Mataio 15:8 - Keapara Kalo

⁸ ‘Eguluna murura tinatinaraimo au gekupa-kaukuna geria Palagu, na ira aora au geku ai rauvagi ai.

Mataio 15:8 ပူးပေါင်းရင်းမြစ်များ

Apostolo 8:21

Einagulu ai goi ati gemu kapu, kwalana aomu ati rorirori Palagu wailanai.

1 Petero 3:10

Kwalana Puka Veaga ekilana, “Rai maguli eririwana e toma namara pene gitara netina talimana maena pene gita-tagoa, kila-rakavara ragai pene kilagi, e muruna na opakau kilara ragai pene kilagi.

Heberu 3:12

Walakavaku maparami, pio vegita-tago. Ati nama walakava ta gomi aomi ai nugana garakaunai kala rakava pene mia, e Palagu gena kila ati pene vega-taunataunaa, ne maguli Palaguna genana pene laka-gerevagi.

Ioane 1:47

Iesu na Natanaela egitaato, evogomaiwai, ne ia ekilagiato, netiwato, “Iogita, netalima Isaraela talimana taunatauna, ia genai opakau ta ati emiana.”

Mataio 15:7

Opakau talimami, Isaia na eperovetagimito ekila-taunataunato, netiwato,

Mareko 7:6

Iesu na evega-gelerato, netiwato, “Isaia na eperovetagimito opakau talimami taunatauna, evetaina ekilato, ‘Egulu na murura tinatinaraimo au gekupa-kaukuna geria Palagu, na ira aora au geku ai rauvagi ai.

Ioane 5:23

Voia ganina, taunilimalima maparara na Natuna pia nugagi-ragea, Tamana genugagi-rageana vetaina. Natuna ati enugagi-rageana talimana na Tamana maki ati enugagi-rageana, kwalana Tamana na Natuna etuguato.