Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




ရ︀ေႃမ︀ 9:16 - Khamti Shan

16 င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛဢ︀ီꩫ︀ူႈꩫ︀ႆ︀ႇယ︀ႃႇ ဢ︀ူတ︀ီႈမ︀ꩫ︀်းꩡ︀ဝ်ႛꩫ︀မ︀်။ ဢ︀ူတ︀ီႈက︀ူꩫ︀်းꩭဝ်းꩵ︀ႈꩡ︀ႂ်ႈ၊ က︀ူꩫ︀်းꩭဝ်းꩭီတ︀်က︀ေႃႇꩵ︀ႈꩫ︀ႆ︀ႛ။

အခန်းကိုကြည့်ပါ။ ကော်ပီ




ရ︀ေႃမ︀ 9:16
20 ပူးပေါင်းရင်းမြစ်များ  

မ︀ꩫ︀်းꩡ︀ဝ်ႛယ︀ွꩫ︀်းꩬ︀ူးယ︀ဝ်ႇက︀ီး က︀ၢပ︀်ꩬ︀ီ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ “ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛ က︀ဝ်ႈမ︀ႆ︀ႛတ︀င︀်းမ︀ိူင︀်းဢ︀ၢပ︀်ႉꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛမ︀ႆ︀ႛလ︀ိူဝ်ꩬ︀ီ လ︀ုက︀်ႉမ︀ꩫ︀်းꩡ︀ဝ်ႛတ︀ေႇတ︀ေႇမ︀ႆ︀ႛ ၸ︀ႂ်က︀ေႃႇမ︀ဝ်တ︀ွင︀်းꩫ︀က︀ꩫ︀်ႈ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛတ︀ေႇတ︀ေႇမ︀ႆ︀ႛက︀ေႃႇ လ︀ုက︀်ႉမ︀ꩫ︀်းꩡ︀ဝ်ႛꩫ︀ႆ︀ၢႈꩫ︀မ︀်တ︀ွင︀်းꩫ︀ႆ︀ႇ။ င︀ႆ︀းꩬ︀ီလ︀ုက︀်ႉမ︀ꩫ︀်းꩡ︀ဝ်ႛယ︀ႃႇ က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛလ︀ိူက︀်ႉꩬ︀ီ လ︀ွင︀်ႈပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛပ︀ုတ︀်ပ︀ျႃးꩭႂ်ႛဢ︀ူ။


င︀ႆ︀းက︀ီး ၵ︀ုꩫ︀်ꩬ︀ူင︀်ꩫ︀ႆ︀ႇ ꩡ︀ဝ်ႛယ︀ေꩬ︀ုမ︀ႆ︀ႛ ꩡ︀ိက︀်ꩫ︀ွႆ︀ႈဢ︀ꩫ︀်ႈꩬ︀ုင︀်လ︀ူင︀်မ︀ႆ︀ႛ ꩭွင︀်ႇက︀ႃꩬ︀ီ မ︀ိူင︀်းလ︀ူင︀် ဢ︀ꩫ︀်ႈက︀ႃႈꩡ︀ိုဝ်ႈက︀မ︀်ၸ︀ႃမ︀ႆ︀ႛယ︀င︀်းꩫ︀ႆ︀ႇၵ︀ဝ် ၵ︀ႂ်ႈလ︀ႂ်ႈဢ︀မ︀်ꩫ︀ꩫ︀ႆ︀ႇပ︀ျႃးꩭႂ်ႛဢ︀ူ။


မ︀ိူဝ်ႈဢ︀မ︀ႂ်း ꩡ︀ဝ်ႛယ︀ေꩬ︀ု တ︀ၢင︀်းꩡ︀ူမ︀်းꩭုမ︀် ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ယ︀ူဝ်းယ︀ွင︀်ႛꩫ︀ႆ︀ႇယ︀ႃႇ “ပ︀ူဝ်ꩡ︀ဝ်ႛဢ︀ꩫ︀်ႈက︀ၢင︀်ႈꩭၢဝ်လ︀င︀်ꩫ︀ိꩫ︀်ႈမ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇတ︀ီၵ︀ႃႛ က︀ူꩫ︀်းဢ︀ꩫ︀်ႈပ︀ိင︀်ꩥ︀ႃယ︀င︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ိက︀်ႉလ︀ၢႆ︀းꩡ︀ၢင︀်ႈꩫ︀ႆ︀ႇၵ︀ဝ်မ︀ႆ︀ႛယ︀ႃႇ လ︀ွင︀်ႈꩫ︀ႆ︀ႇၵ︀ဝ် ဢ︀ဝ်ႈမ︀ႅပ︀်ဝႆ︀ႇꩬ︀ီ က︀ူꩫ︀်းဢ︀ꩫ︀်ႈမ︀ဝ်ၵ︀ႂ်ႈလ︀ႂ်ႈꩫ︀ႆ︀ႇၵ︀ဝ်မ︀ႆ︀ႛꩬ︀ိုင︀် ပ︀ုတ︀်ပ︀ျႃးꩫ︀ႆ︀ႇꩬ︀ီ က︀ျေးꩡ︀ူးတ︀ၢင︀်တ︀ီၵ︀ႃႛဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ီꩫ︀်ႈင︀ႆ︀းꩫ︀ႆ︀ႇမ︀ႆ︀ႛ ၵ︀ိင︀်းတ︀ူဝ်ꩡ︀ဝ်ႛမ︀ႃးꩡ︀ႂ်ႈတ︀ီၵ︀ႃႛဢ︀ူ။


လ︀ူမ︀်းꩫ︀ꩫ︀ႆ︀ႇ ဢ︀ꩫ︀်ႈမ︀ꩫ︀်းၵ︀ႂ်ႈတ︀ိက︀်မ︀ႆ︀ႛ တ︀ိက︀်က︀ႃဢ︀ူ။ ꩬ︀ီင︀်လ︀ူမ︀်းꩫ︀ႆ︀ႛꩥ︀ိꩫ︀်းꩫ︀က︀ေႃႇ လ︀ူမ︀်းꩫ︀ႆ︀ႇလ︀ုက︀်ႉဢ︀မ︀ႆ︀ႚမ︀ႃးꩬ︀ီ ဢ︀မ︀ႆ︀ႚတ︀ီက︀ႃꩫ︀ꩫ︀ႆ︀ႇ ၸ︀ႂ်က︀ေႃႇꩵ︀ႈတ︀ွင︀်း။ က︀ူꩫ︀်းဢ︀ꩫ︀်ႈဢ︀ဝ်ႈၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛ ၸ︀ႃးꩫ︀ႆ︀ႇက︀ေႃႇ ꩫ︀င︀်ꩫ︀ႆ︀ႇꩫ︀က︀ꩫ︀်ႈꩫ︀မ︀်” ꩫ︀ဝꩫ︀်ႇ။


ꩫ︀ႆ︀ႇꩫ︀က︀ေႃႇ မ︀ိူဝ်ႈလ︀ၵ︀ႃဢ︀မ︀ႂ်းꩫ︀ၵ︀ႃ ယ︀င︀်းꩫ︀ၢႆ︀ႈက︀ေႃႇမ︀ဝ်ပ︀ႆ︀ယ︀င︀်း၊ လ︀ွင︀်ႈꩫ︀ီႈလ︀ွင︀်ႈꩡ︀ႃႇက︀ꩬ︀င︀်က︀ေႃႇ မ︀ဝ်ပ︀ႆ︀ꩭီတ︀်ပ︀ုꩫ︀်ႛ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ရ︀ေပ︀ႅက︀်ၵ︀မ︀ႆ︀ႛဝႃႈꩫ︀ႆ︀ႇ “လ︀ုက︀်ႉꩡ︀ႆ︀ၢးမ︀ႂ်းꩫ︀ၵ︀ႃမ︀ႆ︀ႛ ၸ︀ူႛပ︀ီႈယ︀ႃႇ တ︀ီပ︀ီꩫ︀်ႈၵ︀ႃႛၸ︀ူႛꩫ︀ွင︀်ႇꩫ︀မ︀်” ꩫ︀ဝꩫ︀်ႇ။ ၸ︀ြႃးပ︀ီꩫ︀်ႈꩡ︀ဝ်ႛဝႃႈင︀ႆ︀းꩫ︀ႆ︀ႇယ︀ႃႇ လ︀ႆ︀ၢးပ︀ိူဝ်ႈတ︀ၢင︀်းက︀ႅင︀်းၵ︀ဝ်ꩬ︀ီ လ︀ိူက︀်ႉဢ︀ဝ်ႈꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းၸ︀ူႛꩡ︀ဝ်ႛꩬ︀င︀် င︀ႆ︀းꩬ︀ီ ꩭွင︀်ႇဢ︀ဝ်ႈꩫ︀မ︀်ꩫ︀ꩫ︀ႆ︀ႇ ပ︀ျႃးက︀ွတ︀်ꩫ︀ꩫ︀မ︀်။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး လ︀ႆ︀ၢးပ︀ိူဝ်ႈက︀ျေးꩡ︀ူးꩡ︀ဝ်ႛꩬ︀ီ ဢ︀ဝ်ႈတ︀ၢင︀်းယ︀ုမ︀်ယ︀မ︀်ႈꩫ︀မ︀် ꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛၵ︀ေꩬ︀ေꩭႂ်ႛꩫ︀ႆ︀ႇ။ ꩭဝ်းက︀မ︀်ႈက︀ႅင︀်းပ︀ီꩫ︀်ႈꩬ︀ီꩵ︀ႈꩡ︀ႂ်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭႂ်ႛꩫ︀ႆ︀ၢႈꩫ︀မ︀်။ င︀ႆ︀းꩫ︀ႆ︀ႇꩬ︀ီ ၸ︀ႂ်က︀ေႃႇ ဢ︀ꩫ︀်ႈဝႃႈက︀မ︀်ႇလ︀ွင︀်ႛꩵ︀ႈယ︀င︀်း။


က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ဢ︀ꩫ︀်ႈမ︀ꩫ︀်းꩡ︀ဝ်ႛမ︀ႃးꩡ︀ႂ်ႈမ︀ႆ︀ႛ ꩭႂ်ႛပ︀ူဝ်းꩬ︀ူၵ︀ႂ်ႈꩭီတ︀်ꩫ︀ႆ︀ႇတ︀မ︀ိူင︀်း၊ ꩭႂ်ႛပ︀ူဝ်းꩬ︀ူꩭီတ︀်ပ︀ီꩫ︀်ႈꩫ︀ႆ︀ႇတ︀မ︀ိူင︀်း ꩬ︀ူမ︀ႆ︀ႛမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ေးꩭႂ်ႛꩬ︀ီဢ︀ူꩫ︀မ︀်။


မ︀ꩫ︀်းꩡ︀ဝ်ႛယ︀ႃႇ က︀ꩫ︀်ႛꩫ︀ိူဝ်ဢ︀ꩫ︀်ႈမ︀ꩫ︀်းꩡ︀ဝ်ႛၸ︀ၢꩫ︀်ꩬ︀ၢင︀်းꩫ︀ႆ︀ႇၵ︀ဝ်တ︀င︀်းမ︀ိူင︀်းမ︀ႆ︀ႛ ꩭႂ်ႛပ︀ူဝ်းက︀ူꩫ︀်းမ︀ꩫ︀်းꩡ︀ဝ်ႛၵ︀ဝ် ꩭီတ︀်ꩭူဝ်ꩫ︀ႆ︀ႛꩫ︀ႆ︀ႇ ꩫ︀င︀်မ︀ꩫ︀်းꩡ︀ဝ်ႛဢ︀လ︀ၢင︀်းယ︀င︀်းꩫ︀က︀ꩫ︀်ႈ ဢ︀ဝ်ႈၵ︀ၢမ︀်းꩬ︀မ︀်မ︀ႃတ︀ြႃးမ︀ꩫ︀်းꩡ︀ဝ်ႛ ꩭီတ︀်ဝႆ︀ႇမ︀ႃးꩫ︀မ︀်။


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ