Luka 11:49 - Keapara Kalo

⁴⁹ Gaura pakurai Palagu gena Tugamagi-ilu ekilana, ‘Au na peroveta talimara e apostolo talimara pana tugu-agora geriai, ne reketa pia vagi-kwaregara, reketa pia gui-lovolovora.’

Luka 11:49 ပူးပေါင်းရင်းမြစ်များ

1 Korinto 1:30

Gomi gemi maguli Palagu na Keriso Iesu ria eveakwapunaato. Keriso Iesu Palagu na egapiato ita gera aonekai evega-agoato. Keriso genana ita Palagu gena kala rorirori talimara e Palagu gena veaga talimara, e Palagu na rakava aona na evoi-vagirato, rakava etoma ati tiavuna ita gerai.

Kolose 2:3

Aoneka e ripa vonu-poraketona maparana Keriso genai gemia-veavugana.

Efeso 4:11

Ia matotauna na reketa apostolo inaguluna evenirato, (eekalesia vega-rugana inaguluna), reketa peroveta inaguluna evenirato, reketa evanelia inaguluna evenirato, reketa ekalesia gitatogona inaguluna e Palagu gena kila vevega-ripagina inaguluna evenirato.

1 Korinto 1:24

Na Palagu na ekearato talimara, Iuda talimara e Grik talimara, ita maparara gerai Keriso Palagu gena tiavu e Palagu gena aoneka.

Apostolo 22:20

E goi evega-taunataunamuwai talimana Setepano ralana gevega-rigoato tomanai au vonai, gevagi-kwaregaato avega-taunataunaato, e gevagiawai talimara geria rapuga agita-tagorato.’

Apostolo 8:3

Na Saulo na vou ekalesia ene vega-rakava-taunataunaa netiwato. Numa kwapurakwapura aorai elaka-togawai, ne kamonagi marura e garera erolo-piatirawai, tipura numai eve kana-gavurato.

Apostolo 7:57

Vokila gekamonagiato aonai gimara na tegara gekou-gavurato voupe geparalato. Ne maparara veganamo ia geraka-veniato,

Apostolo 1:8

Na gomi Veaga Palaguna gomi atami ai pene mairigo, tiavu pio gapia, ne au kilagi-matagaiku talimami ai pio ago, Ierusalemai, Iudeai e Samaria kapura mapararai, pene ago tanopara kapura mapararai.”

Ioane 16:2

Iuda talimara geria rupu na pia tao-gerevagimi. Pa, tomana ea evogomaina, talima taa na pene vagi-kwaregami genai, ia mata polu pene kila, ia Palagu vetugunagina eago-veniana.

Luka 24:47

E ia aranai vetugamagiwai e rakava tugamagi-piatogara pia vopatagi-lovolovora tanopara mapararai, Ierusalema na pene vetina.

Mataio 22:6

Pa reketa vetugunagi talimara gegapi-talirato, gekwarirato, e gevagi-kwaregarato.

Luka 11:48

Vovetainai gomi matotaumi tupumi e gatami geria kala gokilagi-matagairana e govega-taunataunarana; taunatauna vagi, tupumi e gatami na peroveta talimara gevagi-kwaregarato, e gomi na geria kala kapura gokalarana.

Apostolo 11:27

Votoma peroveta talimara reketa Ierusalema na Antiokai geverigoto.

Vevega-matagai 16:6

Kwalana ira na goi gemu taunilimalima veagara e peroveta talimara ralara gevega-rigorato. Vovetainai geria kala rorinai, pe rala povenira pege niu.”

Vevega-matagai 18:20

Kupa vanugana o, ia gena keto vererena iokalaa. Palagu gena talima veagami, e apostolo talimami e peroveta talimami ioverere; kwalana gomi kala rakavara ekala-venimito pakunai, Palagu na gena rakava voina pevenia.”