afazuz 5:3 - Ṯikiṯaḏiza Ṯiaŋ 1967

³ etere andazi ŋiɽaŋali lu ŋeḏi ŋijin ḏuṯ na ŋere ŋiti nofḏana mac, na ṯimiidaḏa tɔk mac, ezi ere mumri la mac, kaka ur ŋa gwu leni lirlinelu ter eḏi Kwruztu-na.

afazuz 5:3 ပူးပေါင်းရင်းမြစ်များ

ŋiɽaŋal ŋizaw ŋuludizi luuga 12:15

nuŋw zi eca ŋwu: izarzi, ezi aŋraci ŋir afindiny. kaka iti nani gwu ŋimiiḏa ŋeḏi kwizi kwere mac kwɔmne-na kwubɔnalu, kweṯuŋw eḏi.

ŋiɽaŋal ŋizaw ŋuludizi luuga 16:14

nezi lifarzi neŋne ŋu tatap, ner erre luŋw. kaka eṯir gwu aminḏi kwuruuza.

ruumiya 1:29

ner ureni rugwor-na ŋikya ŋi lu ŋete nyiḏak, ŋudur, ŋuway yaḏa, ɔɽɔm, ŋeṯir ŋi ke ŋiɽany, ṯortutinena eḏi kete ḏimya, ŋerya, ṯikeɽinjelu, ŋudurlaḏu, ŋiɽaŋal ŋeṯir zi ŋi bɔŋwuḏi,

ruumiya 16:2

mindaŋ ma ami enji kwayu ŋgwu ki loɽu-na yiriny yi yeḏi Kweleny, kaka kla leni lirlinelu ter eḏi Kwruztu-na, na eḏami meci ŋunduŋwu ki ŋiɽaŋal-na ŋere nyiḏak ŋeŋw zi naŋni nani ŋa gwu, kaka mecaŋw zi gwu luru, na nyuŋwu tɔk.

ruumiya 6:13

etere ṯiŋaci ŋikyaŋi kwɔmne lu kwalu kweḏi yaŋna mac eḏi zi gi erri ŋeni ŋiki, lakin eṯi ṯiŋaci Allah rɔgwɽɔ lu ralu, kaka kla limɔŋw zi diɽi ŋiɽany-na eḏi miiḏi kwokwony, na eṯi ṯiŋaci Allah kwɔmne lu kwalu kweḏi yaŋna eḏi zi gi erri ŋeni ŋofḏana.

kurinṯuuz al awal 10:8

na nyiŋa pa, er ere ṯiŋaci ŋijina rɔgwɽɔ lu reri mac, kaka lizi litezir lerrizi deŋgen-na ner ay ki lamin lutuput lir kaka alaaf ṯuɽi-ṯɔɽɔl.

kurinṯuuz al awal 5:1

laru ŋwa: ŋijin ŋinani keni daŋgal-na, ner orɔ keni ŋiki beṯen eḏi ŋijin la ŋeṯizerri kla liti lilŋiiḏi Kwelenyi kweri mac, kaka agaḏi gwu kwor kwete daŋgal-na ṯernyin kwayu.

kurinṯuuz al awal 6:13

eḏne wiri weḏi yari, na yari orɔ yeḏi eḏne, na kwu Allah erṯazi lu kiduŋw. aŋna were witi weṯorɔ weḏi ŋijin mac, eṯuŋw orɔ weḏi Kweleny, na Kweleny ŋundu, eṯuŋw orɔ kweḏi aŋna.

kurinṯuuz al awal 6:18

arṯaḏir ŋijine lu. ŋikya ŋiḏaḏu tatap ŋeṯi zi kwor erri ŋinani aŋna par ŋgi la, lakin kwijin kweṯəkici aŋna wuŋwun lomori puɽcur.

kurinṯuuz aṯ ṯaani 12:21

nyi ŋgwu kwuṯinya mindaŋ menyila kwokwony, Allah winyi wenyi iini ṯurony ki yey-na yalu, enyi ŋi ronyina ŋeḏi kla luru limezerri ŋiki kerreny, na liti limurla rugwori lu mac ṯuronyina ṯi, eḏi zi efrici ŋir ṯortunana ṯiki, ŋijin tɔk, na yey yurlu tɔk, ŋimerzerri.

afazuz 5:12

kaka eṯir gwu orɔ feḏiya keni eḏi zi andazi ŋeḏi kwɔmne ŋgwa kweṯir erri ŋejmeti.

afazuz 5:5

etizelŋece ŋu rac eḏaruŋw, kwijin kwiti kwere mac, ya kwizi kweṯuri yey lu, ya ŋgwa kweri miidaḏa kwɔmne, —kwunderṯa kweṯi kwɔkwoce kwɔmne lu,— ŋwu ere afi ŋoru ŋere mac ki ŋeleny-na ŋeḏi Kwruztu-ŋa Allah yi.

fiilibbi 1:27

lakin eḏi ŋeḏre ŋalu nii ŋiɽaŋali-na ŋeḏi Kwruztu, mindaŋ menyi kinna ila eḏeze ŋaŋwuzi, ya ma ŋazi ruci-na, enyji neŋne ŋeni ŋalu eḏaruŋw, ŋaŋa kla ta leṯenji ŋwara lu teter, leḏi Ṯigɽim-na ṯutuput na ṯugwor ṯutuput, leṯi kiɽmiḏi-na ruɽma ri eḏi zi illazi ki leṯermiḏeḏa ṯəmna nana ṯeḏi injiil,

kuluuzi 3:5

ṯaŋwu, iɽinyiḏiri ki rɔgwɽɔ-na ralu kwɔmne kwir kweḏi ṯurmun, kwir ŋijin, ṯorṯuṯunana tiki, kaduwa kiki, uri yey lu, na ṯimiidaḏa ṯeḏi kwɔmne kweḏi lizi liḏaḏu—ṯinderṯa ṯir kaka ṯikwocalu ṯeḏi kwɔmne.

ṯazaluniiki al awal 4:3

tugwor ṯeḏi Allah ŋeni ŋaŋa teni ŋwu, eḏirlinelu ter ṯofḏana ṯi ṯuŋwun, rucaŋazi gwu-na ŋir ŋijin tuk,

ṯazaluniiki al awal 4:7

kaka iti menyji gwu Allah ornaci ŋeni ŋiki mac, lakin eḏirli nyuŋwuzi lu ter ṯofḏana ṯi.

timuṯaawuzŋw al awal 2:10

lakin kaka enir gwu law leḏi Allah, er zi erri ŋeni ŋizaw.

timuṯaawuzŋw al awal 3:3

kwiti kweṯamɽi kiɽcaŋi mac, kwiti kweṯipii kwere mac, kwir kwiɽena, kwiti kweṯi məmilḏi mac, na kwiti kweṯi miidaḏa kwuruuza tɔk mac.

timuṯaawuzŋw al awal 6:10

kaka ur gwu ṯimiidaḏa ṯeḏi kwuruuz ṯufu ṯeḏi ŋikya ŋir-na ter ter; na lɔkwɔ ner ṯuzi ṯəmna kaka yaḏizi gwu ŋuway ŋu, ner ṯugwini ki rugwor-na reŋen ṯuronyina ṯi-na ṯeṯi rari kaka ṯeḏi yugwi.

timuṯaawuzŋw aṯ ṯaani 3:2

kaka inḏi gwu lor eḏamɽi rɔgwɽɔ reŋen wuɽe-wuɽeny, ṯimiidaḏa ṯi, er piŋi rɔgwɽɔ ṯellina ṯi; er ulluluḏi; er ruzici rernyinŋwuzi lenyinŋali ludurlaḏu; er ere naŋni eḏari zukran mac; er ere ketize ŋiɽaŋali ŋeḏi Allah yey tɔk mac;

tiiṯaz 1:11

ŋofḏana eḏi zi ṯinyini kla ŋiɽaŋali nana, kaka eṯir gwu urlili lizi lu leḏi duənuŋw kwere kwere ṯaliim ṯi ṯeŋen ṯiti ṯofḏana mac, ṯeṯir ṯi miidaḏa kwuruuza.

tiiṯaz 1:7

kaka ofḏanar gwu eḏi kwijowiṯ kwere kwir wakiil wizaw weḏi Allah, ere eḏi ŋiɽaŋali-na ŋiki mac, ŋwu zi ere erri ŋere ṯugwor ṯi ṯuŋwun ṯimellini mac; ŋwere orɔ kwarriny mac; ŋwere ii kiɽcaŋi mac mindaŋ eḏorɔ kwirŋaza; ŋwere miidaḏa kwuruuza tɔk mac.

tiiṯaz 2:3

na law lupa tɔk er niini-na ŋeḏre ŋi, er ere orɔ ṯuŋwun mac, ya luway leḏi kiɽca tɔk mac; er zi ilŋiiḏini ŋeni ŋizaw,

libraani 12:16

aŋraḏir eṯuŋw ruḏa kwere kwijin mac, ya kwere kweṯinaŋni kwɔmne kweḏi ṯurmun domony mac kaka izuu, kwumɔ upi ŋoru ŋuŋun ŋir ŋi nda kwɔmne-na kwutuput kwir eḏne.

buṯruz al awal 5:2

aŋricari yaŋali yeḏi Allah yinḏeḏer ŋazi eḏizaŋraci kaka nyaɽa, yiti yaŋracaŋa zi eḏəginici rɔgwɽɔ ralu kwɔmne kwere kwiti kwofḏana mac, lakin rugwor ri-na reṯamina,

buṯruz aṯ ṯaani 2:10

ŋeni ŋupa ŋiɽaŋali, linderṯa kla leṯorɔ lijin eḏi zi ŋi ruŋwici rugwori; leṯiderne eḏinyizi zulṯa nana kweḏi kla lupa; eṯir piŋi rɔgwɽɔ reŋen; eṯir bonye eḏi zi erri luŋw kla lir leḏi ŋiniṯ.

buṯruz aṯ ṯaani 2:14

eṯir uri yey lu beṯen ŋijin ŋi, ner ere ala ŋikyaŋi rii ḏuṯ. eṯir zi kekɽinjelu lajila ki ṯəmna, kaka urir gwu lizaṯir leḏi ṯimiidaḏa ṯeḏi kwuruuz, ner efica rɔgwɽɔ reŋen hukma weḏi ṯikiraḏalu.

buṯruz aṯ ṯaani 2:3

na kaka miidaḏir gwu kwuruuza ta, er ŋazi kekɽinjelu ŋəluŋ ŋi; nezi hukm weḏi kerrenyŋw ere nanji zagi mac; eṯi zi ṯikiraḏa lu ṯeŋen nanjelu yey yelu.

ruuya 2:14

lakin nenyjeḏi ŋɔkwɔ ŋaŋwu nana; leḏi ŋazi lɔkwɔ leṯi miḏa ṯaliima ṯeḏi balaam, ŋgwa kwilŋiiḏina kwelenyi kweni balag eḏi ṯugwudazi kwelle kweḏi izrayiil eḏi iidi, iiḏir gwu yiiḏi yeḏi kwɔmne kweṯir undici libayila kworɔ, na eḏizerri ŋir ŋijin tɔk.

ruuya 2:21

nenyinḏeḏa lomuri eḏi li urla ṯugwori lu, lakin eṯuŋw derne eḏurla ṯugwori lu.

ruuya 21:8

na kla leṯaɽiḏa kwaḏan gi liṯinya mindaŋ, kla liti leḏi ṯəmna-na mac mindaŋ, kla lir ludur mindaŋ, kla leṯikete ḏimya mindaŋ, lijin mindaŋ, luzur mindaŋ, na kla leṯikwoce kwɔmne lu kwere kwiti kwir Allah wumiiḏu mac, na tatap lir ləluŋ tɔk, er inḏa ŋoru ŋeŋen ki ṯujul-na ṯir igə na kibriṯ; ṯinderṯa ṯir ŋiɽany ŋir nimra kwuɽen.

ruuya 22:15

na par ŋgi la na ludur nani, na luzur mindaŋ, na lijin mindaŋ, na kla leṯi kete ḏimya, na kla leṯikwoce kwɔmne lu kwere kwiti kwir Allah wumiiḏu mac, na kla tatap leṯizamɽi ŋir ŋəluŋ eḏizandazi, eḏizerri tɔk.

ruuya 9:21

ner ere orlaci ŋiɽaŋali ŋwudɔŋw mac ŋeṯir ŋi kete ḏimya, ya eḏi duŋgweci ŋuzura ŋeŋen, ya eḏi duŋgweci ŋijina ŋeŋen, ya ŋoɽami ŋeŋen too.