တ︀ိတ︀ု 1:6 - Khamti Shan

⁶ ၸ︀ူႛင︀မ︀်းꩡ︀ိူဝ်းꩫ︀ꩫ︀ႆ︀ႇယ︀ႃႇ ဝႃႈပ︀ီꩫ︀်ႈက︀ူဝ်ႇဢ︀ꩫ︀်ႈပ︀ိူꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀မ︀်။ မ︀ꩫ︀်းယ︀ႃႇ မ︀ေးက︀ူဝ်ႇလ︀ိူင︀်ႈꩫ︀ႆ︀ၢႈယ︀င︀်းꩬ︀ီ လ︀ုက︀်ႉမ︀ꩫ︀်းၵ︀ဝ်က︀ေႃႇ ဝႃႈပ︀ီꩫ︀်ႈၸ︀ူႛယ︀ုမ︀်ယ︀မ︀်ႈ၊ ဝႃႈꩡ︀ႂ်ႈက︀ုမ︀်၊ ၵ︀ၢမ︀်းပ︀ူဝ်မ︀ေဝႃႈထွမ︀်က︀ꩫ︀်ႈꩫ︀မ︀်။

တ︀ိတ︀ု 1:6 ပူးပေါင်းရင်းမြစ်များ

လ︀ုက︀ႃ 1:5

တ︀ိူင︀်းယ︀ုတ︀မ︀ႆ︀ႛ ဝူင︀်ႈမ︀ိူဝ်ႈ ꩡ︀ဝ်ႛꩭူဝ်ၵ︀မ︀်းꩭေရ︀ုတ︀်ဢ︀ုပ︀်ႉပ︀ိုင︀်ꩫ︀ႆ︀ႇ ꩡ︀ႃၵ︀ရ︀ိꩫ︀ꩫ︀ႆ︀ႇ ယ︀ီတ︀်ႉပ︀ရ︀ေႃးꩭိက︀်ႉပ︀ႃးလ︀ိူင︀်ႈယ︀င︀်းဢ︀ူ။ မ︀ꩫ︀်းယ︀ႃႇ လ︀ုက︀်ႉက︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉ ဢ︀ပ︀ိယ︀မ︀ႆ︀ႛꩫ︀မ︀်။ ၸ︀ူႛမ︀ေးမ︀ꩫ︀်း ဢ︀ေလ︀ိꩡ︀ပ︀ႅတ︀်က︀ေႃႇ လ︀ုက︀်ႉက︀ုမ︀်ႛယ︀ီတ︀်ႉပ︀ရ︀ေႃးꩭိက︀်ႉဢ︀ႃရ︀ုꩫ︀်မ︀ႆ︀ႛꩫ︀မ︀်။

ဢ︀ေၸ︀ႅတ︀် 5:18

ꩬ︀ူယ︀ႃႇ ပ︀ီမ︀ူးပ︀ီမ︀ဝ်းက︀ꩫ︀်ႈ။ ꩭၢင︀်းꩭႂ်ႛꩬ︀ူၸ︀ူႛꩡ︀ဝ်ႛꩬ︀ိုင︀် လ︀ူႇပ︀ႅက︀်ႉက︀ႃꩫ︀ႆ︀ၢႈꩫ︀မ︀်။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် ꩬ︀ူမ︀ႆ︀ႛꩭႂ်ႛထႅမ︀်တ︀ီမ︀်ႈꩰꩬ︀ီ ꩭႂ်ႛဢ︀ုပ︀်ႉပ︀ိုင︀်က︀ꩫ︀်ႈတ︀ႃႉ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:14

ၸ︀ူႛၵ︀ၢꩫ︀်ႇꩫ︀ႆ︀ႇၵ︀ဝ်မ︀ႆ︀ႛ ꩬ︀တ︀ိꩭႂ်ႛတ︀ႃႉ။ က︀ူꩫ︀်းဢ︀ꩫ︀်ႈက︀ူဝ်ႈꩭႆ︀ၢႇꩫ︀ႆ︀ႇၵ︀ဝ်မ︀ႆ︀ႛ ထႅမ︀်ꩭႅင︀်းꩭႂ်ႛတ︀ႃႉ။ ဢ︀ꩫ︀်ႈꩭႅင︀်းꩡ︀ႂ်ႈꩭႅင︀်းၵ︀ွꩫ︀်ဢ︀ေꩫ︀ႆ︀ႇၵ︀ဝ်မ︀ႆ︀ႛ ꩡ︀ွႆ︀ႈက︀ꩫ︀်ႈတ︀ႃႉ။ က︀ူꩫ︀်းက︀ူႈက︀ူဝ်ႇမ︀ႆ︀ႛ ꩡ︀ႂ်ႈယ︀ၢဝ်းက︀ꩫ︀်ႈတ︀ႃႉ။

တ︀ိမ︀ေႃတ︀ေ ႑ 1:9

ၸ︀ြႃးပ︀ီꩫ︀်ႈꩡ︀ဝ်ႛ တ︀ြႃးꩭႂ်ႛဝႆ︀ႇꩫ︀ႆ︀ႇ ꩡ︀ႃႇက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႇၵ︀ဝ်ꩵ︀ႈꩡ︀ႂ်ႈ။ ꩡ︀ႃႇက︀ူꩫ︀်းဢ︀ꩫ︀်ႈꩬ︀ိꩫ︀်ထမ︀်းမ︀ဝ်ယ︀င︀်း၊ ဢ︀ꩫ︀်ႈၸ︀ိတ︀်ပ︀ိူင︀်ႈ၊ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်က︀ူဝ်ႈယ︀မ︀်ႈ၊ ဢ︀ꩫ︀်ႈꩭီတ︀်ဢ︀ပ︀ႅတ︀်ႉ၊ က︀ူꩫ︀်းꩭင︀်ႛက︀ူꩫ︀်းꩭိုက︀်၊ က︀ူꩫ︀်းဢ︀ꩫ︀်ႈတ︀ြႃးၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛမ︀ဝ်ꩡ︀ွမ︀်း၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ူဝ်မ︀ေ၊ ဢ︀ꩫ︀်ႈဢ︀ဝ်ႈတ︀ႆ︀ၢႈပ︀ိူꩫ︀်ႈ၊ ဢ︀ꩫ︀်ႈတ︀ၢင︀်းက︀ႅင︀်းၸ︀ေႛ၊ ဢ︀ꩫ︀်ႈၸ︀ူႛꩡ︀ႆ︀ၢးꩫ︀ႆ︀ၢႈၸ︀ူႛꩡ︀ႆ︀ၢး ၸ︀ူႛယ︀ိင︀်းꩫ︀ႆ︀ၢႈၸ︀ူႛယ︀ိင︀်း ꩭီတ︀်ၸ︀ူဝ်မ︀ေးက︀ꩫ︀်ႈ၊ ဢ︀ꩫ︀်ႈၵ︀ႆ︀ၢက︀ူꩫ︀်း၊ ဢ︀ꩫ︀်ႈꩭီတ︀်ꩬ︀ၢက︀်ႉꩬ︀ေၸ︀ိတ︀်၊ ဢ︀ꩫ︀်ႈၸ︀ႅတ︀်ႉပ︀ိူꩫ︀်ႈင︀ႆ︀း ꩡ︀ႃႇက︀ူꩫ︀်းဢ︀ꩫ︀်ႈၸ︀ႆ︀ꩬ︀မ︀်မ︀ႃတ︀ြႃးꩫ︀ႆ︀ႇၵ︀ဝ်ꩫ︀မ︀်ꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။

တ︀ိမ︀ေႃတ︀ေ ႑ 3:12

ၸ︀ူႛမ︀ိုင︀်ႇꩡ︀ိူဝ်းꩫ︀ႆ︀ႇၵ︀ဝ်ယ︀ႃႇ ဝႃႈပ︀ီꩫ︀်ႈက︀ူဝ်ႇဢ︀ꩫ︀်ႈဢ︀ဝ်ႈမ︀ေးလ︀ိဝ်ႈꩬ︀ီ ꩭွင︀်ႛꩭိူꩫ︀်းၸ︀ူႛꩡ︀ဝ်ႛမ︀ႆ︀ႛက︀ေႃႇ ဝႃႈင︀မ︀်းပ︀ေႇꩫ︀ီႈꩫ︀ီႈꩫ︀မ︀်။

တ︀ိတ︀ု 1:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႂ်းꩡ︀ိူဝ်းမ︀ႆ︀ႛ က︀ူꩫ︀်းဢ︀ꩫ︀်ႈꩬ︀ၢꩫ︀်တ︀ၢꩫ︀်းဢ︀ၢꩫ︀်တ︀ၢꩫ︀်ယ︀င︀်းꩬ︀ီ ၵ︀ဝ်ယ︀ႃႇ ၵ︀ၢမ︀်းဢ︀ꩫ︀်ႈဢ︀က︀ိဝ်းမ︀ဝ်ယ︀င︀်းꩫ︀ႆ︀ႇၵ︀ဝ်ꩫ︀ႆ︀ၢႈꩬ︀ိုင︀်ဝႃႈꩬ︀ီ ပ︀ိူꩫ︀်ႈမ︀ႆ︀ႛၸ︀ၢမ︀်းလ︀ေဢ︀ူ။ ꩫ︀ႂ်းဢ︀မ︀ႂ်းမ︀ႆ︀ႛ ဢ︀ꩫ︀်ႈၵ︀ႅꩫ︀်းလ︀ိူမ︀်ꩫ︀ႆ︀ႇၵ︀ဝ်ယ︀ႃႇ က︀ျူးၸ︀ူႛယ︀ုမ︀်ယ︀မ︀်ႈဢ︀ꩫ︀်ႈက︀ျမ︀်းꩬ︀ိꩫ︀်က︀ဝ်မ︀ႆ︀ႛက︀ေႃႇ ၵ︀ႂ်ႈꩡ︀ွမ︀်းꩫ︀ႆ︀ႇၵ︀ဝ်ꩫ︀မ︀်။