa nyuŋwuzi kwokwony nani gwu Allah; ner kete ŋunduŋwu kwir aŋna ŋiɽany ŋi, lakin, kwir ṯigɽim, nuŋw aɽiḏa ki ŋimiiḏa-na.

buṯruz aṯ ṯaani 1:1

nyi, kweni zimaan buṯruz, kwir kaḏaam keḏi Yecu Kwruztu na kafur kuŋwun, kwagnaŋazi leni limenyi li afi ṯəmna ṯibiɽcer nyji-na titir ki ṯofḏana-na ṯeḏi Kwigileḏa kweni Yecu Kwruztu, kwir Allah weri tɔk.

yuhanna al awal 1:7

lakin mer dirnaṯi ki fori-na kaka dirnaṯuŋw gwu ŋundu ki fori-na, eṯir eḏi ŋumaṯi-na kiduŋw, na eṯinyji ŋin ŋeḏi Yecu Kwruztu, kwir Tor tuŋwun, zuɽici ŋikyaŋi tatap kiṯay.

ruuya 7:14

nenyeca ŋwu: zaidi, ŋa kwilŋiiḏi. nuŋw eca nyuŋwu ŋwu: linderṯa kla limɔruḏa ki ṯurfa-na kḏa ṯir nyɔrɔ nyɔrɔ; limɔ yii yireṯi yeŋen, yimerzi fiiḏi pər pər ki ŋin-na ŋeḏi Tirany.

ruuya 7:9

mer ere ŋu, nenyeze lizi litezir, liti leḏi ŋuma eḏi zi kwizi kwere iɽeḏa mac, leḏi ŋeleny ter ter tatap, leḏi yabiila ter ter tatap, na leḏi jinz ter ter tatap, na ledi kandiza kir-na ter ter tatap tɔk, lirlaca kwurzi lu kweḏi ŋeleny, na ki yey-na yeḏi Tirany, likinna yireṯi yifiiḏu pərpər, lapa ril reḏi yaɽi yeḏi ḏamur,