Ioane 12:13 - Keapara Kalo

¹³ Lauta e kalamo laura vetaira gaura gegapito, ne Iesu genai geagoto, gelailaito, negetiwato, “Hosana, Velekou aranai evogomaina talimana ita vega-namaa! Isaraela geria King ita vega-namaa!”

Ioane 12:13 ပူးပေါင်းရင်းမြစ်များ

Vevega-matagai 15:3

e Palagu gena vetugunagi talimana, Mose, gena mari e Mamoe Natuna gena mari gemariawai, “Velekou o, goi Goloka Iwavagi Palaguna, gemu inagulu kamu, ati tau vega-gelegelena e nama iwavagi. Gulu maparara geria Vele o, goi gemu raupara rorirorira e taunatauna vegata.

Vevega-matagai 7:9

Voia mulinai apoe-agoto, talima gutuma galagala vagi, ati tau vega-agi-gatura, agitarato. Voo tanopara irauirau maparara talimara, e kwalu irauirau maparara talimara, e pete irauirau maparara talimara, e karo irauirau maparara talimara. Ira maparaparara terona e Mamoe Natuna wailarai gerugato. Ira maparara rapuga mogara kulokulora gerogagito, e gimarai kalamo laura vetaira gegapito. (Voo ira geria kwalimu vegailiara).

Ioane 1:49

Ne Natanaela na evega-geleato, netiwato, “Vevega-ripa talimamu, goi Palagu Natuna; goi Isaraela Velena.”

Mataio 23:39

Kwalana au na avaikilamina, gomi au ati pio gitaku vou, pene ago, toma ta pene kwara, vonai vou pio kila, ‘Palagu aranai evogomaina tauna ita vega-namaa.’”

Ioane 19:15

Na ira geinalato, negetiwato, “Iokaliagia! Iogapi-pakaa! Iove satauroa!” Pilato na maerenagirato, netiwato, “Gemi vele ana satauroa, ei?” Rupu Veaga velera kamura gevega-geleto, negetiwato, “Kaisara gereganamo ai gema vele, mavele poluna ta aikina.”

Vevega-matagai 19:16

Rapuga mogana eligoato gaunai e kekevenai eara etaloato, “King maparara geria King e vele maparara geria Vele.”

Ioane 12:15

“Siona natuna, (Ierusalema talimami), ragai iokali, iopoe-ago, gemi Vele evogomaina, ia doniki natuna atanai petanukau.”

Mataio 27:42

“Ia na talima polura evega-magulirawai, navou ia matotauna ati evevega-magulina! Pene ia taunatauna Isaraela talimara geria vele genai, satauro na ewagumona kiana ene laka-rigo, pe paia vega-taunataunaa.

Ioane 12:14

Iesu na doniki natuna ta erawaliato, ne atanai etanukauto, Puka Veaga aonai ekilana gelegelenai,