Filipi 2:6 - Keapara Kalo

⁶ Ia gaura mapararai Palagu goti gelegele, na ati etugamagito, vomaguli pene gapi-gaugaua.

Filipi 2:6 ပူးပေါင်းရင်းမြစ်များ

Mataio 1:23

“Iogita, vavine ta pene kuvia, melo ta pene gapia, vomelo keina pia araa Emanuela.” Emanuela ganina “Palagu ita lagalagarai.”

Ioane 1:18

Tovotovona na vegata pene vogomai etoma talima taa na Palagu ati egitaato. Natuna wala gerega, ia maki Palagu, Tamana laganai etaluna talimana, ia na Palagu ema vega-matagaiato.

Ioane 10:30

Au e au Tamaku ai kwapunamo.”

Ioane 10:33

Iuda talimara gekilato, “Kala namana ta galamanai goi ati gavatumuna, na goi na Palagu okilagi-piatogaana gaurai. Goi taunilimalimamo, na matotaumu Palagu ai ovevega-agona.”

Ioane 10:38

Na gena kala akalarana genai, vokala pio vega-taunataunara, pene au ragai pio vega-taunataunaku nogotina. Pio ripa e pio vega-taunatauna, Tamaku au aoku ai etaluna, e au maki Tamaku aonai ataluna.”

Ioane 14:28

Au pakila pogo kamonagi, au pakila, ‘Au alaka-gerevagina, na mapana waikule-wai gomi gemi ai.’ Pere au pogoro ulamagiku genai, Tamaku genai aagona, pe pogoro verere, kwalana au Tamaku goloka iwavagi, au tairageku ai.

Ioane 14:9

Iesu na evaikilaato, netiwato, “Filipo, au goi goti erapa tatalu-agiato, na goi na au rogoti oro ripaku? Au egitakuna talimana na Tamaku egitaana. Na goi rakagau gaurai okilana, ‘Tamara ono vega-ripamai notina?’

Ioane 17:5

Tamaku, tanopara rogotina ere vetina e au maki goi goti roe voa aonai, au geku ai maeka ralema iwavagina emiawai. Ewagumona aririwana, vomaeka ralema iwavagina goi matotaumu wailamu ai geku ai ono vega-matagaia.”

Ioane 20:28

Ne Tomas na Iesu evega-gegelekato, netiwato, “Au geku Velekou e au geku Palagu.”

Ioane 5:18

Vovetaina ekilato gaurai, Iuda talimara geria ririwa raupara ta pia rawalia vegata, pe Iesu pia vagi-kwaregaa negetiwato. Ati voTapati ati ekwalanaato gaurai, na ekilato, Palagu ia Tamana netiwato. Kwalana vokilai ia Palagu goti gelegele netiwato.

Ioane 5:23

Voia ganina, taunilimalima maparara na Natuna pia nugagi-ragea, Tamana genugagi-rageana vetaina. Natuna ati enugagi-rageana talimana na Tamana maki ati enugagi-rageana, kwalana Tamana na Natuna etuguato.

Roma 9:5

Aperaamo, Isaako, Iakobo ira tenera, e taunipara kavanai pita gitaa genai, Keriso ira geria pete talimana. Keriso Palagu, gaura maparara repara ia. Ia vanagivanagi pita vega-ragea. Amen.

2 Korinto 4:4

Etalima, Keriso ati gevega-taunataunaana talimara, e tanopara palaguna arana Satani na geria tugamagi ekala-mukunarato, gaurai eVali Namana maekana ewaena ati gegitaana. EVali Namana maekana ea Keriso maekana ralemana iwavagina ewaena. E Keriso ea Palagu gitagitana taunatauna.

2 Korinto 8:9

Ita gera Velekou Iesu Keriso gena vega-nama gomi ripami. Ia rinaga velena, na gomi pakumi ai lealea talimanai ema vevega-agoto. Iesu ati gena rinagai ema miato ganina, gomi rinaga vogo talimami ai pio mia ulanana.

1 Timoteo 1:17

Palagu talu-vanagivanagi Velena, ia kwarega ati ripana, ati gitagitana, ia geregana kwanilova Palagu. Iamo pita kupa-ragea, pita vega-ragea, ewagumona pene ago vanagivanagi. Amen.

1 Timoteo 3:16

Taunatauna Palagu kwalanagina veavuga e ropu vagi, Palagu na evega-matagaiato ea: Ia ematagaito talima tauniparanai, Veaga Palaguna rorirorina ekilagiato, aneru na gegitaato. Tanopara maparara aorai gevopatagiana, tanoparai taunilimalima na gevega-taunataunaana, gena maeka ralemana iwavaginai Palagu na egapi-rageato.

tito 2:13

toma kamuna e namana taalo-tagoana aonai. Ita ewagumona Iesu Keriso taalo-tagoana; ia ita gera Palagu kamuna e gera Vevega-maguli Tauna; gena vogomai maralema iwavagina taalo-tago-koukouana.

Heberu 1:3

Ia Palagu kolemana e maekana iwavagina evega-matagairana, e ia Palagu gelegele vagina. Ia gena kila tiavuna na gau maparara egapi-tagorana. Ia matotauna na gera rakava guligi-vagira rauparana ekala-gitakauato mulinai, Palagu goloka iwavagi aloripanai evetanu-talito kupai.

Heberu 1:6

E Palagu na Natuna kunena tanoparai mapene vaimaia aonai pene kila, “Palagu gena aneru maparami na pio aliruputali-venia.”

Heberu 1:8

Na Natuna ekilagiana netina, “Palagu o, goi gemu vele rakina pene mia-vanagivanagi, gemu Basileia marorirorimuna na ovaiana.

Heberu 13:8

Iesu Keriso walagani, toma, e vanagivanagi ati pene irau.

Vevega-matagai 21:6

Maevaikilakuto, netiwato, “Maparara pege aiki. Au Alefa e Omega, (kunena e kapina), tovotovona e ikana. Nanu na ekalaana talimana au na maguli nanuna, egalugaluana nanuna, ati voina, pana venia pene niua.