တ︀ိတ︀ု 3:5 - Khamti Shan

⁵ မ︀ꩫ︀်းꩡ︀ဝ်ႛꩭဝ်းမ︀ႆ︀ႛ ၵ︀ေꩬ︀ေꩭႂ်ႛꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈꩭဝ်းꩭီတ︀်မ︀ႃးꩫ︀ႆ︀ႇၵ︀ဝ်ꩬ︀ီꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈꩭဝ်းမ︀ႆ︀ႛ မ︀ꩫ︀်းꩡ︀ဝ်ႛဢ︀ီꩫ︀ူႈꩬ︀ီꩫ︀ႆ︀ၢႈꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈတ︀ꩫ︀်းၵ︀ူဝ်းၵ︀ွꩫ︀်မ︀ꩫ︀်းꩡ︀ဝ်ႛ ꩬ︀ုက︀်ႉꩬ︀ီ ၸ︀ေလ︀ွႆ︀းꩭႂ်ႛꩬ︀ီ ဢ︀ဝ်ႈပ︀ီꩫ︀်ႈက︀ူꩫ︀်းမ︀ႂ်ꩭႂ်ႛမ︀ႃးယ︀ဝ်ႇ။

တ︀ိတ︀ု 3:5 ပူးပေါင်းရင်းမြစ်များ

မ︀တ︀်တ︀ႄး 3:11

က︀ဝ်ႈယ︀ႃႇ ꩬ︀ူꩬ︀ၢင︀်ဝွေယ︀ဝ်ႇꩫ︀က︀ီး ꩬ︀ူမ︀ႆ︀ႛမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩭႂ်ႛဢ︀ူ။ ꩫ︀ႆ︀ႇꩫ︀က︀ေႃႇ ꩡ︀ဝ်ႛဢ︀ꩫ︀်ႈက︀ꩫ︀်ႛလ︀င︀်က︀ဝ်ႈမ︀ႆ︀ႛမ︀ႃးꩫ︀ႆ︀ႇယ︀ႃႇ ꩬ︀ူမ︀ႆ︀ႛ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃၸ︀ႆ︀းမ︀ႆ︀ႛꩡ︀ူမ︀်ႈꩬ︀ီ မ︀ၢင︀်က︀လ︀ႃတ︀ီꩭႂ်ႛꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ က︀ဝ်ႈမ︀ႆ︀ႛဢ︀ၢꩫ︀်တ︀ၢꩫ︀်ယ︀ႂ်မ︀ႅတ︀်ႉꩬ︀ႃဢ︀ူ။ က︀ဝ်ႈယ︀ႃႇ တ︀ိုဝ်းၵ︀ႅပ︀်တ︀ိꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈက︀ေႃႇ ꩵ︀ႈထႅက︀်ႉ။

လ︀ုက︀ႃ 1:50

မ︀ꩫ︀်းꩡ︀ဝ်ႛယ︀ႃႇ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀မ︀်ႈင︀ဝ်းꩫ︀ႆ︀ႇၵ︀ဝ်မ︀ႆ︀ႛ က︀ူႈꩡ︀ူဝ်ႈလ︀ႆ︀ၢၵ︀ႃး ဢ︀ီꩫ︀ူႈꩭႂ်ႛဢ︀ူ။

လ︀ုက︀ႃ 1:54

ꩫ︀င︀်မ︀ꩫ︀်းꩡ︀ဝ်ႛ ပ︀ူလ︀ီꩫ︀်ꩭဝ်းၵ︀ဝ်မ︀ႆ︀ႛ က︀တ︀ိꩭႂ်ႛဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ꩫ︀်းဢ︀ီတ︀်ꩬ︀ြေး ဢ︀ꩫ︀်ႈပ︀ီꩫ︀်ႈၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛမ︀ႆ︀ႛ ꩡ︀ွႆ︀ႈꩭႂ်ႛမ︀ႃးယ︀ဝ်ႇ။

လ︀ုက︀ႃ 1:72

မ︀ꩫ︀်းꩡ︀ဝ်ႛ ပ︀ူလ︀ီꩫ︀်ꩭဝ်းꩫ︀ႆ︀ႇၵ︀ဝ်မ︀ႆ︀ႛ ဢ︀ီꩫ︀ူႈꩭႂ်ႛင︀ႆ︀း ꩫ︀င︀်ၵ︀ၢမ︀်းၵ︀တ︀်ႉမ︀ႅတ︀်ႉမ︀ꩫ︀်းꩡ︀ဝ်ႛဢ︀ꩫ︀်ႈမ︀ူတ︀်ꩡ︀ၢင︀်ꩫ︀က︀ꩫ︀်ႈ ꩭီတ︀်ꩭႂ်ႛက︀ွတ︀်ꩫ︀ꩬ︀ီ ဝႃႈမ︀ႃးဢ︀ူ။

လ︀ုက︀ႃ 1:78

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛꩭဝ်းယ︀ႃႇ ဢ︀ီꩫ︀ူႈꩡ︀ၢင︀်ႈင︀ႆ︀း ꩡ︀ႂ်ႈဢ︀ူꩫ︀်ႛဢ︀ွꩫ︀်ꩫ︀ႆ︀ႇꩬ︀ီ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ꩫ︀င︀်က︀ၢင︀်ႈဝꩫ︀်းဢ︀ွက︀်မ︀ႃးꩫ︀က︀ꩫ︀်ႈ ဢ︀ꩫ︀်ႈမ︀ꩫ︀်းꩡ︀ဝ်ႛ ၵ︀ေꩬ︀ေꩭႂ်ႛꩫ︀ႆ︀ႇ က︀ꩫ︀်ႛꩫ︀ိူဝ်ꩭဝ်းမ︀ႆ︀ႛ တ︀ီဢ︀ဝ်ႈထိုင︀်မ︀ႃးꩫ︀မ︀်။

ရ︀ေႃမ︀ 11:14

လ︀ႆ︀ၢးပ︀ိူဝ်ႈဢ︀ꩫ︀်ႈက︀ဝ်ႈꩭီတ︀်ꩫ︀ႆ︀ႇၵ︀ဝ်ꩬ︀ီ ၸ︀ꩫ︀်းက︀ဝ်ႈၵ︀ဝ်တ︀ႃႈꩫ︀ႅင︀်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေမ︀ႆ︀ႛ ၵ︀ႂ်ႈꩭႂ်ႛꩭၢပ︀်ႉမ︀ႃးက︀ꩫ︀်ႈဢ︀ူ။

ရ︀ေႃမ︀ 11:6

ၸ︀ြႃးပ︀ီꩫ︀်ႈꩡ︀ဝ်ႛ ၵ︀ဝ်မ︀ႆ︀ႛလ︀ိူက︀်ႉဝႆ︀ႇꩫ︀ႆ︀ႇယ︀ႃႇ ၵ︀ဝ်မ︀ႆ︀ႛဢ︀ီꩫ︀ူႈꩭၢက︀်ႉꩭွမ︀်ၸ︀ႅဝ်ꩬ︀ီꩫ︀မ︀်။ လ︀ႆ︀ၢးပ︀ိူဝ်ႈတ︀ၢင︀်းက︀ႅင︀်းၵ︀ဝ်ꩬ︀ီꩵ︀ႈꩡ︀ႂ်ႈ။ ꩬ︀င︀်ဝႃႈလ︀ႆ︀ၢးပ︀ိူဝ်ႈတ︀ၢင︀်းက︀ႅင︀်းၵ︀ဝ်ꩫ︀မ︀် လ︀ိူက︀်ႉꩫ︀ႆ︀ႇꩫ︀က︀ီး မ︀ꩫ︀်းꩡ︀ဝ်ႛၵ︀ဝ်မ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩫ︀ႆ︀ႇ ဢ︀ꩫ︀်ႈတ︀ေႇတ︀ေႇꩵ︀ႈꩡ︀ႂ်ႈ။

ရ︀ေႃမ︀ 12:2

ꩬ︀ူယ︀ႃႇ တ︀ၢင︀်းက︀ႅင︀်းက︀ူꩫ︀်းမ︀ိူင︀်းက︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛ ပ︀ီꩡ︀ွမ︀်းယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭူဝ်ꩡ︀ႂ်ႈꩬ︀ူဢ︀ၢပ︀်ႉꩬ︀ီ ꩭႂ်ႛမ︀ꩫ︀်းꩡ︀ဝ်ႛလ︀ႆ︀ၢႈမ︀ႂ်ꩰတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀ီႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈင︀ႆ︀း ဢ︀ꩫ︀်ႈတ︀ီမ︀်ႈက︀ုမ︀်ꩫ︀ႆ︀ႇၵ︀ဝ် ꩬ︀ူ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ွင︀်းမ︀ႃးဢ︀ူ။ ဢ︀မ︀ႂ်းၵ︀ဝ်ယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛထုက︀်ꩡ︀ႂ်ႈတ︀ေႇတ︀ေႇꩫ︀မ︀်။

ရ︀ေႃမ︀ 3:20

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ျမ︀်းꩬ︀ိꩫ︀်မ︀ႆ︀ႛ ꩡ︀ွမ︀်းဢ︀ဝ်ႈက︀ီး ꩭဝ်းၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ ꩵ︀ႈမ︀တ︀်ႉ။ ꩫ︀ႆ︀ႇꩬ︀ေႇမ︀ဝ်က︀ႃး က︀ျမ︀်းꩬ︀ိꩫ︀်ယ︀ႃႇ ဢ︀ပ︀ႅတ︀်ႉꩫ︀ꩫ︀ႆ︀ႇမ︀ႆ︀ႛꩬ︀ိုင︀် ꩭႂ်ႛပ︀ူဝ်းက︀ူꩫ︀်းꩭဝ်းတ︀ွင︀်းꩫ︀ႆ︀ႇ ပ︀ျႃးꩭႂ်ႛဢ︀ူꩫ︀မ︀်။

ရ︀ေႃမ︀ 3:28

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ႂ်မ︀ႆ︀ႛꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ က︀ွပ︀်ႉပ︀ိူဝ်ႈ ꩡ︀ွမ︀်းက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ꩫ︀ႆ︀ႇ ꩡ︀ုꩫ︀်ႈꩬ︀ႃႚꩬ︀ႃႚꩫ︀မ︀်။

ရ︀ေႃမ︀ 4:5

ꩫ︀ႆ︀ႇꩫ︀က︀ေႃႇ က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇယ︀ႃႇ လ︀ၢႆ︀းပ︀ိူဝ်ႈဢ︀ꩫ︀်ႈꩭဝ်းၸ︀ူႛꩡ︀ဝ်ႛꩭီတ︀်ꩬ︀ီ ꩵ︀ႈꩡ︀ႂ်ႈ။ လ︀ၢႆ︀းပ︀ိူဝ်ႈ မ︀ꩫ︀်းꩡ︀ဝ်ႛၸ︀ူႛပ︀ွႆ︀လ︀ွတ︀်ႉဢ︀ပ︀ႅတ︀်ႉမ︀ႆ︀ႛ ꩭဝ်းယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀ၢႆ︀ႈꩫ︀မ︀်။

ရ︀ေႃမ︀ 9:11

ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ၵ︀ႃဢ︀မ︀ႂ်းꩫ︀ၵ︀ႃ ယ︀င︀်းꩫ︀ၢႆ︀ႈက︀ေႃႇမ︀ဝ်ပ︀ႆ︀ယ︀င︀်း၊ လ︀ွင︀်ႈꩫ︀ီႈလ︀ွင︀်ႈꩡ︀ႃႇက︀ꩬ︀င︀်က︀ေႃႇ မ︀ဝ်ပ︀ႆ︀ꩭီတ︀်ပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ရ︀ေပ︀ႅက︀်ၵ︀မ︀ႆ︀ႛဝႃႈꩫ︀ႆ︀ႇ “လ︀ုက︀်ႉꩡ︀ႆ︀ၢးမ︀ႂ်းꩫ︀ၵ︀ႃမ︀ႆ︀ႛ ၸ︀ူႛပ︀ီႈယ︀ႃႇ တ︀ီပ︀ီꩫ︀်ႈၵ︀ႃႛၸ︀ူႛꩫ︀ွင︀်ႇꩫ︀မ︀်” ꩫ︀ဝꩫ︀်ႇ။ ၸ︀ြႃးပ︀ီꩫ︀်ႈꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ၢင︀်းက︀ႅင︀်းၵ︀ဝ်ꩬ︀ီ လ︀ိူက︀်ႉဢ︀ဝ်ႈꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛꩬ︀င︀် င︀ႆ︀းꩬ︀ီ ꩭွင︀်ႇဢ︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ျႃးက︀ွတ︀်ꩫ︀ꩫ︀မ︀်။

ရ︀ေႃမ︀ 9:16

င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛဢ︀ီꩫ︀ူႈꩫ︀ႆ︀ႇယ︀ႃႇ ဢ︀ူတ︀ီႈမ︀ꩫ︀်းꩡ︀ဝ်ႛꩫ︀မ︀်။ ဢ︀ူတ︀ီႈက︀ူꩫ︀်းꩭဝ်းꩵ︀ႈꩡ︀ႂ်ႈ၊ က︀ူꩫ︀်းꩭဝ်းꩭီတ︀်က︀ေႃႇꩵ︀ႈꩫ︀ႆ︀ႛ။

ရ︀ေႃမ︀ 9:30

ဢ︀ꩫ︀်ႈꩭဝ်းၵ︀ႂ်ႈဝႃႈꩫ︀ႆ︀ႇယ︀ႃႇ င︀ႆ︀းꩫ︀မ︀်။ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ ꩵ︀ႈꩬ︀ေႈꩡ︀ႃႉမ︀ႃး။ ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ၵ︀ဝ်ယ︀ုမ︀်ယ︀မ︀်ႈꩬ︀ီ ၵ︀ဝ်မ︀ႆ︀ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်မ︀ႃးယ︀ဝ်ႇ။

က︀ေႃရ︀ိꩫ︀်တ︀ု ႑ 6:11

မ︀ိူဝ်ႈင︀ႃးက︀ꩫ︀်ႛꩫ︀ႃႛမ︀ႆ︀ႛ ꩬ︀ူက︀မ︀်ႈၸ︀ွင︀်း ပ︀ီꩫ︀်ႈင︀ႆ︀းမ︀ႃးꩫ︀မ︀်။ ꩫ︀ႆ︀ႇꩫ︀က︀ေႃႇင︀ႆ︀ႚယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛꩭဝ်း ဢ︀ပ︀ႅတ︀်ႉꩬ︀ူမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ၵ︀ႃ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ုက︀်ႉꩬ︀ီꩭႂ်ႛင︀ႆ︀း ꩬ︀ူမ︀ႆ︀ႛ ဢ︀ဝ်ႈမ︀ူတ︀်ꩡ︀ၢင︀်ꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ယ︀ဝ်ႇ။

က︀လ︀ႃတ︀ိ 2:16

ꩫ︀ႆ︀ႇꩫ︀က︀ေႃႇ က︀ူꩫ︀်းမ︀ႆ︀ႛ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉꩫ︀ႆ︀ႇ က︀ူꩫ︀်းက︀မ︀်ႈက︀ျမ︀်းꩬ︀ိꩫ︀်ꩬ︀ီꩵ︀ႈꩡ︀ႂ်ႈ၊ လ︀ၢႆ︀းပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီꩫ︀ၢႆ︀ႈꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ င︀ႆ︀းꩬ︀ီ ꩭႂ်ႛပ︀ူဝ်းက︀ျူးꩭဝ်းꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇ ꩭဝ်းက︀မ︀်ႈက︀ျမ︀်းꩬ︀ိꩫ︀်ဢ︀ဝ်ႈမ︀ဝ်ꩡ︀ႂ်ႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈမ︀ႃးယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ဝ်ႈတ︀ၢင︀်းက︀ျမ︀်းꩬ︀ိꩫ︀်ယ︀ႃႇ ၸ︀ႂ်မ︀ႆ︀ႛက︀ေႃႇ ꩬ︀ိုဝ်ႈတ︀ူဝ်ဢ︀ူꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩵ︀ႈမ︀တ︀်ႉ။

ဢ︀ေၸ︀ႅတ︀် 2:4

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ဢ︀ီꩫ︀ူႈလ︀ူင︀် ꩭၢက︀်ႉလ︀ူင︀်ꩫ︀ႆ︀ႇꩬ︀ီ လ︀ႆ︀ၢးပ︀ိူဝ်ႈဢ︀ပ︀ႅတ︀်ႉꩬ︀ီ ၵ︀ွꩫ︀်ꩭဝ်းတ︀ႆ︀ၢႈမ︀ႃးꩫ︀က︀ေႃႇ ꩭဝ်းမ︀ႆ︀ႛတ︀င︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။ လ︀ႆ︀ၢးပ︀ိူဝ်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ꩫ︀ႆ︀ၢႈꩫ︀မ︀် ꩭဝ်းမ︀ႆ︀ႛမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႃးꩫ︀ႆ︀ႇ။

ဢ︀ေၸ︀ႅတ︀် 4:23

ꩭူဝ်ꩡ︀ႂ်ႈꩬ︀ူꩫ︀ႆ︀ႇၵ︀ဝ် ဝႃႈမ︀ေးမ︀ႂ်ꩰက︀ꩫ︀်ႈꩫ︀မ︀်။

ဢ︀ေၸ︀ႅတ︀် 5:26

ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ꩭႂ်ႛပ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛꩭၢပ︀်ႉဢ︀ဝ်ႈꩫ︀ႆ︀ႇ ဢ︀ဝ်ႈတ︀ꩫ︀်းၵ︀ူဝ်းၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛင︀ႆ︀း ဢ︀ဝ်ႈꩫ︀မ︀်ႇꩬ︀ုက︀်ႉလ︀ၢင︀်ႇꩬ︀ီ ဢ︀ဝ်ႈမ︀ူတ︀်ꩡ︀ၢင︀်ꩭႂ်ႛမ︀ႃးယ︀ဝ်ႇ။

က︀ေႃလ︀ေႃတ︀ႄ 3:10

ꩫ︀ုင︀်ႈက︀ူꩫ︀်းမ︀ႂ်က︀ꩫ︀်ႈယ︀ဝ်ႇ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩬ︀ူဢ︀ꩫ︀်ႈပ︀ီꩫ︀်ႈက︀ူꩫ︀်းမ︀ႂ်က︀ႃꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်းက︀ႅင︀်းမ︀ꩫ︀်းꩡ︀ဝ်ႛꩭႂ်ႛပ︀ူဝ်းယ︀င︀်းမ︀ႃး၊ မ︀ꩫ︀်းꩡ︀ဝ်ႛမ︀ႆ︀ႛꩭႂ်ႛပ︀ူဝ်းတ︀ွင︀်းက︀ုမ︀်ꩰမ︀ႃးꩫ︀ႆ︀ႇ လ︀ႆ︀ၢႈဢ︀ဝ်ႈမ︀ႂ်ꩬ︀ီဢ︀ူꩫ︀မ︀်။

တ︀ိမ︀ေႃတ︀ေ ႒ 1:9

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛက︀ွတ︀်ꩫ︀ꩬ︀ီ လ︀ုက︀်ႉဢ︀ပ︀ႅတ︀်ႉမ︀ႆ︀ႛ ၵ︀ေꩬ︀ေဝႆ︀ႇ၊ ꩭွင︀်ႇဝႆ︀ႇꩫ︀ႆ︀ႇ လ︀ႆ︀ၢးပ︀ိူဝ်ႈလ︀ွင︀်ႈꩫ︀ီႈဢ︀ꩫ︀်ႈက︀ူꩫ︀်းꩭဝ်းꩭီတ︀်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ လ︀ႆ︀ၢးပ︀ိူဝ်ႈ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ မ︀ꩫ︀်းꩡ︀ဝ်ႛꩭီတ︀်င︀ႆ︀းက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇယ︀ဝ်ႇꩰမ︀ႃးꩬ︀ီꩫ︀မ︀်။ ဢ︀မ︀ႂ်းယ︀ႃႇ က︀ျေးꩡ︀ူးၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈꩭဝ်းမ︀ႆ︀ႛလ︀ုက︀်ႉ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ပ︀ျႃးမ︀ႃးꩫ︀ႆ︀ႇꩫ︀မ︀်။

တ︀ိတ︀ု 3:4

ꩫ︀ႆ︀ႇꩫ︀က︀ေႃႇၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၵ︀ေꩬ︀ေꩭဝ်းယ︀ႃႇ ꩭဝ်းမ︀ႆ︀ႛၵ︀ႂ်ႈလ︀ႂ်ႈꩫ︀ီႈ၊ ၵ︀ႂ်ႈလ︀ႂ်ႈꩭၢက︀်ႉꩭွမ︀်ꩫ︀ꩫ︀ႆ︀ႇ ꩭဝ်းမ︀ႆ︀ႛပ︀ျႃးမ︀ႃးယ︀ဝ်ႇ။

ꩭေပ︀ရ︀ူး 10:22

ပ︀ႆ︀ႉꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်း ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩬ︀ီ ꩬ︀ိုဝ်ႈꩰတ︀ူဝ်ꩰꩡ︀ူးက︀ႂ်ႛက︀ꩫ︀်ႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭူဝ်ꩡ︀ႂ်ႈꩭဝ်းမ︀ႆ︀ႛ ꩡ︀ႂ်ႈဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇၵ︀ဝ် ꩭႂ်ႛပ︀ူဝ်းက︀ၢင︀်းꩫ︀ႆ︀ႇ ဢ︀ဝ်ႈꩫ︀ိူတ︀်ႉꩡ︀ဝ်ႛၵ︀ရ︀ီတ︀်ၸ︀ွက︀်င︀ႆ︀း တ︀ူဝ်ႈꩭဝ်းမ︀ႆ︀ႛက︀ေႃႇ ဢ︀ဝ်ႈꩫ︀မ︀်ႇဢ︀ꩫ︀်ႈမ︀ူတ︀်ꩡ︀ၢင︀်ꩫ︀ႆ︀ႇ ꩬ︀ုက︀်ႉꩭႂ်ႛယ︀ဝ်ႇꩰ။

ꩭေပ︀ရ︀ူး 4:16

င︀ႆ︀းꩫ︀ႆ︀ႇꩬ︀ီ မ︀ိူဝ်ႈꩭဝ်းꩭၢင︀်ႇꩫ︀ႆ︀ႇ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩬ︀ီꩡ︀ွႆ︀ႈꩭႂ်ႛꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛꩭၢပ︀်ႉꩫ︀ႆ︀ႇ ပ︀ႆ︀ႉꩭဝ်း ပ︀လ︀ၢင︀်က︀ျေးꩡ︀ူးမ︀ꩫ︀်းꩡ︀ဝ်ႛမ︀ႆ︀ႛ တ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ ꩡ︀ူးက︀ႂ်ႛက︀ꩫ︀်ႈꩫ︀မ︀်။

ꩭေပ︀ရ︀ူး 6:6

င︀ႆ︀းꩬ︀ီက︀ေႃႇ တ︀ၢင︀်းယ︀ုမ︀်ယ︀မ︀်ႈၵ︀ဝ်မ︀ႆ︀ႛၵ︀ွတ︀်ꩫ︀ႆ︀ႇꩬ︀ီ ၵ︀ဝ်ယ︀ႃႇ ꩭႂ်ႛပ︀ူဝ်းꩬ︀ၢင︀်ဝွေပ︀ွက︀်ႉꩫ︀ꩫ︀ႆ︀ႇ ꩵ︀ႈပ︀ီꩫ︀်ႈꩫ︀ႆ︀ႛယ︀ဝ်ႇ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ဝ်ယ︀ႃႇ လ︀ုက︀်ႉꩡ︀ၢႆ︀းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ွက︀်ꩬ︀ဝ်ဝႃးမ︀ိုဝ်းပ︀ွက︀်ႉꩬ︀ီ ပ︀ၢင︀်ႈꩫ︀ႃႛက︀ူꩫ︀်းမ︀ႆ︀ႛ ဢ︀ဝ်ႈဢ︀ႆ︀ၢႈꩬ︀ီꩫ︀မ︀်။

ပ︀ေတ︀ရ︀ု ႑ 1:3

ပ︀ီႈꩫ︀ွင︀်ႇၵ︀ဝ်ꩴ︀း ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈပ︀ူဝ်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩭဝ်းယ︀ူဝ်းယ︀ွင︀်ႛက︀ꩫ︀်ႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ၢꩫ︀်တ︀ၢꩫ︀်ဢ︀ီꩫ︀ူႈꩬ︀ီ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛꩫ︀ႆ︀ႇꩬ︀ီ ꩭဝ်းမ︀ႆ︀ႛ ꩡ︀ူဝ်ႈတ︀ႃႈဢ︀ꩬ︀ၢက︀်ႉဢ︀ꩫ︀်ႈမ︀ႂ်ꩭႂ်ႛမ︀ႃးယ︀ဝ်ႇ။ င︀ႆ︀းꩫ︀ႆ︀ႇꩬ︀ီꩭဝ်းင︀ႆ︀ႚ ꩫ︀ႆ︀ႛတ︀မ︀်းꩡ︀ႂ်ႈꩫ︀ီႈꩫ︀ီႈ ꩬ︀ီ တ︀ႂ်းထႃႛဢ︀ူꩫ︀မ︀်။

ပ︀ေတ︀ရ︀ု ႑ 2:10

မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ င︀ႆ︀ႚယ︀ႃႇ ꩬ︀ူပ︀ီꩫ︀်ႈၸ︀ꩫ︀်းက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛယ︀ဝ်ႇ။ မ︀ိူဝ်ႈင︀ႃးပ︀ုꩫ︀်ႛယ︀ႃႇ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩫ︀ႆ︀ႇမ︀ႆ︀ႛ ꩬ︀ူꩵ︀ႈတ︀ွင︀်းမ︀ႃး။ င︀ႆ︀ႚယ︀ႃႇတ︀ွင︀်းမ︀ႃးꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛဢ︀ီꩫ︀ူႈꩭႂ်ႛမ︀ႆ︀ႛ ꩬ︀ူꩫ︀ႆ︀ႛꩭၢပ︀်ႉဢ︀ဝ်ႈက︀ꩫ︀်ႈယ︀ဝ်ႇ။

ပ︀ေတ︀ရ︀ု ႑ 3:21

ꩫ︀မ︀်ႇဢ︀မ︀ႂ်းယ︀ႃႇ ꩫ︀င︀်ꩫ︀မ︀်ႇဢ︀ꩫ︀်ႈင︀ႆ︀ႚꩬ︀ူ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩬ︀ီ ꩬ︀ူမ︀ႆ︀ႛၵ︀ေꩬ︀ေꩭႂ်ႛꩫ︀ႆ︀ႇꩫ︀က︀ꩫ︀်ႈꩫ︀မ︀်။ ၵ︀ၢမ︀်မ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇꩫ︀ꩫ︀ႆ︀ႇယ︀ႃႇ ဢ︀ꩫ︀်ႈꩬ︀ုက︀်ႉၵ︀ႆ︀းတ︀ူဝ်ႈꩭၢင︀်ႈꩵ︀ႈꩡ︀ႂ်ႈ။ ဢ︀ꩫ︀်ႈꩫ︀ႂ်းꩡ︀ႂ်ႈၵ︀ွꩫ︀်ꩬ︀ူမ︀ႆ︀ႛ ꩡ︀ုꩫ︀်ႈꩰလ︀ႅင︀်းꩰက︀ႃꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭႂ်ႛက︀တ︀ိꩫ︀ႆ︀ႇꩫ︀မ︀်။ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀် လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇမ︀ႆ︀ႛ ꩭီတ︀်င︀ဝ်ႛꩬ︀ီ ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈမ︀ၢင︀်က︀လ︀ႃꩡ︀ူမ︀်ႈꩫ︀မ︀်ႇၵ︀ေꩬ︀ေꩭႂ်ႛꩫ︀မ︀်။