တ︀ိတ︀ု 3:14 - Khamti Shan

¹⁴ က︀ူꩫ︀်းꩡ︀ိူဝ်းꩫ︀ႆ︀ႇၵ︀ဝ် ဢ︀မ︀ူးဢ︀ꩫ︀်ႈꩫ︀ီႈꩭီတ︀်ꩬ︀ီ ပ︀ိူꩫ︀်ႈမ︀ႆ︀ႛဢ︀ꩫ︀်ႈက︀ိꩫ︀်ႈဢ︀ꩫ︀်ႈꩫ︀ုင︀်ႈ ꩡ︀ွႆ︀ႈꩭႂ်ႛꩡ︀ၢင︀်ႈက︀ꩫ︀်ႈတ︀ႃႉ။ ဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ် ပ︀ီꩭႂ်ႛꩭီတ︀်။

တ︀ိတ︀ု 3:14 ပူးပေါင်းရင်းမြစ်များ

မ︀တ︀်တ︀ႄး 21:19

ၵ︀ူꩫ︀်တ︀ၢင︀်းမ︀ႆ︀ႛ တ︀ူꩫ︀်ႛမ︀က︀်ဝႃႈတ︀ူꩫ︀်ႛလ︀ိူင︀်ႈꩭꩫ︀်က︀ီး မ︀ꩫ︀်းꩡ︀ဝ်ႛက︀ႃလ︀ႅမ︀်းမ︀က︀်ဢ︀ူ။ ꩫ︀ႆ︀ႇꩫ︀က︀ေႃႇ မ︀ႂ်ႈꩫ︀ႆ︀ၢႈꩬ︀ိုင︀်ယ︀င︀်းꩫ︀ႆ︀ႇမ︀ႆ︀ႛꩭꩫ︀်က︀ီး တ︀ူꩫ︀်ႛဢ︀မ︀ႂ်းမ︀ႆ︀ႛ “တ︀ူꩫ︀်ႛꩫ︀ႆ︀ႇ မ︀ိူဝ်ႈလ︀ႂ်ႈက︀ေႃႇ မ︀က︀်ပ︀ီꩭႂ်ႛပ︀ီꩫ︀်ႈက︀တ︀ႃႉ” ꩫ︀ဢ︀ူ။ တ︀ူꩫ︀်ႛမ︀က︀်ဝႃႈꩫ︀ႆ︀ႇက︀ေႃႇ က︀ꩡ︀ူးꩭိဝ်ꩭႅင︀်ႛက︀ႃဢ︀ူ။

မ︀တ︀်တ︀ႄး 7:19

တ︀ူꩫ︀်ႛမ︀က︀် ဢ︀ꩫ︀်ႈမ︀က︀်မ︀ဝ်ꩫ︀ီႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ လ︀ႆ︀ၢးပ︀ိူဝ်ႈမ︀က︀်ꩫ︀ီႈမ︀ဝ်ပ︀ီꩫ︀်ႈꩫ︀ႆ︀ႇꩬ︀ီ က︀ူꩫ︀်းꩫ︀ႆ︀ႇၵ︀ဝ် ပ︀မ︀်ႛꩬ︀ီꩬ︀ုမ︀်ၸ︀ႆ︀းၵ︀ွတ︀်ဢ︀ူ။

ယ︀ေႃးꩭၢꩫ︀် 15:16

ꩬ︀ူꩵ︀ႈꩡ︀ႂ်ႈ က︀ဝ်ႈမ︀ႆ︀ႛလ︀ိူက︀်ႉဝႆ︀ႇꩫ︀ႆ︀ႇ။ က︀ဝ်ႈꩫ︀မ︀်ꩬ︀ူမ︀ႆ︀ႛ လ︀ိူက︀်ႉင︀ႆ︀းပ︀ွႆ︀ꩡ︀ႂ်ႇꩬ︀ီ ꩫ︀င︀်မ︀က︀်ဢ︀ꩫ︀်ႈမ︀ꩫ︀်ႛဢ︀ꩫ︀်ႈၵ︀ိူင︀်ꩫ︀က︀ꩫ︀်ႈ ꩭႂ်ႛက︀ႃပ︀ီꩫ︀်ႈꩫ︀ႆ︀ႇ။ ꩫ︀င︀်က︀ဝ်ႈဝႃႈꩫ︀က︀ꩫ︀်ႈ ꩬ︀ူက︀ႃꩭီတ︀်က︀ီး ပ︀ူဝ်က︀ဝ်ႈက︀ေႃႇ ဢ︀ꩫ︀်ႈꩫ︀င︀်ꩬ︀ူဢ︀ဝ်ႈꩡ︀ိုဝ်ႈက︀ဝ်ႈယ︀ွꩫ︀်းꩫ︀ႆ︀ႇꩭႂ်ႛဢ︀ူ။

ယ︀ေႃးꩭၢꩫ︀် 15:8

ꩬ︀ူမ︀က︀်ဢ︀ၢꩫ︀်တ︀ၢꩫ︀်ပ︀ီꩫ︀်ႈက︀ီး ပ︀ီꩫ︀်ႈတ︀ပ︀ေးက︀ဝ်ႈꩫ︀မ︀်ꩫ︀ꩫ︀ႆ︀ႇပ︀ိူꩫ︀်ႈတ︀ွင︀်းꩬ︀ီ ပ︀ူဝ်က︀ဝ်ႈက︀ေႃႇ မ︀ူꩫ︀်ႈၸ︀ုင︀်းꩭိူဝ်ႈꩭိုင︀်းပ︀ိုင︀်းꩬ︀ႂ်ဢ︀ူ။

ထဝ်ꩡ︀တ︀်ႉၵ︀ဝ် 18:3

ꩬ︀ွင︀်ၵ︀ႃယ︀ႃႇ ꩫ︀င︀်ပ︀ေႃလ︀ုꩫ︀က︀ꩫ︀်ႈ ၸ︀ူႛꩭီတ︀်ꩬ︀ုမ︀်ႇꩫ︀မ︀်။ င︀ႆ︀းꩬ︀ီပ︀ေႃလ︀ုယ︀ႃႇ ꩬ︀ွင︀်ၵ︀ႃမ︀ႆ︀ႛက︀ႃꩭꩫ︀်င︀ႆ︀း တ︀င︀်းꩬ︀ွင︀်ၵ︀ႃဢ︀ူꩬ︀ီ ꩭူမ︀်ႈꩭီတ︀်ဢ︀မ︀ူးဢ︀ူ။

ထဝ်ꩡ︀တ︀်ႉၵ︀ဝ် 20:35

ꩬ︀ူꩡ︀ဝ်ႛက︀ေႃႇ ꩭႂ်ႛပ︀ူဝ်းꩫ︀င︀်က︀ဝ်ႈꩫ︀က︀ꩫ︀်ႈ က︀ူႈꩡ︀ွင︀်ႈက︀ူႈလ︀ွင︀်ႈမ︀ႆ︀ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ၸ︀ူႛၸ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛꩡ︀ွႆ︀ႈꩭႂ်ႛꩫ︀ႆ︀ႇ က︀ဝ်ႈပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းဢ︀ꩫ︀်ႈꩡ︀ဝ်ႛယ︀ေꩬ︀ုဝႃႈ “က︀ူဝ်ႇဢ︀ꩫ︀်ႈၸ︀ူႛꩭႂ်ႛꩫ︀ႆ︀ႇ ဢ︀ꩫ︀်ႈၸ︀ူႛꩭၢပ︀်ႉဢ︀ဝ်ႈမ︀ႆ︀ႛ မ︀ၢင︀်က︀လ︀ႃယ︀င︀်းꩬ︀ႃဢ︀ူ” ꩫ︀ꩫ︀ႆ︀ႇမ︀ႆ︀ႛ ဢ︀ွက︀်ꩡ︀ႂ်ႈက︀ꩫ︀်ႈတ︀ႃႉ” ꩫ︀ဝꩫ︀်ႇ။

ရ︀ေႃမ︀ 12:13

ၵ︀ရ︀ီတ︀်ယ︀ၢꩫ︀်ဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ူဝ်းလ︀ိင︀်းꩬ︀ူပ︀ꩫ︀်ႈꩭႂ်ႛက︀ꩫ︀်ႈတ︀ႃႉ။ ꩭိူꩫ︀်းꩬ︀ူမ︀ႆ︀ႛ ပ︀ီႈꩫ︀ွင︀်ႇထိုင︀်မ︀ႃးက︀ီး က︀ွင︀်ꩰဝႆ︀ၢꩰꩭၢပ︀်ႉတ︀ွꩫ︀်ႛက︀ꩫ︀်ႈတ︀ႃႉ။

ရ︀ေႃမ︀ 15:28

င︀ိူꩫ︀်းꩡ︀ွႆ︀ႈဢ︀ꩫ︀်ႈꩡ︀ႃႇၵ︀ဝ်ꩫ︀ꩬ︀ီ က︀ီပ︀်ယ︀ုင︀်းဝႆ︀ႇꩫ︀ႆ︀ႇတ︀င︀်းမ︀ိူင︀်း ꩫ︀ႂ်းမ︀ိုဝ်းၵ︀ဝ်မ︀ႆ︀ႛ ဢ︀ၢပ︀်ႉယ︀ဝ်ႇꩬ︀ီ ဢ︀မ︀ူးက︀ဝ်ႈယ︀ဝ်ႇက︀ီး က︀ဝ်ႈက︀ႃꩡ︀ႃႉက︀ႃမ︀ိူင︀်းꩡ︀ပ︀ိꩫ︀်ꩫ︀ႆ︀ႇ ꩬ︀ူမ︀ႆ︀ႛက︀ေႃႇတ︀ီၵ︀ဝ်ႛမ︀ႃးꩫ︀မ︀်။

ဢ︀ေၸ︀ႅတ︀် 4:28

က︀ူဝ်ႇဢ︀ꩫ︀်ႈလ︀ၢက︀်ႉꩭႆ︀ၢႇꩫ︀ႆ︀ႇ ၸ︀ႃႛတ︀ႃႉ။ ဢ︀ဝ်ႈမ︀ိုဝ်းၸ︀ူႛꩡ︀ဝ်ႛꩭီတ︀်ဢ︀မ︀ူးꩬ︀ီ ꩬ︀ိုဝ်ႈꩰတ︀ူဝ်ꩰꩭီတ︀်က︀ိꩫ︀်ႈတ︀ႃႉ။ င︀ႆ︀းက︀ီး ပ︀ိူꩫ︀်ႈမ︀ႆ︀ႛက︀ေႃႇꩡ︀ွႆ︀ႈပ︀ီꩫ︀်ႈဢ︀ူ။

ၸ︀ိလ︀ိပ︀်ပ︀ၢႆ︀ 1:11

င︀ႆ︀းက︀ီး ꩡ︀ူဝ်ႈတ︀ႃႈဢ︀ꩬ︀ၢက︀်ႉꩬ︀ူမ︀ႆ︀ႛက︀ေႃႇ ꩫ︀မ︀်ႇꩡ︀ႂ်ႈဢ︀ꩫ︀်ႈꩫ︀ီႈ ဢ︀ꩫ︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ၢႈꩬ︀င︀် ဢ︀ဝ်ႈယ︀င︀်းꩭႂ်ႛပ︀ီꩫ︀်ႈꩫ︀ႆ︀ႇ တ︀ီမ︀်ႈက︀ုမ︀်မ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ် ယ︀ူဝ်းယ︀ွင︀်ႛက︀ꩫ︀်ႈမ︀ႃးဢ︀ူ။

ၸ︀ိလ︀ိပ︀်ပ︀ၢႆ︀ 4:16

မ︀ိူဝ်ႈက︀ဝ်ႈဢ︀ူဝီင︀်း တ︀ႅတ︀်ꩬ︀ႃလ︀ေႃꩫ︀ိက︀်ꩫ︀ႆ︀ႇက︀ေႃႇ ဢ︀ꩫ︀်ႈက︀ဝ်ႈꩭၢင︀်ႇꩫ︀ႆ︀ႇၵ︀ဝ် ပ︀ၢꩫ︀်ႈလ︀ိူင︀်ႈမ︀ဝ်က︀ႃး ꩬ︀ူꩡ︀ွႆ︀ႈမ︀ႃးယ︀ဝ်ႇ။

ၸ︀ိလ︀ိပ︀်ပ︀ၢႆ︀ 4:17

က︀ဝ်ႈင︀ႆ︀းꩬ︀ီဝႃႈꩫ︀ႆ︀ႇ ၵ︀ႂ်ႈꩫ︀ႆ︀ႛၵ︀ွင︀်လ︀ူꩬ︀ီꩵ︀ႈꩡ︀ႂ်ႈ။ လ︀ုက︀်ႉၵ︀ွင︀်လ︀ူꩬ︀ူမ︀ႆ︀ႛ ꩭႂ်ႛပ︀ူဝ်းꩬ︀ူဢ︀က︀ိဝ်းꩫ︀ႆ︀ႛꩫ︀ႆ︀ႇꩫ︀မ︀်ဝႃႈꩫ︀ႆ︀ႇ။

က︀ေႃလ︀ေႃတ︀ႄ 1:10

င︀ႆ︀းက︀ီး ꩬ︀ူꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛထုက︀်ꩡ︀ႂ်ႈꩫ︀က︀ꩫ︀်ႈဢ︀ူꩬ︀ီ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈꩫ︀ႆ︀ႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀ီꩭီတ︀်ပ︀ီꩫ︀်ႈမ︀ႃးꩫ︀မ︀်။ ꩬ︀ူမ︀ႆ︀ႛတ︀ၢင︀်းက︀ႅင︀်းဢ︀ꩫ︀်ႈꩫ︀ီႈက︀ူႈၸ︀ꩫ︀်း ယ︀င︀်းမ︀ႃးꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ တ︀ီတ︀ွင︀်းဢ︀ိက︀်မ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:9

တ︀ူႈၵ︀ႂ်ႈလ︀ႂ်ႈꩫ︀ွေꩰꩫ︀ုꩫ︀်းꩰꩬ︀ေႈꩡ︀ႃႉမ︀ႃးꩫ︀ꩫ︀ႆ︀ႇ ꩬ︀ူၸ︀ူႛꩡ︀ဝ်ႛက︀ေႃႇမ︀တ︀်ႉဢ︀ူ။ ꩬ︀ူၸ︀ႂ်မ︀ႆ︀ႛက︀ေႃႇ ꩭႂ်ႛပ︀ူဝ်းမ︀ဝ်ဢ︀ဝ်ႈယ︀ပ︀်ယ︀ၢက︀်ႉꩫ︀ႆ︀ႇ တ︀ူႈꩡ︀ႃႇတ︀ွင︀်ႇၸ︀ူႛꩡ︀ဝ်ႛ ꩭီတ︀်ဢ︀မ︀ူးꩬ︀ေႈꩡ︀ႃႉꩬ︀ီ ꩬ︀ူမ︀ႆ︀ႛၵ︀ၢဝ်ႈၵ︀ၢမ︀်းꩫ︀ီႈလ︀ွင︀်ႈꩡ︀ဝ်ႛယ︀ေꩬ︀ု ꩭူဝ်းမ︀ႃးꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:8

ꩡ︀ႃႇꩭၢင︀်းတ︀ွင︀်ႇၸ︀ူႛꩡ︀ဝ်ႛ ၸ︀ူႛꩡ︀ဝ်ႛၵ︀ႃက︀ိꩫ︀်ႈမ︀ႃးꩫ︀မ︀်။ ꩬ︀ူၸ︀ႂ်က︀ေႃႇ ꩭႂ်ႛပ︀ူဝ်းꩡ︀ႃႇတ︀ူႈမ︀ဝ်ယ︀ပ︀်ယ︀ၢက︀်ႉမ︀ႃးꩫ︀ႆ︀ႇ၊ တ︀ူႈၸ︀ူႛꩡ︀ဝ်ႛ ဢ︀မ︀ူးꩬ︀ေႈꩡ︀ႃႉမ︀ႃးဢ︀ူ။

တ︀ိတ︀ု 2:8

ဢ︀ꩫ︀်ႈၸ︀ိတ︀်မ︀ဝ်ꩭႂ်ႛလ︀ွေႛꩬ︀ီ ꩬ︀ွꩫ︀်ထက︀်ꩰꩭႂ်ႛတ︀ႃႉ။ င︀ႆ︀းက︀ီး ꩬ︀ြႃဢ︀ꩫ︀်ႈမ︀ႂ်းမ︀ႆ︀ႛၸ︀ုꩫ︀်ႇပ︀ိꩫ︀်ႛꩫ︀ႆ︀ႇၵ︀ဝ် ꩭဝ်းမ︀ႆ︀ႛၵ︀ႃဢ︀ပ︀ႅတ︀်ႉမ︀ဝ်ꩫ︀ႆ︀ႛꩬ︀ီ ဢ︀ႆ︀ၢႈက︀ႃဢ︀ူ။

တ︀ိတ︀ု 3:8

ၵ︀ၢမ︀်းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈ၊ လ︀ွင︀်ႈဢ︀ꩫ︀်ႈꩫ︀ီႈ ဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀က︀ိဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ꩫ︀်ႈꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီꩬ︀ွꩫ︀်ꩭႂ်ႛတ︀ႃႉ။

ပ︀ေတ︀ရ︀ု ႒ 1:8

တ︀ၢင︀်းက︀ႅင︀်းꩫ︀ႆ︀ႇၵ︀ဝ် ꩬ︀ူမ︀ႆ︀ႛꩫ︀မ︀်ꩰယ︀င︀်းမ︀ႃးက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ွင︀်းꩫ︀ီႈꩫ︀ီႈမ︀ႃးꩬ︀ီ ဢ︀က︀ိဝ်းယ︀ႂ်မ︀ႃးဢ︀ူ။