Heberu 3:7 - Keapara Kalo

⁷ Gaura pakurai Veaga Palaguna ekilana vetaina pita kala, evetaina ekilana, “Toma pene Palagu karona pio kamonagia genai,

Heberu 3:7 ပူးပေါင်းရင်းမြစ်များ

Heberu 3:15

Puka Veaga ekilana vetaina, “Etoma pene karona pio kamonagia aonai, aomi ragai pio veagaokara, kunenai gomi tenemi gekaroveravewai vetaina.”

Vevega-matagai 3:20

Ono kamonagi! Au vanagi ai arugana akoekoena. Pene talima taa na au karoku pene kamonagia, ne vanagi pene kala-pakaa genai, au pana laka-toga, ia goti paia ganigani e ia maki au goti paia ganigani.

Heberu 4:7

Gaura pakurai Palagu na toma ta maevirigiato, “Etoma” ekilagiato. Rigolo vogo geaikito mulirai, Palagu, Davida genana evetaina ekilato, netiwato, “Toma, pene Palagu karona pio kamonagia genai, aomi ragai pio veagaokara.”

Ioane 10:27

Au geku mamoe na au karoku gekamonagiana. E au ripaku ira, e ira au muliku ai gelakana.

Heberu 3:13

Ewagumona Palagu ekilana, “Etoma” netina pakurai, mataukavami kwapurakwapura ria pio veveakwalimu, pe kala rakava gena opakau na ta aomu ragai pene veagaokaa.

Mataio 17:5

Ia roe waekilakilawai aonai, iloa kulo poikapoikana na ira ema gapi-gavurato karo ta eiloa aona na ekea-rigoto, netiwato, “Ia e au Natuku, aulamagi-kamu-iwavagiana; au averere-rakavana ia genai. Ia pio kamonagi-venia!”

Ioane 10:3

Kana vanagina gitatagona talimana na gena vanagi pene kala-pakaa, ne mamoe na ia karona gekamonagiana. Ia na gena mamoe arara evatorana, ne evaiatirana.

Ioane 5:25

Taunatauna avaikilamina, tomana roe nea pene vogomai, warau pekwara, kwarega talimara na Palagu Natuna karona pia kamonagia, e pia kamonagia talimara pia maguli.

Ioane 10:16

Au mageku mamoe iraura reketa getaluna. Na ira elaveta aonai roe nea. Au na ira maki pana vaimaira. Ira na au karoku pia kamonagia, e ira maki elaveta kwapunamo ai pia ago e gitatagora talimana maki kwapunamo.

2 Petero 1:21

Kwalana peroveta kilara ati taunilimalima geria ririwai gevogomaito, na Veaga Palaguna na taunilimalima evega-nagirato vetainai, ekila evenirato gelegelenai, Palagu gena kila geperovetagirawai.

Heberu 9:8

Veaga Palaguna ekala maparara geriana ita evetaina evaikilarana: Pene Palagu aliruputali-venina ulanana palai rupuna tovotovona eroe eruga-tagona genai, Veaga Iwavagi Kapuna lakatogana rauparana roe nea vou pene vekala-paka.

Mataio 22:43

Iesu na maerenagirato, netiwato, “Davida rakagau gaurai Keriso ‘Velekou’ netina? Kwalana Davida Veaga Palaguna na tugamagi-ilu e ripa eveniato, ne ekilato,

Apostolo 28:25

Ira aora ati kwapuna, gaura pakurai gelaka-lovolovoto. Na rogotina gere laka aonai, Paulo na kila ta ekilagiato, evetaina ekilagiato, “Veaga Palaguna peroveta talimana Isaia genana gomi tenemi kila-taunataunana evaikilarato.

Mareko 12:36

Davida Veaga Palaguna na ripa e tugamagi-ilu eveniato, gaurai ekila-matagaito, netiwato, ‘Palagu na au geku Velekou evaikilaato: Au gimaku ripana kavanai ono mai-tanu, pene ago, goi geparu-venimuna talimara goi gagemu kapulenai pana taora.’

Apostolo 1:16

“Walakavaku maparami, talotalo veagana pema taunatauna, Veaga Palaguna Davida muruna na erapa ekilato, Iudas na, Iesu gapitalina talimara pene vaiagora kilana.

Apostolo 8:29

Ne Veaga Palaguna na Filipo evaikilaato, netiwato, “Ono ago, vokariota laganai pono velaka.”

Heberu 10:15

Veaga Palaguna na maki evega-riparana. Tovotovona ekilato,