ရ︀ေႃမ︀ 8:34 - Khamti Shan

³⁴ င︀ႆ︀းꩫ︀ႆ︀ႇꩬ︀ီ ၸ︀ႂ်ꩫ︀ႆ︀ၵ︀ဝ်မ︀ႆ︀ႛ ပ︀ိꩫ︀်ႇဢ︀ပ︀ႅတ︀်ႉꩫ︀ႆ︀ႛꩫ︀ႆ︀ႇ။ ၸ︀ႂ်က︀ေႃႇꩵ︀ႈꩫ︀ႆ︀ႛ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛ ၵ︀ၢမ︀်တ︀ႆ︀ၢႈꩭႂ်ႛꩫ︀ႆ︀ႇꩬ︀ေႇမ︀ဝ်က︀ႃး လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛꩫ︀ိပ︀်ပ︀ွက︀်ႉမ︀ႃးꩬ︀ီ ပ︀ႃႛၵ︀ႃမ︀ိုဝ်းပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈင︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭဝ်းဝွꩫ︀်းၵ︀ႅꩫ︀်းꩭႂ်ႛဢ︀ူꩬ︀ီꩫ︀မ︀်။

ရ︀ေႃမ︀ 8:34 ပူးပေါင်းရင်းမြစ်များ

မ︀တ︀်တ︀ႄး 20:28

က︀ဝ်ႈၸ︀ူႛပ︀ီꩫ︀်ႈလ︀ုက︀်ႉက︀ူꩫ︀်းꩫ︀ႆ︀ၢႈက︀ေႃႇ မ︀ိူင︀်းက︀ၢင︀်ႈမ︀ႆ︀ႛက︀ျွႃးမ︀ႃးꩫ︀ႆ︀ႇ မ︀ႃးꩭီတ︀်ꩡ︀ဝ်ႛꩵ︀ႈꩡ︀ႂ်ႈ။ ꩭီတ︀်ၸ︀ူႛꩡ︀ႂ်ႇꩬ︀ီ ꩭႂ်ႛပ︀ူဝ်းက︀ူꩫ︀်းꩫ︀ႆ︀ႇၵ︀ဝ် လ︀ုက︀်ႉဢ︀ပ︀ႅတ︀်ႉမ︀ႆ︀ႛလ︀ွတ︀်ႉꩫ︀ႆ︀ႇ ဢ︀ဝ်ႈဢ︀ꩬ︀ၢက︀်ႉက︀ဝ်ႈၸ︀ူႛꩡ︀ဝ်ႛ မ︀ႃးꩬ︀ေထွတ︀်ပ︀ွက︀်ႉက︀ွတ︀်ꩫ︀ꩫ︀မ︀်” ꩫ︀ဝꩫ︀်ႇ။

မ︀ႃက︀ု 16:19

င︀ႆ︀းꩬ︀ီ တ︀ပ︀ေးꩡ︀ဝ်ႛၵ︀ဝ်မ︀ႆ︀ႛꩬ︀ွꩫ︀်ꩬ︀င︀်ယ︀ဝ်ႇက︀ီး မ︀ꩫ︀်းꩡ︀ဝ်ႛမ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛ ဢ︀ဝ်ႈၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ꩬ︀ီ ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ဝ်ႛယ︀ေꩬ︀ု ꩫ︀င︀်ႈꩬ︀ီဢ︀ူဢ︀ူ။

ယ︀ေႃးꩭၢꩫ︀် 14:19

မ︀ဝ်ꩭိုင︀်က︀ꩬ︀င︀် မ︀ိူင︀်းက︀ၢင︀်ႈꩫ︀ႆ︀ႇ က︀ဝ်ႈမ︀ႆ︀ႛꩵ︀ႈꩫ︀ႆ︀ႛꩭꩫ︀်ယ︀ဝ်ႇ။ ꩫ︀ႆ︀ႇꩫ︀က︀ေႃႇꩬ︀ူယ︀ႃႇꩫ︀ႆ︀ႛꩭꩫ︀်ဢ︀ူ။ က︀ဝ်ႈဢ︀ꩬ︀ၢက︀်ႉတ︀ီꩫ︀ိပ︀်ဢ︀ူꩫ︀ႆ︀ႇꩬ︀ီ ꩬ︀ူက︀ေႃႇတ︀ီꩫ︀ႆ︀ႛꩫ︀ိပ︀်ꩫ︀မ︀်။

ယ︀ေႃးꩭၢꩫ︀် 16:23

မ︀ိူဝ်ႈဢ︀မ︀ႂ်းယ︀ႃႇ ꩬ︀ူက︀ဝ်ႈမ︀ႆ︀ႛꩵ︀ႈဝႃႈယ︀ွꩫ︀်းယ︀ဝ်ႇ။ က︀ဝ်ႈꩬ︀ိုဝ်ႈꩰဝႃႈက︀ွတ︀်။ ပ︀ူဝ်ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ က︀ꩡ︀ူးဢ︀ဝ်ႈꩡ︀ိုဝ်ႈက︀ဝ်ႈယ︀ွꩫ︀်းꩫ︀ႆ︀ႛဢ︀ူ။ မ︀ꩫ︀်းꩡ︀ဝ်ႛက︀ေႃႇ ဢ︀ꩫ︀်ႈꩫ︀င︀်ꩬ︀ူယ︀ွꩫ︀်းꩫ︀ႆ︀ႇꩭႂ်ႛဢ︀ူ။

ထဝ်ꩡ︀တ︀်ႉၵ︀ဝ် 2:24

ꩫ︀ႆ︀ႇꩫ︀က︀ေႃႇ မ︀ꩫ︀်းꩡ︀ဝ်ႛမ︀ႆ︀ႛၵ︀ုꩫ︀်တ︀ႆ︀ၢႈꩫ︀ႆ︀ႇ ၸ︀ုက︀်ဝႆ︀ႇလ︀ေႚလ︀ေႚꩵ︀ႈပ︀ီꩫ︀်ႈ။ င︀ႆ︀းꩫ︀ႆ︀ႇꩬ︀ီ ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ မ︀ꩫ︀်းꩡ︀ဝ်ႛမ︀ႆ︀ႛ လ︀ုက︀်ႉတ︀ꩫ︀်းၵ︀ူဝ်းၵ︀ုꩫ︀်တ︀ႆ︀ၢႈမ︀ႆ︀ႛ ဢ︀ဝ်ႈလ︀ွတ︀်ႉဢ︀ွက︀်ꩬ︀ီ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ရ︀ေႃမ︀ 14:13

င︀ႆ︀းꩫ︀ႆ︀ႇꩬ︀ီ ပ︀ိူꩫ︀်ႈမ︀ႆ︀ႛပ︀ီပ︀ႅတ︀်ႉတ︀ြႃးက︀ꩫ︀်ႈယ︀ဝ်ႇ။ ꩭႂ်ႛပ︀ူဝ်း ပ︀ိူꩫ︀်ႈꩭီတ︀်ၸ︀ိတ︀်ꩫ︀ႆ︀ႇက︀ေႃႇ မ︀ိူဝ်ႈလ︀ႂ်ႈက︀ေႃႇ ꩵ︀ႈꩭီတ︀်ယ︀ဝ်ႇꩫ︀ꩬ︀ီ တ︀ႅပ︀်တ︀တ︀်က︀ꩫ︀်ႈတ︀ႃႉ။

ရ︀ေႃမ︀ 14:9

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ꩭႂ်ႛပ︀ူဝ်းၸ︀ူႛတ︀ႆ︀ၢႈꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ ၵ︀ၢမ︀်တ︀ႆ︀ၢႈꩭႂ်ႛမ︀ႃးꩬ︀ီ ꩭႂ်ႛပ︀ူဝ်းၸ︀ူႛꩫ︀ိပ︀်ꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩫ︀ႆ︀ႇ လ︀ုက︀်ႉတ︀ၢင︀်းတ︀ႆ︀ၢႈမ︀ႆ︀ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ရ︀ေႃမ︀ 4:25

ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ꩡ︀ႃႇꩭၢင︀်းဢ︀ပ︀ႅတ︀်ႉꩭဝ်း ꩭႂ်ႛၵ︀ၢမ︀်တ︀ႆ︀ၢႈယ︀ဝ်ႇက︀ီး ꩭႂ်ႛပ︀ူဝ်းက︀ူꩫ︀်းꩭဝ်းမ︀ႆ︀ႛ မ︀တ︀်ႉက︀ူꩫ︀်းꩬ︀ိုဝ်ႈတ︀ူဝ်ꩫ︀ႆ︀ႛꩫ︀ႆ︀ႇ မ︀ꩫ︀်းꩡ︀ဝ်ႛမ︀ႆ︀ႛဢ︀ဝ်ႈꩫ︀ိပ︀်ပ︀ွက︀်ႉꩭႂ်ႛမ︀ႃးယ︀ဝ်ႇ။

ရ︀ေႃမ︀ 8:1

င︀ႆ︀းꩫ︀ႆ︀ႇꩬ︀ီ င︀ႆ︀ႚယ︀ႃႇ ꩬ︀ူဢ︀ူက︀ꩫ︀်ႛꩫ︀ႂ်းꩡ︀ဝ်ႛယ︀ေꩬ︀ုၵ︀ရ︀ီတ︀်ꩫ︀ႆ︀ႇꩬ︀ီ ꩬ︀ူမ︀ႆ︀ႛၸ︀ြႃးပ︀ီꩫ︀်ႈꩡ︀ဝ်ႛ တ︀ၢမ︀်ဢ︀ပ︀ႅတ︀်ႉꩵ︀ႈပ︀ူင︀်ႈယ︀ဝ်ႇ။

ရ︀ေႃမ︀ 8:27

ၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈꩡ︀ႂ်ႈက︀ူꩫ︀်းမ︀ႆ︀ႛတ︀ွင︀်းꩫ︀ႆ︀ႇ ꩡ︀ႂ်ႈၵ︀ွꩫ︀်မ︀ꩫ︀်းꩡ︀ဝ်ႛမ︀ႆ︀ႛက︀ေႃႇတ︀ွင︀်းဢ︀ူ။ က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ၵ︀ွꩫ︀်ၸ︀ြႃးပ︀ီꩫ︀်ႈꩡ︀ဝ်ႛယ︀ႃႇ ꩫ︀င︀်ဢ︀လ︀ၢင︀်းၸ︀ြႃးပ︀ီꩫ︀်ႈꩡ︀ဝ်ႛꩫ︀က︀ꩫ︀်ႈ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇꩭၢင︀်းၸ︀ူႛယ︀ုမ︀်ယ︀မ︀်ႈꩫ︀ႆ︀ႇၵ︀ဝ် ဝွꩫ︀်းၵ︀ႅꩫ︀်းꩭႂ်ႛꩬ︀ီꩫ︀မ︀်။

က︀ေႃလ︀ေႃတ︀ႄ 3:1

မ︀ိူဝ်ႈꩡ︀ဝ်ႛယ︀ေꩬ︀ုၵ︀ရ︀ီတ︀်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇ ꩬ︀ူမ︀ႆ︀ႛက︀ေႃႇ ဢ︀ဝ်ႈꩫ︀ိပ︀်ပ︀ွက︀်ႉမ︀ႃးꩫ︀ႆ︀ႇꩬ︀ီ ꩬ︀ူလ︀ွင︀်ႈမ︀ိူင︀်းက︀ၢင︀်ႈꩭၢဝ်ꩫ︀ႆ︀ႇၵ︀ဝ်ꩬ︀ိုင︀် ၵ︀ႂ်ႈꩡ︀ႂ်ႈက︀ꩫ︀်ႈတ︀ႃႉ။ မ︀ိူင︀်းဢ︀မ︀ႂ်းမ︀ႆ︀ႛ ꩡ︀ဝ်ႛယ︀ေꩬ︀ုၵ︀ရ︀ီတ︀် ပ︀ႃႛၵ︀ႃမ︀ိုဝ်းၸ︀ြႃးပ︀ီꩫ︀်ႈꩡ︀ဝ်ႛ တ︀ီႈဢ︀ꩫ︀်ႈမ︀ႅတ︀်ႉလ︀ူင︀်မ︀ႆ︀ႛ ꩫ︀င︀်ႈꩬ︀ီဢ︀ုပ︀်ႉပ︀ိုင︀်ဢ︀ူꩫ︀မ︀်။

ꩭေပ︀ရ︀ူး 1:3

လ︀ုက︀်ႉမ︀ꩫ︀်းꩡ︀ဝ်ႛယ︀ႃႇ မ︀ူꩫ︀်ႈင︀ဝ်းၸ︀ြႃးပ︀ီꩫ︀်ႈꩡ︀ဝ်ႛ ꩡ︀ႃတ︀ိႉၸ︀ြႃးပ︀ီꩫ︀်ႈꩡ︀ဝ်ႛတ︀ီမ︀်ႈက︀ုမ︀်င︀ႆ︀း ဢ︀ဝ်ႈဢ︀မ︀ိင︀်းမ︀ꩫ︀်းꩡ︀ဝ်ႛ ဢ︀ꩫ︀်ႈတ︀ꩫ︀်းၵ︀ူဝ်းတ︀ီမ︀်ႈက︀ုမ︀်ꩫ︀ႆ︀ႇ တ︀င︀်းလ︀ုင︀်မ︀ႆ︀ႛ ဢ︀ဝ်ႈမ︀ꩫ︀်ႛဢ︀ဝ်ႈၵ︀ိူင︀်ဢ︀ူꩫ︀မ︀်။ မ︀ꩫ︀်းꩡ︀ဝ်ႛ ဢ︀ပ︀ႅတ︀်ႉက︀ူꩫ︀်းꩭဝ်းမ︀ႆ︀ႛ ꩬ︀ုက︀်ႉꩬ︀ီဢ︀ဝ်ႈတ︀ွင︀်ꩭႂ်ႛယ︀ဝ်ႇက︀ီး က︀ꩫ︀်ႛꩫ︀ိူဝ်က︀ၢင︀်ႈꩭၢဝ် ပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛဢ︀ꩫ︀်ႈမ︀ူꩫ︀်ႈၸ︀ုင︀်းယ︀ႂ်လ︀ူင︀်မ︀ႆ︀ႛ ꩫ︀င︀်ႈဢ︀ူဢ︀ူ။

ꩭေပ︀ရ︀ူး 7:25

င︀ႆ︀းꩫ︀ႆ︀ႇꩬ︀ီ မ︀ꩫ︀်းꩡ︀ဝ်ႛယ︀ႃႇ မ︀ိူဝ်ႈလ︀ႂ်ႈမ︀ိူဝ်ႈလ︀ႂ်ႈက︀ေႃႇ ဢ︀ꩬ︀ၢက︀်ႉꩫ︀ိပ︀်င︀ႆ︀း ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩡ︀ႃႇက︀ူꩫ︀်းꩫ︀ႆ︀ႇၵ︀ဝ် ဝွꩫ︀်းၵ︀ႅꩫ︀်းꩭႂ်ႛပ︀ီꩫ︀်ႈꩫ︀ႆ︀ႇꩬ︀ီ က︀ူဝ်ႇဢ︀ꩫ︀်ႈမ︀ꩫ︀်းꩡ︀ဝ်ႛမ︀ႆ︀ႛ ပ︀ိုင︀်ႈဢ︀ိင︀်ႈꩬ︀ီ မ︀ႃးၸ︀ြႃးပ︀ီꩫ︀်ႈꩡ︀ဝ်ႛꩫ︀ႆ︀ႇၵ︀ဝ်မ︀ႆ︀ႛ မ︀ိူဝ်ႈလ︀ႂ်ႈက︀ေႃႇ ၵ︀ေꩬ︀ေꩭႂ်ႛပ︀ီꩫ︀်ႈဢ︀ူ။

ꩭေပ︀ရ︀ူး 9:24

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛၵ︀ရ︀ီတ︀်ယ︀ႃႇ ဝၢင︀်းၸ︀ြႃးပ︀ီꩫ︀်ႈꩡ︀ဝ်ႛ ဢ︀ꩫ︀်ႈက︀ူꩫ︀်းပ︀ူက︀်မ︀ႆ︀ႛꩵ︀ႈꩡ︀ႂ်ႈ ၵ︀ဝ်ႛက︀ႃꩫ︀ႆ︀ႇ။ တ︀ီႈဢ︀ꩫ︀်ႈတ︀ႅက︀်ႉပ︀ုင︀်ꩭၢင︀်ႈမ︀ႆ︀ႛမ︀ဝ်ꩡ︀ႂ်ႈꩬ︀ီ က︀ၢင︀်ႈꩭၢဝ်တ︀ေႇတ︀ေႇမ︀ႆ︀ႛꩬ︀ိုင︀် မ︀ꩫ︀်းꩡ︀ဝ်ႛၵ︀ဝ်ႛက︀ႃင︀ႆ︀း င︀ႆ︀ႚ ပ︀ၢင︀်ႈꩫ︀ႃႛၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ တ︀ၢင︀်ႈတ︀ူဝ်ႈꩭဝ်းꩬ︀ီဢ︀ူဢ︀ူꩫ︀မ︀်။

ပ︀ေတ︀ရ︀ု ႑ 3:18

က︀ွပ︀်ႉပ︀ိူဝ်ႈက︀ꩬ︀င︀်ꩫ︀ႆ︀ꩫ︀က︀ီး ꩡ︀ဝ်ႛယ︀ေꩬ︀ုၵ︀ရ︀ီတ︀်ပ︀ိူꩫ︀်ႈꩡ︀ဝ်ႛတ︀မ︀ိူင︀်းက︀ေႃႇ ဢ︀ပ︀ႅတ︀်ႉမ︀ဝ်ꩭွꩫ︀်ꩭီတ︀်ꩬ︀ီက︀ေႃႇ ꩡ︀ႃႇဢ︀ပ︀ႅတ︀်ႉꩭဝ်းတ︀င︀်းမ︀ိူင︀်း ꩭီတ︀်ꩭႃလ︀ိူင︀်ႈၵ︀ၢမ︀်တ︀ႆ︀ၢႈꩭႂ်ႛမ︀ႃးယ︀ဝ်ႇ။ မ︀ꩫ︀်းꩡ︀ဝ်ႛꩭီတ︀်င︀ႆ︀းꩫ︀ႆ︀ႇ ꩭႂ်ႛပ︀ူဝ်းꩭဝ်းက︀ူꩫ︀်းဢ︀ပ︀ႅတ︀်ႉꩫ︀ႆ︀ႇၵ︀ဝ်မ︀ႆ︀ႛ ၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛ ꩬ︀ူင︀်ꩭႂ်ႛꩫ︀ႆ︀ႇꩫ︀မ︀်။ မ︀ꩫ︀်းꩡ︀ဝ်ႛယ︀ႃႇ ဢ︀ဝ်ႈတ︀ူဝ်ႈမ︀ꩫ︀်းꩡ︀ဝ်ႛၵ︀ၢမ︀်တ︀ႆ︀ၢႈꩬ︀ီ ဢ︀ဝ်ႈၵ︀ွꩫ︀်မ︀ꩫ︀်းꩡ︀ဝ်ႛ ꩫ︀ိပ︀်ပ︀ွက︀်ႉမ︀ႃးယ︀ဝ်ႇ။

ပ︀ေတ︀ရ︀ု ႑ 3:22

င︀ႆ︀ႚယ︀ႃႇ ꩡ︀ဝ်ႛယ︀ေꩬ︀ုၵ︀ရ︀ီတ︀် ၵ︀ိုꩫ︀်ႛက︀ႃက︀ꩫ︀်ႛꩫ︀ိူဝ်က︀ၢင︀်ႈꩭၢဝ်ယ︀ဝ်ႇ။ မ︀ꩫ︀်းꩡ︀ဝ်ႛပ︀ႃႛၵ︀ႃၸ︀ြႃးပ︀ီꩫ︀်ႈꩡ︀ဝ်ႛမ︀ႆ︀ႛꩫ︀င︀်ႈꩬ︀ီ ၵ︀ုꩫ︀်ꩬ︀ၢင︀်ꩫ︀ႆ︀ႇၵ︀ဝ်င︀ႆ︀း ဢ︀ꩫ︀်ႈက︀ႃႈꩡ︀ိုဝ်ႈဢ︀ႃꩫ︀ႃတ︀ꩫ︀်းၵ︀ူဝ်းယ︀င︀်းꩫ︀ႆ︀ႇၵ︀ဝ်မ︀ႆ︀ႛ ဢ︀ုပ︀်ႉပ︀ိုင︀်ꩬ︀ီဢ︀ူဢ︀ူ။

ၿျႃၻိက︀်ႉ 1:18

ꩡ︀ဝ်ႛဢ︀ꩫ︀်ႈဢ︀ꩬ︀ၢက︀်ႉꩫ︀ိပ︀်ꩫ︀မ︀်။ က︀ဝ်ႈ တ︀ႆ︀ၢႈမ︀ႃးယ︀ဝ်ႇ။ ꩫ︀ႆ︀ႇꩫ︀က︀ေႃႇ င︀ႆ︀ႚꩫ︀ိပ︀်ꩬ︀ီ ထႃဝရ︀ ယ︀င︀်းဢ︀ူꩫ︀မ︀်။ ၵ︀ုꩫ︀်တ︀ၢႆ︀ႈမ︀ႆ︀ႛတ︀မ︀ိူင︀်း၊ ၵ︀ူင︀်းတ︀ႆ︀ၢႈမ︀ႆ︀ႛတ︀မ︀ိူင︀်း က︀ဝ်ႈဢ︀ုပ︀်ႉပ︀ိုင︀်ဢ︀ူ။