Mataio 7:24 - Keapara Kalo

²⁴ “Gaurana, rai au geku kila ekamonagirana e kalara ekalarana, ia talima maaonekana gena numa vatu atanai evega-rugaato vetaina.

Mataio 7:24 ပူးပေါင်းရင်းမြစ်များ

Ioane 13:17

Ewagumona egaura maparara gomi na pogo ripara, pene pio kalara genai pio verere.

Luka 11:28

Na Iesu evega-geleato, netiwato, “Evetaina ono kila, Palagu gena kila gekamonagiana e gekwalanaana talimara ne nama!”

1 Ioane 2:3

Pene ita Palagu gena rova kilara pita kwalanara genai, voanana ita pita ripa, ita taunatauna Palagu taripaato.

Ioane 14:15

“Pene gomi au goulamagikuna genai, au geku rova kilara pio kwalanara.

Ioane 15:14

Pene au na rakagau avaikilamina kalara pio kalara genai, gomi au gataku.

Ioane 15:10

Pene au geku rova kilara pio kwalanara genai, gomi au geku ulamagi aonai pio talu, gelegele au Tamaku gena rova kilara akwalanarana, ne ia gena ulamagi aonai ataluna vetaina.

Mataio 12:50

Rai na au Tamaku kupai etaluna gena ririwa kalara ekalarana talimana ia au walakavaku e au walawalaku e au tinaku.”

Mataio 7:25

Gura erakurakuato, gapata erakato agi ekuluto vonuma ati emakaka-makakato, kwalana vatu atanai evega-rugaato.

Mataio 7:26

A rai na geku kila ea ekamonagirana, na kalara ati ekalarana, ia kawakawa talimana vetaina, numa kwanokulo atanai evega-rugaato.

Mataio 16:18

Voia pakunai avaikilamuna: Goi Petero (ganina vatu), evatu atanai au geku ekalesia pana vega-rugaa. Kwarega tiavuna na maki ati pene lovoa.

Mataio 24:45

“Rai vorinaga gitatagora talimara na kila ekamonagiana e kala rorirori ekalaana, gena vele na egapi-itiato numa e vetugunagi talimara pene gita-tagora, e ganigani maki ora rorirori ai pene venira?

Mataio 25:2

Vavine imaima maaonekara, a imaima kawa.

Mataio 25:4

Na aoneka vavinera geria lamepa gegapito aonai, keretini maki matai gegapikauto.

Mataio 25:9

Na aoneka vavinera na gevega-gelerato, negetiwato, ‘Aikina, gomi e ai ati pia gelegele. Namana sitoai ioago, matotaumi gemi iove voi.’

Roma 2:13

Kwalana rova tipo gekamonagiana talimara, Palagu wailanai ati kala rorirori talimara, na rova gekwalanaana talimara vou, Palagu na ekilagirana kala rorirori talimara.