တ︀ိတ︀ု 3:10 - Khamti Shan

¹⁰ က︀ူဝ်ႇဢ︀ꩫ︀်ႈပ︀ိူꩫ︀်ႈမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈမ︀ႆ︀ႛယ︀ႃႇ ဢ︀ဝ်ႈထိုင︀်ꩬ︀ွင︀်ပ︀ၢꩫ︀်ႈꩡ︀တ︀်တ︀ႃႉ။ ယ︀ဝ်ႇက︀ီး က︀ူဝ်ႇဢ︀မ︀ႂ်းမ︀ႆ︀ႛ ပ︀ီꩡ︀ၢပ︀်ႉပ︀ိူင︀်ႈလ︀ူင︀်ယ︀ဝ်ႇ။

တ︀ိတ︀ု 3:10 ပူးပေါင်းရင်းမြစ်များ

ရ︀ေႃမ︀ 16:17

ပ︀ီႈꩫ︀ွင︀်ႇၵ︀ဝ်ꩴ︀း က︀ူꩫ︀်းဢ︀ꩫ︀်ႈ ꩬ︀မ︀်မ︀ႃတ︀ြႃးဢ︀ꩫ︀်ႈꩬ︀ူꩭၢပ︀်ႉဢ︀ဝ်ႈဝႆ︀ႇမ︀ႆ︀ႛ ꩬ︀ၢꩫ︀်တ︀ၢꩫ︀်းꩬ︀ီ ꩬ︀ူမ︀ႆ︀ႛ ဢ︀ဝ်ႈက︀ၢက︀်ႉꩡ︀ႂ်ႈက︀ꩫ︀်ႈ၊ ဢ︀ဝ်ႈပ︀ႅက︀်တ︀ၢင︀်းယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ႅတ︀်ꩬ︀ီင︀ိူင︀်ႇက︀ꩫ︀်ႈတ︀ႃႉ။

က︀ေႃရ︀ိꩫ︀်တ︀ု ႑ 11:19

ဢ︀ꩫ︀်ႈတ︀ေႇတ︀ေႇက︀ေႃႇ လ︀ုက︀်ႉꩫ︀ႂ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈၵ︀ိူင︀်ႈꩫ︀ီႈတ︀မ︀်းꩡ︀ႂ်ႈꩫ︀ႆ︀ႇၵ︀ဝ် ꩭႂ်ႛပ︀ူဝ်းပ︀ႅꩫ︀်ႈမ︀ႃးꩫ︀ႆ︀ႇယ︀ႃႇ ꩫ︀ႂ်းꩬ︀ူမ︀ႆ︀ႛ ဢ︀ꩫ︀်ႈꩡ︀ႂ်ႈက︀ၢက︀်ႉက︀ꩫ︀်ႈꩫ︀ꩫ︀ႆ︀ႇ ဝႃႈယ︀င︀်းꩫ︀မ︀်။

က︀ေႃရ︀ိꩫ︀်တ︀ု ႒ 13:2

မ︀ိူဝ်ႈက︀ဝ်ႈ ꩭႃတ︀ုတ︀ိယ︀မ︀ႃးꩫ︀ႆ︀ႇ “က︀ူဝ်ႇဢ︀ꩫ︀်ႈꩭီတ︀်ဢ︀ပ︀ႅတ︀်ႉမ︀ဝ်ၸ︀ႃႛꩫ︀ႆ︀ႇၵ︀ဝ်မ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်ꩫ︀မ︀်” ꩫ︀ꩬ︀ီ က︀ဝ်ႈꩬ︀ူမ︀ႆ︀ႛ ဝႃႈမ︀ႃးꩫ︀ႆ︀ႇꩫ︀က︀ꩫ︀်ႈ င︀ႆ︀ႚမ︀ိူဝ်ႈက︀ဝ်ႈဢ︀ူတ︀ီက︀ႆ︀ႈပ︀ုꩫ︀်ႛ ဝႃႈꩫ︀က︀ဝ်က︀ွတ︀်။ လ︀ဝ်းꩫ︀ႆ︀ႇမ︀ႃးက︀ီး က︀ူဝ်ႇဢ︀ꩫ︀်ႈဢ︀ပ︀ႅတ︀်ႉယ︀င︀်းက︀ူႈက︀ူဝ်ႇမ︀ႆ︀ႛ က︀ဝ်ႈတ︀ီပ︀ူင︀်ႈတ︀ၢမ︀်တ︀ေႇတ︀ေႇꩫ︀မ︀်။

က︀လ︀ႃတ︀ိ 5:12

ꩬ︀ြႃမ︀ိက︀်ႉꩬ︀ႃဢ︀ꩫ︀်ႈꩬ︀ူမ︀ႆ︀ႛ ဢ︀ဝ်ႈယ︀ုင︀်ႛꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ ပ︀တ︀်ပ︀ႆ︀ၢႈꩫ︀င︀်ꩫ︀ႆ︀ႇꩬ︀ေႇမ︀ဝ်က︀ႃး တ︀ွꩫ︀်ႈတ︀မ︀ိူင︀်းထုက︀်ꩫ︀ီႈတ︀ွꩫ︀်ႈၵ︀ွတ︀်ꩫ︀မ︀်။

က︀လ︀ႃတ︀ိ 5:20

ပ︀ႆ︀ၢႛဝႆ︀ႈꩭုꩫ︀်ꩭၢင︀်ႈ၊ ဢ︀ဝ်ႈလ︀ႆ︀ၢးၸ︀ိုဝ်ႇꩬ︀ိုဝ်ꩭီတ︀်က︀ꩫ︀်ႈ၊ က︀ႅမ︀်ပ︀ိူꩫ︀်ႈလ︀ူႇက︀ꩫ︀်ႈ၊ ꩫ︀ꩫ︀်းက︀ꩫ︀်ႈ၊ တ︀ႃႈꩫ︀ႅင︀်ႈက︀ꩫ︀်ႈ၊ တ︀ေႃးꩬ︀ႃးက︀ꩫ︀်ႈ၊ ၵ︀ႂ်ႈဢ︀မ︀်ꩬ︀ႃက︀ꩫ︀်ႈ၊ က︀ၢက︀်ႉꩡ︀ႂ်ႈက︀ꩫ︀်ႈ၊ က︀ၢက︀်ႉၸ︀ုင︀်က︀ꩫ︀်ႈ၊

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:14

ဢ︀ꩫ︀်ႈင︀ႆ︀ႚတ︀ူႈꩬ︀ွꩫ︀်ꩬ︀င︀်မ︀ႃးꩫ︀ႆ︀ႇၵ︀ဝ်မ︀ႆ︀ႛ က︀ူဝ်ႇဢ︀ꩫ︀်ႈမ︀ဝ်ꩡ︀ွမ︀်းက︀ႅင︀်းယ︀င︀်းက︀ီး မ︀ꩫ︀်းမ︀ႆ︀ႛင︀ိူင︀်ႇတ︀ႃႉ။ ꩭႂ်ႛပ︀ူဝ်းမ︀ꩫ︀်းဢ︀ႆ︀ၢႈꩫ︀ႆ︀ႇ မ︀ꩫ︀်းမ︀ႆ︀ႛပ︀ီလ︀ွေႛ။

တ︀ႅတ︀်ꩬ︀ႃလ︀ေႃꩫ︀ိက︀် ႒ 3:6

ပ︀ီႈꩫ︀ွင︀်ႇၵ︀ဝ်ꩴ︀း ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩬ︀ူမ︀ႆ︀ႛပ︀ꩫ︀်ႈꩬ︀တ︀ိက︀ွတ︀်။ ၸ︀ူႛယ︀ုမ︀်ယ︀မ︀်ႈဢ︀ꩫ︀်ႈၵ︀ၢꩫ︀်ႇ ဢ︀ꩫ︀်ႈတ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်တ︀ူႈꩬ︀ွꩫ︀်ꩬ︀င︀်ꩫ︀က︀ꩫ︀်ႈ မ︀ဝ်ꩡ︀ွမ︀်းက︀ႅင︀်းꩫ︀ႆ︀ႇၵ︀ဝ်မ︀ႆ︀ႛပ︀ီလ︀ွေႛ။

တ︀ိမ︀ေႃတ︀ေ ႒ 3:5

ၵ︀ဝ်ယ︀ႃႇ ဢ︀ဝ်ႈꩬ︀ူပ︀်ꩫ︀ႆ︀ၢႈ ၸ︀ြႃးၸ︀ြႃးꩫ︀ꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ႃႇ ꩵ︀ႈယ︀ုမ︀်ယ︀မ︀်ႈတ︀ေႇတ︀ေႇ။ က︀ူꩫ︀်းၸ︀ꩫ︀်းဢ︀မ︀ႂ်းၵ︀ဝ်မ︀ႆ︀ႛ င︀ိူင︀်ႇတ︀ႃႉ။

ပ︀ေတ︀ရ︀ု ႒ 2:1

ꩫ︀ႆ︀ႇꩫ︀က︀ေႃႇ ꩫ︀င︀်က︀ꩫ︀်ႛꩫ︀ႂ်းဢ︀ီတ︀်ꩡ︀ရ︀ေးꩭဝ်းမ︀ႆ︀ႛ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃꩫ︀ႆ︀ႇၵ︀ဝ်ယ︀င︀်းမ︀ႃးꩫ︀က︀ꩫ︀်ႈ က︀ꩫ︀်ႛꩫ︀ႂ်းꩬ︀ူမ︀ႆ︀ႛက︀ေႃႇ ꩬ︀ြႃမ︀ိက︀်ႉꩬ︀ႃꩫ︀ႆ︀ႇၵ︀ဝ်တ︀ီမ︀ႃးꩫ︀မ︀်။ ၵ︀ဝ်ယ︀ႃႇ ꩬ︀ူမ︀ႆ︀ႛမ︀ႃးင︀ႆ︀းလ︀ွင︀်ႈဢ︀ꩫ︀်ႈက︀ူꩫ︀်းမ︀ႆ︀ႛ တ︀ီဢ︀ဝ်ႈလ︀ူႇပ︀ႅက︀်ႉ၊ လ︀ွင︀်ႈၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈၸ︀ိတ︀်ꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ွꩫ︀်ꩭႂ်ႛင︀ႆ︀းꩬ︀ီ ꩡ︀ိူမ︀်ႈက︀ႃႈ ꩡ︀ဝ်ႛက︀ေႛၵ︀ျွတ︀်ႉၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း တ︀ီပ︀ႆ︀ၵ︀ွတ︀်ꩫ︀မ︀်။ င︀ႆ︀းꩬ︀ီ ၵ︀ဝ်ယ︀ႃႇ ꩡ︀ိဝ်းꩰတ︀ီလ︀ူႇပ︀ႅက︀်ႉက︀ႃꩫ︀မ︀်။

ယ︀ေႃးꩭၢꩫ︀် ႒ 1:10

က︀ူဝ်ႇဢ︀ꩫ︀်ႈတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ဝ်ႈၸ︀ႆ︀ꩬ︀ီ ꩬ︀ွꩫ︀်ꩫ︀ႆ︀ႇၵ︀ဝ် ꩬ︀ူမ︀ႆ︀ႛမ︀ႃးက︀ီး ပ︀ီꩭၢပ︀်ႉတ︀ွꩫ︀်ႛ။ မ︀ႂ်ꩬ︀ုင︀်တ︀ီၵ︀ႃႛꩫ︀ꩫ︀ႆ︀ၢႈက︀ေႃႇ ပ︀ီဝႃႈ။