တ︀ိတ︀ု 2:15 - Khamti Shan

¹⁵ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇဢ︀ဝ်ႈဢ︀ႃꩫ︀ႃꩬ︀ွꩫ︀်ꩭႂ်ႛꩬ︀ီ ꩬ︀ႂ်ꩭႅင︀်းꩭႂ်ႛ ꩬ︀ုင︀်းမ︀ႃးꩭႂ်ႛတ︀ႃႉ။ မ︀ႂ်းမ︀ႆ︀ႛ ꩭႂ်ႛပ︀ူဝ်းပ︀ိူꩫ︀်ႈꩫ︀ၢပ︀်ႉယ︀မ︀်ႈꩫ︀ႆ︀ႇက︀ေႃႇ ꩬ︀တ︀ိတ︀ႃႉ။

တ︀ိတ︀ု 2:15 ပူးပေါင်းရင်းမြစ်များ

မ︀တ︀်တ︀ႄး 7:29

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ꩫ︀်းꩡ︀ဝ်ႛယ︀ႃႇ ꩫ︀င︀်ꩬ︀ြႃတ︀ြႃးꩫ︀ႆ︀ႇၵ︀ဝ်ꩬ︀ွꩫ︀်ꩫ︀က︀ꩫ︀်ႈ မ︀ဝ်ꩡ︀ႂ်ႈꩬ︀ီ ꩫ︀င︀်ꩡ︀ဝ်ႛဢ︀ႃꩫ︀ႃꩫ︀က︀ꩫ︀်ႈꩬ︀ွꩫ︀်ꩬ︀ီꩫ︀မ︀်။

မ︀ႃက︀ု 1:22

မ︀ꩫ︀်းꩡ︀ဝ်ႛယ︀ႃႇ ꩫ︀င︀်ꩬ︀ြႃတ︀ြႃးၵ︀ဝ်ꩬ︀ွꩫ︀်ꩫ︀င︀်က︀ꩫ︀်ႈမ︀ဝ်ꩡ︀ႂ်ႈꩬ︀ီ ဢ︀ဝ်ႈဢ︀ႃꩫ︀ႃꩬ︀ွꩫ︀်ဢ︀ူ။ င︀ႆ︀းꩬ︀ီ ꩫ︀ေးဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ꩭႂ်ႛꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ဢ︀ၢမ︀်းက︀ꩫ︀်ႈဢ︀ူ။

မ︀ႃက︀ု 1:27

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ “က︀ုꩥ︀်း ဢ︀ၢမ︀်းက︀တ︀ႃႉ။ ဢ︀ꩫ︀်ႈꩫ︀ႆ︀ႇဢ︀ꩫ︀်ႈꩫ︀င︀်ꩭိုဝ်လ︀ိူဝ်း။ လ︀ႆ︀ၢးꩬ︀ွꩫ︀်မ︀ႂ်ဢ︀ꩫ︀်ႈဢ︀ႃꩫ︀ႃယ︀င︀်းꩥ︀ႃ။ မ︀ꩫ︀်းယ︀ႃႇ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း ဢ︀မ︀ိင︀်းꩭႂ်ႛꩬ︀ီ ၸ︀ီꩭၢႆ︀ႇꩫ︀ႆ︀ႇၵ︀ဝ်က︀ေႃႇ ၵ︀ၢမ︀်းမ︀ꩫ︀်းထွမ︀်က︀ꩫ︀်ႈဢ︀ူꩫ︀ေႃး ꩭလ︀ိုဝ်လ︀ိူဝ်း” ꩫ︀ꩬ︀ီ ဢ︀ၢမ︀်းတ︀ႆ︀ၢႈꩰꩬ︀ီ တ︀ူင︀်ႇက︀ꩫ︀်ႈဢ︀ူ။

လ︀ုက︀ႃ 4:36

ꩫ︀ႆ︀ႇမ︀ႆ︀ႛ က︀ူꩫ︀်းꩫ︀ႆ︀ႇၵ︀ဝ်ယ︀ႃႇ ဢ︀ၢမ︀်းက︀ꩫ︀်ႈꩬ︀ီ “ၵ︀ၢမ︀်းမ︀ꩫ︀်းယ︀ႃႇ ၵ︀ၢမ︀်းꩫ︀င︀်ꩭိုဝ်လ︀ိူဝ်ႊ။ ၸ︀ီꩭၢႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ ဢ︀ဝ်ႈတ︀ꩫ︀်းၵ︀ူဝ်းဢ︀ႃꩫ︀ႃပ︀ူင︀်ႈဢ︀မ︀ိင︀်းꩬ︀ီ ꩭူဝ်ႛဢ︀ွက︀်ꩫ︀ႆ︀ႛꩫ︀ႆ︀ႇ” ꩫ︀ꩬ︀ီ ၵ︀ဝ်ꩡ︀ဝ်ႛꩫ︀ႆ︀ၢႈဝႃႈက︀ꩫ︀်ႈဢ︀ူ။

က︀ေႃရ︀ိꩫ︀်တ︀ု ႑ 16:11

င︀ႆ︀းꩫ︀ႆ︀ႇꩬ︀ီ မ︀ꩫ︀်းမ︀ႆ︀ႛၸ︀ႂ်က︀ေႃႇ ပ︀ီꩭႂ်ႛꩫ︀ူႈယ︀ွမ︀်း။ ꩭႂ်ႛပ︀ူဝ်းမ︀ꩫ︀်း ꩫ︀ီႈꩫ︀ီႈꩫ︀ၢမ︀်းꩰꩬ︀ီက︀ဝ်ႈမ︀ႆ︀ႛꩫ︀ႆ︀ႛပ︀ွက︀်ႉမ︀ႃးꩫ︀ႆ︀ႇ မ︀ꩫ︀်းမ︀ႆ︀ႛꩬ︀ူင︀်ꩡ︀ွႆ︀ႈꩭႂ်ႛမ︀ႃးတ︀ႃႉ။ မ︀ꩫ︀်းမ︀ႆ︀ႛ က︀ဝ်ႈတ︀င︀်းပ︀ီႈꩫ︀ွင︀်ႇတ︀ၢင︀်က︀ူဝ်ႇꩫ︀ႆ︀ႇၵ︀ဝ် တ︀ႂ်းထႃႛဢ︀ူꩫ︀မ︀်။

တ︀ိမ︀ေႃတ︀ေ ႑ 5:20

ၸ︀ူႛင︀မ︀်းꩡ︀ိူဝ်းꩫ︀ႆ︀ႇၵ︀ဝ် ꩭီတ︀်ဢ︀ပ︀ႅတ︀်ႉယ︀ၢမ︀်ႛက︀ီး ꩭႂ်ႛပ︀ူဝ်းတ︀ၢင︀်က︀ူဝ်ႇꩫ︀ႆ︀ႇၵ︀ဝ်လ︀ၢပ︀်ꩫ︀ႆ︀ႇ က︀ူဝ်ႇဢ︀မ︀ႂ်းၵ︀ဝ်မ︀ႆ︀ႛ ပ︀ၢင︀်ႈꩫ︀ႃႛပ︀ူက︀်ႉက︀ူꩫ︀်းမ︀ႆ︀ႛ ꩬ︀ွꩫ︀်ꩬ︀ုင︀်းမ︀ႃးတ︀ႃႉ။

တ︀ိတ︀ု 1:13

ꩬ︀ဝ်ၵ︀ၢမ︀်းꩫ︀ႆ︀ႇ ဢ︀ꩫ︀်ႈꩡ︀ႂ်ႈတ︀ေႇတ︀ေႇꩫ︀မ︀်။ င︀ႆ︀းꩫ︀ႆ︀ႇꩬ︀ီ ꩭႂ်ႛပ︀ူဝ်းၵ︀ဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ုင︀်းမ︀ႃး​ပ︀ေႇပ︀ေႇတ︀ႃႉ။

ပ︀ေတ︀ရ︀ု ႑ 4:11

က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူး ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ꩭူဝ်းတ︀ႃႉ။ က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူးဢ︀ꩫ︀်ႈꩡ︀ွႆ︀ႈပ︀ိူꩫ︀်ႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ပ︀ိူꩫ︀်ႈမ︀ႆ︀ႛꩡ︀ွႆ︀ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀င︀်ꩬ︀ူꩭီတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်ႈꩭိုင︀်းပ︀ိုင︀်းꩬ︀ႂ်မ︀ႃးဢ︀ူ။ မ︀ူꩫ︀်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ က︀ူႈꩡ︀ူဝ်ႈꩭႂ်ႛꩭူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃႈထု။