ရ︀ေႃမ︀ 9:5 - Khamti Shan

⁵ ၵ︀ဝ်ယ︀ႃႇ ꩡ︀ိူဝ်ႇၵ︀ိူဝ်း ဢ︀ꩫ︀်ႈလ︀ုက︀်ႉပ︀ူလ︀ီꩫ︀်ꩭေပ︀ရ︀ူး ဢ︀ꩫ︀်ႈꩡ︀ိုဝ်ႈယ︀ႂ်ꩫ︀ႆ︀ႇၵ︀ဝ်မ︀ႆ︀ႛ ၵ︀ိူဝ်းမ︀ႃးꩫ︀မ︀်။ ꩡ︀ွမ︀်းꩬ︀ႆ︀ၢက︀ူꩫ︀်းက︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀မ︀ိူင︀်းက︀ေႃႇ ၸ︀ꩫ︀်းၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈဢ︀ုပ︀်ႉပ︀ိုင︀်တ︀င︀်းမ︀ိူင︀်းမ︀ႆ︀ႛ က︀ူꩫ︀်းတ︀င︀်းမ︀ိူင︀်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛယ︀ူဝ်းယ︀ွင︀်ႛက︀ꩫ︀်ႈက︀တ︀ႃႉ။ ꩬ︀ႃႈထု။

ရ︀ေႃမ︀ 9:5 ပူးပေါင်းရင်းမြစ်များ

မ︀တ︀်တ︀ႄး 28:20

ဢ︀ꩫ︀်ႈꩬ︀ူမ︀ႆ︀ႛ က︀ဝ်ႈꩬ︀ွꩫ︀်ꩭႂ်ႛမ︀ႃးꩫ︀ႆ︀ႇၵ︀ဝ်တ︀င︀်းမ︀ိူင︀်းက︀ေႃႇ ꩭႂ်ႛပ︀ူဝ်းၵ︀ဝ်ထွမ︀်ꩡ︀ွမ︀်းက︀ꩫ︀်ႈꩫ︀ႆ︀ႇ ၵ︀ဝ်မ︀ႆ︀ႛꩬ︀ွꩫ︀်ꩭႂ်ႛက︀ꩫ︀်ႈတ︀ႃႉ။ က︀ႃႈက︀မ︀်ၸ︀ႃမ︀ဝ်ꩬ︀ိင︀်ႛꩬ︀ုတ︀်ယ︀ႃႇ က︀ဝ်ႈမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ တ︀င︀်းꩬ︀ူတ︀ီယ︀င︀်းꩬ︀ီဢ︀ူꩫ︀မ︀်။

မ︀တ︀်တ︀ႄး 6:13

ဢ︀ꩫ︀်ႈၵ︀ုꩫ︀်ꩬ︀ူင︀်က︀ဝ်းမ︀ႆ︀ႛ ꩭႂ်ႛပ︀ူဝ်းတ︀ူႈၵ︀ႃႛမ︀ဝ်လ︀ွေႛက︀ႃꩫ︀ႆ︀ႇ ဢ︀ွꩫ︀်ႈတ︀ၢင︀်းꩭႂ်ႛꩬ︀ီ လ︀ုက︀်ႉၸ︀ေးၵ︀ုꩫ︀်ꩬ︀ူင︀်မ︀ႆ︀ႛက︀ေႃႇ တ︀ူႈၵ︀ႃႛမ︀ႆ︀ႛက︀ုမ︀်ႇꩭႂ်ႛတ︀ီၵ︀ႃႛမ︀ႃးတ︀ႃႉ” ꩫ︀ꩬ︀ီယ︀ွꩫ︀်းꩬ︀ူးတ︀ႃႉ။

လ︀ုက︀ႃ 20:44

ꩡ︀ဝ်ႛꩭူဝ်ၵ︀မ︀်းၻႃဝိယ︀ႃႇ ꩡ︀ဝ်ႛၵ︀ရ︀ီတ︀်မ︀ႆ︀ႛ “ꩡ︀ဝ်ႛ” ꩫ︀ꩬ︀ီꩭွင︀်ႇက︀ီး ꩡ︀ဝ်ႛၵ︀ရ︀ီတ︀်ယ︀ႃႇ တ︀ီꩭလ︀ိုဝ်ꩬ︀ီပ︀ီꩫ︀်ႈ လ︀ုက︀်ႉလ︀ၢꩫ︀်ꩡ︀ဝ်ႛꩭူဝ်ၵ︀မ︀်းၻႃဝိꩫ︀ႆ︀” ꩫ︀ဝꩫ︀်ႇ။

ယ︀ေႃးꩭၢꩫ︀် 10:30

က︀ဝ်ႈꩫ︀ၵ︀ႃပ︀ူဝ်က︀ဝ်ႈယ︀ႃႇ ပ︀ႃးလ︀ိဝ်ႈꩫ︀ႆ︀ၢႈꩫ︀မ︀်” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 20:28

က︀ွပ︀်ႉပ︀ိူဝ်ႈꩫ︀ႆ︀ႇꩬ︀ီ ꩬ︀ူၸ︀ူႛꩡ︀ဝ်ႛမ︀ႆ︀ႛတ︀မ︀ိူင︀်း၊ ၸ︀ုင︀်ပ︀ူႇꩡ︀ဝ်ႛဢ︀ꩫ︀်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛဢ︀ၢပ︀်ႉꩭႂ်ႛꩫ︀ႆ︀ႇမ︀ႆ︀ႛတ︀မ︀ိူင︀်းမ︀ိုင︀်ႇက︀ꩫ︀်ႈတ︀ႃႉ။ ꩡ︀ိူဝ်းꩡ︀ဝ်ႛမ︀ႆ︀ႛ ꩫ︀င︀်ၸ︀ူႛလ︀ီင︀်ႇပ︀ူႇꩫ︀က︀ꩫ︀်ႈမ︀ိုင︀်ႇက︀ꩫ︀်ႈတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ိူဝ်းꩡ︀ဝ်ႛမ︀ႆ︀ႛ ဢ︀ဝ်ႈဢ︀ꩬ︀ၢက︀်ႉ လ︀ုက︀်ႉမ︀ꩫ︀်းꩡ︀ဝ်ႛထွတ︀်ꩬ︀ီ ဢ︀ဝ်ႈပ︀ီꩫ︀်ႈၵ︀ွင︀်မ︀ꩫ︀်းꩡ︀ဝ်ႛယ︀ဝ်ႇ။

ထဝ်ꩡ︀တ︀်ႉၵ︀ဝ် 3:13

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈ ဢ︀ႃပ︀ြႃꩭၢမ︀်၊ ဢ︀ေꩬ︀က︀်၊ ယ︀ႃက︀ုၵ︀ဝ်င︀ႆ︀း ဢ︀ꩫ︀်ႈပ︀ူလ︀ီꩫ︀်ꩭဝ်းၵ︀ဝ်တ︀င︀်းမ︀ိူင︀်း ပ︀ၢႆ︀ႛဝႆ︀ႈမ︀ႃးꩫ︀ႆ︀ႇယ︀ႃႇ ၸ︀ူႛꩡ︀ႂ်ႇမ︀ꩫ︀်းꩡ︀ဝ်ႛ ꩡ︀ဝ်ႛယ︀ေꩬ︀ုမ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛꩭႂ်ႛမ︀ႃးယ︀ဝ်ႇ။ ꩬ︀ူယ︀ႃႇꩡ︀ဝ်ႛဢ︀မ︀ႂ်းမ︀ႆ︀ႛ ဢ︀ၢပ︀်ႉꩫ︀ႂ်းမ︀ိုဝ်းꩡ︀ဝ်ႛၵ︀ုꩫ︀်ၵ︀ဝ်ꩬ︀ီ က︀ꩫ︀်ႛꩫ︀ႃႛၵ︀ုꩫ︀်ပ︀ိလ︀ၢတ︀်မ︀ႆ︀ႛ ၵ︀ွတ︀်မ︀ႃးယ︀ဝ်ႇ။ ၵ︀ုꩫ︀်ပ︀ိလ︀ၢတ︀်ယ︀ႃႇ ꩡ︀ဝ်ႛဢ︀မ︀ႂ်းမ︀ႆ︀ႛ ၵ︀ႂ်ႈပ︀ွႆ︀လ︀ွတ︀်ႉꩫ︀က︀ေႃႇ ꩬ︀ူ ꩵ︀ႈꩭၢပ︀်ႉဢ︀ဝ်ႈမ︀ႃး။

ရ︀ေႃမ︀ 1:25

ၵ︀ဝ်ယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛယ︀ႃႇ မ︀ဝ်ယ︀ုမ︀်ယ︀မ︀်ႈꩬ︀ီ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ပ︀ႆ︀ၢႛဝႆ︀ႈက︀ꩫ︀်ႈဢ︀ူ။ ꩭီတ︀်င︀ႆ︀းꩬ︀ီၵ︀ဝ် ꩬ︀မ︀်မ︀ႃတ︀ြႃးမ︀ႆ︀ႛပ︀ႆ︀ၵ︀ွတ︀်ꩬ︀ီ ဢ︀ꩫ︀်ႈမ︀ဝ်ꩡ︀ႂ်ႈမ︀ႆ︀ႛꩬ︀ိုင︀် ꩭၢပ︀်ႉဢ︀ဝ်ႈက︀ꩫ︀်ႈဢ︀ူ။ ဢ︀ꩫ︀်ႈတ︀ေႇတ︀ေႇက︀ီး ꩡ︀ဝ်ႛဢ︀ꩫ︀်ႈက︀ူꩫ︀်းꩭဝ်း မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ထုက︀်ꩫ︀ီႈပ︀ႆ︀ၢႛဝႆ︀ႈꩫ︀ႆ︀ႇယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛၸ︀ၢꩫ︀်ꩬ︀ၢင︀်းပ︀ီꩫ︀်ႈꩡ︀ဝ်ႛ ꩫ︀မ︀်။ ꩬ︀ႃႈထု။

ရ︀ေႃမ︀ 1:3

ၵ︀ၢဝ်ႈၵ︀ၢမ︀်းꩫ︀ီႈꩫ︀ႆ︀ႇယ︀ႃႇ လ︀ွင︀်ႈꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈလ︀ုက︀်ႉၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛ ၸ︀ႃးပ︀ီꩫ︀်ႈက︀ူꩫ︀်းမ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 10:12

က︀ျမ︀်းလ︀ိက︀်ႉမ︀ႆ︀ႛ “က︀ူဝ်ႇဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ မ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛဢ︀ူ” ꩫ︀ꩬ︀ီ ဝႃႈဝႆ︀ႇꩫ︀ႆ︀ႇꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ျူး၊ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ꩬ︀ီ ၸ︀ႂ်မ︀ႆ︀ႛက︀ေႃႇꩵ︀ႈက︀ၢက︀်ႉ။ မ︀ꩫ︀်းꩡ︀ဝ်ႛယ︀ႃႇ ၸ︀ြႃးꩬ︀ူလ︀ိဝ်ႈ ဢ︀ꩫ︀်ႈပ︀ီꩫ︀်ႈꩡ︀ဝ်ႛတ︀င︀်းမ︀ိူင︀်းꩫ︀မ︀်။ ၸ︀ူႛဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ယ︀ွꩫ︀်းꩬ︀ူးꩫ︀ႆ︀ႇၵ︀ဝ်က︀ူႈက︀ူဝ်ႇမ︀ႆ︀ႛ ၵ︀ွင︀်းꩰလ︀ွင︀်းꩰဢ︀က︀ိဝ်းပ︀ူင︀်ႈꩭႂ်ႛဢ︀ူ။

ရ︀ေႃမ︀ 11:28

က︀ျူးꩫ︀ႆ︀ႇၵ︀ဝ် ၵ︀ၢဝ်ႈၵ︀ၢမ︀်းꩫ︀ီႈမ︀ႆ︀ႛ ပ︀ႆ︀ဝႆ︀ႇꩫ︀ႆ︀ႇꩬ︀ီ ပ︀ီꩫ︀်ႈလ︀ꩫ︀်ꩬ︀ူၸ︀ြႃးပ︀ီꩫ︀်ႈꩡ︀ဝ်ႛက︀ႃယ︀ဝ်ႇ။ ပ︀ီꩫ︀်ႈင︀ႆ︀းက︀ႃꩫ︀ႆ︀ႇ ꩡ︀ႃႇꩬ︀ူဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်ယ︀ႃႇ ပ︀ီꩫ︀်ႈဢ︀က︀ိဝ်းလ︀ူင︀်က︀ႃꩫ︀မ︀်။ ꩫ︀ႆ︀ႇꩫ︀က︀ေႃႇ လ︀ႆ︀ၢးပ︀ိူဝ်ႈပ︀ူလ︀ီꩫ︀်ၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩫ︀ႆ︀ႇꩬ︀ီ က︀ျူးꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛလ︀ိူက︀်ႉဝႆ︀ႇꩫ︀မ︀်။

က︀ေႃရ︀ိꩫ︀်တ︀ု ႑ 14:16

ꩫ︀ႆ︀ႇမ︀ဝ်ꩡ︀ႂ်ႈက︀ီး မ︀ိူဝ်ႈꩬ︀ူၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်ꩫ︀ႆ︀ၢႈယ︀ူဝ်းယ︀ွင︀်ႛꩫ︀ႆ︀ႇ က︀ူꩫ︀်းဢ︀ꩫ︀်ႈမ︀ဝ်ပ︀ွင︀်ꩡ︀ႂ်ႈလ︀ွေႛက︀ီး မ︀ꩫ︀်းယ︀ႃႇ ၵ︀ၢမ︀်းဢ︀ꩫ︀်ႈꩬ︀ူယ︀ူဝ်းယ︀ွင︀်ႛမ︀ႆ︀ႛ “ꩬ︀ႃႈထု” ꩫ︀ꩬ︀ီ ဝႃႈꩵ︀ႈꩫ︀ႆ︀ႛ။

က︀ေႃရ︀ိꩫ︀်တ︀ု ႒ 11:31

ၵ︀ၢမ︀်းꩫ︀ႆ︀ႇၵ︀ဝ် ဢ︀ꩫ︀်ႈၸ︀ႅတ︀်ႉꩵ︀ႈꩡ︀ႂ်ႈꩫ︀ꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈꩡ︀ဝ်ႛၸ︀ြႃးꩫ︀ၵ︀ႃ ပ︀ူဝ်ꩡ︀ဝ်ႛယ︀ေꩬ︀ုတ︀ွင︀်းဢ︀ူ။ မ︀ူꩫ︀်ႈမ︀ꩫ︀်းꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ꩭႂ်ႛꩭိူဝ်ႈꩭိုင︀်းပ︀ိုင︀်းꩬ︀ႂ်တ︀ီၵ︀ႃႛက︀တ︀ႃႉ။

တ︀ိမ︀ေႃတ︀ေ ႑ 3:16

လ︀ွင︀်ႈꩬ︀မ︀်မ︀ႃတ︀ြႃးဢ︀ꩫ︀်ႈꩭဝ်းယ︀ုမ︀်ယ︀မ︀်ႈꩫ︀ႆ︀ႇ လ︀ိူက︀်ႉလ︀မ︀် ꩬ︀ိုဝ်ႈꩡ︀ႂ်ႈလ︀ူင︀်တ︀ေႇတ︀ေႇꩫ︀မ︀်။ လ︀ွင︀်ႈဢ︀ꩫ︀်ႈလ︀ိူက︀်ႉလ︀မ︀်ဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် က︀ျွႃးလ︀ူင︀်းပ︀ီꩫ︀်ႈက︀ူꩫ︀်းမ︀ႃးꩬ︀ီ လ︀ွင︀်ႈꩫ︀ႆ︀ႇꩡ︀ႂ်ႈဢ︀ူꩫ︀ꩫ︀ႆ︀ႇ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ ꩭီတ︀်ꩬ︀ၢက︀်ႉꩬ︀ေမ︀ႃးင︀ႆ︀း ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛ ꩫ︀ႆ︀ႛꩭꩫ︀်မ︀ႃးယ︀ဝ်ႇ။ က︀ူꩫ︀်းက︀ူႈၸ︀ꩫ︀်းက︀ေႃႇ ၵ︀ၢဝ်ႈၵ︀ၢမ︀်းꩫ︀ီႈမ︀ꩫ︀်းꩡ︀ဝ်ႛ ꩫ︀ႆ︀ႛꩥ︀ိꩫ︀်းꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀မ︀်ၸ︀ႃတ︀င︀်းꩡ︀ꩫ︀်ႇ ယ︀ုမ︀်ယ︀မ︀်ႈမ︀ႃးက︀ꩫ︀်ႈယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛယ︀ႃႇ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ꩭၢပ︀်ႉꩬ︀ီဢ︀ဝ်ႈၵ︀ိုꩫ︀်ႛက︀ႃ မ︀ိူင︀်းက︀ၢင︀်ႈꩭၢဝ်ပ︀ွက︀်ႉယ︀ဝ်ႇ။

တ︀ိမ︀ေႃတ︀ေ ႑ 6:15

ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၸ︀ူႛပ︀ီꩫ︀်ႈꩡ︀ဝ်ႛတ︀ꩫ︀်းၵ︀ူဝ်းဢ︀ꩫ︀ꩫ︀်တ︀ ꩬ︀ူလ︀ိဝ်ႈပ︀ႃးလ︀ိဝ်ႈ၊ ꩡ︀ဝ်ႛဢ︀ꩫ︀်ႈမ︀ၢင︀်က︀လ︀ႃယ︀င︀်း၊ ꩡ︀ဝ်ႛꩭူဝ်ၵ︀မ︀်းꩡ︀ွမ︀်ႈ၊ ꩡ︀ဝ်ႛဢ︀ꩫ︀်ႈၵ︀ႅꩫ︀်းယ︀ႂ်မ︀ႅတ︀်ႉယ︀ႃႇ ယ︀ၢမ︀်းထိုင︀်က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ တ︀ီꩭႂ်ႛက︀ျွႃးလ︀ူင︀်းမ︀ႃးꩫ︀မ︀်။

တ︀ိမ︀ေႃတ︀ေ ႒ 2:8

ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ီꩫ︀်ႈၸ︀ႂ်ꩫ︀ꩫ︀ႆ︀ႇမ︀ိူဝ်ႈလ︀ႂ်ႈက︀ေႃႇပ︀ီလ︀ုမ︀်း။ မ︀ꩫ︀်းꩡ︀ဝ်ႛယ︀ႃႇ ꩡ︀ဝ်ႛဢ︀ꩫ︀်ႈလ︀ုက︀်ႉꩡ︀ိူဝ်ႇၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိမ︀ႆ︀ႛမ︀ႃး၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀မ︀်။ ၵ︀ၢဝ်ႈၵ︀ၢမ︀်းꩫ︀ီႈဢ︀ꩫ︀်ႈက︀ဝ်ႈꩭူဝ်းꩫ︀ႆ︀ႇ ဢ︀ꩫ︀်ႈꩫ︀ႆ︀ႇꩫ︀မ︀်။

ꩭေပ︀ရ︀ူး 7:24

ꩫ︀ႆ︀ႇꩫ︀က︀ေႃႇ ꩡ︀ဝ်ႛယ︀ေꩬ︀ုယ︀ႃႇ ထႃဝရ︀ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇꩬ︀ီ ဢ︀ယ︀ႃယ︀ီတ︀်ႉပ︀ရ︀ေႃးꩭိက︀်ႉ မ︀ꩫ︀်းꩡ︀ဝ်ႛယ︀ႃႇ ၸ︀ႂ်မ︀ႆ︀ႛက︀ေႃႇ ဢ︀ꩫ︀်ႈဝႃႈꩭႂ်ႛꩬ︀ုပ︀်ႉꩵ︀ႈꩭၢင︀်ႇ။

ယ︀ေႃးꩭၢꩫ︀် ႑ 5:20

ꩡ︀ဝ်ႛယ︀ေꩬ︀ုၵ︀ရ︀ီတ︀် ၸ︀ူႛလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩬ︀ီ ꩭဝ်းမ︀ႆ︀ႛ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀ꩫ︀်ႈမ︀ၢꩫ︀် ပ︀ျႃးꩭႂ်ႛမ︀ႃးယ︀ဝ်ႇꩫ︀ꩫ︀ႆ︀ႇ ꩭဝ်းတ︀ွင︀်းဢ︀ူ။ ꩭဝ်းဢ︀ူꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ င︀ႆ︀ႚ ပ︀ီꩫ︀်ႈက︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႅတ︀်ႉယ︀ဝ်ႇ။ ၸ︀ြႃးဢ︀ꩫ︀်ႈꩡ︀ႅတ︀်ႉဢ︀မ︀ႂ်းယ︀ႃႇ ဢ︀ꩬ︀ၢက︀်ႉထႃဝရ︀ꩫ︀မ︀်။

ၿျႃၻိက︀်ႉ 1:18

ꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။ က︀ဝ်ႈ တ︀ႆ︀ၢႈမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩫ︀ိပ︀်ꩬ︀ီ ထႃဝရ︀ ယ︀င︀်းဢ︀ူꩫ︀မ︀်။ ၵ︀ုꩫ︀်တ︀ၢႆ︀ႈမ︀ႆ︀ႛတ︀မ︀ိူင︀်း၊ ၵ︀ူင︀်းတ︀ႆ︀ၢႈမ︀ႆ︀ႛတ︀မ︀ိူင︀်း က︀ဝ်ႈဢ︀ုပ︀်ႉပ︀ိုင︀်ဢ︀ူ။

ၿျႃၻိက︀်ႉ 22:16

က︀ဝ်ႈꩡ︀ဝ်ႛယ︀ေꩬ︀ုꩫ︀မ︀် ၵ︀ုꩫ︀်ꩬ︀ၢင︀်က︀ဝ်ႈမ︀ႆ︀ႛ ပ︀ွႆ︀ꩡ︀ႂ်ႇမ︀ႃးꩬ︀ီ ꩬ︀ူꩡ︀ိူဝ်းꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ လ︀ွင︀်ႈꩫ︀ႆ︀ႇၵ︀ဝ်ꩭႂ်ႛမ︀ႃးၵ︀ႆ︀ႈꩫ︀ႆ︀ႇ။ က︀ဝ်ႈယ︀ႃႇ ၵ︀ိူဝ်းꩡ︀ဝ်ႛꩭူဝ်ၵ︀မ︀်းၻႃဝိꩫ︀မ︀်။ ꩫ︀ၢဝ်ႈက︀ၢင︀်ႈလ︀ႂ် ဢ︀ꩫ︀်ႈꩭုင︀်ႈလ︀ူင︀် က︀ေႃႇꩡ︀ႂ်ႈဢ︀ူ” ꩫ︀ဝꩫ︀်ႇ။

ၿျႃၻိက︀်ႉ 22:20

ꩡ︀ဝ်ႛဢ︀ꩫ︀်ႈၵ︀ၢဝ်ႈၵ︀ၢမ︀်းဢ︀ꩫ︀်ႈꩫ︀ႆ︀ႇၵ︀ဝ် ပ︀ူင︀်ႈꩭႂ်ႛꩫ︀ႆ︀ႇယ︀ႃႇ “ꩡ︀ႂ်ႈဢ︀ူ။ က︀ဝ်ႈတ︀ီမ︀ႃးꩡ︀မ︀်ႈတ︀ေႇတ︀ေႇယ︀ဝ်ႇ” ꩫ︀ဝꩫ︀်ႇ။ ꩬ︀ႃႈထု။ ꩡ︀ဝ်ႛယ︀ေꩬ︀ု က︀ျွႃးမ︀ႃးတ︀ီၵ︀ႃႛတ︀ႃႉ။

ၿျႃၻိက︀်ႉ 5:14

ꩫ︀ႆ︀ႇမ︀ႆ︀ႛ ꩬ︀တ︀်ႉတ︀ဝႃꩬ︀ီပ︀ႃးက︀ေႃႇ “ꩬ︀ႃႈထု” ꩫ︀ꩬ︀ီဝႃႈက︀ꩫ︀်ႈဢ︀ူ။ က︀ေထဝ်ႛꩬ︀ၢဝ်းꩬ︀ီပ︀ႃးက︀ေႃႇ ꩬ︀ွင︀်ၵ︀ႃꩡ︀ဝ်ႛမ︀ႆ︀ႛ ၵ︀ုပ︀်ႉၵ︀ဝ်ꩬ︀ီပ︀ႆ︀ၢႛဝႆ︀ႈက︀ꩫ︀်ႈဢ︀ူ။