ရ︀ေႃမ︀ 8:39 - Khamti Shan

³⁹ ဢ︀ꩫ︀်ႈက︀ၢင︀်ႈꩭၢဝ်မ︀ႆ︀ႛယ︀င︀်းꩫ︀ႆ︀ႇၵ︀ဝ်မ︀ဝ်ဝႃႈ၊ ဢ︀ꩫ︀်ႈက︀ꩫ︀်ႛတ︀ႂ်ႛꩫ︀ိꩫ︀်ႈမ︀ႆ︀ႛယ︀င︀်းꩫ︀ႆ︀ႇၵ︀ဝ်မ︀ဝ်ဝႃႈ ၵ︀ိူင︀်ႈမ︀ိူင︀်းက︀ၢင︀်ႈဢ︀ꩫ︀်ႈလ︀ႂ်ႈက︀ေႃႇ ꩭဝ်းမ︀ႆ︀ႛ လ︀ုက︀်ႉမ︀ႅတ︀်ႉတ︀ႃၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛꩬ︀ေꩬ︀ုၵ︀ရ︀ီတ︀်မ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛꩫ︀ꩫ︀ႆ︀ႇ က︀ဝ်ႈဢ︀က︀မ︀်ထက︀်ꩰꩫ︀မ︀်။

ရ︀ေႃမ︀ 8:39 ပူးပေါင်းရင်းမြစ်များ

မ︀တ︀်တ︀ႄး 24:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ေꩬ︀ိယ︀ဢ︀ꩫ︀်ႈယ︀ိူင︀်ႈ၊ ပ︀ရ︀ေႃးၸ︀ႅတ︀်ႉဢ︀ꩫ︀်ႈယ︀ိူင︀်ႈꩫ︀ႆ︀ႇၵ︀ဝ် တ︀ီမ︀ႃးꩫ︀မ︀်။ ၵ︀ဝ်ယ︀ႃႇ လ︀ႆ︀ၢးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းꩫ︀ႆ︀ႇၵ︀ဝ်၊ ဢ︀ꩫ︀်ႈလ︀ၢက︀်ဢ︀ꩫ︀်ႈလ︀ႆ︀ၢးꩫ︀ႆ︀ႇၵ︀ဝ်ꩭီတ︀်ပ︀ျႃးꩬ︀ီ က︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛလ︀ိူက︀်ႉဝႆ︀ႇꩫ︀ႆ︀ႇၵ︀ဝ်မ︀ႆ︀ႛတ︀မ︀ိူင︀်းက︀ေႃႇ တ︀ီၸ︀ၢမ︀်းꩫ︀မ︀်။

ယ︀ေႃးꩭၢꩫ︀် 16:27

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ပ︀ူဝ်ꩡ︀ဝ်ႛၸ︀ြႃးပ︀ီꩫ︀်ႈꩡ︀ဝ်ႛ ꩬ︀ူမ︀ႆ︀ႛꩭၢက︀်ႉꩬ︀ီꩫ︀မ︀်။ ꩬ︀ူယ︀ႃႇက︀ဝ်ႈမ︀ႆ︀ႛက︀ေႃႇꩭၢက︀်ႉ၊ က︀ဝ်ႈလ︀ုက︀်ႉပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ မ︀ႃးꩫ︀မ︀်ꩫ︀ꩫ︀ႆ︀ႇမ︀ႆ︀ႛက︀ေႃႇ ယ︀ုမ︀်ယ︀မ︀်ႈက︀ꩫ︀်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛမ︀ꩫ︀်းꩡ︀ဝ်ႛꩭၢက︀်ႉꩫ︀မ︀်။

ယ︀ေႃးꩭၢꩫ︀် 17:26

မ︀ႅတ︀်ႉတ︀ႃဢ︀ꩫ︀်ႈက︀ဝ်ႈၵ︀ႃႛမ︀ႆ︀ႛꩡ︀ဝ်ႛꩭႂ်ႛဝႆ︀ႇꩫ︀ႆ︀ႇတ︀မ︀ိူင︀်း က︀ဝ်ႈၵ︀ႃႛတ︀မ︀ိူင︀်း ꩭႂ်ႛပ︀ူဝ်းꩫ︀ႂ်းꩡ︀ႂ်ႈၵ︀ဝ်မ︀ႆ︀ႛ ယ︀င︀်းꩫ︀ႆ︀ႇ ၵ︀ဝ်မ︀ႆ︀ႛလ︀ွင︀်ႈꩡ︀ဝ်ႛ ဢ︀ဝ်ႈတ︀ွင︀်းꩭႂ်ႛတ︀ီၵ︀ႃႛယ︀ဝ်ႇ။ က︀ၢပ︀်ꩬ︀ီက︀ေႃႇ တ︀ီဢ︀ဝ်ႈတ︀ွင︀်းဢ︀ိက︀်ꩭႂ်ႛက︀ႃတ︀ီၵ︀ႃႛꩫ︀မ︀်” ꩫ︀ꩬ︀ီယ︀ွꩫ︀်းꩬ︀ူးဢ︀ူ။

ယ︀ေႃးꩭၢꩫ︀် 3:16

ၸ︀ြႃးပ︀ီꩫ︀်ႈꩡ︀ဝ်ႛ က︀ူꩫ︀်းꩭဝ်းမ︀ႆ︀ႛ ꩭၢက︀်ႉၸ︀ႅဝ်ꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ယ︀ုမ︀်ယ︀မ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း ꩭႂ်ႛပ︀ူဝ်းမ︀ဝ်လ︀ူႇတ︀ႆ︀ၢႈꩬ︀ီ ꩫ︀ႆ︀ႛဢ︀ꩬ︀ၢက︀်ႉထႃဝရ︀ က︀ꩫ︀်ႈꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛပ︀ႃးလ︀ိဝ်ႈ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ရ︀ေႃမ︀ 1:7

င︀ႆ︀းꩫ︀ႆ︀ႇꩬ︀ီ ꩬ︀ူꩡ︀ဝ်ႛက︀ူꩫ︀်းဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉꩬ︀ီ ꩭွင︀်ႇဢ︀ဝ်ႈပ︀ီꩫ︀်ႈက︀ူꩫ︀်းမ︀ꩫ︀်းꩡ︀ဝ်ႛꩫ︀ႆ︀ႇၵ︀ဝ်တ︀င︀်းလ︀ုင︀်မ︀ႆ︀ႛ က︀ဝ်ႈလ︀ိက︀်ႉတ︀ႅမ︀်ႛမ︀ႃးယ︀ဝ်ႇ။ ꩬ︀ူꩡ︀ဝ်ႛတ︀င︀်းလ︀ုင︀်မ︀ႆ︀ႛ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛꩫ︀ၵ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈ က︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀ႃတ︀ႃႉ။

ရ︀ေႃမ︀ 11:33

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ီးတ︀ꩫ︀်းတ︀ီမ︀်ႈက︀ုမ︀်လ︀ူင︀်၊ ꩥ︀ႅꩫ︀်မ︀ꩫ︀်းꩡ︀ဝ်ႛꩫ︀ႆ︀ႇလ︀ိူက︀်ႉလ︀မ︀်လ︀ူင︀်၊ ပ︀ိင︀်ꩥ︀ႃမ︀ꩫ︀်းꩡ︀ဝ်ႛꩫ︀ႆ︀ႇ က︀ၢင︀်ႛꩫ︀ႃလ︀ူင︀်ꩫ︀မ︀်။ ဢ︀ꩫ︀်ႈမ︀ꩫ︀်းꩡ︀ဝ်ႛတ︀ႅပ︀်တ︀တ︀်မ︀ႆ︀ႛ ၸ︀ႂ်က︀ေႃႇ ၵ︀ႆ︀ႈꩵ︀ႈꩡ︀ၢင︀်ႈ။ ဢ︀ꩫ︀်ႈမ︀ꩫ︀်းꩡ︀ဝ်ႛꩭီတ︀်မ︀ႆ︀ႛ ၸ︀ႂ်က︀ေႃႇꩵ︀ႈပ︀ွင︀်ꩡ︀ႂ်ႈပ︀ိူင︀်ႈလ︀ူင︀်။

ရ︀ေႃမ︀ 5:8

ꩭလ︀ိုဝ်ꩫ︀က︀ေႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ မ︀ိူဝ်ႈꩭဝ်းဢ︀ပ︀ႅတ︀်ႉꩫ︀ႃတ︀မ︀ိူင︀်းက︀ေႃႇ ꩡ︀ႃႇꩭဝ်းၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ꩫ︀ႆ︀ႇယ︀ႃႇ ꩬ︀ၢက︀်ႉꩬ︀ေဢ︀ꩫ︀်ႈꩭဝ်းမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ ၵ︀ႂ်ႈလ︀ႂ်ႈꩭၢက︀်ႉꩫ︀ꩫ︀ႆ︀ႇꩫ︀မ︀်။

ရ︀ေႃမ︀ 6:23

က︀ူꩫ︀်းꩭဝ်းဢ︀ပ︀ႅတ︀်ႉꩭီတ︀်က︀ီး က︀ႃႈဢ︀ပ︀ႅတ︀်ႉဢ︀မ︀ႂ်း ဝႃႈတ︀ႆ︀ၢႈꩫ︀မ︀်။ ꩫ︀ႆ︀ႇꩫ︀က︀ေႃႇ ꩬ︀ူးက︀ျေးꩡ︀ူးဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛꩭႂ်ႛꩫ︀ႆ︀ႇယ︀ႃႇ ဢ︀ꩬ︀ၢက︀်ႉထႃဝရ︀ ဢ︀ꩫ︀်ႈက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩫ︀ႆ︀ႇꩫ︀မ︀်။

ရ︀ေႃမ︀ 8:1

င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ၢမ︀်ဢ︀ပ︀ႅတ︀်ႉꩵ︀ႈပ︀ူင︀်ႈယ︀ဝ်ႇ။

ရ︀ေႃမ︀ 8:35

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛ လ︀ုက︀်ႉမ︀ႅတ︀်ႉတ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ႂ်က︀ေႃႇဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛ။ ဢ︀ꩫ︀်ႈၻုက︀်ႉၵ︀၊ ဢ︀ꩫ︀်ႈက︀ပ︀်ႉယ︀ၢက︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉ၊ ဢ︀ꩫ︀်ႈဢ︀ိုပ︀်က︀ိꩫ︀်ႈ၊ ဢ︀ꩫ︀်ႈယ︀ၢက︀်ႉၸ︀ၢꩫ︀်၊ ဢ︀ꩫ︀်ႈပ︀ီꩫ︀်ႈၸ︀ေး၊ ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈꩫ︀ႆ︀ႇၵ︀ဝ်ယ︀ႃႇ ꩭဝ်းမ︀ႆ︀ႛလ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႒ 11:3

ꩫ︀ႆ︀ႇꩫ︀က︀ေႃႇ ꩫ︀င︀်ဢ︀ေဝမ︀ႆ︀ႛ င︀ူးꩫ︀ႆ︀ႛၸ︀ႅတ︀်ႉၸ︀ၢမ︀်းမ︀ႃးꩫ︀က︀ꩫ︀်ႈ ꩬ︀ူက︀ေႃႇꩡ︀ႂ်ႈလ︀ွက︀်ႉလ︀ႆ︀ၢႈꩬ︀ီ ꩡ︀ႂ်ႈဢ︀ꩫ︀်ႈꩡ︀ဝ်ႛၵ︀ရ︀ီတ︀်မ︀ႆ︀ႛ တ︀င︀်းꩡ︀ႂ်ႈတ︀င︀်းၵ︀ူဝ်းꩭၢက︀်ႉꩬ︀ီꩭွႆ︀ႛꩡ︀ႂ်ႈꩫ︀ႆ︀ႇ က︀ူဝ်ႈꩭႆ︀ၢက︀ႃဢ︀ူ။

က︀ေႃရ︀ိꩫ︀်တ︀ု ႒ 2:11

ꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်းမ︀ႆ︀ႛ ၵ︀ုꩫ︀်ꩬ︀ူင︀်က︀ႅမ︀်မ︀ဝ်ပ︀ေႇꩫ︀ႆ︀ႇꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ဢ︀ꩫ︀်ႈၵ︀ုꩫ︀်ꩬ︀ူင︀်က︀ႅမ︀်ꩫ︀ႆ︀ႇ ꩭဝ်းတ︀ွင︀်းဢ︀ူ။

ဢ︀ေၸ︀ႅတ︀် 1:4

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ လ︀ုက︀်ႉမ︀ိူဝ်ႈက︀မ︀်ၸ︀ႃꩵ︀ႈပ︀ႆ︀တ︀ေပ︀ုꩫ︀်ႛ ꩭဝ်းမ︀ႆ︀ႛ က︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ လ︀ိူက︀်ႉမ︀ႆ︀ၢက︀ွတ︀်ꩫ︀ꩬ︀ီ ꩬ︀ၢင︀်ဝႆ︀ႇမ︀ႃးꩫ︀မ︀်။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇယ︀ႃႇ ꩭႂ်ႛပ︀ူဝ်းꩭဝ်း ပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛမ︀ႆ︀ႛ မ︀ူတ︀်ꩡ︀ၢင︀်ꩬ︀ီ ꩭဝ်းမ︀ႆ︀ႛဢ︀ꩫ︀်ႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ

ၸ︀ိလ︀ိပ︀်ပ︀ၢႆ︀ 3:12

ဢ︀ꩫ︀်ႈꩫ︀ႆ︀ႇၵ︀ဝ်တ︀င︀်းမ︀ိူင︀်း က︀ဝ်ႈꩫ︀ႆ︀ႛမ︀ႃးယ︀ဝ်ႇ။ တ︀ီမ︀်ႈက︀ုမ︀်ယ︀ဝ်ႇꩫ︀ꩬ︀ီဝႃႈꩵ︀ႈꩡ︀ႂ်ႈ။ ꩫ︀ႆ︀ႇꩫ︀က︀ေႃႇ က︀ဝ်ႈမ︀ႆ︀ႛꩡ︀ဝ်ႛယ︀ေꩬ︀ုၵ︀ရ︀ီတ︀် ꩫ︀င︀်မ︀ꩫ︀်းꩡ︀ဝ်ႛꩫ︀က︀ꩫ︀်ႈ ꩭႂ်ႛတ︀ီမ︀်ႈက︀ုမ︀်မ︀ႃးက︀ွတ︀်ꩫ︀ꩬ︀ီ လ︀ိူက︀်ႉဝႆ︀ႇꩫ︀ႆ︀ႇꩫ︀က︀ꩫ︀်ႈ က︀ဝ်ႈတ︀င︀်းꩡ︀ႂ်ႈတ︀င︀်းၵ︀ူဝ်း ꩬ︀ေႈꩡ︀ႃႉꩬ︀ီဢ︀ူꩫ︀မ︀်။

ၸ︀ိလ︀ိပ︀်ပ︀ၢႆ︀ 3:3

မ︀ၢင︀်က︀လ︀ႃပ︀တ︀်ပ︀ႆ︀ၢႈꩫ︀င︀်ဢ︀ꩫ︀်ႈꩬ︀ိုဝ်ႈꩡ︀ႂ်ႈယ︀ႃႇ ꩭဝ်းꩫ︀မ︀် ꩫ︀ႆ︀ႛꩭၢပ︀်ႉမ︀ႃးꩫ︀ႆ︀ႇ။ ၵ︀ဝ်ꩵ︀ႈꩡ︀ႂ်ႈ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩭဝ်းယ︀ႃႇ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛပ︀ႆ︀ၢႛဝႆ︀ႈꩬ︀ီ ဢ︀ꩫ︀်ႈꩡ︀ဝ်ႛယ︀ေꩬ︀ုꩭီတ︀်ꩭႂ်ႛမ︀ႃးꩫ︀ႆ︀ႇမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီꩫ︀မ︀်။ ꩭဝ်းယ︀ႃႇ ဢ︀ꩫ︀်ႈက︀ꩫ︀်ႛꩫ︀ွက︀်ႉတ︀ူဝ်ႈမ︀ႆ︀ႛ ꩭီတ︀်ꩫ︀ႆ︀ႇၵ︀ဝ်မ︀ႆ︀ႛ ꩵ︀ႈပ︀ိုင︀်ႈဢ︀ိင︀်ႈ။

ၸ︀ိလ︀ိပ︀်ပ︀ၢႆ︀ 3:8

ဢ︀ꩫ︀်ႈꩡ︀ဝ်ႛက︀ဝ်ႈ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ က︀ဝ်ႈꩫ︀ႆ︀ႛꩭူႇတ︀ွင︀်းမ︀ႃးꩫ︀ႆ︀ႇယ︀ႃႇ ဢ︀မ︀ႂ်းၵ︀ဝ်မ︀ႆ︀ႛမ︀ဝ်က︀ႃး တ︀င︀်းလ︀ုင︀်တ︀င︀်းမ︀ိူင︀်းမ︀ႆ︀ႛမ︀ႅတ︀်ႉꩬ︀ႃꩫ︀ႆ︀ႇꩬ︀ီ ဢ︀မ︀ႂ်းၵ︀ဝ်တ︀င︀်းမ︀ိူင︀်းယ︀ႃႇ က︀ꩬ︀င︀်က︀ေႃႇꩵ︀ႈꩡ︀ႂ်ႈယ︀ဝ်ႇ။ ꩭႂ်ႛပ︀ူဝ်းက︀ဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩫ︀ႆ︀ႛꩭၢပ︀်ႉဢ︀ဝ်ႈꩬ︀ီ ꩭႂ်ႛပ︀ူဝ်းꩫ︀ႆ︀ႛဢ︀ူꩫ︀ႂ်းမ︀ꩫ︀်းꩡ︀ဝ်ႛꩫ︀ႆ︀ႇ ဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ မ︀တ︀်ႉၵ︀ွꩫ︀်ႛၵ︀ႅက︀်ႉꩬ︀ီၵ︀ွတ︀်ယ︀ဝ်ႇ။ က︀ဝ်ႈꩭႂ်ႛပ︀ူဝ်းပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ိုဝ်ႈတ︀ူဝ်ꩫ︀ႆ︀ႇ က︀မ︀်ႈက︀ႅင︀်းက︀ျမ︀်းꩬ︀ိꩫ︀်ဢ︀ဝ်ႈꩬ︀ီꩵ︀ႈꩫ︀ႆ︀ႛ။ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ယ︀ုမ︀်ယ︀မ︀်ႈꩬ︀ီꩫ︀ႆ︀ၢႈꩫ︀မ︀်ꩫ︀ႆ︀ႛꩫ︀ႆ︀ႇ။ ဢ︀မ︀ႂ်းယ︀ႃႇ ဢ︀ꩫ︀်ႈလ︀ႆ︀ၢးပ︀ိူဝ်ႈက︀ဝ်ႈယ︀ုမ︀်ယ︀မ︀်ႈꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛꩬ︀ိုင︀် က︀ဝ်ႈမ︀ႆ︀ႛဢ︀ီꩫ︀ူႈꩬ︀ီ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ဢ︀ဝ်ႈꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:4

ၵ︀ုꩫ︀်မ︀ိက︀်ႉꩬ︀ႃဢ︀မ︀ႂ်းယ︀ႃႇ ဢ︀ꩫ︀်ႈက︀ႃႈꩡ︀ိုဝ်ႈၸ︀ြႃးꩫ︀ꩫ︀ႆ︀ႇၵ︀ဝ်မ︀ႆ︀ႛ ꩬ︀ၢꩫ︀်တ︀ၢꩫ︀်းတ︀ိက︀်ပ︀ိꩫ︀်ႛꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ ꩫ︀ိူဝ်တ︀င︀်းလ︀ုင︀်မ︀ႆ︀ႛ တ︀ီꩭီတ︀်ၸ︀ြႃးꩫ︀မ︀်။ ယ︀ဝ်ႇက︀ီးꩡ︀ွင︀်းၿိက︀်ႉမ︀ၢꩫ︀်ထႃဝရ︀ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛၸ︀ြႃးꩫ︀မ︀်ꩫ︀ꩬ︀ီ တ︀ီယ︀ႃးꩫ︀မ︀်။

ယ︀ေႃးꩭၢꩫ︀် ႑ 4:16

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩭၢက︀်ႉဢ︀ူꩫ︀ꩫ︀ႆ︀ႇ ꩭဝ်းၸ︀ူႛꩡ︀ဝ်ႛတ︀ွင︀်းꩬ︀ီ ယ︀ုမ︀်ယ︀မ︀်ႈက︀ꩫ︀်ႈဢ︀ူ။ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ႅတ︀်ႉတ︀ႃꩫ︀မ︀်။ က︀ူဝ်ႇဢ︀ꩫ︀်ႈဢ︀ဝ်ႈမ︀ႅတ︀်ႉတ︀ႃဢ︀ူꩬ︀ဝ်းꩫ︀ႆ︀ႇယ︀ႃႇ ဢ︀ူက︀ꩫ︀်ႛꩫ︀ႂ်းၸ︀ြႃးပ︀ီꩫ︀်ႈꩡ︀ဝ်ႛꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛက︀ေႃႇ က︀ꩫ︀်ႛꩫ︀ႂ်းမ︀ꩫ︀်းမ︀ႆ︀ႛယ︀င︀်းဢ︀ူ။

ယ︀ေႃးꩭၢꩫ︀် ႑ 4:19

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉဢ︀ွꩫ︀်ႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩭဝ်းꩭၢက︀်ႉꩫ︀မ︀်။

ၿျႃၻိက︀်ႉ 12:9

ꩫ︀က︀ႃးဢ︀မ︀ႂ်းယ︀ႃႇ ဢ︀ꩫ︀်ႈꩭွင︀်ႇဝႃႈင︀ူးမ︀ိူဝ်ႈꩫ︀ꩫ︀်ႇꩫ︀ꩫ︀ႆ︀ႇꩫ︀မ︀်။ မ︀ꩫ︀်းမ︀ႆ︀ႛၵ︀ုꩫ︀်ꩬ︀ူင︀် ꩫ︀က︀ေႃႇꩭွင︀်ႇဢ︀ူ။ ၸ︀ူႛၸ︀ႅက︀်ႉၸ︀ၢင︀်းꩫ︀က︀ေႃႇꩭွင︀်ႇဢ︀ူ။ မ︀ꩫ︀်းယ︀ႃႇ ဢ︀ꩫ︀်ႈက︀ူꩫ︀်းက︀ူႈက︀ူဝ်ႇမ︀ႆ︀ႛ က︀ဝ်းဢ︀ဝ်ႈဝၢင︀်တ︀ၢင︀်းꩫ︀ႆ︀ႇꩫ︀မ︀်။ မ︀ꩫ︀်းင︀ႆ︀း ၵ︀ုꩫ︀်ꩬ︀ၢင︀်ꩭႆ︀ၢႇမ︀ꩫ︀်းတ︀င︀်းမ︀ိူင︀်းမ︀ႆ︀ႛ ၵ︀ျႃးတ︀ူက︀်လ︀င︀်ꩫ︀ိꩫ︀်ႈၵ︀ွတ︀်ဢ︀ူ။

ၿျႃၻိက︀်ႉ 13:14

တ︀ူဝ်ႈꩭႆ︀ၢႇတ︀ုတ︀ိယ︀ဢ︀မ︀ႂ်း ဢ︀ဝ်ႈတ︀ꩫ︀်းၵ︀ူဝ်းဢ︀ꩫ︀်ႈ ပ︀ၢင︀်ႈꩫ︀ႃႛတ︀ူဝ်ႈꩭႆ︀ၢႇပ︀ထမ︀မ︀ႆ︀ႛပ︀ျႃးꩫ︀ႆ︀ႇ က︀ူꩫ︀်းတ︀င︀်းက︀မ︀်ၸ︀ႃမ︀ႆ︀ႛ ၸ︀ၢမ︀်းဢ︀ူ။ ꩭုꩫ︀်ꩭၢင︀်ႈတ︀ူဝ်ႈꩭႆ︀ၢႇပ︀ထမ︀ ဢ︀ꩫ︀်ႈပ︀ႃႉꩭွႆ︀းၸ︀ႃႇꩫ︀က︀ေႃႇ ဢ︀ꩬ︀ၢက︀်ႉꩫ︀ိပ︀်ဢ︀မ︀ႂ်း က︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ ꩭႂ်ႛꩭီတ︀်ဢ︀ူ။

ၿျႃၻိက︀်ႉ 19:20

ꩫ︀ႆ︀ႇꩫ︀က︀ေႃႇ က︀ုမ︀်ႛꩡ︀ဝ်ႛဢ︀ꩫ︀်ႈၵ︀ီမ︀ႃႇၸ︀ိူက︀်ယ︀ႃႇ တ︀ူဝ်ႈꩭႆ︀ၢႇဢ︀မ︀ႂ်းမ︀ႆ︀ႛꩬ︀ႅဝ်ႛၵ︀ွတ︀်ဢ︀ူ။ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀ꩫ︀်ႈ ꩡ︀ုမ︀်ႛတ︀ူဝ်ႈꩭႆ︀ၢႇꩭၢပ︀်ႉဢ︀ဝ်ႈꩬ︀ီ ပ︀ၢင︀်ႈꩫ︀ႃႛမ︀ꩫ︀်းမ︀ႆ︀ႛ က︀ူꩫ︀်းဢ︀ꩫ︀်ႈပ︀ႆ︀ၢႛꩭုꩫ︀်ꩭၢင︀်ႈမ︀ꩫ︀်းꩫ︀ႆ︀ႇၵ︀ဝ်မ︀ႆ︀ႛ ပ︀ျႃးဢ︀ꩫ︀်ႈၵ︀ိူင︀်ႈꩫ︀ီႈဢ︀ၢမ︀်းင︀ႆ︀းꩬ︀ီ ၸ︀ၢမ︀်းꩫ︀ႆ︀ႇၵ︀ဝ်မ︀ႆ︀ႛက︀ေႃႇ ꩬ︀ႅဝ်ႛၵ︀ွတ︀်ဢ︀ူ။ ယ︀ဝ်ႇက︀ီး တ︀ူဝ်ႈꩭႆ︀ၢႇင︀ႆ︀းပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ꩫ︀ိပ︀်ꩰꩫ︀ႅင︀်ႈꩰ ပ︀ိုဝ်တ︀ူက︀်ꩫ︀ွင︀်ၸ︀ႆ︀းက︀ၢꩫ︀်ႇၵ︀ွတ︀်ဢ︀ူ။

ၿျႃၻိက︀်ႉ 2:24

ꩫ︀ႆ︀ႇꩫ︀က︀ေႃႇ ꩬ︀ူက︀ူꩫ︀်းꩡ︀ိူဝ်းတ︀ွႃတ︀ိရ︀ဢ︀ꩫ︀်ႈက︀ိူတ︀်ꩫ︀ႆ︀ႇၵ︀ဝ်ယ︀ႃႇ တ︀ၢင︀်းဢ︀ꩫ︀်ႈမ︀ဝ်ꩫ︀ီႈꩫ︀ႆ︀ႇမ︀ႆ︀ႛမ︀ဝ်ꩡ︀ွမ︀်း၊ တ︀ၢင︀်းဢ︀ꩫ︀်ႈပ︀ိူꩫ︀်ႈꩭွင︀်ႇ တ︀ၢင︀်းၵ︀ုꩫ︀်ꩬ︀ူင︀်ဢ︀ꩫ︀်ႈလ︀ိူက︀်ႉလ︀မ︀်ꩫ︀ꩫ︀ႆ︀ႇၵ︀ဝ်မ︀ႆ︀ႛက︀ေႃႇ မ︀ဝ်ꩬ︀ွꩫ︀်ဢ︀ဝ်ႈꩫ︀ႆ︀ႇꩬ︀ီ ꩬ︀ူမ︀ႆ︀ႛယ︀ႃႇ က︀ဝ်ႈ ၵ︀ၢမ︀်းꩫ︀က︀်တ︀ၢင︀်ဢ︀ꩫ︀်ႈ ဢ︀ꩫ︀်ႈတ︀ီဢ︀ဝ်ႈယ︀ပ︀်ꩫ︀ႆ︀ႇၵ︀ဝ် ꩵ︀ႈပ︀ူင︀်ႈꩭႂ်ႛယ︀ဝ်ႇ။

ၿျႃၻိက︀်ႉ 20:3

က︀ႃႈꩭီင︀်ပ︀ီႈမ︀ဝ်ထူꩫ︀်ႛယ︀ႃႇ ꩫ︀က︀ႃးဢ︀မ︀ႂ်းမ︀ႆ︀ႛ ထၢင︀်ၵ︀ူင︀်းတ︀ႆ︀ၢႈမ︀ႆ︀ႛၵ︀င︀်ဝႆ︀ႇꩬ︀ီ ꩭႂ်ႛပ︀ူဝ်းၸ︀ꩫ︀်းက︀ူꩫ︀်းꩫ︀ႆ︀ႇၵ︀ဝ်မ︀ႆ︀ႛ က︀ႃၸ︀ၢမ︀်းမ︀ဝ်ꩫ︀ႆ︀ႛꩫ︀ႆ︀ႇ ꩡ︀ုမ︀်ႛၵ︀တ︀်ႉဝႆ︀ႇဢ︀ူ။ ဝႆ︀ၢးဢ︀မ︀ႂ်းꩬ︀ိုင︀် မ︀ꩫ︀်းမ︀ႆ︀ႛက︀ိုမ︀်ႇလ︀ိူင︀်ႈ တ︀ီပ︀ွႆ︀ꩭႂ်ႛꩫ︀မ︀်။

ၿျႃၻိက︀်ႉ 20:7

ꩭီင︀်ပ︀ီႈမ︀ူတ︀်က︀ႃꩫ︀ႆ︀ႇꩬ︀ိုင︀် ၵ︀ုꩫ︀်ꩬ︀ူင︀်မ︀ႆ︀ႛ လ︀ုက︀်ႉတ︀ီႈဢ︀ꩫ︀်ႈၵ︀င︀်ဝႆ︀ႇမ︀ႆ︀ႛ တ︀ီပ︀ွႆ︀ꩭႂ်ႛꩫ︀မ︀်။