Ioane 12:40 - Keapara Kalo

⁴⁰ “Palagu na matara evega-kelerato, e aora evega-mukunarato, kwalana matarana ragai pia poepoe, e aorai ragai pia tugamagi-ilu ulanana. Au geku ai ragai pia waikule, naavega-namarana kalinana.”

Ioane 12:40 ပူးပေါင်းရင်းမြစ်များ

Luka 8:10

Iesu na evega-gelerato, netiwato, “Palagu gena Basileia kilara veavugara gomi gemi ai evega-matagairana, na maparara parapore ai avaikilarana, pia gitara, na ganira ati pia ripara, pia kamonagira, na ati pia tugamagi-ilu.”

Mareko 4:12

‘Pia gitaa, na ganina ati pia ripaa, pia kamonagia, na ati pia tugamagi-ripa, pia vetugamagi-waikule Palagu genai, ne geria rakava netugamagi-piatogarana kalirana.’”

Apostolo 3:19

Gaura pakurai iovetugamagiwai e iolaka-waikule Palagu genai, pe ia na gemi rakava pene gapi-pakara.

Ioane 9:39

Iesu ekilato, “Au veagirori ulanana etanoparai avogomaito, mata-kele talimara pia poepoe ularana, e gepoepoena talimara matara pia kele ularana.”

Luka 4:18

“Velekou Palaguna au geku ai ea, kwalana ia na au eporogikuto, e evirigikuto, Vali namana lealea talimara geriai pana vopatagia. Etugukuto, eligorato talimara geriai Palagu na geligorato talimara elugarato valina pana varavaragia ulanana, e mata-kele talimara matara pia alira. Gevega-rakavarana talimara pana vega-magulira,

Roma 9:18

Vovetaina gaurai pene Palagu eririwana talima ta ene vetugaa netina genai, enugagivitiana, e eririwana ta aona ene veagaoka-poroporoa netina genai, aona eveagaoka-poroporoana, ne Palagu ekaroverave-veniana.

Apostolo 28:26

Kwalana evetaina ekilato, ‘Ono ago etalima geriai, ne pono kila: Kamonagi pio kamonagi, na ati pio ripa-rorirori. Gita pio gita, na ati pio gitailia.

Mataio 15:14

Iotugamagi-lekwalekwara! Ira matara kele, na geririwana mata-kele talimara pia vaira. Pene mata-kele talimana na mata-kele talimana ta pene vaia ne, tauria ruala ropuropu ai pia keto-rigo.”

Apostolo 15:3

Ira rupu na getugurato. Foenikia e Samaria tanora aora na gelaka-vanagito aonai vonai walakava geria gevaravarato, rakagau gaurai ati Iuda talimara Palagu genai gevetugamagi-waito. Walakava maparara na vovali gekamonagiato aonai, maparara geverere-rakavato.

Mareko 6:52

kwalana vopereti evega-vogorato kala irau vagi kalana ganina rogoti gere tugamagi rawalia, aoria vekanagavu roe voa.

Ioane 12:39

Ira na Iesu ati gevega-taunataunato ganina, Isaia kapu taai gena talotalo ai maekilato,