Heberu 5:5 - Keapara Kalo

⁵ Keriso maki vovetaina, ati matotauna evetao-rageto Rupu Veaga velena kamunai evemiato, na Palagu na evega-rugaato, evaikilaato, netiwato, “Goi au Natuku, etoma au goi Tamamu ai paago.”

Heberu 5:5 ပူးပေါင်းရင်းမြစ်များ

Ioane 8:54

Iesu evega-geleto, netiwato, “Pere au matotauku para vevega-rage, geku vevega-rage ati ganina. Na au Tamaku na evega-ragekuna. E ia gomi na gokilagiana, gokilana gomi gemi Palagu nogotina.

Heberu 1:5

Kwalana Palagu na aneru ta ati evaikilaato, netiwato, “Goi au Natuku, toma au goi Tamamu ai paago.” Pa evetaina maki ati evaikilaato, netiwato, “Au ia Tamanai pana ago, e ia maki au Natuku ai pene ago.”

Ioane 7:18

Rai talima gena ririwa kilara ekilagina, matotauna arana vega-ragena rauparana ekaalana. Na au etugukuto Palaguna vega-ragena rauparana ekalaana talimana genai, kila taunatauna emiana, ia genai opakau ta ati emiana.

Apostolo 13:33

Vokilagavu Palagu na ita, ita tupura, gera evega-taunataunaato, voia na Iesu kwarega na evega-kuliiti-waiato pakunai. Salamo vega-rualanai etaloato gelegelenai, netina, ‘Goi au Natuku; etoma au goi Tamamu ai paago.’

Roma 8:3

Rova taunipara, magena ririwa rakavara tauniparana, na warau evega-moiraato, gaurai ati gena tiavu ai eagoto, ati gelegele pene veakavara. Gaura pakurai rova na ati gelegele pene kalaa inaguluna Palagu na ekalaato. Voo Palagu matotauna na Natuna taunatauna kala rakava talimara gelegelerai etugu-maiato, rakava penema vega-aikia ulanana. Ne Keriso genana Palagu na kala rakava gena tiavu tauniparana genai ekilagi-piatogaato, rakava evagi-kwaregaato.

Heberu 1:1

Kunenai, toma vogo e raupara gutumai Palagu na peroveta talimara geriana tenera evaikilarato.

Ioane 3:16

Kwalana Palagu na tanopara eulamagi-kamu-iwavagiato gaurai, Natuna wala geregana evenirato, gaurai ia pia kamonagi-venia talimara maparara ati pia kwarega, na maguli vanagivanagi pia vaia.

Heberu 2:17

Gaura pakaurai Palagu na Iesu raupara mapararai tarina maparara gelegelerai ekalarato. Kwalana vorauparai vou venugagiviti e veraramani Rupu Veaga velena kamunai pene ago. E Palagu vetugunagina pene ago-veni, taunilimalima geria rakavana pene voi-vagira ulanana.

Heberu 3:1

Gaura pakurai, walakavaku veagami, gomi Palagu na ekeamito kupa na. Gemi tugamagi pio tao-gaokaa Iesu genai. Ia Palagu na etuguato Rupu Veaga velena kamuna. Ita na ia takilagi-matagaiana.

Heberu 5:10

E Palagu na evega-rugaato Rupu Veaga velena kamuna Melkisedek vetaina.