တ︀ိတ︀ု 2:1 - Khamti Shan

¹ တ︀ိတ︀ုꩴ︀း မ︀ႂ်းယ︀ႃႇ ꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈꩥ︀ႃးထက︀်ꩰꩬ︀ီꩬ︀ွꩫ︀်ꩭႂ်ႛတ︀ႃႉ။

တ︀ိတ︀ု 2:1 ပူးပေါင်းရင်းမြစ်များ

တ︀ိမ︀ေႃတ︀ေ ႑ 6:3

ꩬ︀ြႃဢ︀ꩫ︀်ႈꩬ︀မ︀်မ︀ႃတ︀ြႃးမ︀ႆ︀ႛမ︀ဝ်ဢ︀ဝ်ႈꩥ︀ႃးꩬ︀ီꩬ︀ွꩫ︀် ꩬ︀ေႇမ︀ဝ်က︀ႃး ꩬ︀မ︀်မ︀ႃတ︀ြႃးꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛတ︀မ︀ိူင︀်း တ︀ၢင︀်းက︀ႅင︀်းၵ︀ရ︀ီတ︀်ယ︀ၢꩫ︀်ꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်း မ︀ဝ်ꩭၢပ︀်ႉဢ︀ဝ်ႈꩫ︀ႆ︀ႇယ︀ႃႇ

တ︀ိမ︀ေႃတ︀ေ ႒ 1:13

ꩬ︀မ︀်မ︀ႃတ︀ြႃး ဢ︀ꩫ︀်ႈက︀ဝ်ႈꩬ︀ွꩫ︀်ꩭႂ်ႛꩫ︀ႆ︀ႇမ︀ႆ︀ႛ ꩭီတ︀်ပ︀ိူင︀်ႈꩬ︀ီ ပ︀ꩫ︀်ႛၵ︀ိူင︀်ꩰတ︀ႃႉ။ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛဢ︀ူꩬ︀ီ ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈၵ︀ိူင︀်ꩰက︀ႃတ︀ႃႉ။ ပ︀ိူꩫ︀်ႈမ︀ႆ︀ႛက︀ေႃႇ ꩭၢက︀်ႉꩭွမ︀်တ︀ႃႉ။

တ︀ိတ︀ု 1:9

မ︀ꩫ︀်းယ︀ႃႇ ၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ ꩫ︀င︀်ဢ︀ꩫ︀်ႈမ︀ꩫ︀်းꩡ︀ဝ်ႛꩬ︀ွꩫ︀်ဢ︀ဝ်ႈမ︀ႃးꩫ︀က︀ꩫ︀်ႈ ဝႃႈပ︀ꩫ︀်ႛၵ︀ိူင︀်ꩰꩫ︀မ︀်။ င︀ႆ︀းက︀ီးꩬ︀င︀် ပ︀ိူꩫ︀်ႈမ︀ႆ︀ႛꩬ︀မ︀်မ︀ႃတ︀ြႃးꩬ︀ွꩫ︀်ꩬ︀ိုဝ်ႈꩰꩭႂ်ႛပ︀ီꩫ︀်ႈꩬ︀ီ က︀ူꩫ︀်းဢ︀ꩫ︀်ႈၸ︀ုꩫ︀်ႇပ︀ိꩫ︀်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ ဢ︀ꩫ︀်ႈၵ︀ဝ်ၸ︀ိတ︀်ꩫ︀ႆ︀ႇ ၵ︀ဝ်မ︀ႆ︀ႛꩡ︀ိုဝ်ႇလ︀ွင︀်ႈပ︀ျႃးတ︀ၢင︀်းꩭႂ်ႛꩫ︀ႆ︀ႛꩫ︀မ︀်။

တ︀ိတ︀ု 3:8

ၵ︀ၢမ︀်းꩫ︀ႆ︀ႇယ︀ႃႇ ဢ︀ꩫ︀်ႈꩬ︀ိုဝ်ႈဢ︀ꩫ︀်ႈꩡ︀ႂ်ႈ၊ လ︀ွင︀်ႈဢ︀ꩫ︀်ႈꩫ︀ီႈ ဢ︀ꩫ︀်ႈပ︀ိူꩫ︀်ႈတ︀င︀်းမ︀ိူင︀်းမ︀ႆ︀ႛ ꩭႂ်ႛဢ︀က︀ိဝ်းꩫ︀မ︀်။ င︀ႆ︀းꩫ︀ႆ︀ႇꩬ︀ီ လ︀ွင︀်ႈꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛပ︀ူဝ်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ꩡ︀ွမ︀်းꩭီတ︀်က︀ꩫ︀်ႈꩫ︀ႆ︀ႇ ꩭီတ︀်ဢ︀ၵ︀ႅက︀်ႉꩬ︀ီꩬ︀ွꩫ︀်ꩭႂ်ႛတ︀ႃႉ။

ပ︀ေတ︀ရ︀ု ႑ 4:11

က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူး ဢ︀ꩫ︀်ႈꩭူဝ်းၵ︀ၢဝ်ႈၵ︀ၢမ︀်းꩫ︀ီႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ꩭူဝ်းတ︀ႃႉ။ က︀ူဝ်ႇဢ︀ꩫ︀်ႈꩬ︀ူးက︀ျေးꩡ︀ူးဢ︀ꩫ︀်ႈꩡ︀ွႆ︀ႈပ︀ိူꩫ︀်ႈယ︀င︀်းꩫ︀ႆ︀ႇ ꩫ︀င︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ႂ်ꩭႅင︀်းꩭႂ်ႛꩫ︀က︀ꩫ︀်ႈ ပ︀ိူꩫ︀်ႈမ︀ႆ︀ႛꩡ︀ွႆ︀ႈတ︀ႃႉ။ င︀ႆ︀းက︀ီး ဢ︀ꩫ︀်ႈꩫ︀င︀်ꩬ︀ူꩭီတ︀်ꩫ︀ႆ︀ႇ လ︀ႆ︀ၢးပ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩬ︀ီ မ︀ူꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭူဝ်ႈꩭိုင︀်းပ︀ိုင︀်းꩬ︀ႂ်မ︀ႃးဢ︀ူ။ မ︀ူꩫ︀်ႈတ︀ꩫ︀်းၵ︀ူဝ်းၸ︀ြႃးပ︀ီꩫ︀်ႈꩡ︀ဝ်ႛ က︀ူႈꩡ︀ူဝ်ႈꩭႂ်ႛꩭူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀ႃတ︀ႃႉ။ ꩬ︀ႃႈထု။