Heberu 2:8 - Keapara Kalo

⁸ e gaura maparara ia gagena kapulenai otaorato.” Kwalana Palaguna gaura maparara ia gena vegitatago kapulenai etaorato. Taunatauna, Palagu na gau kwauta ati etaoraka-kwaniato, ia gena vegitatago kapuna mulinai. Na etoma gaura maparara ati ia gena vegitatago kapulenai tagitarana.

Heberu 2:8 ပူးပေါင်းရင်းမြစ်များ

Ioane 13:3

Iesu ripana, Tamana na gaura maparara ia gena tiavu kapulenai etaorato. E maki ripana, ia Palagu genana evogomaito, e mapene waikule Palagu genai;

1 Korinto 15:27

Kwalana Puka Veaga aonai evetaina ekilana, “Palagu na gau maparara ia gagena kapulenai etaorato, e gena vegitatago kapulenai etaorato.” Na ekilato, “gau maparara ia gagena kapulenai etaorato,” netiwato gaurai, Palagu ati evega-agikauato, kwalana Palagu na gau maparara Keriso gagena kapulenai etao-togarato.

1 Petero 3:22

Ia kupai elaka-togato, Palagu gimana ripana kavanai etanuna. Aneru, e mageria rorirori kamu iwavagi talimara maparara, ia kapulenai getaluna.

Vevega-matagai 1:18

Au amagulina. A kwaregato, na ewagumona au pana maguli vanagivanagi. E Kwarega e kwarega talimara avuavura rakavara getaluna Kapuna (pa Hades) tavirina au geku ai.

Heberu 1:13

Palagu na aneru ta maki ati evaikilaato, “Aloripaku ai onoma tanu, pene ago, goi gevetali-venimuna talimara goi gagemu panakaura gaunai pana tao-talira.”

Vevega-matagai 1:5

e Iesu Keriso genana evogomaina. Ia Palagu gena kila evega-taunataunaana e evega-matagaiana maveraramanina. Ia malita melona kwaregana ekuliiti-waito, e ia tanopara velera maparara geria Vele. Ia na eulamagirana e gera rakava ralana na eguligi-piatogarato,

Heberu 2:5

Votanopara pene vogomai ai na gakilagiana Palagu na ati aneru geria vegitatago kapulenai etaoato.

Ioane 3:35

Tamana na Natuna eulamagiana, e gau maparara ia gimanai etao-kaurato.

Mataio 28:18

Ne Iesu elaka-kavito, evaikilarato, netiwato, “Palagu na tiavu maparana kupai e tanoparai au warau peveniku.

Heberu 1:2

Na etoma ikarai, Natuna genana ema vaikilarato. Palagu na gaura maparara Natuna eveniato pene gaunara. E ia genana maki Palagu na kupa e tanopara ekalarato.