ရ︀ေႃမ︀ 8:37 - Khamti Shan

³⁷ ꩫ︀ႆ︀ႇꩫ︀က︀ေႃႇ မ︀ဝ်ဢ︀ဝ်ႈၸ︀ၢက︀်ႉꩬ︀ေႇမ︀ဝ်က︀ႃး ꩭဝ်းမ︀ႆ︀ႛက︀ꩬ︀င︀်ပ︀ီꩫ︀်ႈမ︀ႃးꩫ︀က︀ေႃႇ ꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩫ︀ႆ︀ႇ ꩡ︀ွႆ︀ႈꩭႂ်ႛꩫ︀ႆ︀ႇꩬ︀ီ ဢ︀မ︀ႂ်းၵ︀ဝ်တ︀င︀်းမ︀ိူင︀်းမ︀ႆ︀ႛ ꩭဝ်းပ︀ေႇဢ︀ွင︀်မ︀ူတ︀်ꩰဢ︀ူ။

ရ︀ေႃမ︀ 8:37 ပူးပေါင်းရင်းမြစ်များ

ယ︀ေႃးꩭၢꩫ︀် 16:33

က︀ဝ်ႈꩬ︀ူမ︀ႆ︀ႛ ဢ︀ꩫ︀်ႈꩫ︀ႆ︀ႇၵ︀ဝ်ဝႃႈꩫ︀ႆ︀ႇ ꩭႂ်ႛပ︀ူဝ်းꩬ︀ူက︀ဝ်ႈမ︀ႆ︀ႛပ︀ိုင︀်ႈဢ︀ိင︀်ႈꩬ︀ီ ꩫ︀ႆ︀ႛယ︀ီꩫ︀်ႈꩡ︀ႂ်ႈယ︀ီꩫ︀်ႈၵ︀ူဝ်းꩫ︀ႆ︀ႇꩫ︀မ︀်။ မ︀ိူင︀်းက︀ၢင︀်ႈꩫ︀ႆ︀ႇ ꩬ︀ူမ︀ႆ︀ႛတ︀ီꩫ︀ိက︀်ႉꩬ︀ၢက︀်ႉꩫ︀မ︀်။ ꩫ︀ႆ︀ႇꩫ︀က︀ေႃႇ ꩭတ︀်ꩭၢꩫ︀်က︀ꩫ︀်ႈတ︀ႃႉ။ က︀ဝ်ႈတ︀ꩫ︀်းၵ︀ူဝ်းမ︀ိူင︀်းက︀ၢင︀်ႈမ︀ႆ︀ႛပ︀ေႇယ︀ဝ်ႇ” ꩫ︀ဝꩫ︀်ႇ။

ရ︀ေႃမ︀ 8:35

င︀ႆ︀းꩫ︀ႆ︀ႇꩬ︀ီ ꩭဝ်းမ︀ႆ︀ႛ လ︀ုက︀်ႉမ︀ႅတ︀်ႉတ︀ႃꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ႂ်က︀ေႃႇဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛ။ ဢ︀ꩫ︀်ႈၻုက︀်ႉၵ︀၊ ဢ︀ꩫ︀်ႈက︀ပ︀်ႉယ︀ၢက︀်ႉ၊ ဢ︀ꩫ︀်ႈပ︀ိူꩫ︀်ႈꩫ︀ိက︀်ႉꩬ︀ၢက︀်ႉ၊ ဢ︀ꩫ︀်ႈဢ︀ိုပ︀်က︀ိꩫ︀်ႈ၊ ဢ︀ꩫ︀်ႈယ︀ၢက︀်ႉၸ︀ၢꩫ︀်၊ ဢ︀ꩫ︀်ႈပ︀ီꩫ︀်ႈၸ︀ေး၊ ဢ︀ꩫ︀်ႈပ︀ိူꩫ︀်ႈဢ︀ဝ်ႈတ︀ႆ︀ၢႈꩫ︀ႆ︀ႇၵ︀ဝ်ယ︀ႃႇ ꩭဝ်းမ︀ႆ︀ႛလ︀ုက︀်ႉမ︀ႅတ︀်ႉတ︀ႃမ︀ꩫ︀်းꩡ︀ဝ်ႛမ︀ႆ︀ႛ ဢ︀ဝ်ႈၸ︀ၢက︀်ႉက︀ႃꩵ︀ႈꩫ︀ႆ︀ႛပ︀ိူင︀်ႈလ︀ူင︀်။

က︀ေႃရ︀ိꩫ︀်တ︀ု ႑ 15:54

မ︀ိူဝ်ႈင︀ႆ︀းꩬ︀ီ တ︀ူဝ်ႈꩭဝ်းဢ︀ꩫ︀်ႈမ︀ဝ်မ︀ꩫ︀်ႛတ︀ိူင︀်ႈꩫ︀ႆ︀ႇ လ︀ွက︀်ႉလ︀ႆ︀ၢႈပ︀ီꩫ︀်ႈတ︀ူဝ်ႈဢ︀ꩫ︀်ႈမ︀ꩫ︀်ႛတ︀ိူင︀်ႈက︀ႃꩬ︀ီ ဢ︀ꩫ︀်ႈတ︀ႆ︀ၢႈꩡ︀ၢင︀်ႈꩫ︀ႆ︀ႇ လ︀ွက︀်ႉလ︀ႆ︀ၢႈပ︀ီꩫ︀်ႈတ︀ူဝ်ႈဢ︀ꩫ︀်ႈမ︀ဝ်တ︀ႆ︀ၢႈꩡ︀ၢင︀်ႈမ︀ႃးꩫ︀ႆ︀ႇ ဢ︀ꩫ︀်ႈက︀ျမ︀်းလ︀ိက︀်ႉမ︀ႆ︀ႛ “တ︀ၢင︀်းတ︀ႆ︀ၢႈယ︀ႃႇ ꩬ︀ုမ︀်းက︀ႃယ︀ဝ်ႇ” ꩫ︀ꩬ︀ီဝႃႈဝႆ︀ႇꩫ︀ႆ︀ႇ တ︀ီပ︀ီꩫ︀်ႈမ︀ႃးꩫ︀မ︀်။

က︀ေႃရ︀ိꩫ︀်တ︀ု ႑ 15:57

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩭဝ်းမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀် ဢ︀ဝ်ႈပ︀ေႇဢ︀ွင︀်ꩭႂ်ႛမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ က︀ျေးꩡ︀ူးတ︀ၢင︀်လ︀ူင︀်ꩫ︀မ︀်။

က︀ေႃရ︀ိꩫ︀်တ︀ု ႒ 12:19

တ︀ူႈၵ︀ႆ︀ႇလ︀ိူင︀်ႈဝႃႈမ︀ႃးꩫ︀ႆ︀ႇ ဢ︀ꩫ︀်ႈပ︀ၢင︀်ႈꩫ︀ႃႛꩬ︀ူမ︀ႆ︀ႛ ၸ︀ူႛꩡ︀ဝ်ႛမ︀ႆ︀ႛၸ︀ူႛꩡ︀ဝ်ႛ က︀ုမ︀်ႇၵ︀ႅꩫ︀်ꩵ︀ႈꩡ︀ႂ်ႈပ︀ိူင︀်ႈလ︀ူင︀်။ ဢ︀ꩫ︀်ႈပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩫ︀င︀်ꩡ︀ဝ်ႛၵ︀ရ︀ီတ︀်ꩭႂ်ႛဝႃႈꩫ︀က︀ꩫ︀်ႈ ဝႃႈꩫ︀ႆ︀ၢႈꩫ︀မ︀်။ ပ︀ီႈꩫ︀ွင︀်ႇၵ︀ဝ်ꩴ︀း ဢ︀ꩫ︀်ႈတ︀ူႈꩭီတ︀်ꩫ︀ႆ︀ႇၵ︀ဝ်တ︀င︀်းမ︀ိူင︀်း ꩡ︀ႃႇဢ︀က︀ိဝ်းꩬ︀ူꩫ︀ႆ︀ၢႈꩫ︀မ︀်။

က︀ေႃရ︀ိꩫ︀်တ︀ု ႒ 12:9

ꩫ︀ႆ︀ႇꩫ︀က︀ေႃႇ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ “ဢ︀ꩫ︀်ႈမ︀ႂ်းꩭၢင︀်ႇꩫ︀ႆ︀ႇယ︀ႃႇ က︀ျေးꩡ︀ူးက︀ဝ်ႈꩫ︀ႆ︀ၢႈꩫ︀မ︀်။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး မ︀ိူဝ်ႈမ︀ႂ်းꩭႅင︀်းဢ︀ေꩫ︀ႆ︀ႇꩬ︀ိုင︀် တ︀ꩫ︀်းၵ︀ူဝ်းက︀ဝ်ႈမ︀ႆ︀ႛ ꩭꩫ︀်ꩡ︀ုꩫ︀်ႈꩰꩫ︀မ︀်” ꩫ︀ꩬ︀ီဝႃႈမ︀ႃးဢ︀ူ။ င︀ႆ︀းꩫ︀ႆ︀ႇꩬ︀ီ တ︀ꩫ︀်းၵ︀ူဝ်းꩡ︀ဝ်ႛၵ︀ရ︀ီတ︀် ꩡ︀ႃႇꩭီတ︀်ဢ︀မ︀ူးမ︀ꩫ︀်းꩡ︀ဝ်ႛ ꩭႂ်ႛပ︀ူဝ်းက︀ဝ်ႈမ︀ႆ︀ႛယ︀င︀်းဢ︀ူꩫ︀ႆ︀ႇ ဢ︀ꩫ︀်ႈက︀ဝ်ႈꩭႅင︀်းဢ︀ေမ︀ႆ︀ႛ က︀ဝ်ႈꩭုမ︀်ꩰꩡ︀ူမ︀်းꩰတ︀ီက︀မ︀်ႇလ︀ွင︀်ႛဢ︀ူꩫ︀မ︀်။

က︀ေႃရ︀ိꩫ︀်တ︀ု ႒ 2:14

ꩫ︀ႆ︀ႇꩫ︀က︀ေႃႇ တ︀ူႈယ︀ႃႇ ဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ဝ်ႈပ︀ီꩫ︀်ႈလ︀ႆ︀ၢးမ︀ꩫ︀်းꩡ︀ဝ်ႛꩭႂ်ႛꩬ︀ီ မ︀ꩫ︀်းꩡ︀ဝ်ႛမ︀ႆ︀ႛ တ︀ူႈက︀ျေးꩡ︀ူးတ︀ၢင︀်လ︀ူင︀်ꩫ︀မ︀်။ လ︀ႆ︀ၢးဢ︀မ︀ႂ်းယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်ယ︀ႃႇ ပ︀ီꩫ︀်ႈꩡ︀ဝ်ႛပ︀ေႇဢ︀ွင︀်င︀ႆ︀းꩬ︀ီ တ︀ူႈယ︀ႃႇ ပ︀ီꩫ︀်ႈၸ︀ူႛꩬ︀ုမ︀်းꩬ︀ိူက︀်င︀ႆ︀းꩫ︀က︀ꩫ︀်ႈꩫ︀မ︀်။ ꩫ︀ႆ︀ႇꩬ︀ေႇမ︀ဝ်က︀ႃး ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛတ︀ွင︀်းမ︀ႃးꩫ︀ႆ︀ႇက︀ေႃႇ ꩫ︀င︀်ပ︀ွႆ︀ဢ︀ႆ︀ၢႈꩫ︀မ︀်ႇꩭွမ︀်ꩫ︀က︀ꩫ︀်ႈ ꩭႂ်ႛပ︀ူဝ်းက︀ူႈတ︀ီႈမ︀ႆ︀ႛ တ︀ူႈက︀ႃယ︀ႃးꩫ︀ႆ︀ႛꩫ︀ႆ︀ႇ တ︀ူႈမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛꩡ︀ွႆ︀ႈꩭႂ်ႛꩬ︀ီဢ︀ူꩫ︀မ︀်။

က︀လ︀ႃတ︀ိ 2:20

င︀ႆ︀းꩫ︀ႆ︀ႇꩬ︀ီ က︀ဝ်ႈယ︀ႃႇ င︀ႆ︀ႚꩵ︀ႈယ︀င︀်းယ︀ဝ်ႇ။ ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀မ︀် က︀ꩫ︀်ႛꩫ︀ႂ်းက︀ဝ်ႈမ︀ႆ︀ႛ ဢ︀ꩬ︀ၢက︀်ႉꩫ︀ိပ︀်ဢ︀ူꩫ︀ႆ︀ႇ။ င︀ႆ︀ႚက︀ဝ်ႈဢ︀ꩬ︀ၢက︀်ႉꩫ︀ိပ︀်ꩬ︀ီဢ︀ူꩫ︀ႆ︀ႇယ︀ႃႇ ဢ︀ဝ်ႈတ︀ၢင︀်းဢ︀ꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛယ︀ုမ︀်ယ︀မ︀်ႈပ︀ိုင︀်ႈဢ︀ိင︀်ႈꩫ︀မ︀်။ လ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ က︀ဝ်ႈမ︀ႆ︀ႛꩭၢက︀်ႉꩬ︀ီ ꩡ︀ႃႇက︀ဝ်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။

ဢ︀ေၸ︀ႅတ︀် 5:2

ꩫ︀င︀်ꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀က︀ꩫ︀်ႈ ꩭီတ︀်က︀ꩬ︀င︀်ꩫ︀က︀ေႃႇ ဢ︀ဝ်ႈမ︀ႅတ︀်ႉတ︀ႃꩫ︀ႆ︀ၢႈꩬ︀င︀်ꩭီတ︀်က︀ꩫ︀်ႈတ︀ႃႉ။ မ︀ꩫ︀်းꩡ︀ဝ်ႛယ︀ႃႇ ꩭဝ်းမ︀ႆ︀ႛꩭၢက︀်ႉၸ︀ႅဝ်ꩫ︀ႆ︀ႇꩬ︀ီ ဢ︀ဝ်ႈဢ︀ꩬ︀ၢက︀်ႉမ︀ꩫ︀်းꩡ︀ဝ်ႛၵ︀ႅက︀်ꩡ︀ဝ်ႛꩬ︀ီ ၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ ဢ︀ꩫ︀်ႈမ︀ꩫ︀်းꩡ︀ဝ်ႛꩡ︀ႃႇꩭဝ်း ၵ︀ႅက︀်ꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႃးꩡ︀ႂ်ႈလ︀ူင︀်ꩫ︀မ︀်။

တ︀ႅတ︀်ꩬ︀ႃလ︀ေႃꩫ︀ိက︀် ႒ 2:16

ꩡ︀ဝ်ႛယ︀ေꩬ︀ုၵ︀ရ︀ီတ︀်တ︀င︀်း ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩭဝ်းမ︀ႆ︀ႛꩭၢက︀်ႉꩭွမ︀်ဢ︀ီꩫ︀ူႈꩬ︀ီ ဢ︀ꩫ︀်ႈꩭဝ်းမ︀ုင︀်ႈမ︀ွင︀်းမ︀ႆ︀ႛ ဢ︀ဝ်ႈၵ︀ိူင︀်က︀ိုမ︀်းꩭႂ်ႛ၊ ဢ︀ꩫ︀်ႈꩭဝ်းမ︀ႆ︀ႛ ဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃတ︀ေႇတ︀ေႇꩭႂ်ႛꩫ︀ႆ︀ႇꩭႂ်ႛပ︀ူဝ်းꩬ︀ူမ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ လ︀ွင︀်ႈꩫ︀ီႈက︀ူႈၸ︀ꩫ︀်းက︀ူႈမ︀ိဝ်း တ︀ၢꩫ︀်ႛပ︀ီꩫ︀်ႈꩭီတ︀်ပ︀ီꩫ︀်ႈꩫ︀ႆ︀ႇ ꩬ︀ူမ︀ႆ︀ႛꩭႅင︀်းꩡ︀ႂ်ႈ၊ ꩭႅင︀်းၵ︀ွꩫ︀်ꩭႂ်ႛထႅမ︀်က︀ႃတ︀ႃႉ။

ယ︀ေႃးꩭၢꩫ︀် ႑ 4:10

ꩫ︀ႆ︀ႇယ︀ႃႇ မ︀ႅတ︀်ႉတ︀ႃဢ︀ꩫ︀်ႈꩡ︀ႅတ︀်ႉꩫ︀မ︀်။ မ︀ႅတ︀်ႉတ︀ႃꩫ︀ႆ︀ႇယ︀ႃႇ ဢ︀ꩫ︀်ႈꩭဝ်းၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩭၢက︀်ႉꩵ︀ႈꩡ︀ႂ်ႈ။ ဢ︀ꩫ︀်ႈၸ︀ြႃးပ︀ီꩫ︀်ႈꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ꩭႂ်ႛပ︀ူဝ်းဢ︀ပ︀ႅတ︀်ႉꩭဝ်းမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီၵ︀ၢမ︀်ꩭႂ်ႛꩫ︀ႆ︀ႇ လ︀ုက︀်ႉမ︀ꩫ︀်းꩡ︀ဝ်ႛမ︀ႆ︀ႛ ꩭီတ︀်တ︀ူဝ်ႈၵ︀ႅက︀်ꩬ︀ီ ပ︀ွႆ︀ꩡ︀ႂ်ႇမ︀ႃးယ︀ဝ်ႇ။

ယ︀ေႃးꩭၢꩫ︀် ႑ 4:19

ꩭဝ်းမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ꩭၢက︀်ႉဢ︀ွꩫ︀်ႈမ︀ႃးꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛမ︀ႆ︀ႛꩭဝ်းꩭၢက︀်ႉꩫ︀မ︀်။

ယ︀ေႃးꩭၢꩫ︀် ႑ 4:4

ꩫ︀ႆ︀ႇꩫ︀က︀ေႃႇ လ︀ုက︀်ႉꩭၢက︀်ႉက︀ဝ်ႈၵ︀ဝ်ꩴး ꩬ︀ူပ︀ီꩫ︀်ႈလ︀ုက︀်ႉၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇꩬ︀ီ ပ︀ရ︀ေႃးၸ︀ႅတ︀်ႉမ︀ိက︀်ႉꩬ︀ႃဢ︀မ︀ႂ်းၵ︀ဝ်မ︀ႆ︀ႛ ပ︀ေႇဢ︀ွင︀်ယ︀ဝ်ႇ။ က︀ွပ︀်ႉပ︀ိူဝ်က︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ဢ︀ꩫ︀်ႈက︀ꩫ︀်ႛꩫ︀ႂ်းꩬ︀ူမ︀ႆ︀ႛၵ︀ိင︀်းꩫ︀ႆ︀ႇယ︀ႃႇ ၵ︀ွꩫ︀်ဢ︀ꩫ︀်ႈဢ︀ူပ︀ႃႛက︀ူꩫ︀်းမ︀ိူင︀်းက︀ၢင︀်ႈၵ︀ဝ်မ︀ႆ︀ႛ တ︀ꩫ︀်းၵ︀ူဝ်းယ︀ႂ်ꩬ︀ႃꩬ︀ီꩫ︀မ︀်။

ယ︀ုတ︀ 1:24

ၸ︀ြႃးပ︀ီꩫ︀်ႈꩡ︀ဝ်ႛ ၸ︀ူႛပ︀ီꩫ︀်ႈၸ︀ြႃးꩬ︀ူလ︀ိဝ်ႈ၊ ꩡ︀ဝ်ႛၵ︀ေꩬ︀ေꩭဝ်း၊ ဢ︀ꩫ︀်ႈꩬ︀ူမ︀ႆ︀ႛ ꩭႂ်ႛပ︀ူဝ်းမ︀ဝ်လ︀ူမ︀်ႇꩫ︀ႂ်းဢ︀ပ︀ႅတ︀်ႉꩫ︀ႆ︀ႇ က︀ုမ︀်ႇၵ︀ႅꩫ︀်ꩭႂ်ႛပ︀ီꩫ︀်ႈ၊ ဢ︀ꩫ︀်ႈꩭႂ်ႛပ︀ူဝ်းꩬ︀ူပ︀ၢင︀်ႈꩫ︀ႃႛမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ူꩫ︀်ႈၸ︀ုင︀်းꩭိူဝ်ႈꩭိုင︀်းမ︀ႆ︀ႛက︀ေႃႇ ဢ︀ꩫ︀်ႈဝႃႈတ︀ီတ︀ၢင︀်ဢ︀ပ︀ႅတ︀်ႉမ︀ဝ်ယ︀င︀်းꩬ︀ီ ꩡ︀ူမ︀်းꩰꩭုမ︀်ꩰဢ︀ဝ်ႈထိုင︀်ꩭႂ်ႛပ︀ီꩫ︀်ႈမ︀ႆ︀ႛ ဢ︀ဝ်ႈတ︀ၢင︀်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩭဝ်းꩬ︀ီ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ မ︀ူꩫ︀်ႈၸ︀ုင︀်း၊ ဢ︀ႃꩫ︀ုပ︀ေႃ၊ တ︀ꩫ︀်းၵ︀ူဝ်းင︀ႆ︀း ဢ︀ႃꩫ︀ႃꩫ︀ႆ︀ႇၵ︀ဝ် လ︀ုက︀်ႉင︀ႆ︀ႚက︀ူဝ်ꩬ︀ီ ထႃဝရ︀ꩭႂ်ႛယ︀င︀်းတ︀ီၵ︀ႃႛက︀တ︀ႃႉ။ ꩬ︀ႃႈထု။

ၿျႃၻိက︀်ႉ 1:5

ꩡ︀ဝ်ႛယ︀ေꩬ︀ုၵ︀ရ︀ီတ︀် ꩡ︀ဝ်ႛꩬ︀ၢက︀်ႉꩬ︀ေဢ︀ꩫ︀်ႈꩬ︀ႅတ︀်ႉꩡ︀ႃယ︀င︀်း၊ ဢ︀ꩫ︀်ႈလ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ဢ︀ွꩫ︀်ႈတ︀ၢင︀်းလ︀ေႚလ︀ေႚꩫ︀ိပ︀်ပ︀ွက︀်ႉမ︀ႃးꩬ︀ီ ဢ︀ꩫ︀်ႈꩡ︀ဝ်ႛꩭူဝ်ၵ︀မ︀်းမ︀ိူင︀်းက︀ၢင︀်ႈတ︀င︀်းလ︀ုင︀်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇက︀ေႃႇ ꩬ︀ူꩡ︀ဝ်ႛမ︀ႆ︀ႛ ဢ︀ီꩫ︀ူႈꩭၢက︀်ႉꩭွမ︀်ꩬ︀ီ ꩭႂ်ႛဢ︀ဝ်ႈက︀တ︀်ယ︀ီꩫ︀်ႈၵ︀ႅမ︀်းꩬ︀ႃက︀တ︀ႃႉ။ မ︀ꩫ︀်းꩡ︀ဝ်ႛ ꩭဝ်းမ︀ႆ︀ႛꩭၢက︀်ႉꩫ︀ႆ︀ႇꩬ︀ီ ဢ︀ဝ်ႈꩫ︀ိူတ︀်ႉမ︀ꩫ︀်းꩡ︀ဝ်ႛ လ︀ုက︀်ႉဢ︀ပ︀ႅတ︀်ႉꩭဝ်းမ︀ႆ︀ႛ ဢ︀ဝ်ႈလ︀ွတ︀်ႉꩭႂ်ႛယ︀ဝ်ႇက︀ီး

ၿျႃၻိက︀်ႉ 12:11

ၵ︀ုꩫ︀်ꩬ︀ူင︀်ဢ︀ꩫ︀်ႈ ၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ်မ︀ႆ︀ႛ တ︀ၢင︀်ဢ︀ပ︀ႅတ︀်ႉမ︀ႆ︀ႛ ဢ︀ဝ်ႈꩫ︀ိူတ︀်ႉပ︀ူႇဢ︀ွꩫ︀်ꩫ︀ၵ︀ႃ ဢ︀ဝ်ႈၵ︀ၢဝ်ႈၵ︀ၢမ︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈၵ︀ဝ်တ︀ႅဝ်ꩫ︀ႆ︀ႇ ပ︀ေႇဢ︀ွင︀်ယ︀ဝ်ႇ။ ၵ︀ဝ်ယ︀ႃႇ ꩬ︀င︀်ဝႃႈထုက︀်ꩫ︀ီႈတ︀ႆ︀ၢႈက︀ီး ၵ︀ၢမ︀်တ︀ႆ︀ၢႈက︀ွတ︀်ꩫ︀ꩬ︀ီတ︀မ︀ိူင︀်း ꩭႅမ︀်းဝႆ︀ႇက︀ꩫ︀်ႈဢ︀ူ။

ၿျႃၻိက︀်ႉ 17:14

ꩡ︀ဝ်ႛꩭူဝ်ၵ︀မ︀်းꩫ︀ႆ︀ႇၵ︀ဝ် ပ︀ူႇဢ︀ွꩫ︀်မ︀ႆ︀ႛ တ︀ီတ︀ိက︀်ꩬ︀ိူက︀်ꩫ︀မ︀်။ ꩫ︀ႆ︀ႇꩫ︀က︀ေႃႇ ပ︀ူႇဢ︀ွꩫ︀်ယ︀ႃႇ ပ︀ီꩫ︀်ႈꩡ︀ဝ်ႛꩫ︀ိူဝ်ꩡ︀ဝ်ႛတ︀င︀်းမ︀ိူင︀်း၊ ꩡ︀ဝ်ႛꩭူဝ်ၵ︀မ︀်းꩫ︀ိူဝ်ꩡ︀ဝ်ႛꩭူဝ်ၵ︀မ︀်းတ︀င︀်းမ︀ိူင︀်းꩫ︀ႆ︀ႇꩬ︀ီ ၵ︀ဝ်မ︀ႆ︀ႛတ︀ီပ︀ေႇꩫ︀မ︀်။ က︀ူꩫ︀်းမ︀ꩫ︀်းꩡ︀ဝ်ႛ ဢ︀ꩫ︀်ႈမ︀ꩫ︀်းꩡ︀ဝ်ႛꩭွင︀်ႇဝႆ︀ႇ၊ လ︀ိူက︀်ႉဝႆ︀ႇꩬ︀ီ ꩬ︀ႅတ︀်ႉꩡ︀ႃယ︀င︀်းꩫ︀ႆ︀ႇၵ︀ဝ်က︀ေႃႇ တ︀င︀်းမ︀ꩫ︀်းꩡ︀ဝ်ႛ တ︀ီꩭူမ︀်ႈပ︀ေႇဢ︀ွင︀်ꩫ︀မ︀်” ꩫ︀ဝꩫ︀်ႇ။

ၿျႃၻိက︀်ႉ 21:7

က︀ူဝ်ႇဢ︀ꩫ︀်ႈပ︀ေႇဢ︀ွင︀်ꩫ︀ႆ︀ႇၵ︀ဝ်ယ︀ႃႇ ဢ︀ꩫ︀်ႈꩫ︀ႆ︀ႇၵ︀ဝ် တ︀ီꩫ︀ႆ︀ႛဢ︀မ︀ွေꩫ︀မ︀်။ က︀ဝ်ႈပ︀ီꩫ︀်ႈၸ︀ြႃးၵ︀ဝ်ꩬ︀ီ ၵ︀ဝ်က︀ေႃႇတ︀ီပ︀ီꩫ︀်ႈလ︀ုက︀်ႉက︀ဝ်ႈၵ︀ဝ်ꩫ︀မ︀်။

ၿျႃၻိက︀်ႉ 3:9

က︀ဝ်ႈဝႃႈက︀ွတ︀်။ က︀ုမ︀်ႛၵ︀ုꩫ︀်ꩬ︀ူင︀် ၸ︀ူႛၸ︀ႅတ︀်ႉ ဢ︀ꩫ︀်ႈꩭႅꩫ︀်းꩭီတ︀်က︀ျူးꩫ︀ႆ︀ႇၵ︀ဝ်မ︀ႆ︀ႛယ︀ႃႇ တ︀ႆ︀ၢႛတ︀ိꩫ︀်ႈမ︀ႂ်းမ︀ႆ︀ႛ တ︀ီမ︀ႃးꩭႂ်ႛၵ︀ုပ︀်ႉၵ︀ဝ်ꩫ︀မ︀်။ ꩭီတ︀်င︀ႆ︀းꩬ︀ီ မ︀ႂ်းမ︀ႆ︀ႛက︀ဝ်ႈꩭၢက︀်ႉဢ︀ူꩫ︀ꩫ︀ႆ︀ႇ ၵ︀ဝ်မ︀ႆ︀ႛတ︀ီꩭႂ်ႛတ︀ွင︀်းꩫ︀မ︀်။