Luka 1:53 - Keapara Kalo

⁵³ Vito talimara maki gau namara na evega-vonurato, na rinaga talimara ia na gimara kovagora etugu-waikulerato.

Luka 1:53 ပူးပေါင်းရင်းမြစ်များ

Luka 6:21

Gomi raira ewagumona evitomina pio verere, kwalana gomi roe nea pio gani-mate. Gomi raira toma gotagina pio verere, kwalana gomi pio mamai.

Luka 6:24

Na gomi rinaga talimami mavetugami kika, kwalana vega-vereremi rinagara warau gogapirato.

Mataio 5:6

Kala rorirori vitona na evitorana e nanuna na ekalarana talimara pia verere, kwalana roe nea vou pia gani-tinage-tupu.

1 Korinto 1:26

Walakavaku maparami, iovetugamagiwai, gomi raka talima vetaimi Palagu na ekeamito. Gomi tanopara aonekana ria pita vega-vetovomi genai, gomi kapoinamo maaonekami, e kapoinamo gotiavuto, e kapoinamo gemi pete vele.

Ioane 6:35

Iesu na evaikilarato, netiwato, “Maguli peretina au ea. Au geku ai pene vogomai talimana ati pene vitoa, e au pene vega-taunataunaku talimana, nanuna ati pene kalaa.

1 Korinto 4:8

Gomi goririwarana gaura na warau pogo vonuvonu-rage. Gomi warau pogo verinaga gatu. Ai gomi na pogo vanagimai, kwalana gomi warau pogo king, pe govegita-tagona. (Gomi no Keriso warau pevogomai vetaina gokalana). Au geku ririwa kamuna kwapuna, gomi taunatauna pogoro king, pe ai maki gomi ria patara king koukou. (Kwalana pio ripa, Keriso mapene waikule-wai genai, ai maki gomi ria pita king).

Luka 1:54

Gena kilagavu ita tupura e gatara Isaraela talimara geriai ati etugamagi-lekwalekwarato, e ia evogomaito gena vetugunagi talimara Isaraela pene veakavara ulanana,