ရ︀ေႃမ︀ 9:22 - Khamti Shan

²² ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ င︀ႆ︀းꩫ︀မ︀်ꩭီတ︀်ꩫ︀ႆ︀ႇ။ မ︀ꩫ︀်းꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ တ︀ေႃးꩬ︀ႃးမ︀ꩫ︀်းꩡ︀ဝ်ႛꩫ︀ၵ︀ႃ တ︀ꩫ︀်းၵ︀ူဝ်းမ︀ꩫ︀်းꩡ︀ဝ်ႛ ၵ︀ႂ်ႈပ︀ျႃးꩡ︀ုꩫ︀်ႈꩰဢ︀ူ။ ꩫ︀ႆ︀ႇꩫ︀က︀ေႃႇ က︀ူဝ်ႇဢ︀ꩫ︀်ႈလ︀ူႇပ︀ႅက︀်ႉထႅက︀်ႉꩬ︀ီ မ︀ꩫ︀်းꩡ︀ဝ်ႛတ︀ီပ︀ႅတ︀်ႉတ︀ြႃးꩫ︀ႆ︀ႇၵ︀ဝ်မ︀ႆ︀ႛ မ︀ꩫ︀်းꩡ︀ဝ်ႛꩬ︀ေးၵ︀ၢမ︀်လ︀ူင︀်ꩫ︀မ︀်။

ရ︀ေႃမ︀ 9:22 ပူးပေါင်းရင်းမြစ်များ

ရ︀ေႃမ︀ 1:18

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ွပ︀်ႉပ︀ိူဝ်ႈက︀ူꩫ︀်းꩫ︀ႆ︀ႇၵ︀ဝ် မ︀ꩫ︀်းꩡ︀ဝ်ႛမ︀ႆ︀ႛမ︀ဝ်က︀ူဝ်ႈယ︀မ︀်ႈင︀ႆ︀း ꩭီတ︀်ဢ︀ꩫ︀်ႈမ︀ဝ်တ︀ြႃးꩫ︀ႆ︀ႇꩬ︀ီ ဢ︀ꩫ︀်ႈꩬ︀ိုဝ်ႈꩡ︀ႂ်ႈမ︀ꩫ︀်းꩡ︀ဝ်ႛမ︀ႆ︀ႛ လ︀ၢပ︀်ႉဝႆ︀ႇꩫ︀ႆ︀ႇမ︀ႆ︀ႛ မ︀ꩫ︀်းꩡ︀ဝ်ႛၵ︀ႂ်ႈလ︀ႂ်ႈတ︀ေႃးꩬ︀ႃးꩫ︀ꩫ︀ႆ︀ႇ လ︀ုက︀်ႉက︀ၢင︀်ႈꩭၢဝ်မ︀ႆ︀ႛ ပ︀ုတ︀်ၵ︀ႆ︀ႈဝႆ︀ႇဢ︀ူ။

ရ︀ေႃမ︀ 9:17

က︀ျမ︀်းလ︀ိက︀်ႉမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ၵ︀ုꩫ︀်ꩭူဝ်ၵ︀မ︀်းဢ︀ီက︀ျီပ︀်မ︀ႆ︀ႛ ဝႃႈဝႆ︀ႇꩫ︀ႆ︀ႇ “မ︀ႂ်းမ︀ႆ︀ႛက︀ဝ်ႈလ︀ိူက︀်ႉတ︀ၢင︀်ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇယ︀ႃႇ ꩭႂ်ႛပ︀ူဝ်းက︀ဝ်ႈမ︀ႆ︀ႛ တ︀င︀်းက︀မ︀်ၸ︀ႃတ︀ွင︀်းမ︀ႃးꩫ︀ႆ︀ႇ မ︀ႂ်းမ︀ႆ︀ႛတ︀ိုဝ်းꩬ︀ီ တ︀ꩫ︀်းၵ︀ူဝ်းက︀ဝ်ႈပ︀ျႃးက︀ွတ︀်ꩫ︀ꩫ︀မ︀်” ꩫ︀ꩫ︀မ︀်။

ရ︀ေႃမ︀ 9:20

ꩫ︀ႆ︀ႇယ︀ႃႇထၢမ︀်ꩵ︀ႈꩫ︀ႆ︀ႛ။ က︀ူꩫ︀်းꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭလ︀ိုဝ်က︀ေႃႇ ထၢမ︀်င︀ႆ︀းꩵ︀ႈထုက︀်။ ဢ︀ꩫ︀်ႈၸ︀ၢꩫ︀်ꩬ︀ၢင︀်းဝႆ︀ႇꩫ︀ႆ︀ႇယ︀ႃႇ ꩡ︀ဝ်ႛၸ︀ၢꩫ︀်ꩬ︀ၢင︀်းမ︀ႆ︀ႛ “မ︀ႂ်းꩡ︀ဝ်ႛ ꩭီတ︀်က︀ꩬ︀င︀်ꩫ︀ႆ︀ က︀ဝ်ႈမ︀ႆ︀ႛၸ︀ၢꩫ︀်ꩬ︀ၢင︀်းင︀ႆ︀းဝႆ︀ႇꩫ︀ႆ︀ႇ” ꩫ︀ꩬ︀ီထၢမ︀်မ︀ဝ်ꩫ︀ႆ︀ႛꩫ︀က︀ꩫ︀်ႈꩫ︀မ︀်။

ရ︀ေႃမ︀ 9:21

ၸ︀ူႛꩭီတ︀်မ︀ူဝ်ႛယ︀ႃႇ ꩫ︀ိꩫ︀်ႈꩫ︀ိဝ်မ︀ႆ︀ႛ က︀ႃႈꩫ︀င︀်မ︀ꩫ︀်းထုက︀်ꩡ︀ႂ်ႈꩫ︀ႆ︀ႇ ꩭီတ︀်ꩫ︀ႆ︀ႛမ︀ဝ်ꩡ︀ႂ်ႈ။ လ︀ုက︀်ႉꩫ︀ိꩫ︀်ႈꩫ︀ိဝ်က︀ွင︀်ႈလ︀ိူင︀်ႈမ︀ႆ︀ႛ မ︀ူဝ်ႛဢ︀ꩫ︀်ႈꩡ︀ႅင︀်းတ︀မ︀ိူင︀်း ဢ︀ꩫ︀်ႈမ︀ဝ်ꩡ︀ႅင︀်းတ︀မ︀ိူင︀်း ꩭီတ︀်ꩫ︀ႆ︀ႛမ︀ဝ်ꩡ︀ႂ်ႈ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 2:16

တ︀ူႈမ︀ႆ︀ႛတ︀မ︀ိူင︀်းက︀ေႃႇ ဢ︀ꩫ︀်ႈက︀ျူးမ︀ဝ်ꩡ︀ႂ်ႈꩫ︀ႆ︀ႇၵ︀ဝ်မ︀ႆ︀ႛ ၵ︀ၢဝ်ႈၵ︀ၢမ︀်းꩫ︀ီႈ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေက︀ူꩫ︀်းꩭဝ်း ꩭႂ်ႛပ︀ူဝ်းက︀ႃꩭူဝ်းမ︀ဝ်ꩫ︀ႆ︀ႛꩫ︀ႆ︀ႇꩭၢမ︀်ႛမ︀ႃးဢ︀ူ။ ၵ︀ဝ်ꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ က︀ꩫ︀်ႛမ︀ဝ်ꩫ︀ႆ︀ႛꩬ︀ီပ︀ူင︀်ႈတ︀ၢမ︀်ꩫ︀ႆ︀ႇꩫ︀မ︀်။ င︀ႆ︀းꩬ︀ီမ︀ဝ်ꩭိုင︀်က︀ꩬ︀င︀်မ︀ႆ︀ႛ မ︀ꩫ︀်းꩡ︀ဝ်ႛတ︀ီပ︀ူင︀်ႈတ︀ၢမ︀်ယ︀ဝ်ႇ။

တ︀ႅတ︀်ꩬ︀ႃလ︀ေႃꩫ︀ိက︀် ႑ 5:9

ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛꩭွင︀်ႇဝႆ︀ႇꩫ︀ႆ︀ႇ ꩭၢင︀်းၵ︀ၢမ︀်တ︀ၢမ︀်ဢ︀ပ︀ႅတ︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းမ︀ႆ︀ႛ ꩡ︀ႂ်ႇꩬ︀ီ ၵ︀ေꩬ︀ေꩭႂ်ႛꩫ︀ႆ︀ႇမ︀ႆ︀ႛ ꩭႂ်ႛပ︀ူဝ်းꩫ︀ႆ︀ႛꩭၢပ︀်ႉဢ︀ဝ်ႈꩫ︀ႆ︀ႇꩫ︀မ︀်။

တ︀ိမ︀ေႃတ︀ေ ႒ 2:20

ꩭိူꩫ︀်းလ︀ူင︀်ဢ︀ꩫ︀်ႈလ︀ိူင︀်ႈမ︀ႆ︀ႛ က︀ွင︀်ၵ︀ဝ်ႛဝၢꩫ︀်ၸ︀က︀် ဢ︀ꩫ︀်ႈဢ︀ဝ်ႈင︀ိူꩫ︀်း၊ ဢ︀ဝ်ႈၵ︀မ︀်း၊ ဢ︀ဝ်ႈမ︀ႆ︀ႇ၊ ဢ︀ဝ်ႈꩫ︀ိꩫ︀်ႈꩭီတ︀်ꩫ︀ႆ︀ႇၵ︀ဝ် က︀ူႈၸ︀ꩫ︀်းယ︀င︀်းဢ︀ူ။ ၵ︀ိူင︀်ႈဢ︀မ︀ႂ်းၵ︀ဝ် က︀မ︀်ႈၸ︀ွင︀်းမ︀ႆ︀ႛယ︀ႃႇ မ︀ိူဝ်ႈဢ︀ၵ︀ႅက︀်ႉꩬ︀ိုင︀်တ︀ိုဝ်းꩬ︀ီ က︀မ︀်ႈၸ︀ွင︀်းမ︀ႆ︀ႛယ︀ႃႇ က︀ူႈမ︀ိုဝ်ႇတ︀ိုဝ်းဢ︀ူ။

ပ︀ေတ︀ရ︀ု ႑ 2:8

ယ︀ဝ်ႇက︀ီး “ꩭိꩫ︀်ဢ︀မ︀ႂ်းယ︀ႃႇ ꩭိꩫ︀်ဢ︀ꩫ︀်ႈပ︀ိူꩫ︀်ႈမ︀ႆ︀ႛဢ︀ဝ်ႈတ︀ွင︀်ႛ ဢ︀ဝ်ႈလ︀ူမ︀်ႇꩫ︀မ︀်” ꩫ︀က︀ေႃႇဝႃႈဝႆ︀ႇဢ︀ူ။ က︀ူꩫ︀်းဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ဝ်ယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀ႆ︀ႇၵ︀ဝ်ယ︀ႃႇꩭိꩫ︀်ဢ︀မ︀ႂ်းမ︀ႆ︀ႛ တ︀ွင︀်ႛလ︀ူမ︀်ႇက︀ꩫ︀်ႈဢ︀ူ။ ဢ︀ꩫ︀်ႈꩫ︀ႆ︀ႇယ︀ႃႇ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃႇၵ︀ဝ်ꩬ︀ၢင︀်ဝႆ︀ႇꩫ︀ႆ︀ႇꩫ︀မ︀်။

ပ︀ေတ︀ရ︀ု ႑ 3:20

ၵ︀ွꩫ︀်ဢ︀မ︀ႂ်းၵ︀ဝ်ယ︀ႃႇ ၵ︀ွꩫ︀်ဢ︀ꩫ︀်ႈမ︀ိူဝ်ႈꩫ︀ꩫ︀်ႇ မ︀ိူဝ်ႈꩫ︀ေႃဢ︀ေး ပ︀ူက︀်ꩬ︀ၢင︀်ႈၸ︀ူဝ်းꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩡ︀ႂ်ႈꩭီးꩡ︀ႂ်ႈယ︀ၢဝ်းထႃႛမ︀ႃးꩫ︀က︀ေႃႇ ဢ︀ꩫ︀်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛမ︀ဝ်ထွမ︀်မ︀ႃးꩫ︀ႆ︀ႇၵ︀ဝ်ꩫ︀မ︀်။ င︀ႆ︀းꩬ︀ီ ၵ︀ဝ်တ︀င︀်းမ︀ိူင︀်းတ︀ႆ︀ၢႈꩫ︀မ︀်ႇက︀ႃꩬ︀ီ က︀ူꩫ︀်းပ︀ႅတ︀်က︀ူဝ်ႇမ︀ႆ︀ႛꩫ︀ႆ︀ၢႈꩬ︀ိုင︀် လ︀ုက︀်ႉၸ︀ေးꩫ︀မ︀်ႇမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛမ︀ႃးꩫ︀မ︀်။

ပ︀ေတ︀ရ︀ု ႒ 2:3

ၵ︀ဝ်ယ︀ႃႇ လ︀ေႃးၸ︀ႃးင︀ိူꩫ︀်းꩫ︀ႆ︀ႇꩬ︀ီ ထဝ်မ︀ၢက︀်မ︀ူဝ်ꩫ︀ႆ︀ႇၵ︀ဝ် ꩬ︀ူမ︀ႆ︀ႛ ၵ︀ႆ︀ႈꩬ︀ီတ︀ီၸ︀ၢမ︀်းဢ︀ဝ်ႈꩫ︀မ︀်။ ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ၵ︀ဝ်မ︀ႆ︀ႛပ︀ႅတ︀်ႉတ︀ြႃးက︀ွတ︀်ꩫ︀ꩬ︀ီ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ ꩭႅမ︀်းဝႆ︀ႇယ︀ဝ်ႇꩰꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီဢ︀ဝ်ႈလ︀ူႇပ︀ႅက︀်ႉတ︀ေႇတ︀ေႇယ︀ဝ်ႇ။

ပ︀ေတ︀ရ︀ု ႒ 2:9

င︀ႆ︀းꩫ︀ႆ︀ႇꩬ︀ီ လ︀ႅမ︀်းတ︀ႃႉ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ူꩫ︀်းဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛက︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ လ︀ုက︀်ႉဢ︀ꩫ︀်ႈယ︀ပ︀်ယ︀ၢက︀်ႉꩫ︀ႆ︀ႇၵ︀ဝ်မ︀ႆ︀ႛ ၵ︀ေꩬ︀ေꩭႂ်ႛꩬ︀ီ ဢ︀ꩫ︀်ႈမ︀ဝ်က︀ူဝ်ႈယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ူဝ်ထိုင︀်ဝꩫ︀်းပ︀ႅတ︀်ႉတ︀ြႃးပ︀ႆ︀ၢႈꩭၢင︀်လ︀ေႚလ︀ေႚ တ︀ီပ︀ူင︀်ႈတ︀ၢမ︀်က︀ႃꩫ︀မ︀်။

ပ︀ေတ︀ရ︀ု ႒ 3:15

ꩭႂ်ႛပ︀ူဝ်းက︀ူꩫ︀်းက︀ူႈက︀ူဝ်ႇ ဢ︀ꩫ︀်ႈမ︀ꩫ︀်းꩡ︀ဝ်ႛၵ︀ေꩬ︀ေꩭႂ်ႛမ︀ႆ︀ႛ ꩫ︀ႆ︀ႛꩭၢပ︀်ႉꩫ︀ႆ︀ႇ ၸ︀ြႃးပ︀ီꩫ︀်ႈꩡ︀ဝ်ႛꩬ︀ေးၵ︀ၢမ︀်ꩬ︀ီထႃႛဢ︀ူꩫ︀မ︀်ꩫ︀ꩫ︀ႆ︀ႇ ပ︀ီလ︀ုမ︀်းက︀ꩫ︀်ႈ။ လ︀ွင︀်ႈꩫ︀ႆ︀ႇꩫ︀မ︀် ပ︀ေႃလ︀ုꩭဝ်းက︀ေႃႇ ဢ︀ဝ်ႈꩥ︀ႅꩫ︀်ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇ ꩬ︀ူမ︀ႆ︀ႛတ︀ႅမ︀်ႛမ︀ႃးꩫ︀ႆ︀ႇ။

ယ︀ုတ︀ 1:4

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩫ︀ႂ်းꩡ︀ိူဝ်းꩬ︀ူမ︀ႆ︀ႛ က︀ူꩫ︀်းဢ︀ꩫ︀်ႈꩭႅꩫ︀်းꩭီတ︀်က︀ူꩫ︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ် လ︀ၢက︀်ႉꩬ︀ွတ︀်ႉꩬ︀ီၵ︀ဝ်ႛမ︀ႃးယ︀ဝ်ႇ။ ၵ︀ဝ်ယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်း ၸ︀ူႛပ︀ီꩫ︀်ႈꩡ︀ဝ်ႛꩬ︀ူလ︀ိဝ်ႈမ︀ႆ︀ႛ ပ︀ႆ︀ၵ︀ွတ︀်ꩬ︀ေႇမ︀ဝ်က︀ႃး က︀ူꩫ︀်းꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ီꩫ︀ူႈꩭၢက︀်ႉꩭွမ︀်ၸ︀ႅဝ်ꩫ︀ႆ︀ႇꩬ︀ီ ꩭဝ်းက︀ၢပ︀်ꩬ︀ီၸ︀ိတ︀်က︀ႃႛမ︀ဢ︀ူꩫ︀က︀ေႃႇ မ︀ꩫ︀်းꩡ︀ဝ်ႛပ︀ွႆ︀လ︀ွတ︀်ႉꩭႂ်ႛဢ︀ူꩫ︀ꩬ︀ီ ꩬ︀မ︀်မ︀ႃတ︀ြႃးမ︀ႆ︀ႛ ဢ︀ဝ်ႈၸ︀ႆ︀ꩬ︀ီꩬ︀ွꩫ︀်လ︀ေဢ︀ူ။ ꩫ︀ႆ︀ႇꩫ︀က︀ေႃႇ ၵ︀ဝ်မ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ီပ︀ႅတ︀်ႉတ︀ြႃးꩫ︀မ︀်ꩫ︀ꩫ︀ႆ︀ႇ လ︀ုက︀်ႉမ︀ိူဝ်ႈင︀ႃးပ︀ုꩫ︀်ႛ တ︀ႅမ︀်ႛဝႆ︀ႇယ︀ဝ်ႇꩰ။