ရ︀ေႃမ︀ 9:4 - Khamti Shan

⁴ ၵ︀ဝ်ယ︀ႃႇ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉꩬ︀ီ ဢ︀ဝ်ႈပ︀ီꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛဝႆ︀ႇꩫ︀ႆ︀ႇၵ︀ဝ်ꩫ︀မ︀်။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛ မ︀ူꩫ︀်ႈၸ︀ုင︀်းမ︀ꩫ︀်းꩡ︀ဝ်ႛ ပ︀ျႃးꩭႂ်ႛမ︀ႃးယ︀ဝ်ႇ။ ၵ︀ၢမ︀်းၵ︀တ︀်ႉꩫ︀ႆ︀ႇၵ︀ဝ်က︀ေႃႇ တ︀င︀်းၵ︀ဝ်ၵ︀တ︀်ႉဝႆ︀ႇꩬ︀ီ က︀ျမ︀်းꩬ︀ိꩫ︀်မ︀ꩫ︀်းꩡ︀ဝ်ႛက︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛ ꩭလ︀ိုဝ်ဝႃႈပ︀ႆ︀ၢႛဝႆ︀ႈꩫ︀ꩫ︀ႆ︀ႇ ၵ︀ဝ်မ︀ႆ︀ႛပ︀ျႃးꩭႂ်ႛꩬ︀ီ က︀တ︀ိꩫ︀ႆ︀ႇၵ︀ဝ်က︀ေႃႇ ၵ︀ဝ်မ︀ႆ︀ႛꩭႂ်ႛမ︀ႃးယ︀ဝ်ႇ။

ရ︀ေႃမ︀ 9:4 ပူးပေါင်းရင်းမြစ်များ

မ︀တ︀်တ︀ႄး 21:33

မ︀ꩫ︀်းꩡ︀ဝ်ႛက︀ၢပ︀်ꩬ︀ီဝႃႈꩫ︀ႆ︀ႇ ပ︀ုင︀်ၵ︀ိူင︀်ႈၵ︀ၢမ︀်းဢ︀ꩫ︀်ႈလ︀ိူင︀်ႈက︀ေႃႇ ၵ︀ႆ︀ႈဢ︀ိက︀်က︀ွတ︀်။ ꩡ︀ဝ်ႛꩬ︀ူꩫ︀်က︀ူဝ်ႇလ︀ိူင︀်ႈယ︀င︀်းဢ︀ူ။ မ︀ꩫ︀်းယ︀ႃႇ ꩬ︀ူꩫ︀်မ︀ꩫ︀်းမ︀ႆ︀ႛ တ︀ူꩫ︀်ႛမ︀က︀်ꩡ︀ပ︀ႅတ︀်ႉꩫ︀ႆ︀ႇၵ︀ဝ်ပ︀ုက︀်ဝႆ︀ႇ၊ တ︀ႃလ︀ွမ︀်ႇဝႆ︀ႇ၊ ထၢင︀်ꩡ︀ႃႇမ︀ိပ︀်ꩫ︀မ︀်ႇမ︀က︀်ၵ︀ုတ︀်ဝႆ︀ႇꩬ︀ီ ꩡ︀ၢင︀်ပ︀ႂ်ႇꩬ︀ူꩫ︀်က︀ေႃႇပ︀ူက︀်ဝႆ︀ႇဢ︀ူ။ ယ︀ဝ်ႇက︀ီး ၸ︀ူႛမ︀ိုင︀်ႇꩬ︀ူꩫ︀်ꩫ︀ႆ︀ႇၵ︀ဝ်မ︀ႆ︀ႛ ꩬ︀ူꩫ︀်မ︀ꩫ︀်းပ︀ွႆ︀ꩭႅင︀်းဝႆ︀ႇꩬ︀ီ က︀ႃမ︀ိူင︀်းပ︀ိူꩫ︀်ႈဢ︀ူ။

ယ︀ေႃးꩭၢꩫ︀် 1:17

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ လ︀ုက︀်ႉမ︀ေႃꩬ︀ေမ︀ႆ︀ႛ က︀ျမ︀်းꩬ︀ိꩫ︀်ꩭႂ်ႛမ︀ႃးꩬ︀ီ က︀ျေးꩡ︀ူးတ︀ူဝ်ꩡ︀ဝ်ႛꩫ︀ၵ︀ႃ ꩬ︀မ︀်မ︀ႃတ︀ြႃးယ︀ႃႇ လ︀ုက︀်ႉꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛꩫ︀မ︀် ꩭႂ်ႛမ︀ႃးꩫ︀ႆ︀ႇ။

ယ︀ေႃးꩭၢꩫ︀် 1:47

ꩫ︀ႃတ︀ꩫ︀ေလ︀မ︀ႆ︀ႛ ꩡ︀ဝ်ႛယ︀ေꩬ︀ုꩭꩫ︀်က︀ီး “ပ︀လ︀ေႃး ဢ︀မ︀ႂ်း ဢ︀ီတ︀်ꩬ︀ြေး ꩡ︀ႅတ︀်ႉꩰꩬ︀ႃး။ က︀ူꩫ︀်းꩬ︀ိုဝ်ႈတ︀ူဝ်ꩬ︀ႃး” ꩫ︀ဝꩫ︀်ႇ။

ထဝ်ꩡ︀တ︀်ႉၵ︀ဝ် 2:39

ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭႂ်ႛက︀ွတ︀်ꩫ︀ꩬ︀ီ က︀တ︀ိꩭႂ်ႛဝႆ︀ႇꩫ︀ႆ︀ႇယ︀ႃႇ ꩡ︀ႃႇꩭၢင︀်းꩬ︀ူ၊ ꩡ︀ႃႇꩭၢင︀်းလ︀ုက︀်ႉလ︀ၢင︀်းꩬ︀ူင︀ႆ︀း ꩡ︀ႃႇꩭၢင︀်းက︀ူꩫ︀်းဢ︀ꩫ︀်ႈတ︀င︀်းၸ︀ြႃးပ︀ီꩫ︀်ႈꩡ︀ဝ်ႛက︀ႆ︀ႈ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇၵ︀ဝ်တ︀င︀်းမ︀ိူင︀်းꩫ︀မ︀်” ꩫ︀ဝꩫ︀်ႇ။

ရ︀ေႃမ︀ 3:2

ပ︀ီꩫ︀်ႈက︀ျူးꩫ︀ႆ︀ႇ ဢ︀က︀ိဝ်းယ︀ႃႇ ယ︀င︀်းတ︀ေႇတ︀ေႇဢ︀ူ။ ဢ︀က︀ိဝ်းဢ︀ꩫ︀်ႈၵ︀ႅꩫ︀်းမ︀ႅတ︀်ႉယ︀ႃႇ က︀ျူးꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ က︀ျမ︀်းလ︀ိက︀်ႉပ︀ူင︀်ႈဢ︀ၢပ︀်ႉꩭႂ်ႛမ︀ႃးꩫ︀ႆ︀ႇꩫ︀မ︀်။

ရ︀ေႃမ︀ 8:15

ၵ︀ွꩫ︀်ဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူꩭၢပ︀်ႉဢ︀ဝ်ႈꩫ︀ႆ︀ႇ ဢ︀ꩫ︀်ႈꩬ︀ူမ︀ႆ︀ႛဢ︀ဝ်ႈပ︀ီꩫ︀်ႈၵ︀ႃႛမ︀ꩫ︀်းꩡ︀ဝ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈက︀ူဝ်ႈပ︀ွက︀်ႉꩵ︀ႈꩡ︀ႂ်ႈ။ ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛဢ︀ဝ်ႈပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩬ︀ေႇမ︀ဝ်က︀ႃး ꩭႂ်ႛပ︀ူဝ်းꩭဝ်း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ “ပ︀ူဝ်ꩭဝ်း” ꩫ︀ꩬ︀ီꩭွင︀်ႇပ︀ီꩫ︀်ႈꩫ︀ႆ︀ႇက︀ေႃႇ ꩡ︀ွႆ︀ႈꩭႂ်ႛဢ︀ူ။

ရ︀ေႃမ︀ 9:6

လ︀ွင︀်ႈꩫ︀ႆ︀ႇမ︀ႆ︀ႛ ꩫ︀င︀်က︀တ︀ိၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ꩵ︀ႈပ︀ီꩫ︀်ႈမ︀ႃးꩫ︀ꩬ︀ီ က︀ဝ်ႈꩵ︀ႈဝႃႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛ ဢ︀ီတ︀်ꩬ︀ြေးတ︀င︀်းမ︀ိူင︀်း မ︀ဝ်လ︀ွေႛꩬ︀ီꩫ︀မ︀်။

က︀ေႃရ︀ိꩫ︀်တ︀ု ႒ 11:22

ꩫ︀င︀်ၵ︀ဝ်ပ︀ီꩫ︀်ႈꩭေပ︀ရ︀ူးꩫ︀မ︀်ꩫ︀ꩬ︀ီ က︀မ︀်ႇလ︀ွင︀်ႛꩫ︀ႆ︀ႇꩫ︀က︀ꩫ︀်ႈ က︀ဝ်ႈက︀ေႃႇꩭေပ︀ရ︀ူးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈဢ︀ီတ︀်ꩬ︀ြေးꩫ︀က︀ꩫ︀်ႈ က︀ဝ်ႈက︀ေႃႇ ဢ︀ီတ︀်ꩬ︀ြေးꩫ︀မ︀်။ ꩫ︀င︀်ၵ︀ဝ်ပ︀ီꩫ︀်ႈၵ︀ိူဝ်းဢ︀ႃပ︀ြႃꩭၢမ︀်ꩫ︀က︀ꩫ︀်ႈ က︀ဝ်ႈက︀ေႃႇၵ︀ိူဝ်းဢ︀ႃပ︀ြႃꩭၢမ︀်ꩫ︀မ︀်။

က︀လ︀ႃတ︀ိ 3:16

ꩫ︀ႆ︀ႇꩬ︀ေႇမ︀ဝ်က︀ႃး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ႃပ︀ြႃꩭၢမ︀်င︀ႆ︀း ꩡ︀ိူဝ်ႇၵ︀ိူဝ်းမ︀ꩫ︀်းမ︀ႆ︀ႛ က︀တ︀ိꩭႂ်ႛဝႆ︀ႇမ︀ႃးဢ︀ူ။ ꩡ︀ိူဝ်ႇၵ︀ိူဝ်းမ︀ꩫ︀်းꩫ︀ꩬ︀ီ က︀ျမ︀်းလ︀ိက︀်ႉမ︀ႆ︀ႛဝႃႈဝႆ︀ႇꩫ︀ႆ︀ႇ က︀ူꩫ︀်းꩫ︀မ︀်ꩰမ︀ႆ︀ႛဝႃႈမ︀ဝ်ꩡ︀ႂ်ႈꩬ︀ီ က︀ူဝ်ႇလ︀ိဝ်ႈမ︀ႆ︀ႛꩫ︀ႆ︀ၢႈꩡ︀ိုဝ်ဝႆ︀ႇꩫ︀မ︀်။ က︀ူဝ်ႇဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀်။

ဢ︀ေၸ︀ႅတ︀် 2:12

မ︀ိူဝ်ႈဢ︀မ︀ႂ်းယ︀ႃႇꩬ︀ူ ꩡ︀ဝ်ႛၵ︀ရ︀ီတ︀်မ︀ႆ︀ႛက︀ေႃႇ မ︀ဝ်တ︀ွင︀်း။ ပ︀ီꩫ︀်ႈၸ︀ꩫ︀်းဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇꩬ︀ီ ၸ︀ꩫ︀်းဢ︀ီတ︀်ꩬ︀ြေးၸ︀ူႛပ︀ီꩫ︀်ႈ က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛက︀ေႃႇ၊ ၵ︀ၢမ︀်းၵ︀တ︀်ႉဢ︀ꩫ︀်ႈက︀တ︀ိၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭီတ︀်င︀ဝ်ႛꩬ︀ီ ꩡ︀ႃႇၵ︀ဝ်ꩭီတ︀်ဝႆ︀ႇမ︀ႆ︀ႛက︀ေႃႇ ꩬ︀ူမ︀ဝ်ꩫ︀ႆ︀ႛလ︀ွေႛမ︀ႃးꩫ︀မ︀်။ င︀ႆ︀းꩬ︀ီ ꩬ︀ူယ︀ႃႇၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛက︀ေႃႇ မ︀ဝ်တ︀ွင︀်း၊ ဢ︀ꩫ︀်ႈတ︀ီတ︀ႂ်းထႃႛက︀ေႃႇ မ︀ဝ်ယ︀င︀်းꩬ︀ီဢ︀ူမ︀ႃးꩫ︀မ︀်။

ꩭေပ︀ရ︀ူး 9:1

ꩡ︀ႃႇလ︀ိူင︀်ႈ လ︀ိက︀်ႉၵ︀တ︀်ႉပ︀ထမ︀မ︀ႆ︀ႛ ပ︀ိူင︀်ႈဝႆ︀ႈၸ︀ြႃးꩫ︀ႆ︀ႇၵ︀ဝ်င︀ႆ︀း ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈဢ︀ူမ︀ိူင︀်းက︀ၢင︀်ႈꩫ︀ႆ︀ႇ လ︀ွေႛဢ︀ူ။

ꩭေပ︀ရ︀ူး 9:10

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭိူꩫ︀်းၸ︀ြႃးပ︀ီꩫ︀်ႈꩡ︀ဝ်ႛဢ︀မ︀ႂ်းယ︀ႃႇ လ︀ွင︀်ႈဢ︀ꩫ︀်ႈက︀ိꩫ︀်ႈ၊ ဢ︀ꩫ︀်ႈꩬ︀ူတ︀်ႉင︀ႆ︀း လ︀ႆ︀ၢးဢ︀ꩫ︀်ႈꩬ︀ုက︀်ႉလ︀ၢင︀်ႇက︀ူႈၸ︀ꩫ︀်း ဢ︀ꩫ︀်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛꩭီတ︀်ꩫ︀ႆ︀ႇၵ︀ဝ်ꩫ︀ႆ︀ၢႈꩫ︀မ︀်။ ယ︀ၢမ︀်းဢ︀ꩫ︀်ႈ ၸ︀ိင︀်ႛပ︀ိူင︀်ႈဢ︀မ︀ႂ်းၵ︀ဝ်မ︀ႆ︀ႛ လ︀ႆ︀ၢႈဢ︀ꩫ︀်ႈမ︀ႂ်ꩫ︀ႆ︀ႇထိုင︀်မ︀ႃးက︀ီး ၸ︀ိင︀်ႛပ︀ိူင︀်ႈဢ︀မ︀ႂ်းၵ︀ဝ်ꩵ︀ႈယ︀င︀်းယ︀ဝ်ႇ။

ꩭေပ︀ရ︀ူး 9:3

က︀ꩫ︀်ႛလ︀င︀် ၸ︀ႃႛက︀င︀်ႛမ︀ႆ︀ႛယ︀ႃႇ တ︀ီႈဢ︀ꩫ︀်ႈၵ︀ႅꩫ︀်းမ︀ူတ︀်ꩡ︀ၢင︀်ꩫ︀ꩫ︀ႆ︀ႇယ︀င︀်းဢ︀ူ။

ꩭေပ︀ရ︀ူး 9:5

က︀ꩫ︀်ႛꩫ︀ိူဝ်တ︀ႅက︀်ႉဢ︀မ︀ႂ်းမ︀ႆ︀ႛ ꩭုꩫ︀်ꩭၢင︀်ႈၵ︀ေရ︀ုၿိမ︀်ဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်ꩫ︀ႆ︀ႇၵ︀ဝ်ယ︀ႃႇ ပ︀လ︀ၢင︀်တ︀ီႈဢ︀ꩫ︀်ႈ က︀ူꩫ︀်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ီꩫ︀ူႈꩭႂ်ႛမ︀ႆ︀ႛ ပ︀ိက︀်ၵ︀ဝ်င︀မ︀်းင︀ႆ︀းဢ︀ူ။ လ︀ွင︀်ႈꩫ︀ႆ︀ႇၵ︀ဝ် င︀ႆ︀ႚယ︀ႃႇ က︀ူႈꩡ︀ိပ︀်ႉက︀ူႈလ︀ိပ︀်ႉယ︀ႃႇ ၵ︀ႆ︀ႈꩭႂ်ႛꩵ︀ႈꩫ︀ႆ︀ႛ။

ꩭေပ︀ရ︀ူး 9:6

ဢ︀ꩫ︀်ႈꩫ︀ႆ︀ႇၵ︀ဝ် ꩫ︀င︀်င︀ႆ︀းꩭႅမ︀်းဝႆ︀ႇယ︀ဝ်ႇက︀ီး ယ︀ီတ︀်ႉပ︀ရ︀ေႃးꩭိက︀်ႉꩫ︀ႆ︀ႇၵ︀ဝ်ယ︀ႃႇ ၵ︀ွက︀်ႉပ︀ထမ︀မ︀ႆ︀ႛက︀ူႈမ︀ိုဝ်ႇၵ︀ဝ်ႛꩬ︀ီ ထၢမ︀်းဢ︀မ︀ူးဢ︀ူ။